Þjóðviljinn - 02.06.1985, Blaðsíða 23

„Soffía Guðmundsdóttir hafði þegar
tekið upp merki flokksins".
Ég fékk bréf aö norðan í
morgun í tilefni viðtals, sem
birtist í Þjóðviljanum á sunnu-
daginn. Bréfritari, samherji
minn og baráttufélagi í mörg
ár, orðar það nú ekki svo, en
þó er efni þessa bréfs býsna
hvöss spurning um það, hvort
Stefán Jónsson ætli að láta
þetta blaðaviðtal standa sem
eftirmæli sín um framboð og
pólitískt starf í Norðurlands-
kjördæmi eystra.
Ekki ætlaðist ég nú til þess.
Þeim hafði ég ætlað ýtarlegri um-
fjöllun og meira pláss í bókar-
korni. Þó fór það nú svo, þegar ég
hafði rennt augunum yfir bréfið
og skoðaði viðtalið gagnrýnum
augum vinar míns, að ég varð
skelfingu lostinn við þá tilhugsun
að ég hrykki kanski uppaf og
skyldi þetta eftir mig sem prívat
og persónuleg sannindi um störf-
in fyrir Alþýðubandalagið á
norðausturlandi. Það er beinlínis
af ótta við það, að umhugsunin
haldi fyrir mér vöku í nótt að ég
hripa þessa stuttu viðbót, nú í há-
deginu við spurningu Sigurdórs,
sem var svolátandi:
Segðu mér þá fyrst aðdragenda
þess að landsfrægur útvarpsmað-
ur og eyrnamerktur framsóknar-
maður fer allt í einu í framboð
fyrir Alþýðubandalagið?
Á eftir frásögninni af því, hvers
vegna undirritaður afþakkaði
framboð á Suðurlandi en bauðst í
staðinn til þess að fara fram í
Norðurlandskjördæmi eystra
hefði þurft að standa:
Ekki svo að skilja að flokkur-
inn ætti ekki mann í efsta sæti
listans fyrir norðan. Soffía Guð-
mundsdóttir hafði þegar tekið
upp merki flokksins á Akureyri
eftir brottför Björns Jónssonar
og sigrað í bæjarstjórnarkosning-
um. Akureyringar áttu ekki síður
rétt á fyrsta sæti á flokkslistanum
í sínu kjördæmi en Vest-
manneyingar í sínu. Ég geri ráð
fyrir að það, sem gerði mig að
æskilegum frambjóðanda fyrir
Alþýðubandalagið eins og þá var
ástatt í kjördæminu hafi einmitt
verið það sem fram kemur í
spurningunni, að ég var lands-
frægur útvarpsmaður og gamal-
eyrnamerktur úr röðum her-
stöðvaandstæðinga Framsóknar-
flokksins - og þar af leiðandi lík-
legur til þess að draga að atkvæði
umfram flokksfylgi.
Á þennan veg ætla ég að svarið
yrði a.m.k. nokkuð í áttina til
sanninda. Hitt er svo efni í miklu
alvarlegri og tímafrekari vanga-
veltur hvert breikkunarviðleitni
Sósíalistaflokksins, síðar Al-
þýðubandalagsins, hefur leitt
samtökin í eftirsókn eftir auknum
þingstyrk. Stundum, þegar ég
hugleiði hlutskipti þeirra fágætu
manna, sem hafa haldið tryggð
við flokkinn gegnum brimskafla
síðustu áratuga, suma komna
austan um hafið, aðra risna af
grunnslóð heima fyrir þá sé ég
þessa þyrpingu lífs og liðinna
„Ég held hún hafi hreint ekki sóst eftir
þakklæti fyrir framlag sitt í þágu Al-
þýðubandalagsins".
fyrir mér sem hetjur margra von-
brigða. f brjósti þeirrar fylkingar
blasir við mér ásýnd Soffíu Guð-
mundsdóttur. Ég held að hún
hafi hreint ekki sóst-eftir þakklæti
fyrir framlag sitt í þágu Alþýðu-
bandalagsins, enda ekki verið
boðið upp á ýkjamikið af slíku.
En svo hefði ég mátt haga orðum
mínum í fyrrnefndu viðtali að
vinur minn hefði ekki þurft að
fara í grafgötur um það, að við
sáum annað og meira í atfylgi
Soffíu Guðmundsdóttur við hug-
sjónir sósíalismans en sýningu
þekkilegra fótleggja á útifundin-
um sællar minningar í Hrísey.
Ná langt,
Kínverjar
Ef allir Kínverjar stæðu upp á
öxl hvers annars næðu þeir býsna
langt upp í loftið: þrisvar sinnum
lengra uppí geiminn en nemur
fjarlægðinni milli jarðar og
tungls.
Reykingar
hœttulegar
Nikotínið frá sígarettureyking-
um foreldra mælist greinilega í
þvagi frá smábömum þeirra.
Einnig er hægt að mæla magn
tíðni reykinga. Þannig er eitrið í
líkömum barnanna á heimilum
þar sem foreldrar reykja 5 til 10
sígarettur á dag helmingi minna
en þar sem reyktar eru yfir 20
sígarettur.
Hitinn
í sauna-baði
í röku Iofti eins og í sauna-baði
getur mannskepnan haldið út
hita allt að 140 gráðum á Celsíus.
Á hinn bóginn eru mörkin talin
vera við 260 gráður í þurru lofti.
Greindustu
menn í heimi?
Samkvæmt vísindablaði
nokkru sem Þjóðviljinn hefur
komist í, eru Japanir greindasta
þjóð í heimi. Að meðaltali hafa
Japanir fæddir 1960-61 greindar-
vísitöluna 115 og minnst 10%
þjóðarinnar eru með víistölu yfir
130. Að öllum líkindum hafa ís-
lendingar ekki lent í úrtaki meðal
þjóða í þessum greindarmæl-
ingum, þannig að máske er þetta
■ ekki alveg rétt með greindustu
þjóðina.
Stefán Jónsson.
Af heimagerðu tilefni
eftir Stefán Jónsson
a< aa'Gra
EINFÖLD OG ÓDÝR LAUSN
Hvar á að geyma blöðin? Prjónadótið? Lausa-
glingrið? Verkfærin? Vantar þig bókageymslur?
Fataskápa? Eða bara alhliða geymslupláss?
CARTOMOBILI leysir vandann.
Lygilega einföld og ódýr lausn.
CORTOMOBILI er til í smáum sem stórum
einingum. Þú raðar eftir eigin hugmyndum.
Kannaðu möguleikana áður en þú leitar á dýrari
mið. Hrein og klár bylting á geymsluplássi.
Framleitt úr sérlega styrktum harðpappa með
áferðarfallegri glanshúð. Kassaeiningarnar eru
járnstyrktar og þola allt að 100 kg þunga.
Litir: hvítt, rautt, gult, blátt og bleikt.
Endalausir möguleikar á uppröðun.
CARTOMOBILI er lausnin sem þig vantaði.
Dreifing á íslandi:
r: dfopinn