Dagur - 02.12.1995, Blaðsíða 8

8 - DAGUR - Laugardagur 2. desember 1995
I VINNUNNI HIÁ BRYNJARI PÁLSSYNI, BÓKSALA
Brynjar Pálsson hefur rekið
Bókabúð Brynjars á Sauðár-
króki frá árinu 1982 og er hann
eini bóksalinn á Sauðárkróki um
þessar mundir. Áður vann hann
hjá Kaupfélaginu á staðnum,
byrjaði að vinna þar sem ungl-
ingur, og rak m.a. bifreiða- og
vélaverkstæði Kaupfélagsins í
aldarfjórðung. Hann hefur búið
á Sauðárkróki frá því hann var
tveggja vikna gamall og segir að
hvergi sé betra að vera.
„Það er mikill munur á því að
vera sjálfstæður atvinnurekandi
og því þegar ég var að þjóna öðr-
um en sjálfum mér,“ segir Brynjar
í samtali við Dag. Hann sér þó
ekki eftir að hafa opnað bókabúð-
ina og segir reksturinn bæði fjöl-
breyttan og skemmtilegan. „Ég er
ekki bara bóksali heldur er ég líka
með framköllunarþjónustu fyrir
Kodak Express, umboð fyrir
Tryggingamiðstöðina hf. og bíla-
sölu fyrir nýja Toyota bíla og því
margt sem kemur þarna inn í.“
Fæstum dettur sennilega trygg-
ingaumboð og bílasala í hug í
tengslum við rekstur bókabúðar
en Brynjar segir að þetta fari allt
vel saman. „Eg er með starfsfólk
sem sinnir fyrir mig því sem þarf í
búðinni en ég tek aftur á móti við
pöntunum af því sem kemur inn
t.d. í sambandi við bíla og trygg-
ingar.“
Auk rekstursins starfar Brynjar
líka töluvert að félagsmálum og er
m.a. formaður hafnarnefndar.
„Mér fínnst sjálfsagt að vinna fyr-
ir bæjarfélagið eins og hægt er,“
segir hann.
Fjórðungur veltunnar
í desember
Brynjar er ekki í vafa hvað honum
þyki skemmtilegast í vinnunni.
„Samkiptin við fólkið sem ég hitti
daglega, ekki spuming.“ Hann
viðurkennir hins vegar að rekstur
bókabúðar geti verið erfiður, ekki
síst þar sem að minnsta kosti
fjórðungur veltunnar sé í desem-
ber. Þetta sé gjörólíkt því að reka
t.d. matvöruverslun þar sem salan
sé stöðug allan ársins hring. „Mat-
varan er nauðsynjavara en bókin
virðist vera orðin Iúxusvara," seg-
ir hann og er ekki alveg sáttur við
að svona sé komið fyrir bókaþjóð-
inni.
Brynjar segir viðskiptavini sína
aðallega vera frá Sauðárkróki en
eitthvað er þó um að fólk úr sveit-
unum í kring versli hjá honum.
Bókabúð Brynjars er eina bóka-
búðin á Sauðárkróki en Kaupfé-
lagið rekur þrjár bókabúðir í
Skagafirði; í Varmahlíð, á Hofsósi
og á Ketilási. Hann telur þó Kaup-
félagið ekki sinn harðasta keppi-
naut heldur miklu fremur síma-
sölumennina. „Þessi eilífa síma-
sala er að tröllríða landinu. Síma-
salar eru hringjandi á hverju ein-
asta kvöldi, stundum tvö eða þrjú
símtöl í hvert hús, og þeir eru
kannski farnir að veita mesta sam-
keppni."
Jólatraffíkin byrjar seinna
Vinnutími Brynjars er langur og
má segja að hann sé á vakt allan
sólarhringinn. „Ég byrja klukkan
sjö til átta að morgni og þó ég sé
kominn heim klukkan sjö er dagur
ekki að kveldi kominn því margt
þarf að hugsa og í mörgu þarf að
snúast."
- Er jólatraffíkin byrjúð?
„Þetta hefur breyst gífurlega
síðustu árin. Áður hófst bókasala
um miðjan nóvember en nú má
segja að bækur byrji ekki að selj-
ast fyrr en í byrjun desember,“
segir hann. „Fólk er farið að nota
sömu aðferðina og þegar það
kaupir í jólamatinn; það kemur
bara á síðustu dögunum og kaupir
til jólanna."
Brynjar vill engu spá um hvaða
bækur verið jólabækumar í ár og
segir ómögulegt að sjá það fyrir.
„Enn eru ekki allar bækur komnar
á markað," segir hann og bendir á
að fyrir bóksala sé það mjög baga-
legt þegar bækur komi ekki á
markað fyrr en um miðjan desem-
ber og jafnvel ekki fyrr en 18. eða
19. desember eins og dæmi eru
um og sé þar útgefendum einum
um að kenna. „Helst þyrftu allar
bækur að vera komnar út í sölu í
byrjun desember,“ segir Brynjar.
AI
Brynjar Pálsson hcfur rekið bókabúð á Sauðárkróki frá árinu 1982.
Mynd: Deborah
MATARKRÓKUR
Fljótlegt, auðvelt og ódýrt
Sigurlína Jónsdóttir, tónlistarkenn-
ari á Akureyri, er í Matarkróknum í
dag. Sigurlína er gift Michael Clark,
sem einnig kennir við Tónlistarskól-
ann á Akureyri. Dœturnar eru þrjár,
Audrey Freyja 7 ára, Helga Margrét
12 ára og Guðrún Dóra 20 ára, en
sú elsta er rétt flogin úr hreiðrinu.
Uppskriftirnar segir Sigurlína vera
úrýmsum áttum. Túnfiskpasta er
ódýr réttur og þvítilvalinn fyrirþá
sem eru að spara, t.d.fátœka nem-
endur. Að sögn Sigurlínu er líka
fljótlegt og auðvelt að búa réttinn til.
Brauðkörfurnar gerir hún oft þegar
koma gestir og þœr eru þœgilegar ef
tíminn er naumurþví hœgt er að
gera þœr fyrirfram og bœta fylling-
unni í síðar. Hægt er að setja ýmis-
legt annað en graflax í brauðkörf-
urnar, t.d. silung, rœkjur eða bara
hvað sem er segir Sigurlína.
„Eiginmaðurinn á þessa uppskrift, “
segir lutn um lambakóteletturnar en
ostanaslið er hennar eins og nafnið
gefur til kynna. „Þetta eru uppá-
haldssmákökurnar fyrir jólin hjá
krökkunum. “ Uppskrift af sítrónuosti
fékk síðan að fljóta með en Sigurlína
segir að svipaður ostur sé rándýr ef
hann er keyptur í búð. Sigurlína
skorar á mágkonu sína. Hildi Har-
aldsdóttur, að koma með uppskriftir
í nœsta matarkrók.
Túnfiskpasta á 150 krónur
fyrir fjóra
250 g pastaskrúfur
6 msk. olía
1 laukur
1 hvítlauksgeiri
I dós niðursoðnir tómatar (400 g
dós)
1 dós tómatþykkni (minnsta dós, um
20-50 g)
salt
syartur pipar
1 dós túnfiskur ■
2 msk. vatn
Á meðan pastaskrúfurnar eru að
sjóða er brytjaður laukurinn og hvít-
lauksgeirinn steiktur í olíunni. Bætið
niðursoðnum tómötum og tómat-
þykkni út í og látið malla í nokkrar
mínútur. Loks er túnfiski, salti,
svörtum pipar og vatni bætt út í og
látið malla í nokkrar mínútur. Vatni
er hellt af pastaskrúfunum og þeim
bætt út í áður en rétturinn er borinn
fram.
Brauðkörfur með graflaxi og
sýrðum rjóma
forréttur
Brauðkörfur:
3 franskbrauðssneiðar
3 heilhveitisneiðar
50 g brœtt smjör
1 hvítlauksgeiri, marinn
salt og ferskmalaður svartur pipar
Fylling:
110 g graflax.fínsaxaður
3 msk. sýrður rjómi eða hrein jógúrt
ceyenne pipar
bökunarbakki með holum (mujfins-
bakki)
Takið brauðsneiðamar og fletjið
þær út með brauðkefli eins þunnar
og hægt er. Notið glas eða lok til að
stinga út hringlaga form. Bræðið
smjörið ásamt hvítlauk, salti og
svörtum pipar og penslið brauðið
báðum megin. Þrýstið brauðkörfun-
um í holurnar á bökunarplötunni og
bakið við 180°C hita í um 20 mínút-
ur. Látið kólna. Hægt er að geyma
brauðkörfumar í loftþéttum köku-
dunk í allt að tvær vikur.
Setjið saxaðan graflax í brauð-
körfurnar og ögn af graflaxsósu og
síðan smá topp af sýrðum rjóma eða
jógúrt ofan á. Stráið ceyenne pipar
ofan á. Körfurnar haldast stökkar í
um 3 klukkustundir eftir að fyllingin
er sett í þær.
Súrmjólkurkótelettur
12-16 lambakótelettur
'á I súrmjólk
2 msk. tondorri krydd (sléttfullar)
Tandoori kryddinu er hrært sam-
an við súrmjólkina í skál og kótelett-
umar settar í og látnar marinerast yf-
ir nótt. Kóteletturnar eru síðan steikt-
ar í ofni við 200°C í 30-40 mínútur.
Borið fram með hrísgrjónum eða
kartöflum. Gott er að hafa með rifið
kínakál sem sett hefur verið á 1 msk.
olífuolía og 1 tsk. svartur hvítlauks-
pipar.
Ostanasl Línu
350 g hveiti
220 g smjör
230 g Gouda ostur sterkur, rifinn
1 tsk. salt
'á tsk. ceyenne-pipar
l'A tsk. Worcestershire sósa
70 g Rice Krispies
Smjörið er linað og hrært saman
við ostinn í hrærivél. Hveiti, salti,
Ceyenne pipar og Worcestershire
sósu bætt út í. Að síðustu er Rice
Krispies bætt varlega út í með sleif.
Hnoðað í litlar kúlur og sett á
ásmurða bökunarplötu. Þrýst á og
flatt út með gaffli. Bakað við 180°C.
Sítrónuostur
Lemon crud
legg
rifinn börkur og safi úr þremur
sítrónum
100 g smjör
350 gsykur
Þeytið egg og sítrónubörk í stórri
skál. Setjið sykurinn, smjörið og sítr-
ónusafann í eldfasta skál. Hitið í ör-
bylgjuofni á fullum styrk í 6 mínútur.
Hellið síðan varlega út í eggjahrær-
una og þeytið stöðugt. Setjið í ör-
bylgjuofn í 14 mínútur og hrærið eft-
ir 2 og 4 mínútur og síðan einu sinni
á mínútu eftir það til að forðast að
hræran missjóði. Hellið síðan í
krukkur í gegnum sigti.
Sítrónuostur geymist í kæliskáp í
1 mánuð. Gott er að nota hann á rist-
að brauð eins og marmelaði. AI