Þjóðviljinn - 08.09.1989, Blaðsíða 27

DÆGURMÁL
ANDREA
JÓNSDÓTTIR
Rokk í víðasta skilningi
Enda þótt rúmt ár sé síðan
hljómsveitin Living Colour gaf út
plötuna Vivid held ég að telja
megi hana nýlega hérlendis, þar
eð ég held hún hafi ekki ratað
hingað í neinu magni fyrr en
eitthvað fyrir mitt þetta ár, eða
um það leyti sem þeir voru upp-
hitunarband fyrir þungarokks-
hljómsveitina Anthrax í hljóm-
leikaferð um Bretland. Nú er
Living Colour hins vegar orðin
aðalnúmer og hefur sér til upphit-
unar m.a. Cindy Lee Berryhill og
hljómsveit hennar. Stúlkan sú
þykir ekki ólík Patti Smith á
köflum, en þó nálægt bandarísku
sveitarokki... en það er önnur
saga.
Living Colour er bandarísk
hljómsveit, frá New York, og
hefur verið flokkuð sem svört
þungarokkssveit, og þótt tíðind-
um sæta að hljómsveit skipuð
blökkumönnum skuli fást við
pungarokk, sem tengt hefur verið
hvítum karlmönnum á ýmsum
aldri og síðhærðum oftar en ekki.
Enda er það svo að tónlist þeirra í
Living Colour er ekki þungarokk
í þröngum skilningi, og reginhaf
er á milli yrkisefna þeirra félaga
og algengasta innihalds texta
hefðbundinna þungarokkara.
Þeir í Living Colour syngja um
þjóðfélagsleg vandamál og þegar
þeir syngja um ást er það ekki á
karlrembuvísu eins og punga-
rokkara er vísa, og alveg sleppa
þeir tunglsjúkum úlfum og guð-
legri djöfladýrkun sem er orðið
eins og skylda hins almenna
pungarokkara að berja sama
texta um.
Hvað tónlistina Living Colour
varðar, sem sannarlega er rokk-
uð, þá minnti hún mig í fyrstu,
a.m.k. á köflum, á Defunkt, sem
spiluðu í Tungli höfuðborgarinn-
ar sl. vetur, enda hefur hinn stór-
góði gítarleikari þeirra, Vernon
Reid, leikið í þeirri sveit, og þar
áður með ýmsum öðrum
djassfönkurum. En þegar betur
er hlustað heyrast líka merki um
sálartónlist 7. áratugarins, dúnd-
urrokk Led Zeppelin, Jimi
Hendrix... og hver og einn gæti
bætt við þennan lista, allt eftir
eigin minningum um tónlist og
flytjendur... og ekki má gleyma
laginu Glamour Boys, sem
minnir ekki lítið á Mick Jagger...
hann syngur reyndar bakrödd
með söngvaranum Corey Glover
í því lagi, en kunningsskapur
þessi mun sprottinn frá því er Jag-
ger villtist inn á hljómleika með
Living Colour þegar þeir voru
óþekktir og hjálpaði þeim við
upptöku á tveim lögum sem þeir
síðan notuðu til að komast á
hljómplötusamning. En hvað
sem kunningsskap og klíkum líð-
ur, þá geta ’peir í Living Colour
svo sannarlega staðið á eigin fót-
um tónlistarlega séð sé mið tekið
af þessari fyrstu breiðskífu
þeirra, og þeirri jákvæðu
gagnrýni sem þeir hafa fengið
fyrir hljómleikaframmistöðu
sína... Vivid er hörkuplata, full af
rokkandi dansTÓNLIST. En til
að sýna ykkur betur inn í
tónlistar- og hugarheim þeirra
sveina, leyfi ég mér að stela glefs-
um úr viðtali við þá sem birtist í
Melody Maker síðast í mars á
þessu ári, og setja saman nokkuð
frjálslega. Hvað segja þeir til
dæmis um þann leiða sið rokk-
gagnrýnenda að setja merkimiða
á hljómsveitir eftir tónlistarstefn-
um sem þeir búa meira og minna
til sjálfir?
William Calhoun trommu-
leikari: „Sumir eru undrandi á að
við skulum svo mikið sem nefna
Anthrax og Public Enemy í sömu
setningu, hvað þá vinna með
þeim báðum. En við erum að
brjóta niður þessa ímynduðu
veggi á milli tónlistarmanna og
opna augu fólks. Living Colour
stendur fyrir frjálsa tjáningu,
frelsi okkar til að koma á fram-
færi ást okkar á alls konar hljóm-
list“.
Vernon Reid: „Einmitt. Við
hlustum á plötusnúða„skrats“
(schratch - eiginlega plöturisp),
bárujárn, Reggae-Fflharmon-
íu-plötuna, Neville-bræður,
Enyu... og bara allt sem að eyra
Living Colour: Corey Glover söngvari, Muzz Skillings bassa-
leikari, Will Calhoun trommari og Vernon Reid gítarleikar.
kemur...“.
Wiil: „Við viljum að plötur
okkar komi alltaf á óvart, verði
hver ólík annarri eins og hjá We-
ather Report, eða Mahavisnu
Orchestra... það eina sem þessar
hljómsveitir takmörkuðust af var
sjálfur himinninn!"
Vernon: „Fólk velti því alltaf
fyrir sér hvernig næsta plata Sex
Pistols yrði. Ég vildi gjarnan að
þannig væri hugsað til næstu
plötu okkar.“
Muzz Skiilings bassaleikari:
„Hver og einn hefur í fyrstu sínar
hugmyndir um hverju hljómsveit
okkar líkist, en það fólk hefur
ekki gefið sér tíma til að skilja
bakgrunn okkar og það sem við
erum að reyna að gera. Það er
þessi andlega leti... fólk hugsar
ekki á gagnrýninn hátt og lætur
mata sig, og fær þá ekki út úr
listamanninum það sem hann
hefur upp á að bjóða, og hann
ekki þá viðurkenningu sem hann
á skilda".
Corey Glover söngvari: „Tón-
list Living Colour er hrærigrautur
úr ýmsum áttum... hluti úr
lífsreynslu okkar fjögurra í
hljómsveitinni, partur af þeirri
tónlist sem við höfum heyrt í'
gegnum tíðina, allt frá hipp-
hoppi til trúartónlistar, og svo
kynnum mínum af leiklist (Corey
lék klókan hermann í Platoon).
Þetta er eins og að taka ótal þræði
og splæsa þá saman.“
Muzz: „Þetta er samt ekki eins
einfalt og að teikna á rúðustrik-
aðan pappír og líma svo á plast.
Tónlistin á Vivid er hluti af per-
sónuleika okkar, hugmyndum,
draumum og þrá sem við tjáum í
gegnum rokk á plasti. Við erum
rokkhljómsveit í víðasta skilningi
með okkar eigin skoðanir."
Söngvarinn Corey Glover á sviði.
ALÞYÐUBANDALAGIÐ
Stelngrímur
Svavar
Alþýðubandalagið
í Reykjavík
Geta félags-
hyggjuflokkarnir
stjórnað
áerfið-
leikatímum?
Almennur
stjórnmálafundur
Þeir Steingrímur Hermannsson forsætisráðherra og Svavar
Gestsson menntamálaráðherra eru framsögumenn á almennum
stjómmálafundi Alþýðubandalagsins ( Reykjavík miðvikudaginn
13. sept. kl. 20.30
Fundarefni: Geta félagshyggjuflokkarnir stjórnað á erfiðleika-
tímum?
Að loknum framsögum ráðherranna verða almennar umræður og
þeir svara fyrirspurnum.
Þetta er opinn fundur sem verður haldinn í flokksmiðstöð Alþýðu-
bandalagsins, Hverfisgötu 105.
Fundarstjóri: Stefanía T raustadóttir formaður Alþýðubandalagsins
í Reykjavík.
Stefanía
Alllr velkomnlr
Stjórn ABR
Alþýðubandalagið
í Kóþavogi
Bæjarmálaráðsfundi
frestað
Bæjarmálaráðsfundi Alþýðubandalagsins í Kópavogi sem fyrirhugaður var
mánudaginn 11. september er frestað til mánudagsins 18. september.
Nánar auglýst síðar.
Stjórnln
Föstudagur 8. september 1989 NÝTT HELGARBLAÐ - SÍÐA 27