Dagblaðið Vísir - DV - 06.08.1994, Blaðsíða 8
8
LAUGARDAGUR 6. ÁGÚST 1994
Vísnaþáttur
Þegar best
mér lífið lét
Nú trúi ég aö viö höfum jafnað
okkur eftir gleðskap liöinnar helg-
ar og ný helgi opnar faöm sinn með
fógrum fyrirheitum og sollur allur
hjá Uöinn. Hvort sem við lékum
okkur að greiðslukortum vorum
eða ávísanaheftum er eitt víst aö
fram undan er einungis yfirbót og
hreinlifnaður. Þó kann að læðast
að okkur söknuður þegar gáski og
glaumur vor er kvaddur. Vel gæti
verið að þessi vísa Kolbeins Högna-
sonar tendraði minningar í hugum
margra:
Sárast raun þá síst ég met
silfur mitt að þrjóti.
Þegar best mér lífið lét,
lék ég mér að gijóti.
Næsta vísa er eftir Hreiðar E
Geirdal og dregur hún upp dökka
mynd af skemmtan ungmeyja:
Ýmsir gátu ungfrúr séð
eftir gleðUeiki,
ganga burt frá glaumnum meö
gin og klaufaveiki.
Um tilstand og snyrtitæki nútím-
ans þar sem ótal hlutir eru tU bjarg-
ar ef menn eru ekki sáttir við þaö
sem náttúran lagði mönnum tU í
upphafi kvað Hjálmar frá Hofi:
Fölsk eru brjóst og falskar brár,
fölsk ert þú í svörum.
Falskar tennur, falsað hár,
falskur roði á vörum.
Un nýja strauma í tísku kveöur
hið þingeyska alþýðuskáld Baldvin
Jónatansson:
Táldragandi tískan er,
tildrið má það sanna.
Fljóðin ganga furðu ber
fyrir sjónum manna.
Næsta vísa er eftir Jón Kristófer
kadett sem Steinn Steinarr hefur
gert ódauðlegan. Orti hann visuna
til vinar síns en sagði að hún gæti
ekki síður átt um hann sjálfan.
Vísan hljóðar svo:
Aldrei sést hann einn á ferð,
er það mjög að vonum,
því að timburmannamergð
mikU fylgir honum.
Haraldur hét maður og var
Hjálmarsson, jafnan kenndur við
Kamb. Um skeið var Haraldur
verslunarstjóri í Kron á Vestur-
götu, stundaði hótelrekstur og var
pylsuvagnseigandi á Siglufirði og
fleira. Gott þótti Haraldi vín og
fjalla margar vísur hans um vin
hans Bakkus og samvistir þeirra.
Til að mynda þessi:
Ég drekk fremur faglega
og fer ekki yfir strikið,
þótt ég drekki daglega
og drekki stundum mikið.
Dósóþeus Tímóteusarson var oft
í fylgd með Haraldi. Þegar fundum
þeirra bar saman í fyrsta sinn haföi
Haraldur heyrt sagnir af Dósa.
Virti hann Dósa fyrir sér stundar-
korn og mælti því næst fram þessa
vísu:
Hátt og hvelft er á þér enni,
ekki er þér um málið tregt,
en að þú sért mikilmenni
mér finnst það nú ótrúlegt.
Halli virti Dósa jafnan fyrir
greind hans og gott hjartalag en
orti um hann sem aðra vini sina
af kerskni. Þann morgun sem
Heklugosið 1947 hófst höfðu þeir
Hafii, Dósi og Jón Kristófer setið
saman á sjoppu og drukkið. Þegar
þeir komu út á götu voru blaða-
strákarnir að góla hver í kapp við
annan um Heklueldana. Þá orti
Haraldur:
Það er ekkert þjóðartjón,
þó að Hekla gjósi,
en illt er að vera verri en Jón
og vitlausari en Dósi.
Næsta vísa er löngu landfleyg og
hana orti Jón kadett er hann sá
fallega stúlku leiða amerískan dáta
fram hjá Hótel Heklu einn morgun:
Ó, leyf mér drottinn að deyja
dapurt er mannlífið.
Fósturlandsins Freyja
er farin í ástandið.
Um staðfestu stúlku einnar kvað
Sveinn frá Elivogum:
Ástalíf ég þekki þitt
það er gömul saga,
þú hefur mörgum strákum stytt
stundir nótt sem daga.
Um hina órannsakanlegu vegi
ástarinnar orti Jón S. Bergmann:
Vísnaþáttur
Valdimar Tómasson
Astin bhnd er lífsins lind,
leiftur skyndivega,
hún er mynd af sælu og synd,
samræmd yndislega.
Um ástandið var margt ort og
býsnast yfir léttúð ungmeyjanna.
Ekki þekki ég höfund þessarar
visu:
Áður var ég engum háð,
æskurjóö og fögur.
Nú er ég orðin Bretabráð,
barnshafandi og mögur.
Um siðferðisbresti og hrörnun
samfélagsins kvað óþekktur hag-
yrðingur. (Lbs 4001)
Þessi öld er undarlig,
aht vih ríða henni á sUg,
mun nú sérhver sUkihlín
súpa öl og brennivín.
Um stuttu tískuna orti EgUl Jón-
asson:
Stutta tískan steðjar að
stafar af henni ljóminn.
Forðum dugði fikjublað
fyrir helgidóminn.
Guðmundur Guðni Guðmunds-
son, iðnverkamaður í Reykjavík,
yrkir um Heijólfsdal í Vestmanna-
eyjum vísu þessa:
Sækja Dahnn sveinn og víf;
seiöir stundargaman
þar sem æska, ljós og líf
leggja þræði saman.
Ævintýraferðir Áskriftarsíminn er
í hverri viku 63#27«00
til heppinna
áskrifenda Island
DV! Sækjum þaö heim!
Matgæðingur vikuimar_____
Ýsa á súru beði
- og eggjakaka með fíflablomum
Þó svo að Philippe Rocart, matgæðingur vikunnar
að þessu sinni, komi frá Frakklandi ætlar hann að
bjóða upp á íslenskan mat. Hann segir það vissulega
hafa verið viðbrigði að bragða á íslenskum mat þegar
hann flutti hingað fyrir fimmtán árum ásamt ís-
lenskri eiginkonu sinni en maturinn þótti honum samt
góður. „Uppskriftirnar sem ég býð upp á eru með ís-
lensku hráefni. Mér þykir gaman að lesa upp-
skriftabækur en í þeim er oft hráefni sem ekki fæst.
En hins vegar getur maður fengiö góðar hugmyndir
úr bókunum og ég nota yfirleitt það sem hendinni er
næst,“ segir Philippe sem er heimavistarstjóri í Fjöl-
brautaskólanum á Akranesi. Philippe er auk þess
handverksmaður og er sérgrein hans spjaldvefnaður.
Hann litar meðal annars með jurtum og jurtir gegna
einnig miklu hlutverki í uppskriftunum sem hér fara
á eftir.
Eggjakaka
með fíílablómum
5-6 egg
1 dl kaffirjómi
smjör
salt og pipar
fíflablóm, 5-6 dl
Fíflablómin eru hreinsuð og smjörið brætt á pönnu.
Blómin eru steikt við vægan hita. Eggin hrærð og
ijómanum blandað saman við. Kryddað með salti og
pipar. Eggjablöndunni er síöan hellt yfir blómin og
steikt eins og venjuleg eggjakaka. Boriö fram á fifla-
blöðum og með ristuðu brauði.
Ýsa á súru beði
700-800 g ýsuflök
150 g rjómapiparostur
300 g af súrublöðum (túnsúra og eða ólafssúra)
blóðberg, 10-15 blómstiklar
salt
Helmingurinn af súrublöðunum er settur á álpappír
auk helmings af ostinum. Þar ofan á er settur helming-
urinn af ýsuflökunum sem eru söltuð lítillega. Ofan á
fiskinn er settur afgangurinn af súrunum og ostinum.
Síðan er bætt við afganginum af fiskinum og ofan á
hann er stráð blóðbergi. Álpappírnum er lokaö og rétt-
urinn bakaður í 180 gráða heitum ofni í 40 mínútur.
Borið fram með nýjum, soðnum kartöflum.
Philippe Rocart, matgæðingur vikunnar.
Fjallagrasabúðingur
1 1 mjólk
4 egg
100 g sykur
salt
hnefafylli af fjallagrösum
Fjallagrösin eru hreinsuð og grófsöxuð. Egg og sykur
þeytt saman. Mjólkin er hituð að suðu og pínulítið af
salti sett út í. Þegar suðan kemur upp er potturinn
tekinn af hellunni, grösin sett út í og hrært vel. Bland-
að saman við eggjahræruna og blöndunni hellt í djúpt
mót eða nokkrar litlar skálar. Bakað við 180 gráður í
40 mínútur. Borið fram með þeyttum rjóma og blá-
berjasultu eða einhverri annarri sultu, helst heimala-
gaðri, tekur Philippe fram. Hann skorar á Magnús
H. Ólafsson, arkitekt á Akranesi, aö vera næsti mat-
gæðingur en hann er listakokkur að mati Philippe.
Hinhlidin
Stefni að leikarastarfi
- segir Svala Björgvinsdóttir söngkona
„Við erum að semja lög núna og
bæta við prógrammið hjá okkur
fyrir veturinn því við ætlum að
reyna að spfia mikið á mennta-
skóla- og gagnfræðaskólaböllum.
Svo getur verið að við förum á safn-
plötu og við erum m.a. að vinna í
því,“ segir Svala Björgvinsdóttir,
söngkona hljómsveitarinnar
Scope, sem sýnir á sér hina hliðina
aö þessu sinni, en hljómsveitin hef-
ur vakið mikla athygli að undan-
fórnu.
Svala segist ætla sér að halda
áfram að syngja en hún sé samt
staðráðin í að klára skólann en hún
var að klára fyrsta bekk í Kvenna-
skólanum.
„Það er alveg ótrúlegt hvað
hljómsveitin hefur gengið vel og
þetta hefur komið manni mikið á
óvart. Mér finnst söngurinn gefa
mér mikið og ég fæ aOa mína útrás
með honum.“
Fullt nafn: Svala Karitas Björg-
vinsdóttir.
Fæðingardagur og ár: 8. febrúar
1977.
Maki: Einar Egilsson.
Börn Engin.
Bifreið: Engin.
Starf: Söngkona í Scope og mennta-
skólanemi.
Laun: Misjöfn.
Áhugamál: Tónlist, bíómyndir,
leiklist, föt og atferlissálfræði.
Svala Björgvinsdóttir.
DV-mynd JAK
Hvað hefur þú fengið margar réttar
tölur í lottóinu? Engar.
Hvað finnst þér skemmtilegast að
gera? Það er svo margt. T.d. að
djamma og ferðast og vera með
kærastanum og vinum.
Hvað finnst þér leiðinlegast að
gera? Að vakna mygluð í röku og
köldu tjaldi.
Uppáhaldsmatur: ítalskur gourmet
matur og pasta.
Uppáhaldsdrykkur: Baileys on ice.
Hvaða íþróttamaður finnst þér
standa fremstur i dag? Ég fylgist
ekkert með íþróttum.
Uppáhaldstímarit: The Face.
Hver er fallegasti karlmaður sem
þú hefur séð fyrir utan maka Step-
hen Dorff.
Ertu hlynnt eða andvíg ríkisstjórn-
inni? Hlynnt, auðvitað.
Hvaða persónu langar þig mest til
að hitta? Jim Carrey.
Uppáhaldsleikari: Woody Allen.
Uppáhaldsleikkona: Diane Keaton.
Uppáhaldssöngvari: Minnie Rip-
perton.
Uppáhaldsstjórnmálamaður: Eng-
inn.
Uppáhaldsteiknimyndapersóna:
Daffy (Dumas) Duck.
Uppáhaldssjónvarpsefni: Bottom á
Stöð 2.
Ertu hlynnt eða andvíg veru varn-
arliðsins hér á landi? 100% hlynnt.
Hver útvarpsrásanna finnst þér
best? X-ið.
Uppáhaldsútvarpsmaður: Robbi.
Hvort horfir þú meira á Sjónvarpið
eða Stöð 2? Stöð 2.
Uppáhaldssjónvarpsmaður? Allir
meðhmir í Saturday Night Life.
Uppáhaldsskemmtistaður: Rosen-
berg var uppáhaldsskemmtistað-
urinn áður en honum var breytt.
Uppáhaldsfélag í íþróttum: Ekkert.
Stefnir þú að einhverju sérstöku í
framtíðinni? Að leikarastarfi.
Hvað ætlar þú að gera í sumarfrí-
inu? Aö spila úti um allar trissur.