Þjóðviljinn - 01.03.1985, Blaðsíða 3

FRETTIR
Hvað sögðu kennarar eför fundinn í gær?
Kristján Thorlacíus.
Kristín Jónsdóttir.
Heimir Pálsson.
Kristján Thorlacíus, formaður HÍK, ert þú ánægður með
niðurstöðu fundarins?
Ég er ánægður með hvað samstaðan og einhugurinn var mik-
ill. Eg geri ráð fyrir því að þótt ekki hafi allir greitt tillögunni
atkvæði, þá muni allur hópurinn ganga sameinaður út í þessa
aðgerð.
Att þú von á því að þetta verði langt stopp?
Ég trúi því varla að stjórnvöld reyni ekki að leysa þetta með
alvörusamningaviðræðum við okkar félag. Við erum með þessu
að knýja á um að gengið verði að samningaborðinu í fullri
alvöru.
Lýsir niðurstaða fundarins mikilli reiði meðal kennara?
Já, sú staðreynd að yfirgnæfandi meirihluti kennara skuli láta
verða af þessari hótun lýsir mikilli reiði, sem hefur verið að
safnast saman í mörg ár. Við höfum orðið vör við að það hefur
verið mönnum aðhlátursefni að við skulum vera að standa í
þessu starfi upp á þau kjör sem í boði hafa verið.
Attu von á því að margir kennarar muni hætta fyrir fullt og
allt?
Það fer eftir því hvað stoppið verður langt. Ef það dregst lengi
að semja heyri ég það á fólki að það muni leita í önnur störf.
ólg.
Kristín Jónsdóttir, ert þú ánægð með niðurstöðu fundarins?
Já, ég er mjög ánægð. Það ríkti eindrægni og samstaða um
þessi úrslit.
Áttu von á löngu stoppi?
Já, ég á allt eins von á því.
Heldur þú að einhverjir kennarar muni hverfa úr starfi fyrir
fullt og allt?
Ákveðinn hluti kennara hefur þegar ráðið sig í aðra vinnu, og
því lengur sem þetta stopp verður, þeim mun fleiri munu heltast
úr lestinni. Annars hlýtur þetta að fara eftir endanlegri niður-
stöðu. Verði samningstilboð ríkisstjórnarinnar lélegt leiðir það
til þess að fleiri kennarar muni ekki snúa aftur.
Hvað veldur þessum hörðu viðbrögðum kennara?
Ríkisvaldið hefur vitað um okkar kröfur í 8 mánuði og ekki
komið með neitt móttilboð allan þann tíma. Mælirinn er einfald-
lega fullur.
Ég vil að lokum taka það fram að niðurstöður endur-
matsnefndar, sem menntamálaráðherra skipaði, og skilaði nið-
urstöðum í dag, eru kennurum tvímælalaust mjög í hag og styðja
fullyrðingu okkar um að kennarastéttin hafi dregist mjög aftur-
úr í launalegu tilliti og að starf hennar hafi verið vanmetið af
ríkisvaldinu.
-ólg.
Heimir Pálsson, hvernig túlkar þú niðurstöðu fundarins?
Þessi afdráttarlausa niðurstaða sýnir svart á hvítu hvernig
ástandið í skólunum er orðið. Þetta er bæði afdrifarík og afger-
andi ákvörðun sem kennarar hafa tekið og hún er ekki tekin að
tilefnislausu. Kennarar hafa verið seinþreyttir til vandræða, en
nú sverfur svo að mönnum að þeir standa hér og geta ekki
annað.
Áttu von á að þetta verði langt stopp?
Ég ætla að vona að það verði mjög stutt, en ég vil engu um það
spá.
Áttu von á því að einhverjir kennarar muni hverfa úr starfi
fyrir fullt og allt?
Ég trúi því að fyrir marga kennara verði það þung spor að
snúa aftur til kennslu eftir það sem á undan er gengið. Ég vona
hins vegar að niðurstaða þessarar deilu verði það góð að við
getum aftur notið þeirra góðu starfskrafta sem nú hafa sagt upp
störfum. Þar veltur allt á niðurstöðunni.
ólg.
Norðurlandaráð
Háskólinn
730 manns á þingi
Bókmenntaverðlaun afhent. Páll Pétursson kosinn forseti þingsins.
200 blaðamenn. Tillaga um norrœna líftœknistöð á íslandi
Amánudaginn verður 33. þing
Norðurlandaráðs sett kl. 12 í
Þjóðleikhúsinu sem jafnframt
verður þingstaður. Nefndarfund-
ir og flokkafundir hefjast fyrr um
morguninn og verða haldnir í
Borgartúni. Þetta er langstærsta
þing Norðurlandaráðs hingað til
og munu þátttakendur vera um
730 manns, þar af 200 blaðamenn
sem hafa aldrei verið svo margir.
Bókmenntaverðlaun Norður-
landaráðs verða afhent í Háskól-
abíói meðan þingið stendur yfir
en eins og menn rekur vafalaust
minni til hlaut þau Finninn Antti
Tuuri.
Fyrir hönd íslands sitja eftir-
taldir aðilar þingið: Páll Péturs-
son sem kosinn verður forseti
þingsins á mánudag og flytur
jafnframt inngangserindi, Stefán
Benediktsson, Friðjón Þórðar-
son, Eiður Guðnason, Guðrún
Helgadóttir, Ólafur G. Einars-
son og Pétur Sigurðsson. ís-
lensku fulltrúarnir munu leggja
fram tillögu þess efnis að hér á
landi verði sett upp norræn líf-
tæknistöð.
Ýmis önnur mál verða á dag-
skrá þingsins. Er talið líklegt að
allmiklar umræður spinnist um
sjónvarpsmálin. Frá upplýsinga-
nefnd mun koma fyrirspurn um
Gyllenhammer-grúppuna svok-
ölluðu en í henni sitja auðjöfrar
og framámenn sem eru farnir að
blanda sér í efnahagsaðgerðir
Norðurlandaráðs og orðnir fyrir-
ferðamiklir. M.a. fengu þeir lán
uppá 1,5 milljónir sænskra króna
úr Norræna fjárfestingarbankan-
um, en afrakstur af starfi þeirra
þykir lítill.
Hafi einhver áhyggjur af
kostnaði við að halda svona stórt
þing hér á landi má geta þess að
fulltrúar íslands svöruðu því ein-
um rómi að tekjurnar sem eftir
yrðu í landinu væru örugglega
tvöfalt meiri en kostnaðurinn við
þinghaldið. _ aró.
Prófkjör
um rektor
I dag fer fram prófkosning um
rektorsefni í háskólanum. Próf-
kjörið er framið til að skýra lín-
urnar fyrir rektorskjörið sjálft,
2. aprfl.
Atkvæðisrétt eiga kennarar
skólans nema stundakennarar,
háskólamenntaðir starfsmenn
stofnana og stúdentar. Atkvæði
stúdenta gilda sem einn þriðji
greiddra atkvæða. Þessi eru tíðn-
efndust rektorsefni: Björn
Björnsson (guðfræði), Jónatan
Þórmundsson (lögfræði), Júlíus
Sólnes (verkfræði), Páll Skúlason
(heimspeki), Ragnar Ingimars-
son (verkfræði), Sigmundur
Guðbjarnason (efnafræði) og
Sigurjón Björnsson (sálfræði).
- m
Listviðburður
Tarkofskí til íslands
Allar myndir þessa útlœga sovéska
kvikmyndaleikstjóra sýndar hér
Kvikmyndaáhugamenn fá það
einstæða tækifæri dagana 9.-
15. mars að sjá allar myndir so-
véska kvikmyndalcikstjórans
Andrei 'I'arkofskís á einu bretti,
sjö talsins. Og ekki nóg með það,
þessari kvikmyndahátíð lýkur
með því að sjálfur meistarinn
kemur í heimsókn og verður hér
ásamt konu sinni í 4-5 daga.
Það er nýstofnuð Tarkofskí-
nefnd sem ber veg og vanda af
þessari hátíð. Hennar markmið
er að styðja við bakið á Tarkofskí
í þeirri frelsis- og
mannréttindabaráttu sem hann á
í við sovéska ríkið. Tarkofskí fór
fyrir þremur árum til ftalíu til að
gera nýjustu kvikmynd sína,
Nostalgia (Heimþrá), og sneri
ekki heim eftir það. Margt er á
huldu um hvaða atvik leiddu til
þess að hann tók þessa ákvörðun
en hitt er víst að sovésk
stjórnvöld hafa neitað Tarkofskt-
hjónunum að fá börnin sín þrjú
en þau urðu eftir heima.
Nefndin hefur fengið inni í
Háskólabíói og Regnboganum
með myndir Tarkofskís. Þær eru
sjö talsins og verða sýndar, ein á
dag, í Háskólabíói en eftir það í
Regnboganum. Það telst til ein-
sdæmis hér á landi að fólki gefist
kostur á að sjá allar myndir ein-
stakra kvikmyndaleikstjóra.
Nánar verður greint frá Tark-
ofskí og hátíðinni í blaðinu á
morgun og í næstu viku.
- ÞH

%Æk> Drifliðir og öxlar Vorum að taka upp driföxla og hjöruliði í margar gerðir fólksbíla. \ M.a. í Alfa, Citroen, Gottverð ^ Fiat, Honda, Saab, og Subaru. Póstsendum.
* elj n:| li nn s/f
SKEIFAN 5-108 REYKJAVÍK S (91) 33510 - 34504
Föstudagur 1. mars 1985 ÞJÓÐVILJINN - SÍÐA 3