Dagblaðið Vísir - DV - 22.08.1996, Síða 10

10
FIMMTUDAGUR 22. ÁGÚST 1996
Fréttir_________________________________________pv
Fínslípun fjárlagafrumvarpsins fer senn að hefjast:
Skorið verður niður hjá
öllum ráðuneytunum
- til að ná hallalausum fjárlögum, segir Jón Kristjánsson, formaður fjárlaganefndar
„Það markmið var sett 1 vor að
fjárlögin fyrir næsta ár yrðu halla-
laus. Það þýðir miðað við þær að-
stæður sem þá voru að skera þarf
niður um eina 4 milljarða króna.
Enda þótt tekjuaukningin verði eitt-
hvað fram yfir það sem gert var ráð
fyrir, eins og greinilegt er að hún
veröur á yfirstandandi ári, þá er svo
mikil innbyggð auking í kerfinu að
ekki verður náð hallalausum fjár-
lögum nema með niðurskurði. Það
er einnig ljóst að ekkert ráðuneyti
verður undanskilið því að skera
niður hjá sér. Sjálfsagt verða hæstu
tölurnar hjá fjárfrekustu ráðuneyt-
unum án þess að ég hafi á þessari
stundu forsendur til að svara fyrir
einstaka liði,“ sagði Jón Kristjáns-
son, formaður fjárlaganefndar Al-
þingis, í samtali við DV.
Hann sagði að heilbrigðis- og
tryggingaráðuneytið væri fjár-
frekasta ráðuneytið. Það væri til að
mynda innbyggð hækkun í trygg-
ingakerfinu og raunar líka í heil-
brigðiskerfinu, auk þess sem Ijóst
væri að Sjúkrahús Reykjavíkur
vantaði viðbótarfjárveitingu á þessu
ári. Það hlyti að koma til kasta rík-
isstjómar að taka tillit til þess á
haustdögum.
„Það mun vissulega létta undir að
það eru talsverðar umframtekjur til
ríkissjóðs í ár þannig að hægt ætti
að verða að minnka þann fjárlaga-
halla sem spáð var að yrði í ár. En
þessu fylgir auðvitað sú hætta að ef
tekjurnar vaxa mikið er hætta á
verðbólgu og þvi getur verið um
vítahring að ræða. Allt þetta þarf að
skoða mjög vel,“ sagði Jón. Hann
var spurður hvað liði gerð fjárlaga-
frumvarpsins sjálfs.
„Það má segja að fjárlagagerðin
sé enn hjá ríkisstjórninni. Málið
kemur ekki á borð fjárlaganefndar
fyrr en hvert ráðuneyti hefur gert
grein fyrir sínum tillögum um fjár-
magn og þingflokkar rikisstjónar-
flokkanna hafa fjallað um fjárlögin.
Einhverjar breytingar geta orðið í
meðforam þingflokkanna. En það er
farið að styttast í að fjárlaganefnd
fari að fmslípa fjárlagagerðina,"
sagði Jón Kristjánsson.
-S.dór
Gunnar Sæmundsson bóndi:
Fækkiö ekki sauðfé
meira en orðið er
DV, Hólmavík:
„Boðskapur minn til sauðfjár-
bænda er þessi: Fækkið ekki meira
sauðfé en orðið er. Fjölgið frekar að-
eins. Vélarnar eru til staðar á búun-
um. Húsnæði nægilegt svo og hey.
Það réttlætir útflutning nokkurs
hluta framleiðslunnar, sem ekki er
markaður fyrir innanlands. Útflutn-
ingsskylda þessa hausts myndi þá
verða 20% eða aðeins þar yflr,“
sagði Gunnar Sæmundsson, formað-
ur Búnaðarsambands Vestur-Húna-
vatnssýslu, á aðalfundi félags sauð-
fjárbænda í Strandasýslu 13. ágúst.
Gunnar var aðalræðumaðurinn á
fundinum og sagði nokkurt bil vera
milli þeirra sem haldið hefðu fram-
leiðslurétti og farið að fækkunar-
kröfum opinberrar forsjár, og
þeirra sem selt hefðu rétt sinn á síð-
ustu misserum þegar verðið var
hvað hæst. Tekið þar með beinu
greiðslurnar fyrirfram út. Með gild-
istöku nýs búvörusamnings gætu
þeir nú óáreittir brunað upp með
framleiðsluna.
Gunnar sagðist ekki mótfallinn
sumarslátrun dilka en hættan væri
samt sú að kapp einhverra væri svo
mikið að taka boði um hærra verð
fyrir sumarslátrað fé að einhverjum
réttindum innleggjanda væri fórnað
i leiðinni, svo sem tryggingu fyrir
skilum á sjóðagjöldum. Hann sagði
að samningur nokkuraa sauðfjár-
bænda í V-Hún. við Hagkaup um af-
hendingu 200 dilka á viku frá ágúst
til miðs desember hefði truflað
áform um stofnun slátursamlags við
Húnaflóa og Breiðafjörð með sam-
einingu sláturhúsa á þessu svæði,
sem komið var á góðan rekspöl.
Sagðist horfa til þess með kvíða ef
örfáir bændur færu að gera samn-
ing um sölu á einhverju magni
dilkakjöts við fyrirtæki hér og þar
um landið.
„Þá erum við komnir ofan í kart-
öflugarðana. Það er samstaða okkar
bænda sem allt veltur á því það
verður dauflegt um að litast í mörg-
um sveitum ef hún brestur," sagði
Gunnar Sæmundsson.
Á fundinum voru kynntar nýj-
ustu upplýsingar um kjötsöluna.
Þar kemur fram að 8% samdráttur
varð í sölu kindakjöts í júní sl. þrátt
fyrir um 3% aukningu síðustu 12
mánuðina. Nokkrir fundarmenn
töldu kjötmarkaðinn allnokkuð
stærri en opinberar tölur segja.
Nokkur hiti hljóp í suma fundar-
menn sem fengu að sjá nýja reglu-
gerð um útflutning á kindakjöti en í
siðustu málsgrein fyrstu greinar
segir: „Lokauppgjör á beinum
greiðslum almanaksárið 1996 fer
ekki fram fyrr en útflutningsupp-
gjöri er lokið.“
Einn fundarmanna var með þá
tilgátu að hér væri um augljóst lög-
brot að ræða ef þetta ætti að standa
því með nýja búvörusamningnum
hefði algjörlega verið skilið á milli
beinna greiðslna og kindakjötsfram-
leiðslunnar. í fundarlok var sam-
þykkt tillaga þar sem hvatt er til
aukinnar samstöðu í afurðasölumál-
unum. -GF
Njörður Tryggvason verkfræöingur og Valgeir Valgeirsson, eftirlitsmaöur Vegageröarinnar, fylgjast meö þegar fræs-
arinn rífur gamla slitlagiö upp og blandar í þaö sementi og vatni. Á eftir er vegurinn jafnaöur og valtaöur.
DV-mynd Magnús Ólafsson
Steypt á staðnum I Húnaþingi
DV, Húnaþingi:
Nú stendur yfir í Langadal í Húna-
vatnssýslu tilraun með að leggja slit-
lag á veg með öðrum hætti en þekkst
hefur hér á landi. Aðferðin felst í því
að með fræsara eða tætara eru rifnir
upp um 20 sm af efsta lagi vegarins.
Fræsarinn er tengdur vatnsbíl sem
skammtar réttan raka í fyllinguna,
en á undan fer sementsdreifari, sem
blandar hæfilegu sementi ofan á veg-
inn áður en ffæsarinn fer að vinna
sitt verk.
Það er mjög mikilvægt að vatns-
magnið sé rétt því á þann hátt næst
mest og best þjöppun sem gefur
sterkasta slitlagið. Áður hefur verið
notað innflutt froðubik sem bindiefni
í vegklæðningar en með þessari að-
ferð er hægt að nýta innlent sement.
Binda margir vonir við að með að-
ferðinni fáist sterkara slitlag. Þá er
það líka nýtt að rífa gamla slitlagið
upp á þennan hátt til endurnotkunar.
Við verkið eru notuð ný og mjög
fullkomin tæki frá Þýskalandi sem
fyrirtækið Merkúr hf. flytur inn
vegna þessa verkefnis. Hugsanlega
verða þessi tæki síðan flutt út aftur
að verki loknu nema einhver verk-
taki hafi áhuga á að kaupa þau.
Verktakar við verkið eru Sements-
verksmiðjan á Akranesi og íslenskir
aðalverktakar, sem buðust til þess að
gera þessa tilraun fyrir sambærilega
upphæð og kostaði að leggja slitlag
með gamla laginu.
Njörður Tryggvason, verkfræðing-
ur hjá Sementsverksmiðjunni, sagði
að steypan ætti að vera komin með 5
kg brotstyrk eftir sjö daga en allt að
90 kg brotstyrk eftir 28 daga. Tekist
hefði að leggja rúma 600 metra á dag
og færu um 75 tonn af sementi dag-
lega. Alls verða 5,4 km lagðir slitlagi
með þessari aðferð.
Valgeir Valgeirsson, eftirlitsmaður
frá Vegagerðinni, sagði að nákvæm-
lega yrði fylgst með hvemig þessi
klæðning stæði sig í samanburði við
eldra slitlag. Á sama hátt og þegar
froðubik er notað sem bindingur í
vegklæðningar er umferð hleypt
strax á veginn og reynt að valda veg-
farendum sem minnsum óþægindum.
-MÓ
Erró-stofa á Hótel Djúpuvík:
Gaf tíu myndir sem prýða
DV, Hólmavík:
Á hótelinu á Djúpuvik hefur ver-
ið komið upp málverkastofu sem
hlotið hefur nafnið Erroó-stofan
enda allar myndirnar 10 að tölu eft-
ir listamanninn Erró.
„Við áttum fyrir níu myndir, blý-
antsteikningar frá ýmsum stöðum í
hinni gömlu Reykjavík eftir föður
hans, Guðmund Einarsson frá Mið-
dal. Þessar myndir sá Erró þegar
hann kom hingað sl. haust ásamt
konu sinni, frönskum listfræðingi,
Gunnari Kvaran, forstöðumanni
Kjarvalsstaða, og Pétri H. Ármanns-
syni arkitekt. Meðan þau dvöldu
- ásamt blýantsteikningum föður hans
hér fór ég með honum út í verk-
smiðjuna og sýndi honum staðinn.
Við tókum upp létt hjal um ýmsa
hluti og þá spurði ég hann hvort
hann væri ekki til með að skenkja
okkur þó ekki væri nema eitt plakat
svona til minningar um komu hans
hingað. Hann sagði sem svo, því
ekki það.
Eftir að hann var aftur kominn til
Parísar fengum við frá honum póst-
kort með kveðju þeirra og þakklæti
fyrir móttökurnar og neðst stóð.
Myndirnar koma. Nú, það sem átti
að vera eitt plakat voru orðnar
myndir. í framhaldi gerðist svo það
að hringt var í okkur frá Kjarvals- Verk listamannsins í Erró-stofunni á Hótel Djúpuvík. DV-mynd Guöfinnur
veggi
stöðum og við spurð hvernig ætti að
senda okkur þær. Þetta voru þá
orðnar einar 10 myndir sem allar
voru glerjaðar og innrammaðar
áður en þær komu til okkar,“ segir
Ásbjörn Þorgilsson á Djúpuvík.
Hann segir að þær hafi komið í
nóvember og nokkuð hafi verið rætt
hvemig þeim yrði best komið fyrir
og samkomulagi hafi orðið um að
dreifa þeim ekki um veggi hótelsins
heldur hafa þær allar á einum stað.
Ásbjörn segir þau hjón mikið þakk-
lát þessum góða listamanni fyrir
þessa höfðinglegu gjöf. -GF