Þjóðviljinn - 08.09.1989, Blaðsíða 29

B-mynda kóngur
á kreik
KVIKMYNDIR
Maðurinn sem kom Coppola, Nicholson, Scorsese og
Demme á framfæri hefur aftur sest í leikstjórastólinn
Innan kvikmyndabransans má
ávallt finna menn sem gera í því
að leita uppi unga og efnilega
menn og koma þeim á framfæri.
Einn slíkra er Roger Corman,
einn frægasti B-mynda kóngur
sjötta og sjöunda áratugarins.
Hann hefur ekki leikstýrt kvik-
mynd síðan 1971 en vinnur að
einni um þessar mundir. Hins-
vegar hefur hann verið afkasta-
mikill framleiðandi einsog 42
myndir 1987-88 bera vitni um.
Corman er ekki sfst þekktur fyrir
að hafa uppgötvað menn einsog
Francis Coppola, Martin Scors-
ese, Jack Nicholson, Robert
Towne, Peter Bogdanovich, Jon-
athan Demme og James Camer-
on. Getur verið að einn og sami
maðurinn hafi verið þarna að
baki?
Varla eru til betri dæmi um B-
mynda framleiðslu en kvikmynd-
ir Rogers Cormans. Hann gerði
mjög margar glæpamyndir um og
eftir 1960 og var ávallt litlu kost-
að til. Myndirnar voru gerðar í
akkorði og voru ýmist góðar eða
vondar, þótt meira bæri á því
síðartalda. Samt var Corman
metnaðarfullur í grein sinni og
sótti gjarnan hugmyndir sínar í
myndir Ingmars Bergmans og
fleiri fagurkera.
Tveir þeirra sem byrjuðu undir
Nicholson.
í dag þykja margar kvikmynda
Cormans vera „cult“-myndir og
eru dæmi um ágæta kvikmynda-
gerð þótt litlum fjármunum hafi
verið eytt í gerð þeirra. Hann
gerði átta kvikmyndir eftir sögum
Edgars Allens Poes. Þar á meðal
þykja The House of Usher og
The Masque of the Red Death
með Vincent Price vera mjög
góðar.
Pá gerði Corman árið 1960
kvikmynd sem átti eftir að verða
ein af hans allra þekktustu.
Handrit og annar undirbúningur
tók eina viku og sjálf kvikmynda-
takan aðeins tvo daga og nóttina
á milli. Hér er átt við Litlu hryll-
ingsbúðina sem síðar átti eftir að
verða vinsæll söngleikur og
söngvamynd. Mynd Cormans
þykir í dag mun betri en söngva-
myndin sem gerð var árið 1986.
Myndin er einnig fræg fyrir að í
henni var ungur leikari, Jack Nic-
holson, að stíga sín fyrstu spor.
Hann lék þar masókistann sem
hafði yndi af því að fara til
tannlæknis og vakti þessi persóna
mikla athygli á Nicholson.
Reyndar er það nokkuð út-
breiddur misskilningur að Litla
hryllingsbúðin hafi verið fyrsta
mynd Nicholsons. Hann hafði
áður leikið í nokkrum minnihátt-
ar kvikmyndum, þar á meðal var
handleiðslu Cormans, Coppola og
The Cry Baby Killer í leikstjórn
Cormans hans fyrsta mynd.
Á sjöunda áratugnum var
Corman farinn að láta mikið að
sér kveða sem framleiðandi kvik-
mynda. Sérstaklega vakti athygli
hvað hann gróf ávallt upp nýja
hæfileikamenn sem vildu vinna
fyrir hann. í þeim hópi voru td.
Francis Coppola, Robert Towne,
Peter Bogdanovich og meira að
segja Menehem Golan. Towne
skrifaði ma. handritið að Tomb
of Lideia sem var síðasta kvik-
mynd Cormans eftir sögu E. A.
Poes.
Árið 1970 stofnaði hann óháða
fyrirtækið New World Pictures
sem hafði sama markmið, þe. að
reyna að gera ódýrar kvikmyndir
óháðar hinum hefðbundna mark-
aði í Bandaríkjunum. Par fram-
leiddi hann nútíma kvikmyndi'r
einsog Boxar Bertha í leikstjórn
Scorsese og Caged Heat eftir
Jonathan Demme. Þá kom hann
einnig kvikmynd Ingmars Berg-
mans, Viskningar och rop (Cries
and Whispers) á framfæri í
Bandaríkjunum.
Corman er ekki ánægður með
hve lokaður markaðurinn er í
Bandaríkjunum. Mjög erfitt er
að gera ódýrar myndir einsog
hann gerði sjálfur á sínum tíma
vegna þess hve dýrt er að mark-
aðssetja þær. „Kvikmynd sem
kostar 400 þúsund dollara þarf
jafn mikla auglýsingu og önnur
sem kostar 40 miljónir,“ sagði
hann í viðtali við Films and Film-
ing í sumar.
Hann hefur þó ekki gefist upp
við að framleiða kvikmyndir og
nú leikstýrir hann nýrri kvik-
mynd eftir 18 ára fjarveru frá
leikstjórnarstólnum. Kvikmynd-
in kallast Frankenstein Unbo-
und, gerð eftir sögu Brian W.
Aldiss, og flakka söguhetjurnar
um í tíma og rúmi. John Hurt
leikur aðalhlutverkið, auk Bri-
dget Fonda og Raul Julia.
Atriði úr einni af mörgum glæpamyndum Cormans, St. Valentine's Day
Massacre.
Klippiborðiö
Framhaldsmyndasumarið mikla er nú brátt á enda en ósköpin eru þó
rétt að byrja að dynja yfir okkur hér á hjara veraldar. Menn virðast vera
með öllu hættir að fá frumlegar hugmyndir heldur keyra á sömu
rullunni einsog myndirnar Lethal Weapon II, indiana Jones III, Ghost-
busters II, Licence to Kill, Star Trek V, Karate Kid III, Critters II,
Gremlins II og Nightmare on Elm Street V sýna glöggt. Spielberg og
Lucas segjast aftur ætla að gera mynd um Indy en William Shatner
segist tilbúinn í Star T rek VI og eflaust flestir aðrir á sömu línu og hann.
Nú hefur George Miller (Mad Max) ákveðið að gera Never Ending
Story II og er ekki hægt að saka hann um rangnefni. Og haldið ykkur
nú. Francis Ford Coppola hefur loks staðfest að Godfather III sé í
undirbúningi en I og II sópuðu að sér Óskörum á sínum tíma. Tökur
hefjast á Ítalíu í nóvember en hin hrjáða Corleone-fjölskylda verður
látin eiga sig að þessu sinni.
Klippiborðið sagði í sumar frá því að Claude Chabrol væri að filma
sögu Henry Millers, Quiet Days in Clichy. Sagan gerist á fjórða ára-
tugnum í Montmartre hverfinu í París og hefur áður verið kvikmynduð,
þá af Dananum Jens Jörgen Thorsen. Framleiðandi myndar Chabrols
er Lawrance Shiller (Executioner's Song) sem áður var þekktur fyrir
Ijósmyndir sínar af Marilyn Monroe. Hvað hann og Chabrol gera með
Kanann Andrew McCarthy og hinn mjög svo breska Nigel Havers í
aðalhlutverkum verður fróðlegt að sjá.
Jack Nicholson kom mönnum á óvart þegar hann valdi konur til að
leika í framhaldinu á Chinatown, The Two Jakes. Nicholson leikstýrir
myndinni og leikur að sjálfsögðu spæjarann Gittes einsog í mynd
Polanskis fyrir fimmtán árum. Hvað um það, búist var við Michelle
Pfeifferog Sean Young í aðalhlutverkin en Nicholson, sem sjálfsagt er
nú að telja dollarana fyrir Batman, valdi Meg Tilly og Madeleine Stowe.
Um þessar mundir er sýnt í Reykjavík leikritið Sjúk í ást (Fool for Love)
eftir Sam Shepard. Einsog menn muna þá lék Shepard einmitt sjálfur
aðalhlutverkið á móti Kim Basinger í kvikmyndinni sem Robert Altman
stýrði. Shepard er síst verri leikari en skáld og nú leikur hann á móti
Barböru Hershey í kvikmynd Martins Campbells, Defenceless.
Meistarinn Federico Fellini vinnur nú að nýrri kvikmynd. Hún kallast
Moon Voices uppá engilsaxnesku og skartar Robert Benigni og Paolo
Villagio í aðalhlutverkum (ekki Mastroianni?).
Þaö hefur verið kunngjört að Harrison Ford leikstýrði 9 1/2 mínútna
senu í Indiana III. Þetta er upphafsatriðið þegar River Phoenix leikur
Indy sem ungling og vildi Spielberg að Ford stjórnaði leik hans. Þess
má geta að það tók þrjár vikur að filma þetta atriði sem er sami tlmi og
Spielberg eyddi í sína fyrstu mynd, Duel.
Og einn léttur í lokin. Heyrst hefur að James Belushi ætli að leika
steinaldarmanninn Fred Flintstone. Hver ætli leiki Dínó!
Regnboginn
The Bear ★★★
(Björnlnn)
Annaud kemur vissulega nokkuð á óvart
með þessum óð sínum til náttúrunnar en
það verður ekki af honum tekið að myndin
er listavel gerð. Falleg og rómantísk mynd
og góð skemmtun fyrir alla fjölskylduna,
sórstaklega þá sem unna óspilltu náttúru-
Iffi. Aðalleikararnir fara á kostum!
Physical Evidence ★★
(Vitni verjandans)
Morðsaga, réttarhöld, rómantík og hasar,
allt í sömu myndinni en ekkert rís þó uppúr
meðalmennskunni. Hin glæsilega Theresa
Russell passar illa í hlutverk lögfræðingsins
og Burt Reynolds er einsog venjulega. Út-
koman þó alls ekki alvond.
A Cry in the Dark ★★★★
(Móðir fyrir réttl)
Mynd um fómarlömb náttúrunnar og
jafnvel enn frekar fórnarlömb mannlegs
samfélags þegar það tekur á sig hina
grimmustu mynd. Schepisi splæsir saman
náttúrunni gegn almenningi og fjölmiðlum
þannig að úr verður einhver áhrifamesta
kvikmynd sinnar tegundar ( langan tfma.
Mynd sem allir hafa gott af aö sjá.
Konur á barmi taugaáfalls
★★★
Frfskur, fyndinn og skemmtilegur farsi frá
Spáni. Kvikmyndataka og leikur skapa
skemmtilega taugaveiklað andrúmsloft og
undirstrika þannig titil myndarinnar. Konurn-
ar ættu bæði aö höfða til þeirra sem leita
eftir einfaldri afþreyingu og hinna sem
langar að sjá vel heppnaða kvikmyndagerð.
Babette s gæstebud ★★★★
(Gestaboð Babettu)
Þessi gómsæta mynd Gabriels Aksels er
uppgjör bókstafstrúarmanna við freisting-
una og syndina. Stórgóð persónusköpun og
veislan í lokin er ógleymanleg.
Laugarásbíó
K-9 ★
James Belushi er afskaplega þreytulegur
f þessari slöppu gamanmynd. Hundurinn
getur lítið gert að þvl hvað myndin er kjána-
leg, ekkert frekar en apinn sem var með
Clint Eastwood hér um árið. Nú bíðum við
bara eftir að sjá næstu buddy-mynd þvf alltaf
reyna þeir að skipta um partner. Stólarnir
voru ágætir.
Critters II O
(Aðalrétturinn)
Ekki sfðan Orson Welles gerði Citizen
Kane hefur.. nei, nei, bara að grínast.
Þetta er botninn á þvf. Og ég sem hélt að
fyrri myndin hefði verið það versta.
The ‘Burbs ★★
(Geggjaðir grannar)
Ekkert sérstök mynd í neinu tilliti en leikar-
arnir bjarga henni fyrir hom. Tom Hanks
slær ekki feilpúst frekar en fyrri daginn f
þessari athugun hans og fleiri á vægast sagt
ófrýnilegum nágrönnum.
Bíóhtfllin
Lethal Weapon II ★★
(Tvelr á toppnum 2)
Gibson og Glover eru gott gengi og Pesci
skemmtilega óþolandi en því miður er
myndin yfirkeyrð af ófrumlegum byssubar-
dögum og hvimleiðum hrottaskap. Ekkert er
þó verra en steingeldur söguþráðurinn sem
allir hafa séö áður.
Licence to Kill ★★★
(Leyfið afturkallaö)
Ein besta Bond-myndin í langan tfma.
Ðalton er 007 holdi klæddur og spannar allt
frá hörkutóli í sjentilmann. Broccoli hefur
hrist, en ekki hrært, upp f Bond-ímyndinni
með góðum árangri.
The Gods Must Be Crazy II ★
(Guðlrnir hljóta að
vera geggjaðir 2)
Ágæti fyrri myndarinnar var einkum
snjallri og frumlegri hugmynd að þakka. Því
er ekki fyrir að fara hér heldur er, einsog
alltof oft, reynt að notfæra sór vinsældir fyrri
myndarinnar ti! að gera aðra eins. Á sér
sfnar góðu hliðar en þær hverfa fyrir hinum
verri.
Her Alibi ★★
(Með allt í lagi)
Hreint ágætis skemmtun þarsem klaufinn
Tom Selleck Ifkir eftir Cary Grant hór á árum
áður. Vel er fléttað á milli hinnar raunveru-
legu sögu og skáldskapar rithöfundarins en
atriðin með Rúmenum og þar með talið lok-
aatriðið heldur hugmyndasnauð.
Police Academy 6 0
(Lögregluskóllnn 6)
Hvað ætlast þessir menn til að fólk láti
bjóða sér sömu aulabrandarana oft? Það
eru nú takmörk fyrir öllu.
Bfóborgin
Lethal Weapon II ★★
(Tveir á toppnum 2)
Gibson og Glover eru gott gengi og Pesci
skemmtilega óþolandi en því miður er
myndin yfirkeyrð af ófnjmlegum byssubar-
dögum og hvimleiðum hrottaskap. Ekkert er
þó verra en steingeldur söguþráðurinn sem
allir hafa séð áður
Forever Frlends ★★
(Alltaf vlnlr)
Um margt ágæt lýsing á langvarandi vin-
áttu tveggja ólfkra kvenna. Ágætlega leikin,
sérstaklega er Midler hrffandi í einni buddy-
myndinni enn. Myndin reynir hinsvegar að
segja alltof i.iikið, einsog dæmigerð væmin
mfní-sería, og veldur hún ekki þessum mikla
söguþræði.
Háskólabfó
Sherlock and Me ★★★
(Sherlock og ég)
Hárfínn breskur húmor um hlutverkaskipti
Holmes og Watsons, en þó með fullri virð-
ingu fyrir sögum A. C. Doyles. Caine hefur
loks valiö sér hlutverk af kostgæfni og
Kingsley er ekki verri en sem Ghandi á sfn-
um tfma. Góð hugmynd og ágætlega út-
færð. Prýðis góð skemmtun.
Stjömubíó
Magnús ★★★
Lang besta kvikmynd Þráins til þessa og
jafnframt f hópi betri kvikmynda sem gerðar
hafa verið hér á landi. Þráinn hefur náð
auknum þroska sem listamaður og byggir
mynd sfna vel upp til að byrja með en ým-
issa brotalama fer að gæta þegar leysa á úr
vandamálum höfuðpersóna. Oft yndislegur
gálgahúmor og Magnús er sannkölluð
skemmtimynd fyrir alla aldurshópa.
Baron Munchhausen ★★★
(Ævlntýri Munchhausen)
Ævintýri barónsins af Munchhausen
eftir lygasögum R. E. Raspe gætu varla
fengið betri meðferð en hjá fyrrum Monty
Python fólkinu undir stjóm Terry Gilliam.
Sannkölluð fantasfa sem allir geta haft
gaman af, jafnt ungviðið sem kvikmynda-
frfkin. Svona eiga ævintýri að vera.
Föstudagur 8. september 19895 NÝTT HELGARBLAÐ - SÍÐA 29