Þjóðviljinn - 17.03.1984, Qupperneq 18

18 SÍÐA - ÞJÓÐVILJINN Helgin 17. - 18. mars 1984
dægurmál

- Hvers á Dr. Jekyll að gjalda? Nú er spurningin: er Mr. Hyde af Fram-
sóknarættum... kannski frá Seglbúðum í Landbroti...?
Að meika
sig og það
Boy George er afkvæmi dá-
lítið kátbroslegrar tískukyn-
slóðar sem tilfinningalega
týnd og eirðarlaus leitar eftir
samþykki yfirborðsmennsk-
unnar.
Tjáning hennar sprettur
ekki af einlægri þörf heldur
falskri nauðsyn til upphafn-
ingar fátæklegs sjálfs. Upp-
sprettur andans eru skrauf-
þurrar og síendurtekning á sér
stað, bull er það sem blífur.
Listræn túlkun á sér stað
frammi fyrir spegli, þ.e.a.s.
stórkostlegar uppgötvanir og
möguleikar um gervi koma í
ljós.
Nálit sjálfsímyndin íklæðist
stórkostlegu litaskrúði og
fengitíminn getur hafist. Út-
litið svermir fyrir öllu sem
borgar sig, er allt, þ.e. ef
meiningin er að meika það.
Já, Strákur hefur gengið í
gegnum ótrúlega þrekraun og
lífsreynslu. Lítið bara á þessar
myndir, dýpt persónuleikans
leynir sér ekki. Sérstaklega er
nunnan hjartnæm...
Því miður eigum við ekki
myndir af nærfatnaði hennar
eða sokkum, en hver veit
nema við fáum að berja
drenginn augum ef við biðjum
aðstandendur Listahátíðar
heitt og innilega.
Ekkert múður, við viljum
Strákinn á Listahátíð.
Hann félli eins og flís við
rass inní myndina, holdi
klædd yfirborðsmennskan
sjálf.
$
- Dýrið í dag.
Stúdíógaldrakarlinn
og templarinn
Trevor Horn
Bretinn Trevor Horn er einn
eftirsóttasti upptökustjóri í rokk-
bransanum og nú um stundir kvað
t.d. eiga allan heiður af hversu
kröftuglega lagið Owner of a lonely
heart með gömlu gaurunum á Yes
hljómar, en Trevor Horn stjórnaði
upptöku á nýjustu breiðskífu Yes,
90125. Ein og hálf miljón eintaka
seldust af þeirri plötu fyrstu þrjár
vikurnar frá því að hún kom út og
var salan þá enn vaxandi. Má segja
að Yes hafi verið vakin upp úr
dauðadái með 90125 því að þeim
hafði gengið illa að halda uppi
fornri frægð og gæðum í nokkurn
tíma þar til hún kom út.
Upphaf ferils Trevors Horn í
rokkmúsík er líkur margra stráka á,
hans aldri (rúmlega þrítugur).
Hann dáði The Beatles og söng-
konuna Dionne Warwick, og byrj-
aði snemma að syngja og spila í
eigin hljómsveitum með vinum sín-
um, auk þess sem hann spilaði Bob
Dylan lög eftir pöntun viðstaddra á
hinum ýmsu pöbbum og klúbbum í
Leichester. Þetta músikbrölt hafði
sín áhrif á skólagönguna og hann
hætti loks í menntaskóla og gerðist
bassaleikari að atvinnu, spilaði t.d.
með ýmsum djassgrúppum og í stú-
díóum.
Þegar hann var 22 ára var hann í
hljómleikaferð meö Gary Glitter
og hljómsveit og gerðist drukkinn
vel í Manchester. Honum tókst að
fá lögregluna til að slást við sig og
því fylleríi lauk með helgi í steinin-
um og uppsagnarbréfi frá Glitter-
bandinu. Trevor Horn hefur verið
templari æ síðan.
Næsta skrefið var að Trevor
byggði sér lítið stúdíó frá grunni og
gekk rekstur þess í heila sex mán-
uði. Betra fyrir framtíðina reyndist
rómantík milli hans og s'öngkon-
unnar Tinu Charles, sem með tíð
og tíma leiddi til þess að hann
stjórnaði hljómsveit hennar og hélt
því starfi þótt hún giftist öðrum. í
hljómsveitinni byrjaði samstarf
hans og hljómborðsleikarans Ge-
offs Downes og þeir stofnuðu
hljómsveitina Buggles þegar þeir
hættu að spila með Tinu. Þá má
eiginlega segja að heimurinn hafi
fyrst fengið að heyra frá Trevor
Horn, því að lag Buggles, Video
killed the radio star varð geysivin-
sælt og er enda líklega eitt af snjall-
ari lögum dægurtónlistar, engin
ómerkileg dægurfluga.
Buggles lifði þó ekki lengi og
þeir félagar Geoff og Trevor voru
fengnir til að ganga til liðs við Yes,
sem kraftlítil þótti orðin. Ekki lík-
aði þeim vistin þar og Geoff Down-
es gekk í Asia en Trevor fór að
dunda í stúdíóvinnu. Og Yes lagði
upp laupana.
Dag nokkur fékk Trevor heim-
sókn, popphljómsveitin Dollar
kom og bað hann að stjórn plötu-
upptökum hljómsveitarinnar. Þar
með fór skriðan af stað. Þeir gerðu
það gott með hitt-lögum eins og
Poison arrow og The look of love.
Malcolm McLaren var næsti við-
skiptavinur með Duck rock, og
Buffalo Gals. Loks voru það Yes,
sem fremst eru nefndir.
Nú er Trevor í Ameríku að
stjórna upptöku á næstu plötu fyrir
Foreigner. „Upptökustjórum
finnst gaman að spreyta sig á ólík-
um verkefnum. Þess vegna
freistuðu Foreigner mín, af því að
enginn hefði heldur haldið að ég
færi að vinna með þeim“, segir
hann um þetta verkefni sitt.
(A þýddi lauslcga úr Musician).