Þjóðviljinn - 08.09.1989, Blaðsíða 8

Málgagn sósíalisma, þjóðfrelsis og verkalýðshreyfingar
Síðumúla 6, 108 Reykjavík
Útgefandi: Útgáfufélag Þjóðviljans
Ritstjóri:Árni Bergmann
Umsjónarmaður Nýs Helgarblaðs: SigurðurÁ. Friðþjófsson
Fréttastjóri: Lúðvík Geirsson
Útlit: Þröstur Haraldsson
Auglýsingastjóri: Olga Clausen
Framkvæmdastjóri: Hallur Páll Jónsson
Afgreiðsla:@68 13 33
Auglýsingadeild:® 68 13 10-68 13 31
Verð: 140krónur
Betri framtíö
byrjar í dag
[ dag verður gert lokaátak í söfnun Sjálfsbjargar, lands-
sambands fatlaðra, en í ár eru liðin þrjátíu ár frá því að
hreyfihamlað fólk tók höndum saman til þess að berjast
fyrir réttindum sínum. Þessi samtök hafa þegar lyft
grettistaki, bæði í verklegum framkvæmdum, þegar ráð-
ist var í byggingu Sjálfsbjargarhússins, og ekki síður í því
að eyða fordómum í garð fatlaðra og kannski það sem
mikilvægast er að efla vitund fatlaðra sjálfra um að þeir
séu ekki annars flokks þegnar í þessu þjóðfélagi.
Fyrir 23 árum réðust Sjálfsbjargarfélagar í að byggja
Sjálfsbjargarhúsið. Með dyggri aðstoð almennings í
landinu og stjórnvalda reis húsið og er þar starfrækt
ýmisskonar starfsemi fyrir fatlaða. Enn er byggingunni þó
ekki að fullu lokið, m.a. er eftir að setja upp brunaviðvör-
unarkerfi í húsið og gera inngang í sundlaugina. Báðar
þessar framkvæmdir eru fjárfrekar og ekki mögulegar
nema landsmenn bregðist vel við í dag og sérhver láti
eitthvað af hendi rakna.
Söfnunin hófst með því að fjórir hreyfihamlaðir félagar í
Sjálfsbjörg lögðu af stað frá Akureyri í hjólastólum og
koma þeir til Reykjavíkur í dag. Á leiðinni hefur fé verið
safnað og hefur sú söfnun gengið vel. Þetta framtak
fjórmenninganna sannar að hreyfihamlaðir komast það
sem þeir vilja, jafnvel þótt aðstæður séu slæmar. Hins
vegar er það skylda samfélagsins að opna allar dyr sínar
fyrir öllum þegnum landsins. Enn er aðgangur að mörg-
um stofnunum þannig að hreyfihamlað fólk á mjög erfitt
um vik. Þannig er t.d. ekki gert ráð fyrir að fólk í hjólastól-
um sæki sýningar Þjóðleikhússins né heldurskoði menn-
ingararfinn í Þjóðminjasafninu. Þetta mun þó standa til
bóta í framtíðinni því tekið verður tillit til hreyfihamlaðra.
þegar þessi hús verða gerð upp.
Þótt margt hafi gerst á þeim þremur áratugum sem
liðnir eru síðan landssamband fatlaðra var stofnað vantar
enn töluvert uppá að fatlaðir njóti sömu tækifæra og aðrir í
þjóðfélaginu. Það er langt frá því nóg að breyta bygging-
um, það þarf líka að breyta hugsanaganginum.
Jóhann Pétur Sveinsson, formaður Sjálfsbjargar,
sagði eitt sinn í viðtali að það væri mjög stutt í fordómana
hjá fólki gagnvart fötluðum. Fólk væri allt af vilja gert til
þess að rétta hjálparhönd þar til það stæði sjálft frammi
fyrir því að málið snerti það persónulega. Tók hann sem
dæmi ófatlaðan ungling sem verður ástfanginn af fötluð-
um unglingi. Hætt er við að foreldrar ófatlaða unglingsins
finni slíku sambandi allt til foráttu.
Þá er langt í land með að fatlaðir eigi sömu möguleika
og aðrirávinnumarkaðinum. Meðtölvuvæðingunni hefur
þetta þó breyst mikið til batnaðar. Þrátt fyrir það reka
fatlaðir sig oft á það að atvinnurekandi vill frekar ófatlað-
an starfskraft en þá sem fatlaðir eru, þrátt fyrir að sá
fatlaði ráði jafn vel við starfið eða jafnvel betur. Þessum
huasunarhætti þarf að útrýma sem fyrst.
Idag verður lokaátakið í söfnun Sjálfsbjargar. Á Rás 2
verður dagskrá tileinkuð söfnuninni allan daginn og strax
að afloknum sjónvarpsfréttum verður þáttur í Sjónvarpinu
þar sem margir af þekktustu listamönnum þjóðarinnar
koma fram. Verðurtekið á móti framlögum til Sjálfsbjarg-
ar í síma meðan á þessum útsendingum stendur.
Slagorð Sjálfsbjargar á þrjátíu ára afmælinu er „Betri
framtíð byrjar í dag.“ Nýtt Helgarblað hvetur alla lands-
menn til þess aö stuðla að því að slagorð þetta verði að
raunveruleika, því betri framtíð fötluðum til handa er betri
framtíð fyrir alla landsmenn.
-Sáf
8 SÍÐA - NÝTT HELGARBLAÐ Föstudagur 8. september 1989
Nú er það svart maður
Helgarveðrið
Suðvestan og sunnan átt. Stinningskaldi eða allhvasst við suður- og suðvesturströndina. Rigning sunnan-
og suðvestanlands, en að mestu úrkomulaust í öðrum landshlutum.