Dagblaðið Vísir - DV - 01.10.1994, Page 27

LAUGARDAGUR 1. OKTÓBER 1994
35
Maðurinn sem
ætlaði strax í
nýja sambúð
„Viö Gunnlöð ætlum að fara að
búa saman,“ sagði Gottskálk Kjag-
an múrari og brosti breitt framan
í Nökkva lækni inni á reykvísku
kaffihúsi. Ungir höfðu þeir kynnst
fyrir langa löngu þegar þeir unnu
hjá Slippfélagi Reykjavíkur sumar-
langt. Þá voru þeir báðir ungir og
hamingjusamir, lífið brosti breitt,
Glaumbær var óbrunninn og ekk-
ert fjall var ókleift. Árin liðu og
leiðir þeirra félaga skildu. Gott-
skálk réð sig á togara og dró björg
í þjóðarbúið. Nokkrum árum síöar
kvæntist hann jafnöldru sinni og
þau fóru að búa í Breiðholti. Eftir
venjuleg átök og erfiðleika skildu
þau með látum. Gottskálk var einn
einhverja mánuði en fór fljótlega í
aðra sambúð sem stóð ekki lengi.
Hann fluttist til Svíþjóðar og fór
að búa með hnellinni afgreiðslu-
stúlku í ísbúð. Þau fóru sitt í hvora
áttina eftir einhverja mánuði enda
fóru meiningar Gottskálks á lífi og
tilveru ekki saman við staðlaða
sænska lífsskoðun. Hann flutti
heim og hóf sambúð með gleði-
lausri flugfreyju sem hann hafði
kynnst í flugvél á heimleiðinni. í
þeirri sambúð jókst bæði sælgætis-
át og drykkja til muna enda voru
tollfrjálsir skápar flugfreyjunnar
eins og sælureitur á öræfum í aug-
um Gottskálks Kjagan. Tveimur
árum, fjölmörgum aukakílóum og
einu sveinbarni síðar hafði Gott-
skálk misst áhugann á flugfreyj-
unni og vín- og sælgætisbirgðum
hennar. Þá hafði hann kynnst
Gunnlöðu Gullhamar, tvítugri
Reykjavíkurmey sem sigraði í fjöl-
mörgum blautbolakeppnum á
bjórkrám viö Laugaveginn. Gott-
skálk sagði henni frá sambúðar-
örðugleikum sínum og þeirri
óheppni sem elti hann þegar konur
voru annars vegar. „Það er engin
sem skilur mig,“ sagði hann og
horfði inn í endalaus og skilnings-
rík augu Gunnlaðar. „Þú ert fyrsta
konan sem ég hef hitt sem metur
mig að verðleikum," sagði hann
síðan. Gunnlöð roðnaði og þótti
hrósið gott. Þau sváfu saman viku
síðar. Sambandið við flugfreyjuna
versnaði til muna eftir þetta og
Gottskálk fúlsaði bæði við bjór og
tollfrjálsum slifsum.
Fíflið og þrællinn
Hann hitti Nökkva vinnufélaga
sinn á fornum vegi einn fóstudags-
morgun og bauð honum í kaffi.
Á læknavaktiimi
Óttar
Guðmundsson
læknir
Hann sagði honum alla sólarsög-
una og endaði á þeirri fyrirætlan
sinni að segja skilið við flugfreyj-
una en hefja sambúð með Gunn-
löðu yngismey. „Hvað finnst þér,
Nökkvi?" sagði Gottskálk og hellti
sér í bolla lútsterku kaffi. „Þú ert
allra manna lífsreyndastur!" „Mér
finnst eins og þér liggi fullmikið
á,“ sagði Nökkvi með hægð.
„Stundum skiptir mestu að bíða
um stund, anda djúpt og átta sig á
stöðunni áður en ákvörðun er tekin
um næsta leik. Mundu Gottskálk
minn, að fíflið er fljótt að velja
vegna þess aö því finnst allt svo
augljóst. Þrællinn er líka fljótur að
velja vegna þess að hann á ekkert
val. En þú ert hvorki þræll né fífl
svo að þú veröur að gera hlé og
eiga ráðrúm til að íhuga kosti, beita
vitinu og átta sig á eigin frelsi til
athafna. Mundu að Kristur fór og
fastaði 4ð daga og nætur í eyði-
mörkinni til að hugsa málin og
velta stöðunni fyrir sér. Búdda tók
sér tómstund í liðlega sex ár áður
en hann fann þann veg sem hann
vildi fara. Þeir sem aldrei taka sér
tóm til að hugsa halda að næstu
skref séu augljós og liggi ávallt
beint áfram. Sjáðu hvernig búsmali
eða kýr láta leiða sig beint af aug-
um. Viltu vera þannig? Þeir sem
leita hratt verða sjaldanst fundvísir
vegna þess að í óðagotinu velta
þeir ekki fyrir sér fleiri felustöðum
en þeim einum sem blasir við sjón-
um í daufu skini vasaljóssins sem
þeir eru meö. Þeir sem rasa frá ein-
um atburði til annars verða aldrei
annað en viöbragð við einhverju
öðru en aldrei orsök neins. Ekki
viltu það? Þess vegna skiptir svo
miklu í þessu máli að hugsa sinn
gang og æða ekki út í neitt sem
ekki verður aftur tekið.“ Þetta var
nú meiri ræðan! Nökkvi gerði hlé
á máli sínu og leit á Gottskálk Kjag-
an. Hann sat og gapti upp f lækn-
inn. „Þetta var löng ræða. Þú ættir
að fara í pólitík," sagði hann. „Svo .
að þér finnst að ég eigi að sleppa
þessari stúlku. Hún er það besta
sem hefur nokkum tima hent mig.
Hún er af öðra sauðahúsi en öll
flögðin sem ég hef búið með til
þessa.“ Nökkvi svaraði fáu en
brosti í kampinn. Honum fannst
hann hafa heyrt þetta áður. „ Ann-
ars getur þú ekki sagt neitt um
þetta má), Nökkvi skottulæknir. Þú
hefur ekki séð Gunnlöðu Gullham-
ar á blautum bol frá Russels At-
hletics og engu undir. Eigðu þína
löngu ræðu um þræla og fifl, Krist
og Búdda. Ég er farinn með heit-
konu minni upp í Mál og menningu
að kaupa skólabækur." Hann stóð
á fætur og gekk hratt til dyra. Hann
var miðaldra, feitlaginn múrari á
leiðinni úr öskunni í eldinn með
brosávör.
f Glæsileg N
verslunarinnrétting
fyrir fataverslun ásamt
loftlýsingu til sölu.
Upplýsingar í síma 61 69 60 frá kl. 9-18.
Til sölu Ford Econoline 6,9, turbo, dísil
★★ Einn með öllu ★★
6,9 turbo dísilvél með ATS turbo olíuverki, 5 gíra, beinskiptur
ZF gírkassi, læst drif, 38" dekk, léttmálmsfelgur, sími, CB-tal-
stöð, olíumiðstöð, ísskápur, vaskur, eldavél, innréttaður með
svefnaðstöðu, soðinn dúkur á gólfi, 6 tonna spil, þokuljós, 220
W straumbreytir, 2 stk. 850 Optima rafgeymar, litasjónvarp,
hljómflutningstæki með geislaspilara. V. 2.300.000 eða
1.950.000 stgr.
Uppl. í síma 654328.
Leikskólar
Reykjavíkurborgar
Óskum að ráða leikskólakennara eða annað uppeldis-
menntað starfsfólk í störf við neðangreinda leikskóla:
Funaborg v/Funafold, s. 879160
Holtaborg v/Sólheima, s. 31440
Nóaborg v/Stangarholt, s. 629595
Steinahlíð v/Suðurlandsbraut, s. 33280
Suðurborg v/Suðurhóla, s. 73023
I 50% starf e.h.:
Sæborg v/Starhaga, s. 623664
Ægisborg v/Ægisíðu, s. 14810
Nánari upplýsingar gefa viðkomandi leikskólastjórar.
Leikskólar Reykjavíkurborgar eru reyklausir
vinnustaðir.
Dagvist barna
Hafnarhúsinu, Tryggvagötu 17, sími 27277
| Langar þig í skemmtilegan skólaÉP
einu sinni í viku?
□ Langar þig að fá að vita flest af því helsta sem
vitað er um líkurnar á lífi eftir dauðann?
□ Langar þig í nám sem ekki er með fyrirfram-
skoðanir um fjarhrif, álfa eða huldufólk?
□ Langar þig að vera í aukanámi innan um sam-
nemendur og fræðimenn sem hafa brennandi
áhuga á flestöllum fræðum er lúta að mögu-
legu og líklegu sambandi okkar jarðarbúa við
aðra heima?
□ Langar þig í skemmtilegan skóla eitt kvöld eða
eitt laugardagssíðdegi í viku?
□ Langar þig að setjast í vandaðan skóla um
handanheimafræði og möguleika hugarork-
unnar þar sem skólagjöldunum er stillt í hóf?
□ Hefur þig ekki lengi langað að vita hvar látnir
vinir þínir og vandamenn hugsanlega eru í
dag og hversu öruggt meint samband við þá
er með aðstoð miðla?
Ef svo er þá áttu ef til vill samleið með okkur.
Hringdu og fáðu aiiar nánari upplýsingar í síma
91-612015.
Nokkur sæti í tveimur bekkjum skólans, þar sem
| nám hefst i næstu og þarnæstu viku, eru enn laus.
Skráningardagana er svarað i síma Sálarrann-
sóknarskólans alla daga vikunnar kl. 11.00 til kl.
22.30. Skrifstofa skólans er hins vegar opin alla
virka daga kl. 17.00 til 19.00 og á laugardögum
I kl. 14.00 til 16.00.
ASálarrannsóknarskólinn
Vegmúla 2 • Simi 91-612015