Þjóðviljinn - 03.12.1983, Blaðsíða 13
Hclgin 3.-4. desember 1983 ÞJÓÐVILJINN - SÍÐA 13
leihhús
Selfoss-Jörundur
Árni
Bergmann
skrifar
Leikfélag Selfoss.
Þið munið hann Jörund
eftir Jónas Árnason.
Leikstjóri: Viðar Eggertsson.
Leikmynd: Ólafur Th. Ólafsson.
Eftir því sem maður sér fleiri
Jörunda eflist sú sannfæring að
þessi pólitíski ærslaleikur með
prýðilegum söngtextum sé sér-
staklega vel við hæfi í þeirri
leikstarfsemi sem er rekin af góð-
um áhuga út um allt land. Stund-
um er mér nær að halda, að Jör-
undur Jónasar hafi tekið þann
sess sem áður skipaði Skugga-
Sveinn.
í formála sem Rögnvaldur
Finnbogason skrifar í leikskrá
fyrir Selfyssinga er vitnað til um-
mæla höfundar í þá veru að í
þessu verki „séu stórveldi að tak-
ast á um smáþjóð og land hennar,
en þetta sé gömul saga og ný og
speglist í þessu verki allir tímar
engu síður en samtíðin ein“. Og í
sögu Stúdíósusar hins slóttuga er
látin uppi sú von, að íslendingar
hafi rænu á því, að tefla óboðnum
gestum hverjum gegn öðrum og
skáka þeim svo út af landinu -
eins og þegar andalæknirinn á
Akureyri hleypti krabbameininu
í berklana sællar minningar og
hurfu báðir sjúkdómarnir úr
skjólstæðingi hans.
Jörundarsýningin undir stjórn
Viðars Eggertssonar á Selfossi er
skemmtileg og fjörleg. Ólafur
Th Ólafsson hefur búið henni
hreinlega og einfalda umgerð og
smekklega. Söngflokkurinn fór
ágætlega með hljóðfæri og svo
hina mildari ljóðrænu tóna í
söngvunum, en sitthvað vantaði í
röggsemi þegar efnt var til fjölda-
söngs. Yfirreið Jörundar um
landið komst hvergi nærri nógu
vel til skila - aftur á móti var lát-
bragðsleikurinn í kvennafari
Hundadagakóngs mjög skemmti-
lega af hendi leystur.
Rúnar Lund fór með hlutverk
Stúdíósusar og gerði margt vel,
en kannski hefur það verið mis-
ráðið hjá þeim leikstjóranum að
leggja hlutverkið upp'svo nálægt
Katli skræk (Þetta er reyndar
ekki í fyrsta sinn sem fram kemur
einhver óvissa um túlkunarmáta
á þessari persónu). Axel
Magnússon er mjög reffilegur og
öruggur Charlie Brown. Sigur-
geir Hilmar Friðþjófsson fór svo
með aðalhlutverkið, sjálfan
Jörund og mundi enginn segja
annað en þar færi vel þjálfaður
gamanleikari og mjög úrræða-
góður. Leikstjórn Viðars
Eggertssonar hefur það sér til
ágætis, að kraftar áhugamanna-
flokks nýtast vel og verða ekki
neinir áberandi veikir hlekkir á
þeirri keðju sem vafin er um
áhorfendur, sem fylltu Selfossbíó
nú á þriðjudagskvöldinu.
íslensk bókamenning er verómæti
Franz
Kafka
Réttaitiöldin
Ein frægasta skáldsaga heimsbókmenntanna
í þýðingu Ástráðs Eysteinssonar og Eysteins Þorvaldssonar
gefin út í tilefni af aldarafmæli höfundar.
Fá skáldrit hafa haft eins mikil áhrif
á skáldsagnagerð Vesturlanda og RÉTTARHÖLDIN.
Verk þetta geymir ótæmandi sannleika
um líf nútímamannsins og samfélag okkar daga.
SKÁLHOLTSSTlG 7— REYKJAVlK — SlMI 13652 S>
Banki
pr
Bústaða:
Gtensásog
fössvqgs-
hvem
Réttarholtsútibú Iðnaðarbankans á mótum
Sogavegarog Réttarholtsvegar.
Aukin þjónusta við íbúa nærliggjandi hverfa
og þá sem leið eiga hjá.
í Réttarholtsútibúinu fara fram öll almenn
bankaviðskipti.
Við leggjum sérstaka áherslu á persónulega
þjónustu og ráðgjöf; - t.d. um þau
mismunandi inn- og útlánsform sem henta
hverju sinni.
Verið velkomin á nýja staðinn
og reynið þjónustuna.
Iðnaðarbanidnn
Réttarhottsútibú,
Réttarholtsvegi 3, sími 85799