Dagblaðið Vísir - DV - 22.03.1996, Side 4

4
FÖSTUDAGUR 22. MARS 1996
Fréttir
Frumvarpið um stéttarfélög og vinnudeilur:
Segja Pál hafa verið
plataðan eða neyddan
- harðar umræður og þungar ásakanir í umræðum á Alþingi í gær
„Ég trúi þvi ekki upp á Pál Pét-
ursson aö hann beri þetta frum-
varp fram með glöðu geði. Hann
hefur annaðhvort veriö plataður
eða neyddur til að bera það fram,“
sagði Steingrimur J. Sigfússon í
harðri gagnrýni sinni á frumvarp-
ið um stéttarfélög og vinnudeilur
og félagsmálaráðherra á Alþingi í
gær
Það féllu mörg þung orð í um-
ræðunum á Alþingi í gær. Fyrst og
fremst var það Páll Pétursson fé-
lagsmálaráðherra sem var skot-
spónn stóryrtra stjórnarandstæö-
inga. Hann var sagður haga sér
eins og fíll í postulíni gagnvart
verkalýðshreyfingunni. Hann var
sagður orðinn boðberi frjálshyggj-
unnar, hann væri að ganga erinda
vinnuveitenda, efna tU stríðs við
verkalýðshreyfinguna og að hann
setti stöðugleikann í þjóðfélaginu í
hættu.
Lagfæra gömul lög
PáU lagði höfuðáherslu á það í
framsöguræðu sinni að það væri
ekki veriö að skerða rétt verkalýðs-
hreyfingarinnar á nokkum hátt.
Hér væri verið að lagfæra gömul
lög og að frumvarpið væri sann-
gjarnt. Hann bað menn skoða
frumvarpið vel og með opnum
huga fordómalaust.
Grið rofin
Bryndís Hlöversdóttir, þingmað-
ur og fyrrum lögmaður ASÍ, sagði
þetta frumvarp vont og að það væri
mesta aðför sem gerð hefði verið að
verkalýðshreyfingunni
„Með því að knýja þetta frum-
varp í gegn er ríkisstjórnin að
rjúfa grið á verkalýðshreyfing-
unni,“ sagði Bryndís.
Kristín Ástgeirsdóttir gagnrýndi
frumvarpið líka harðlega og sagði
Páll Pétursson félagsmálaráðherra hafði í nógu að snúast á þingi í gær. Hér ræðir Ágúst Einarsson, þingmaður Þjóð-
vaka, við hann. DV-mynd BG
Alþingi:
Guðmundur Hall-
varðsson reiddist
Pétri Blöndal
- og lýsti andstööu við frumvarp félagsmálaráðherra
Guðmundur Hallvarðsson alþing-
ismaður reiddist mjög málflutningi
flokksbróður sfns, Péturs Blöndals,
í umræðunum um frumvarp félags-
málaráðherra um stéttarfélög og
vinnudeilur. Hann mótmælti harð-
lega því sem Pétur sagði um verka-
lýðshreyfinguna og verkföll sem
hún heföi oft misnotað. Nefndi Pét-
ur þar meðal annars sjómannaverk-
fallið síðasta.
Guðmundur sagði skiptar skoðan-
ir í Sjálfstæðisflokknum um þetta
frumvarp. Hann sagði það óskapnað
í sínum augum.
„Ef ASÍ og VSÍ ná ekki samkomu-
lagi um efni frumvarpsins þýðir
ekki fyrir okkur alþingismenn að
ætla að setja lög um það,“ sagði
Guðmundur Halivarðsson.
í ræðu sinni fagnaði Pétur Blön-
dal frumvarpinu og sagði það til
mikilla bóta. Hann hældi félags-
málaráðherra mjög fyrir að koma
með þetta frumvarp. Hann sagði að
ef eitthvað væri gengi frumvarpið
ekki nógu langt.
„Það er aðeins verið að klóra
verkalýðshreyfingunni með því,“
sagði Pétur.
Pétur sagðist vilja að 50 prósent fé-
lagsmanna í hverju verkalýðsfélagi
þyrftu að vera sammála því að boða
til verkfalls. Einnig að meira en 50
prósent félagsmanna þyrfti til að
samþykkja eða fella kjarasamninga.
Þá sagði hann að ekkert væri að
marka það sem kallað væri launa-
taxtar i landinu. í raun væru 160
þúsund kjarasamningar í gangi því
allir semdu sér við sína vinnuveit-
endur. Það sýndi getuleysi verka-
lýðshreyflngarinnar. Hann sagði að
félagslega væri verkalýðshreyfmgin
dauð.
Þetta var eina ræðan í þessa veru
sem flutt var við umræðurnar í
gær. Stjórnarandstæðingar gripu
málflutning Péturs á lofti og sögðu
þetta vera hina einu sönnu fram-
söguræðu fyrir frumvarpinu. Pétur
væri að segja það sem hinir stjórn-
arþingmennirnir hugsuðu en þyrðu
ekki að segja. -S.dór
þetta vera óviðunandi vinnubrögð
gagnvart verkalýðshreyfingunni.
Svanfríður Jónasdóttir tók í
svipaðan streng. Hún sagði meðal
annars að öruggt mætti telja að
verkalýðshreyfingin mundi láta
reyna á þanþol laganna mjög
snemma yrði frumvarpið sam-
þykkt.
Löggjöfin yngri en Páll
Steingrímur J. Sigfússon sagði
að þau rök Páls Péturssonar um að
vinnulöggjöfm væri orðin gömul
og því þyrti að breyta henni vera
léttvæg.
„Vinnulöggjöfin er ári yngri en
Páll en samt talar enginn um að
Páll sé orðinn of gamall til að
gegna ráðherraembætti og þess
vegna eigi hann að fara frá,“ sagði
Steingrímur J.
Össur Skarphéðinsson sagði að
Páli hefði tekist með þessu frurn-
varpi að sameina stjórnarandstöð-
una og lífga verkalýðshreyfmguna
við. Hitt væri sorglegt að sjá að
maðurinn sem áður orti ljóð um
illsku ihaidsins og stóð í andófi við
það væri nú genginn í björg hjá
Sjálfstæðisflokknum.
-S.dór
Alþingi:
Gera varð fund-
arhlé til að ná
samkomulagi
Að frumvarp Páls Péturssonar fé-
lagsmálaráðherra um stéttarfélög og
vinnudeilur skyldi tekið fyrir í gær-
morgun setti allt í uppnám á Al-
þingi. Öllum málum var ýtt út af
borðinu til þess að hægt væri að
taka 1. umræðu um frumvarpið á
dagskrá.
Bæði var að samið hafði verið við
stjórnarandstöðuna um afgreiðslu
annarra mála í gær, en þingmenn
fara í páskafrí í kvöld, og auk þess
er frumvarpið mjög umdeilt og við-
amikið og aðeins tæpir tveir sólar-
hringar síðan það var lagt fram á
Alþingi. Ekki má taka frumvarp til
umræðu nema það hafi legið
frammi tvær nætur á þingi og það
hafði þetta frumvarp gert. Það var
lagt fram seint á þriðjudagskvöld.
Stjórnarandstæðingar sökuðu Pál
Pétursson félagsmálaráðherra um
gerræði og ofbeldi í því að koma
málinu á dagskrá. Sagði Rannveig
Guðmundsdóttir, formaður þing-
flokks Alþýðuflokksins, að frum-
varpið væri skrýtin afmælisgjöf til
Alþýðusambandsins 80 ára. Hún
sagði ríkisstjórnina beita valdi sfnu
og þeim mikla þingstyrk sem hún
hefur með þeim hætti að hún sagð-
ist í fyrsta sinn finna til ótta við
valdið.
-S.dór
Á meðan félagsmálaráðherra stóð í ströngu og þingmenn sóttu fast að
honum fylgdust áhorfendur með af þingpöllum. Umræðan stóð í allan
gærdag. Gert er ráð fyrir kvöld- og næturfundum í dag. DV-mynd BG
Alþingi:
Umræðum frestað
- páskafrí í dag
Milli klukkan 19 og 20 í gær-
kvöldi var umræðum um frumvarp-
ið um stéttarfélög og vinnudeilur
frestað en þá voru 6 á mælendaskrá.
Til stendur að taka frumvarpið aft-
ur til umræðu í dag og ljúka um-
ræðunni í dag þvi í kvöld hefst
páskafrí þingmanna. Nær öruggt
má telja að til kvöld- eða jafnvel
næturfundar komi. -S.dór