Þjóðviljinn - 28.08.1987, Side 16

AKUREYRI
Hermann Sigtryggsson, æskulýðs- og íþróttafulltrúi á Akureyri: Undirbúningsvinnan að afmælishátíðahöldunum hefur verið skemmtileg en hörð törn oft á tíðum. Mynd: Ari.
Æskan lofar góðu
Hermann Sigtryggsson æskulýðs- og íþróttafulltrúi: Skipulagning hátíðahaldanna hefur verið ströng
en skemmtileg törn. Mikið gert fyrirunglinganaíbænum. Það hefur orðið mikil breyting á ungu fólki í
dag og fyrir 25 árum. Framtíðin lofar góðu
Það er oft á tíðum miklu meiri
vinna en margan grunar þegar
ráðist er í þau stórræði að halda
uppá vegleg afmæli. Það hafa
þeir f undið á sjálf um sér, þeir aö-
ilar sem hafa borið hitann og
þungann af allri undirbúnings-
vinnu afmælishátíðahaldanna,
fyrir 125 ára afmæli Akureyrar-
kaupstaðar, sem haldið verður
uppá með pompi og pragt á
morgun, laugardaginn 29. ágúst.
Til að forvitnast nánar um það
hvernig undirbúningi afmælisins
hefur verið háttað, hitti blaða-
maður Þjóðviljans Hermann
Sigtryggswn æskulýðs- og íþrótt-
afulltrúa að máli á skrifstofu hans
að Hafnarstræti 81 b. Hann var
fyrst spurður að því hvenær
undirbúningurinn hefði byrjað
fyrir afmælishaldið.
Undirbúningur
afmœlisins
„Þetta byrjaði allt með því að
það var skipuð sérstök afmælis-
nefnd á vegum bæjarstjórnarinn-
ar sem í sitja forseti bæjarstjórn-
ar, Gunnar Ragnars, og bæjar-
fulltrúamir þeir Freyr Ófeigsson
og Sigurður Jóhannesson að ó-
gleymdum bæjarstjóranum okk-
ar Sigfúsi Jónssyni.
í framhaldi af þessari afmæl-
isnefndarskipan var síðan sett á
fót nefnd embættismanna til að
útfæra þær hugmyndir sem upp
hafa komið um hvernig best væri
að koma þeim í verk. í þessari
vinnunefnd eru fyrir utan mig
sjálfan sem hef yfirumsjón með
gestum afmælisins, og sjálfum
heiðursgestinum, forseta íslands,
frú Vigdísi Finnbogadóttur, eru
þeir Ingólfur Ármannsson, sem
haft hefur á sinni könnu dagskrá
hátíðahaldanna og allt það sem
fram fer á göngugötunni, Árni
Steinar Jóhannesson garðyrkju-
stjóri sér um allt sem viðkemur
Lystigarðinum og skreytingum
ýmiskonar og Þorleifur Þór Jóns-
son, starfsmaður atvinnumála-
nefndar Akureyrarbæjar, sem
alfarið hefur séð um skipulagn-
ingu á iðnsýningunni og ráðstefn-
unni um iðnað og atvinnumál,
sem haldin verður í dag,
snemma, í Alþýðuhúsinu við
Skipagötu, en sjálf iðnsýningin
verður í nýrri og glæsilegri íþrótt-
ahöll, ef svo má að orði komast
þó svo að hún hafi ekki verið
tekin í notkun í ár, heldur fyrir
nokkrum árum.
Mikil törn
Við Ingólfur byrjuðum í maí að
vinna að undirbúningi hátíða-
haldanna, en bæjarstjórnin hafði
sett fé til framkvæmdanna á síð-
ustu fjárhagsáætlun fyrir þetta
ár.“
Nú þegar líður að lokum þess-
arar undirbúningsvinnu og af-
mælið er ánæsta leiti, hefur þetta
verið mikil og ströng törn hjá
ykkur?
„Já, það er óhætt að segja að
þetta hafi verið mikil og
skemmtileg törn þegar á allt er
litið, þó svo að það hafi stundum
verið ansi þreytandi, eins og oft
vill verða í vinnu sem þessari. En
okkur til hróss má nefna það að
öll dagskráin í tilefni afmælisins
er unnin af heimamönnum og
framkvæmd af þeim utan eitt
atriði fyrir ungu kynslóðina, sem
er heimsókn hins landsfræga lát-
únsbarka, Bjarna Arasonar, sem
kemur hingað og skemmtir."
Hefurðu áður staðið að skipu-
lagningu hátíðahalda í líkingu við
þessi?
„Já, ég kom fyrst til starfa hjá
bænum þegar undirbúningur stóð
sem hæst fyrir 100 ára afmælið
1962 og fékk mína eldskírn þá. Þá
var prímus motor í þessu öðling-
urinn hann Hermann Stefánsson,
sem í áratugi var íþróttakennari
við Menntaskólann. Hann var
mjög framsýnn maður og hefur
rutt margar brautirnar fyrir okk-
ur hina sem komu á eftir honum
og á hann ómældar þakkir skilið
fyrir það allt saman, en hann er
eins og kunnugt er látinn fyrir
nokkrum árum.“
Unglingastarfið
Þú hefur frá því þú byrjaðir að
vinna hjá Akureyrarbæ fyrir
aldarfjórðungi, einatt haft á þinni
könnu æskulýðs- og íþróttamál.
Hvernig er staða þessara mála-
flokka á Akureyri nú þegar bær-
inn stendur á vissum tímamótum í
sögu sinni?
„Það má jú alltaf gera betur en
gert er hverju sinni. En eins og
þessum málum er háttað hér á
Akureyri, held ég að ég geti full-
yrt að þau séu í góðu lagi eins og
hægt er. Við reynum að skapa
aðstöðu og halda uppi starfsemi
handa unglingunum í bænum í
þeim greinum sem íþróttafélögin
eru ekki í, því við reynum eftir
megni að keppa ekki við þau um
unglingana, heldur miklu fremur
að reyna að koma til móts við
þarfir þeirra sem af einhverjum
orsökum eiga ekki samleið eða
hafa ekki áhuga á almennum
íþróttum, sem er jú aðalstarf
íþróttafélaganna.
Hér í bænum eru starfandi
þrjár félagsmiðstöðvar sem starfa
í tengslum við skólana, en krakk-
arnir stjórna þeim að hluta til og
leggja sjálf upp skrárnar hverju
sinni, en að sjálfsögðu höldum
við í spottana að tjaldabaki.
Miðað við önnur bæjarfélög
sem ég þekki til er hér mikið úr-
val af allskyns tómstundastarfi
fyrir unglingana. Má þar til nefna
góða aðstöðu til sumar- og
vetraríþrótta í bænum. Þá höfum
við reiðskóla hérna rétt fyrir ofan
bæinn, sem nýtur mikilla vin-
sælda. Á veturna eru upplýstar
göngubrautir fyrir gönguskíða-
menn í Kjarnaskógi, en hann er
rekinn af Skógræktarfélagi Akur-
eyrar. Þá má ekki gleyma Dyn-
heimum, þar sem fram fer öflugt
unglingastarf undir styrkri stjórn
Seindórs Steindórssonar, en hann
er jafnframt forstöðumaður fé-
lagsmiðstöðvanna. Það er okkar
happ hér að þær hafa náð að
skjóta rótum meðal unglinganna,
en eins og kunnugt er hefur það
verið vandamál sumsstaðar að fá
unglingana til að notfæra sér þá
þjónustu sem félagsmiðstöðvarn-
ar hafa uppá að bjóða.“
Æskan: í dag
og fyrir 25 árum
Æskan í dag og fyrir 25 árum.
Er einhver munur á unglingunum
í dag og þá?
„Já, það er óhætt að segja það.
Unga fólkið er miklu opnara í dag
en þá. Frjálsræðið mun meira,
þau ferðast meira og vita meira
um rétt sinn hverju sinni. Einnig
er munur á því í dag og hér áður
fyrr að unga fólkið vill skoða sig
um í heiminum og reyna ýmislegt
á sjálfu sér, áður en það tekur til
við að axla þá ábyrgð sem þjóðfé-
lagið leggur á þau þegar þau velja
sér framtíðarstarf og koma sér
upp heimili. Það er eins og þau
vilji rasa út áður en þau taka við
þessar ábyrgð sem fullgildir þjóð-
félagsþegnar. Það var miklu
minna um þetta hér áður fyrr. Þá
luku menn sínum skóla og byrj-
uðu síðan að stofna heimili og
eignast krakka.
Þrátt fyrir þetta mikla
frjálsræði nútímans er nauðsyn-
legt að krakkarnir fái visst aðhald
í öllu þessu fjölmiðlafári sem mér
virðist einkenna íslenska nútíma-
samfélagið.“
Að lokum, Hermann. Áttu ein-
hverja ósk unglingum til heilla á
125 ára afmælinu?
„Ekki aðra en þá að þeir haldi
áfram á þeirri braut sem þeir eru
á í dag hér á Akureyri. Mér virð-
ist sem framtíðin sé mjög björt
fyrir bæinn okkar með allan
þennan efnivið af stórefnilegum
unglingum sem hér búa. Það þarf
að hlúa að þeim og gefa þeim
visst aðhald, miðla þeim af
reynslu okkar eldri. Ef fer sem
horfir þurfum við engu að kvíða
hér á Akureyri vegna æskunnar
hér. Hún lofar góðu,“ sagði Her-
mann Sigtryggsson að lokum.
grh
Hver verður
heiðursborgari?
„Það er alveg ómögulegt að
spá nokkuð í það hvort bæjar-
stjórn Akureyrar útnefnir ein-
hvern sem heiðursborgara í til-
efni 125 ára afmælisins á hátíðar-
fundi hennar á sjálfan afmælis-
daginn, laugardaginn 29. ágúst,“
segir Hermann Sigtryggsson,
æskulýðs- og íþróttafulltrúi. Að-
eins hafa verið útnefndir sjö
heiðursborgarar á Akureyri. Áf
þeim er aðeins einn á lífi, sá sem
heiðraður var síðast 1974, Jakob
FrímannMagnússon, fyrrverandi
kaupfélagsstjóri KEÁ. Aðrir
sem hafa orðið þess heiðurs að-
njótandi eru:
Matthías Jochumsson, prestur
og skáld 1920, Finnur Jónsson,
prófessor 1928, Jón Sveinsson
(Nonni), prestur og rithöfundur
1930, Oddur Björnsson, prentarí
1935, Margrét Schiöth, stofnandi
Lystigarðsins á Akureyri 1941,
Davíð Stefánsson, skáld 1955.
Verður svo einhver útnefndur á
morgun? grh
FALLEGUR FJÖLSKYLDUBÍLL
BIFREÐAR & LANDBÚNAÐARVÉLAR
Suðurlandsbraut 14 107 Reykjavík, sími 38600 10 línur
16 SlÐA - ÞJÓÐVILJINN Föstudagur 28. ágúst 1987