Þjóðviljinn - 02.06.1985, Blaðsíða 24

Brosað fyrir Ijósmyndarann að leik loknum. Medalíur fyrir unnin afrek hanga við barm. Ljósm. -v.
Tónl istarveisla í Óðinsvéum
Frásagnarbrot úr hljómleikaferð
Skólahljómsveitar Kópavogs til Danmerkur nokkra maídaga
Helga Rós Gissurardóttir og Guðmundur Hafsteinsson léku einleiksmilli-
kaflann af mikilli snilld. Ljósm. -v.
Hverjum dettur ekki
Skólahljómsveit Kópavogs
í hug þegar minnst er á
lúðrablástur? Svo er Birni
Guðjónssyni trompet-
leikara fyrir að þakka að
krakkarnir úr Kópavogi
hafa allt frá því 1967 borið
merki tónlistar af slíku tæi
hátt á lofti heima og er-
lendis og nýjasta afrekið á
erlendri grund var unnið
dagana 12.-20. maí þegar
sveitinni var boðið að
heimsækja alþjóðlega tón-
listarveislu í Oðinsvéum í
Danmörku.
Lagt af stað
Það var hress hópur sem lagði í
loftið sunnudaginn 12. maí síð-
astliðinn. 43 félagar úr Skóla-
hljómsveit Kópavogs, stjórnand-
inn Björn Guðjónsson og hans
elskulega kona Ingibjörg Jónas-
dóttir ásamt fararstjóranum
Guðrúnu Gunnarsdóttur, Guð-
rúnu Árnadóttur, Gyðu Helga-
dóttur og Valþóri Hlöðverssyni.
Áfangastaðurinn var Óðinsvé á
Fjóni, fæðingarstaður hins
heimsfræga tónskálds Carl Nil-
sens og ekki minni manns en H,-
C. Andersen ævintýraskálds.
Sveitinni hafði verið boðið að
taka þátt í alþjóðlegu tónlistar-
móti sem haldið var fyrsta sinni í
Óðinsvéum en í tengslum við það
fór fram einleikarakeppni túbu-
leikara sem fremja sína músík
sem áhugamenn.
Spilað
úti og inni
Augnablikin verða ekki endur-
tekin. Það er því þýðingarlaust að
ætla sér að lýsa því fyrir lesendum
Þjóðviljans hvaða strengir voru
snertir þegar lúðrarnir voru
þeyttir víða um hinn fallega bæ
Óðinsvé. Spilað var á götuhorn-
um, elliheimilum í Kongens
Have niður í miðbæ og víðar.
Alltaf dreif að fjölda fólks og
greinilegt á undirtektum að
Skólahljómsveit Kópavogs
stendur í fremstu röð. Því miður
gafst sveitinni ekki kostur á að
spila í hinu glæsilega tónlistarhúsi
þeirra Óðinsvéabúa en þar komu
hins vegar fram sveitir sem innan-
sveitarmaðurinn leyfir sér að full-
yrða að hafi staðið Skólahljóm-
sveit Kópavogs að baki. Ekki
meira um það.
Stjómandinn
Það sæmir kannski ekki í mál-
gagni sósíalismans að upphefja
framtak einstaklingsins. Hitt skal
fullyrt, án þess að vanmeta á
nokkurn hátt dugnað krakkanna
í Skólahljómsveitinni, að árangur
þeirra mega þau þakka einum
manni: Birni Guðjónssyni. Hann
hefur allt frá því sveitin var stofn-
uð árið 1967 unnið að mótum
hennar af ótrúlegri elju og ósér-
hlífni enda með ólíkindum hve
vel honum hefur tekist að gera
þjálfaða tónlistarmenn úr hinum
unga og óþroskaða efniviði.
I dag eru þeir líklega um 600
krakkamir í Kópavogi sem hafa
öðlast sín fyrstu kynni af tónlist-
argyðjunni fyrir tilverknað
Björns Guðjónssonar. Sum hafa
staðið stutt við eins og gengur en
önnur hafa lagt í lengra nám og
náð frama á tónlistarsviðinu
heima og erlendis. Sumir valds-
menn í héraði og á landsvísu hafa
stundum haft lítinn skilning á
þessu brautryðjendastarfi Björns
Guðjónssonar enda er mannin-
um lagið með skapfestu og tæpi-
tungulausu orðbragði að fá slíka
menn upp á móti sér. En árangur-
inn af stjórnunarstarfi Björns
hefur á móti ekki látið á sér
standa og þeir eru vonandi marg-
ir krakkarnir enn í Kópavogi sem
eiga eftir að njóta leiðsagnar
hans.
Krakkamir
Eins og áður sagði var undirrit-
aður einn fararstjóranna í ferð
Skólahljómsveitarinnar til Óðin-
svéa. Það var ekki laust við að
nokkurs kvíða gætti: eru þessir
krakkar ekki snarvitlausir?
Reynslan varð önnur og kom
raunar í ljós strax á fyrsta degi að
engin ástæða hafði verið til að
óttast að hlutir fæm úr böndum.
Auðvitað fylgja ærsl og fjör yfir
fjömtíu krökkum á aldrinum 10-
16 ára en þegar liðið var komið í
grænu búningana með Björn og
sprotann fyrir framan sig færðist
ró yfir og þeir spiluðu eins og
englar.
Að lokum
Þessi brot fara ekki á pappírinn
öðm vísi en maður þakki fyrir sig.
Skólahljómsveit Kópavogs var
ekki eini fulltrúi íslands á danskri
grund þessa góðu vordaga á Fjóni
heldur mætti og til leiks Skólakór
Kársness- og Þinghólsskóla undir
stjórn Þómnnar Björnsdóttur.
Fyrir hönd okkar allra eru færðar
þakkir fyrir að fá að vera þátttak-
andi eina örskotsstund í menn-
ingarævintýrinu mikla úr Kópa-
vogi.
-v
Múgur og margmenni safnaðist jafnan saman þegar Skólahljómsveitin þeytti lúðrana. Ljósm. -v.