Dagblaðið Vísir - DV - 01.03.1996, Síða 12

12
FÖSTUDAGUR 1. MARS 1996
Spurningin
Hver eldar á þínu heimili?
Dóra Thorsteinsson hjúkrunar-
fræðingur: Við gerum það bæði
hjónin.
Ásgrímur Jósefsson þjónn: Bæði
konan og ég.
Eiríkur Ólafsson tjónaskoðunar-
maður: Við bæði, ég og konan, til
skiptis.
Grétar Guðfinnsson sjómaður:
Yfirleitt stelpurnar i sjoppunni.
Guðrún Ósk Þórðardóttir hús-
móðir: Karlinn, ég geri pasta.
Lesendur
- Tómas Huber sýnir í Gerðarsafni
Listamaðurinn og Mjölnir í Landmannalaugum.
Eggert Ásgeirsson skrifar:
Gerðarsafn er að veröa einn besti
sýningarsalur okkar. Þar er ágæt
sýning Þjóðverjans Tómasar Huber.
Málverk Tómasar eru einstæð og
áhugaverð. Ættu menn ekki að láta
þau fram hjá sér fara. Hér er nor-
ræn, söguleg sýning. Tómas leitar
að og finnur kjama landsins. Tómas
stundaði listnám við eftirsótta lista-
akademíu í Múnchen.
Með námi og sýningum hefur
hann ferðast um norrænar slóðir og
hæstu fjöll. Hann heimsækir ísland
oft, var kunnur fyrir tveimur árum
er hann var hér á ferö og málaði
myndirnar sem hér eru. Landsbjörg
bjargaði honum í fárviðri við
Hrauneyjafoss fyrir jólin.
Ekki er Tómas þreyttur eða þung-
lyndur. Fætur em einkenni og að-
alsmerki sýningarinnar, við fínnum
hann skokka léttan í skapi um víð-
ernin, einan, með sjálfum sér. Hinn
þráðurinn er goðanna. Hann finnur
Jötunheima í Hverfjalli, hittir
Skírni, skósvein Freys; segir ástar-
sögu hans og Gerðar Gýmisdóttur
og gandreið mikla er lýsir tengslum
goða og hesta. Við sjáum spaug-
myndir. Hesturinn Svaðilfari dreg-
ur kletta úr Herðubreiðarlindum til
byggingar Ásgarðs. Loki gerir verk-
ið erfitt í líki hests og lokkar Svað-
ilfara. Sleipnir er styrkur á átta hóf-
um. Tómas sýnir uppdrátt af Ás-
garði, sem við köllum Herðubreiö,
með Breiðabliki, Bilskirni, Vala-
Skjálfi, Nóatúnum, Miðgarði, Ýdöl-
um og Sessrúmni, allt á sínum stað
í innréttingunni.
Mikla þýðingu í allri þessari
landkönnun hefur Óðinn og sagan
er hann missti auga. Þá er það Þór
hinn ástsjúki. Á sýningunni er bæði
brúöarkjóll hans og Mjölnir, hamar-
inn sem setur mikinn svip á sýning-
una, sem enginn hefur séð fyrr en
nú í Kópavogi!
Vonandi kemur listamaðurinn
aftur og gleður okkur með óvæntri
list. Farið í Gerðarsafn og fylgist
með listamanni og vini íslenskra
goða. Slæmt að Ólafur Briem, síð-
asti málsvari goðaheims, sem að
kvað, skuli fallinn og missa nú af
þeim anda aðdáunar á þessari ver-
öld og gamansemi sem hann átti
sjálfur í ríkum mæli. - Bestu þakk-
ir fyrir komuna, Tómas Huber.
Lifshaski i list
Stuðningsmannahópur fyrir biskup
Guðmundur Benediktsson skrifar:
Það var vel við hæfi að fram
kæmi yfirlýsing frá stuðnings-
mannahópi með biskupi íslands. Yf-
irlýsingin sem birtist í Morgunblað-
inu var þó ófullkomin að því leytinu
að engin nöfn fylgdu með. Þeir vin-
ir og samstarfsmenn biskups hefðu
gefið yfirlýsingu sinni meira vægi
með nöfnum sínum. Það er veruleg-
ur stuðningur sem felst í nafnabirt-
ingu, einkum og sérstaklega þegar
um þekkt nöfn er aö ræða. Nöfnum
sem gegna t.d. lykilhlutverkum í
þjóðfélaginu, persóna sem eru
burðarásar í samfélagskerfinu, og
mega ekki vamm sitt vita í einu eða
neinu. Þannig fólk er gott að eiga að
þegar á bjátar.
Þess vegna skora ég á alla þá sem
ætla aö safna undirskriftum til
stuðnings biskupi að láta nöfn sín
fylgja með til birtingar, svo að sjá
megi, svart á hvítu, hverjir styðja
biskup í raun. Það er ekki einskis
nýtt að sjá nöfn góðborgara samfé-
lagsins í helstu fjölmiðlum landsins.
Og biskup íslands þarf sannar-
lega á stuðningi að halda, til þess að
hann megi haldi embætti sínu og
óskertri virðingu. Raunar dugar
ekki minna en yfirlýsing um sam-
stöðu frá Prestafélaginu, ásamt siða-
nefnd þess og meirihluta þegna
þjóökirkjunnar til þess að sanna
áframhaldandi traust á biskupnum
yfir íslandi. - Svo furðulegt sem það
er dugar biskupi íslands ekki frávís-
un kirkjumálaráðuneytis, frávísun
ríkissaksóknara og hlutleysi þriggja
ráðherra af málum hans, því emb-
ættið er jú sjálfstæð stofnun eins og
segir í hverri yfirlýsingunni eftir
aðra frá opinberum aðilum. - Eins
konar sjálfseignarstofnun líkt og
DAS eða SÍBS happdrættin og aðrar
líknarstofnanir.
Hagfræði í framhaldsskólana
Skortir fjármálaþekkingu í námsefni íslenskra skóla?
Guðbjörg Jónsdóttir skrifar:
Ég fylgdist með sjónvarpsviðtali á
dögunum við Þorvald Gylfason hag-
fræðiprófessor um bók hans, Síð-
ustu forvöð, og fleira sem i viðtalinu
kom fram um íslenskt efnahagslíf,
hinn umtalaða efnahagsbata sem nú
á að standa yfir hér, en er örugglega
ofmetinn, og margt, margt fleira. -
Ekki hef ég i annan tíma orðið jafn
sammála og í raun uppveðruð af við-
tali við íslenskan fræðimann.
Þorvaldur Gylfason talar m.a. um
iiia upplýsta stjórnmálamenn, þ.e.
þá sem fara með húsbóndavaldið í
stjórnkerfinu. Eflaust er þetta rétt
mat hjá hagfræðingnum. Margir,
segir Þorvaldur Gylfason, telja þetta
stafa af landlægu virðingarleysi
gagnvart hagfræði. En hann telur að
vanþekking og upplýsingaskortur
hjá stjórnmálamönnum stafi bein-
línis af alvarlegri slagsíðu í íslensku
skólakerfi. Eins og eigi viö um skóla
i Evrópulöndunum, a.m.k. sumum.
Bandarískir unglingar í framhalds-
skólum og lengra komnir í námi séu
all vel að sér í hagfræði, sem þar sé
lögð veruleg áhersla á. Þar af leið-
andi kunni t.d. amerískir þingmenn
talsvert góð skil á hagfræði og viti
hvernig markaðslögmálin virka.
Að mati prófessorsins þarf að gera
hagfræöi hærra undir höfði í náms-
efni framhaldsskóla. Betra jafnvægi
á milli félagsvísinda og raunvísinda
í skólunxun. Með því móti gætu
menn hér áttað sig mun betur á
réttu og röngu, ekki síst í umræð-
unni um efnahagsmál. Þjóðin væri
betur upplýst en hún er í dag. Lífs-
kjör í landinu myndu hatna, og
koma mætti í veg fyrir margar
ákvarðanir sem eru byggðar á van-
þekkingu og einnig virðingarleysi
gagnvart einíoldum sannindum. -
Ég hvet alla til að lesa bókina eftir
dr. Þorvald Gylfason, hún er fjár-
sjóður sanninda um vanda Islensks
efnahagslífs.
DV
Salmonella
í flestum
matvörum
Ámi Ámason skrifar:
Það kom mér ekki á óvart að
heyra í fréttum að salmonella
væri í íslensku kjúklingakjöti og
líklega losnum við ekki við hana
úr þessari matvælategund í
bráð. Það kom mér hins vegar
mjög á óvart að salmonella væri
nánast í flestum tegundum hrá-
efnis sem kemur frá ræktuðu
landi hér. Það er sóðaskapur og
kæruleysi sem þama veldur. Það
er hart að þurfa að kyngja þess-
um staðreyndum, ásamt salmon-
ellunni, og er náttúrlega ekki
sérstök auglýsing fyrir útflutn-
ing okkar á matvælum.
Varasamar
vaxtabreytingar
Þórarinn hringdi:
Það er ljóður á ráði íslenskra
peningastofnana að vera sífellt
að hringla með vextina upp og
niður - og þó aðallega upp. Það
er talað um „næsta vaxtabreyt-
ingadag" eins og fastan punkt í
peningaumsvifum hér. Þetta er
algjörlega óraunhæft og þekkist
ekki neins staðar, nema kannski
í ríkjum óðaverðbólgunnar eins
og í Suður-Ameríku. Og jafnvel
ekki þar. Þessar sífelldu vaxta-
breytingar eru varasamar og
dýrar, jafnt þeim sem standa í
viöskiptum og vilja og þurfa að
gera áætlanir fram í tímann og
þjóðarbúinu öllu.
Hverjir græða
á Geirfinns-
málinu?
Jóhannes Sigurðsson skrifar:
Nú er hið fyrrum þekkta Geir-
finnsmál að skjóta upp kollinum
að nýju. Gott er það, leiði það í
ljós aöra niðurstöðu en fyrrum,
t.d. ef vera kynni að dæmdir ein-
staklingar væru alsaklausir.
Hveijir verða þá bornir sökum?
Þáverandi ráðherrar, dómarar
eða ráðamenn einhverjir, eins og
einn aðilinn sem nú hefur dreg-
ið til baka játningu sína ýjar að
í útvarpsviðtali. Er dóms- og
réttarfarskerfið í landinu gjör-
spillt þegar öllu er á botninn
hvolft? Og hefúr ef til viil verið í
áratugi? Ég hef þó á tilfinning-
unni að einhverjir aðilar ætli að
græða á Geirfinnsmálinu endur-
uppteknu. Að hverjum skyldu
nú böndin berast í þeim efhum?
Svari hver fyrir sig.
Aðskilnaður
ríkis og kirkju
Elín hringdi:
Þegar nú hefúr komið fram í
skoöanakönnun hjá DV m.a. að
rúmlega meira en 70% þjóðar-
innar vilja aðskilnað rikis og
kirkju finnst mér aö þingmenn
ættu að taka þetta til umræðu.
Hér er um stórt mál að ræða og
fyrr eða síðar kemur þetta upp á
yfirborðiö af miklum þunga. Er
ekki tímabært að kjömir ráða-
menn fari að taka mark á vilja
landsmanna í hinum veigameiri
málum?
Mikill vill meira!
Harpa Karlsdóttir skrifar:
Þar sem komið hefur til tals
að forsætisráðherra ætli sér í
forsetaslaginn vona ég að hann
sjái sóma sinn í að segja af sér
embætti forsætisráðherra, verði
af framboði hans. Ekki er siðlegt
aö forsætisráðherra taki sér
„frí“ frá ráðherrastörfum meðan
beðið er úrslita um hvort hann
hreppir hnossið eða ekki á með-
an fólk flýr land unnvörpum
vegna atvinnuleysis, lágra launa
og niðurskurðar hjá hinu opin-
bera, sem bitnar mest á þeim
sem lægstu launin hafa.