Þjóðviljinn - 02.03.1990, Síða 2

SKAÐI SKRIFAR
Eg er
nefndur
stalínisti!
Þið ráðið hvort þið trúið því en svona er
þetta nú.
Ég segi nú um þessa síðustu daga eins og
segir í Prédíkaranum: mér líka þeir ekki.
Maður getur ekki treyst á neitt. Það er allt frá
manni tekið. Ég hefi lengi barist hart við
heimskommúnismann, eins og þið vitið, og
svo er hann allt í einu gufaður upp og þykist
aldrei hafa verið til. Ég hefi sem góður Sjálf-
stæðismaður, glímt enn lengur við SIS, og
svo er hann á förum líka og vill verða hlutafé-
lag. Svo koma einhverjir Grænlendingar og
Finnar á Norðurlandaráðsþing og ætla að
taka af okkur jólasveininn líka.
Ég segi nú eins og karlinn: Ég er ekki ég og
hrossið á einhver annar.
Það er eftir öðru í þessu rugli að nú er búið
að gera mig, Skaða, að stalínista!
Og hvernig gerðist það?
Nú er að segja frá því.
Ég var að kjafta við hann frænda minn,
hann Karl Marx Jónsson, sem þið kannist
við. Hann er náttúrlega orðinn svo mikill jafn-
aðarmaður þessa dagana að mér verður
flökurt. Og segist alltaf hafa verið. Eiginlega.
Jæja góði, sagði ég. Ég man nú ekki betur
en þú hafir hengt upp í herberginu þínu stóra
mynd af Stalín í hvítum stakk úti á akri og
bænt þig fyrir framan þennan skeggjaða
engil á hverju kvöldi.
Þú misskilur þetta Skaði, sagði Kalli. Eg
hengdi bara upp myndina vegna þess að
þetta var falleg og listræn mynd.
Vitið þið það, ég nennti varla að fara að
stríða Kalla á þessu, því ég er kristinn maður
og húmanisti. En þá hljóp fjandinn í Kalla
eins og stundum og hann sagði:
Annars mundi ég tala varlega í þínum
sporum, Skaði. Því engan þekki ég meiri
stalínista en þig.
Ég? stalínisti? hváði ég og varð ekki eldri.
Já, sagði Karl Marx Jónsson.
Og hvursu má það vera? spurði ég.
Þú ert Stalínisti að hugarfari og aðferð,
sagði Kalli.
Kjaftæði, sagði ég.
Nei, sagði hann. Þú til dæmis leyfir kon-
unni þinni ekki út fyrir dyr á miðilsfundi og
systur þína hana Rósu hefurðu sett í ritbann
svo hún má sig ekki andlega hræra.
Kvenfólk á ekki að láta eins og asnar,
sagði ég.
Það var einmitt það sem Stalín hélt, sagði
Kalli. Þessi hegðun þín er návæmlega eins
og yfirgangur Stalíns við kerlu sína og dóttur
og allir vita hvernig það fór. Stalínisminn,
væni minn, hann byrjar í heimahúsum, eins
og Grettir Ásmundarson sagði: án er illt
gengi nema heiman hafi.
Þú segir fréttir, sagði ég.
Já, sagði Kalli. Svo trúir þú á Flokkinn
þinn, að hann hafi einn rétt fyrir sér.
Að sálfsögðu, sagði ég. Sjálfstæðisflokk-
urinn minn er ekki eins og einhver ruglaður
kommaflokkur. Hann kemst að því sem rétt
er og satt og gerir það.
Vissi ég ekki, sagði Kalli sigri hrósandi. Þú
ert lærisveinn bæði Leníns og Stalíns í
flokksmálum, það fer sko ekkert á milli mála.
Þú þykist geta sannað hvað sem er, sagði
£g
Auðvitað get ég það, sagði Karl marxisti.
Tökum til dæmis þína stalínsku leikfléttu
þegar þú tókst völdin í átthagafélagi
Grunnvíkinga.
Hvað koma Grunnvíkingar við þeim rauða
hundi Stalín? spurði ég og varorðinn svolítið
gramur. , ,. . .
Þeir koma honum mikið við. Fyrst bolað-
irðu Tóta úr stjórn félagsins með því að láta
þá Kalla og Sigga bera það út að Tóti vildi
sameinast öðrum vestfirskum atthagafe-
löqum Alveg eins og Stalín notaði Sínovjév
oq Kamenéf til að bola Trotskí frá vegna
þess að hann vildi byltingu út um allt. Svo
þegar Tóti var úr leik snerirðu þér að Sigga
og KallaeinsoghverannarStalín. Þúkomst
því á kreik aö þeir hefðu setlaö að selja oöol
feðra sinna í Grunnavík einhverjum ríkum
sumarbústaðafólum frá ísafirði eða jafnvel
Reykjavík.
Nú og hvað með það? spurði ég.
Hvað með það. Þetta var alveg jafnmikil
lygi og þegar Stalín bar það svo upp á Síno-
véf og Kamenéf að þeir hefðu ætlað að selja
Rússland hálft undan honum - Bretum eða
Þjóðverjum eða hvaða heimsveldistuskum
sem væri. Þú lést þá Sigga og Kalja meira að
segja játa þessar syndir á sig á stjórnarfundi
eins og í hverjum öðrum pólitískum sýndar-
réttarhöldum!
Já, og þeir játuðu af fúsum og frjálsum
vilja, sagði ég. Gáðu að því!
Ónei, sagði Kalli. Upp koma svik um siðir.
Þú hafðir króað þá af og hellt þá fulla og látið
þá skrifa upp á allskonar skuldabréf sem þeir
voru bundnir af. Þeir urðu að gera eins og þu
sagðir og hverfa svo úr sögu Grunnavikur-
niðja með smán eins og hverjir aðrir aum-
ingjar. Nei, Skaði minn, stalínisti ert þú, i
hugsunum, orðum og gjörðum, og eins gott
fyrir þig að viðurkenna það strax.
lloc
I n—^
I
3S
Jj ——
II '
E ■c K
\\CS9 §
Ég held ég gangi heim
I tilefni B-dagsins.
Þaðer\
sannarlega
jtilefni til aðl
thalda uppy
á ársafmælið
7^
Já, og það að maður er ekki
enn kominn á Voginn, það er
svo heív... langur gangur^
, þangað.
r\ ROSA-
GARÐINUM
nm
HÁSKALEG
HEILSUGÆSLA
Að sögn eins stjórnarmanns var
ástandið orðið með öllu óviðun-
andi og hvorki sjúkrahúsinu né
skjólstæðingum þess bjóðandi
upp á það að læknarnir væru
stöðugt í blóðugum skylmingum
innbyrðis.
Vestfirska fréttablaðid
LAXAR ERU SVÍN
Mengun frá einni laxeldisstöð á
við tíu þúsund manna byggð.
DV
ÁNÚAÐTAKA
HANN FRÁ OKKUR
LÍKA?
Deilt um jólasveininn á fundi
Norðurlandaráðs.
ANDINN OG
HOLDIÐ
Elskurnar mínar, síðan ég hætti
að vera smáfelld í hugsun og
gerðist stórbrotnari er ég svo fyr-
irferðarmikil andlega að fólk spá-
ir í mig sem meiriháttar gellu.
Pressan
ÍSLENSKTILVIST-
ARKREPPA
Hefur þú ekki einhverntíma ósk-
að þess að þú værir hundur eða
köttur?
Pressan
SAMSTAÐA
BARNA BILAR
Rúmur helmingur barnanna taldi
Rauðhettu verulega illa siðaða
stúlku, vegna þess að hún fór
ekki að fyrirmælum móður sinn-
ar, heldur stytti sér leið gegnum
skóginn. Þeim fannst að fyrir
þessa framkomu ætti stúlkan
fyllilega skilið að vera étin af úlf-
inum.
Pressan
EKKIAÐ SPYRJA
AÐ DANAHATRINU!
Jón Óttar Ragnarsson, fyrrum
sjónvarpsstjóri Stöðvar 2, hefur í
sakadómi Reykjavíkur verið
dæmdur til greiðslu 200 þúsund
króna sektar vegna sýninga
stöðvarinnar á tveim dönskum
kvikmyndum.
Morgunbla&ið
AFSAUÐUM
ERTU KOMINN
Jónas ritstjóri (Kristjánsson)
hlýtur að vita það, að ef engin
sauðkind hefði verið til síðustu
þrjár aldirnar þá væri hann ekki
Ul' Tíminn
VÖLUNDARHÚS
ÆÐRISTJÓRN-
MÁLA
Ennfremur nefnir Morgunblaðið
frétt Alþýðublaðsins um gagn-
rýni Hreggviðs Jónssonar þing-
manns Frjálsynda hægriflokksins
á forsætisráðherra vegna kaupa
Landsbankans á Samvinniiþank-
anum sem dæmi um hraaðslu Al-
þýðuflokksins (við kjósendiír).
Alþýðublaðið
2 SfÐA - NÝTT HELGARBLAÐ Föstudagur 23. febrúar 1990