Dagblaðið Vísir - DV - 29.05.1996, Blaðsíða 9

Dagblaðið Vísir - DV - 29.05.1996, Blaðsíða 9
MIÐVIKUDAGUR 29. MAI1996 r>v Utlönd Bill Clinton í vörn eftir úrskurð kviðdóms í Whitewater-málinu: '. Fýrrum viðskiptafélagar ' fundnir sekir um fjársvik Bill Clinton Bandaríkjaforseti varð fyrir harðoröum árásum repúblikana í gærkvöldi eftir að kviðdómur í Little Rock í ríkinu Arkansas hafði fundið tvö fyrrum viðskiptafélaga hans og eftirmann í ríkisstjórastóli seka um fjársvik. James McDougal, fyrrum við- skiptafélagi Clintons í hinu gjald- þrota Whitewater-byggingafélagi og eigandi ríkistryggðs sparisjóðs sem fór á hausinn með um fjögurra milljarða króna tapi sem féll á bandaríska skattgreiðendur, var dæmdur sekur f 18 af 19 ákærum. Fyrrum eiginkona hans var fundin sek í öllum fjórum ákærum gegn henni. Þá fann kviðdómurinn Jim Guy Tucker, ríkisstjóra Arkansas, sekan í tveimur af sjö ákærum um fjársvik en hann átti þátt í að svíkja um 200 milljónir króna út úr tveim- ur ríkistryggðum sparisjóðum. I iA r 0 Bill Clinton. Tucker sagði strax af sér í kjölfar úrskurðar kviðdómsins. Clinton hafði borið vitni á mynd- bandi fyrir verjendur í málinu og geta sakfellingarnar því skaðað mjög baráttu hans fyrir endurkjöri í nóvember. Má búast við frekari árásum af hálfu andstæðinga hans og frekari rannsókna á persónuleg- um fjárhag hans og fjármögnun kosningabaráttunnar. Talsmenn repúblikana voru ekki lengi að láta i sér heyra, margitrek- uðu alvarleika málsins og tengsl forsetans við það. En þó Clinton hafi sjálfur ekki verið ákærður og talið sé að frekar fáir Bandaríkja- menn skilji yfirhöfuð um hvað Whitewater-málið fjallar telja stjórnmálaskýrendur að sakfelling- arnar muni hafa þau áhrif að al- menningur telji forsetann hafa ver- ið viðriðinn eitthvað sem ekki þolir dagsins ljós. Og þar sem vitnisburður Clintons kom sakborningunum ekki að gagni í vörn þeirra getur staða hans í kosningabaráttunni versnað mjög, ekki síst ef repúblikanar komast yfir myndbandsupptökur af vitnis- burðinum og nota þær í kosninga- baráttu sinni. Frá Hvíta húsinu barst yfirlýsing þess efnis að forsetinn hefði á engan hátt tengst þeim ásökunum sem þar voru uppi. Clinton sjálfur sagði nið- urstöðu kviðdómsins ekki vera merki um að menn hefðu ekki trúað vítnisburði hans. Kviðdómendur tóku undir þau orð. Þeirsögðu Clin- ton hafa verið stórkostlegan í vitnis- burði sínum og að sakfelling þrem- menninganna hefði eingöngu byggst á framlögðum sönnunargögnum. En þó dómur sé fallinn í þessum þætti málsins er Clinton síður en svo laus allra mála. í næsta mánuði munu tveir bankastjórar fara fyrir rétt vegna ásakana um að þeir hafi beint fjármagni í eigu banka í kosn- ingasjóði Clintons þegar hann barð- ist fyrir kjöri sem ríkisstjóri Arkansas 1990. Reuter Myndbandið hans Simpsons algjört klúður Myndbandið þar sem ruðn- ingshetjan O.J. Simpson held- ur fram sak- leysi sínu vegna morðsins á fyrrum eigin- konu hans og elskhuga henn- ar er gjörsamlega misheppnað ef litið er til dræmrar sölu. Spólan er aðeins seld í póstverslun. Að sögn fyrirtækis sem fylgist með myndbandasölu, hafa milli þrjátíu og fjörutíu þúsund eintök af spólunni selst frá því hún var sett á markaðinn fyrir þremur mánuðum. Simpson auglýsti myndbandið hvar sem hann gat, í viðtölum í út- varpi og sjónvarpi, og hvatti fðlk til að kaupa það en sérfræðingar segja að almenningur hafi hrein- lega ekki vUjað dæla peningum í vasa Simpsons. í október síðastliðnum var Simpson sýknaður af ákæru um að hafa framið morðin tvö. Réuter Norður-kóreskir bændur standa hér í röð eftir hrísgrjónum og jurtaolíu í þorpi skammt suður af höfuðborg landsins, Pyongyang. Alþjóða Rauði krossinn hefur óskað eftir ríflega 300 milljóna króna fjárframlagi til handa Norður-Kóreu svo liindra megi yfirvofandi hungursneyð og hjálpa megi 130 þúsund fórn- arlömbum gífurlegra flóða sem gengu yfir landið í fyrra. Símamynd Reuter Þetta er draumavélin. Hún sýður vatnið fyrir uppáhellingu KA 5700 kaffivélin er margverðlaunuð fyrir úrvalskaffi og glæsilega hönnun. Tilboðsverð: 9.975 stgr. Bnar Farestveit & Co. hf. Borgartúni 28 - Sími 5622901 og 5622900 Gömul kvik- mynd frá morð- degi Kennedys komin í leitirnar Löngu týndar sjónvarpsmynd- ir, sem teknar voru fyrir og eftir morðið á John F. Kennedy Bandaríkjaforseta í Dallas árið 1963, hafa nú komið í leitirnar. Á filmubútinum, sem er 45 min- útna langur og í svarthvítu, eru einstakar myndir af morðingja Kennedys og átakanlegar myndir af forsetanum og eiginkonu hans, Jacqueline Kennedy, þar sem þau haldast í hendur skömmu áður en hann lést. Filman sýnir hins vegar ekki bílalest forsetans þegar skotin riðu af og þar er heldur ekki að sjá neinar vísbendingar um að skotmennirnir hafi verið tveir. Það var kona nokkur í Dallas sem kom með filmubútana á skjalasafnið í borginni en þeir höfðu verið grafnir undir húsi í fjölmörg ár. Að sögn sérfræðinga leysir filman ekki neinar ráðgátur um morðið á Kenhedy en hún er engu að síður mikilvæg. Reuter Þurrmjólkurmálið veldur áhyggjum í Bretlandi: Læknar og foreldrar kref jast upplýsinga Símar lækna og ráðgjafarsamtaka á Bretlandi loguðu í gær vegna hringinga frá áhyggjufullum for- eldrum í leit að upplýsingum um hvaða þurrmjólk væri óhætt að gefa ungbórnum. Stjórnvöld og matvæla- framleiðendur neituðu að gefa upp nöfh níu tegunda mjólkurdufts fyrir ungbörn sem nýjar rannsóknir sýna að innihaldi lítið magn efnis sem kann að draga úr frjósemi. Mál þetta kemur sér afar illa fyr- ir bresk stjórnvöld, sem eiga nú mjög undir högg að sækja vegna kúafársins. Heilbrigðis- og landbúnaðarráðu- neytin héldu því statt og stöðugt fram í gær að ekki væri nein ástæða til að hafa áhyggjur af magni efnis þessa, phthalates, sem hefur dregið úr sæðisfrumuframleiðslu hjá rott- um í tilraunastofum. „Allar tegundirnar, sem voru prófaðar, voru vel innan þeirra marka sem stjórnin setur um leyfi- legt hámark og magnið er hundrað sinnum minna en er við hærtu- mörkin," sagði talsmaður fyrir mjólkurduftsframleiðandann SMA. Margir læknar og foreldrar sögð- ust hins vegar ekki vera áfjáðir í að treysta slíkum yfirlýsingum eftir að stjórnvöld höfðu um margra ára bil neitað því að nokkur tengsl væru milli kúafárs og banvæns heilarýrn- unarsjúkdóms í mönnum. Annað kom þó á daginn. „Læknar og almenningur þurfa á þessum upplýsingum að halda. Við viljum að stjórnvöld birti niðurstöð- urnar í heild og nöfnin á tegundum þessum svo hægt sé að veita fólki skýrar ráðleggingar sem byggðar eru á nýjustu upplýsingum," sagði í yfirlýsingu breska læknafélagsins. Nýlegar tölur sýna að um 80 pró- sent breskra kvenna gefa börnum sínum þurrmjólk fremur en brjósta- mjólk þegar þau hafa náð sex mán- aða aldri. Framleiðendur kanna nú hyernig umrætt efni, sem notað er til að mýkja plastefnið PVC, komst í mjólkurduftið. Reuter ÞJOFAVARNARKERFI fyrir heimili, fyrirtæki og stofnanir A MJOG HAGSTÆÐU VERÐI Við kerfin má tengja fleiri skynjara, símhringingabúnað, reykskynjara og fleira. KERFIN ERU ÞRÁÐLAUS og því mjög ódýr og auðveld í uppsetningu. Veitum tæknilega ráðgjöf. Einar JFanestveit & Co.hf Borgartúni 28 g 562 2901 og 562 2900

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.