Þjóðviljinn - 21.10.1988, Blaðsíða 8
ÞÓM - SKOT
LEIÐARI
Fatlaðir afreksmenn
Frá Seoul í Kóreu berast nú fréttir af stór-
kostlegum sigrum íslenskra íþróttamanna.
Þessi tíðindi fá þó ekki þann heiðurssess í
fjölmiðlum sem venjan er þegar íslenskir
íþróttamenn sigra erlenda keppinauta. Ekki
eru nema örfáar vikur liðnar frá því annar hóp-
ur íslenskra íþróttamanna var við leik í sömu
borg. En þá voru fjölmiðlar uppfullir af frásögn-
um af ólympíuleikum og hafði þó enginn ís-
lendinganna sigur, enginn þeirra komst í úrslit-
akeppni, hvað þá að nokkur þeirra krækti í
verðlaun.
Munurinn á áhuga fjölmiðla þá og nú stafar
ekki af því að annar hópurinn standi sig betur í
keppni en hinn, heldur af því að síðari hópurinn
er skipaður fötluðu fólki. Enginn þeirra, sem nú
er við leik í Kóreu, gengur heill til skógar. Allir
eru þeir fatlaðir á einn eða annan hátt, ýmist
vegna fæðingaangalla eða þá vegna sjúk-
dóma eða slysa. A suma vantar fót, aðrir geta
ekki beitt handleggjum eðlilega og enn aðrir
fara um í hjólastól. En þeir leggja samt ekki á
sig minna líkamlegt erfiði en alheilbrigðir
íþróttamenn, stundum miklu meira. Og allir
hafa þessir fötluðu íþróttamenn þurft að berj-
ast við fordóma sem í mörgum tilfellum hafa
síast inn í brjóst þeirra sjálfra, þá fordóma að
engir skuli taka þátt í íþróttakeppni aðrir en þeir
sem eru líkamlega heilbrigðir.
íþróttaforkólfar fara á hátíðastundum með
þá þulu að ekki sé aðalatriðið hver sigrar í
íþróttakeppni, mestu skipti að vera með.
Sömu menn standa í miljónasamningum við
einkaaðila og opinberar stofnanir vegna þess
að farið er að reka íþróttafélög sem hver önnur
fyrirtæki. Fjárfest er í afreksmönnum eins og í
hverri annarri fasteign eða verðbréfi, enda
ganga þeir sums staðar kaupum og sölum.
Þekkt er að íslensk íþróttafélög beita fyrir inn-
lenda og erlenda afreksmenn þótt það þýði
vitaskuld að einhverjir heimamanna fá ekki að
vera með.
íþróttaleikir eru í harðri samkeppni við ýmiss
konar skemmtana- og afþreyingariðnað um
vasapeninga og tómstundir hins almenna
borgara. í miljónaþjóðfélögum er um stórkost-
legar fjárhæðir að ræða. Gífurlegur fjöldi
áhorfenda tryggir afreksmönnum góð laun
þótt þeir sinni engu öðru en íþrótt sinni.
í íslensku fámenni er um miklu lægri upp-
hæðir að ræða. Fáir eða engir geta því dregið
úr vinnu eða látið venjulegt brauðstrit eiga sig,
til þess eins að leika sér með bolta eða kasta
spjóti allan daginn. Þar þurfa að koma til ein-
hvers konar styrkir. Og þeir eru lagðir fram í
ríkum mæli af opinberum aðilum og einkafyrir-
tækjum. Oft leita íþróttamenn svo beint til hins
venjulega borgara. Þannig tekst að ná saman
umtalsverðu fé og gefa álitlegum hópi manna
kost á að helga sig nær algjörlega æfingum og
þátttöku í kappleikjum.
í hamagangi íþrótta- og auglýsingasamfé-
lagsins er auðvelt að fá íslendinga til að
gleyma því hversu fáir þeir eru. Nú finnst þeim
mörgum sjálfsagt að byggja nýja og glæsilega
íþróttahöll til að unnt sé að halda hér
heimsmeistaramót í handbolta. Þó veit sú
þjóð, sem eignaðist flugstöð fyrir hátt í fjóra
miljarða króna, að áætlun um byggingar-
kostnað upp á 300 miljónir er líklega brandari
sem getur sem hægast endað í meira en milj-
arði.
Þótt fötluðu íþróttamennirnir okkar setji ný
heimsmet, eru þeir ekki í heimsklassa í þeim
skilningi að íþróttafélög hér heima eða er-
lendis vilji greiða þeim stórfé fyrir að fá þá til
sín. En réttur þeirra til íþróttaiðkana er ekki
minni fyrir það.
Nú eru fimm ár síðan tekin var fyrsta skófl-
ustunga að íþróttahúsi fyrir fatlaða í Reykjavík.
Enn er húsið, sem kosta á 55 miljónir, óbyggt.
Ef fara á eftir árangri í Kóreu eða byggingar-
kostnaði, þarf ekki að fara í grafgötur með að
bygging nýrrar handboltahallar fær að bíða
þar til íþróttahús fatlaðra hefur verið klárað.
ÓP
Síðumúla 6*108 Reykjavík
Sími 681333
Kvöldsími 681348
Útgefandi: Útgáfufélag Þjóðviljans.
Ritstjórar: Árni Bergmann, Mörður Árnason, óttar Proppé.
Fréttastjóri: Lúðvík Geirsson.
Blaðamenn: Dagur Þorleifsson, Guðmundur Rúnar Heiðarsson,
Heimir Már Pétursson, Hjörleifur Sveinbjörnsson, Kristófer
Svavarsson, Magnús H. Gíslason, LiliaGunnarsdóttir, Ólafur
Gíslason, Páll Hannesson. SigurðurÁ. Friðþjófsson, Sævar
Guðbjörnsson, ÞorfinnurÓmarsson (íþr.).
Handrita- og prófarkalestur: Elías Mar, Hildur Finnsdóttir.
Ljósmyndarar: Einar Ólason, Jim Smart.
Útlitsteiknarar: Kristján Kristjánsson, KristbergurÓ. Pétursson
Framkvæmdastjóri: Hallur Páll Jónsson.
Skrif stof ustjóri: Jóhanna Leópoldsdóttir.
Skrifstofa: Guðrún Geirsdóttir, Kristín Pétursdóttir.
Auglýsingastjóri: OlgaClausen.
Auglýsingar: Guðmunda Kristinsdóttir, Unnur
Ágústsdóttir, Sigurrós Kristinsdóttir.
Símavarsla: Sigríður Kristjánsdóttir, ÞorgerðurSigurðardóttir.
Bílstjóri: Jóna Sigurdórsdóttir.
Húsmóðir: Anna Benediktsdóttir
Útbreiðslu- og afgreiðslustjóri: Björn Ingi Rafnsson.
Afgreiðsla: Halla Pálsdóttir, Hrefna Magnúsdóttir.
Innheimtumaður: Katrín Bárðardóttir.
Útkeyrsla, afgreiðsla, ritstjórn:
Síðumúla 6, Reykjavík, símar: 681333 & 681663.
Auglýsingar: Síðumúla 6, símar 681331 og 681310.
Umbrot og setning: Prentsmiðja Þjóðviljans hf.
Prentun: Blaðaprent hf.
Verð í lausasölu: 70 kr.
Nýtthelgarblað: 100kr.
Áskriftarverð á mánuði: 800 kr.
8 — NÝTT HELGARBLAÐ Föstudagur 21. október 1988