Dagblaðið Vísir - DV - 13.11.1996, Blaðsíða 12

12
MIÐVIKUDAGUR 13. NÓVEMBER 1996
Spurningin
Lesendur
Hvað fannst þér um ham-
farafréttir fjölmiðlanna?
Lárus Gunnlaugsson jarðganga-
maður: Þær voru hamfarir út af
fyrir sig.
Ástríður Steinþórsdóttir nemi:
Það var of mikið af þeim, annars
fylgist ég lítið með.
Ásdís B. Jóhannsdóttir nemi: Það
var of mikið en það var spennandi.
Hörður Jónasson sölumaður: Mér
fannst þær mjög góðar hjá ríkissjón-
varpinu en lélegar hjá Stöð 2.
Sigríður L. Sigurðardóttir hjúkr-
unarfræðingur: Mér fannst þær
nokkuð góðar og gefa góða mynd af
því sem var að gerast.
Helgi Bjöm Hjaltested nemi: Þær
voru spennandi.
Verkefni lögreglu
Reynsla annarra þjóða af klámi og vændi er slæm, segir hér m.a.
Ómar Smári Ármannsson aðstoð-
aryfirlögregluþj. skrifar:
í DV þann 11. nóv. sl. var ritað
um svonefnt „gæluverkefni lög-
reglu“. Slíkt telur bréfritari það
verkefni lögreglunnar er lýtur að
eftirliti hennar með leyfaskyldri
starfsemi er varðar rekstur veit-
ingastaða, svo sem þá er fellur und-
ir ákvæði hegningarlaga um klám
og vændi. Hann telur að lögreglan
eigi ekki að vera að fást við eftirlit
með að þau ákvæði séu haldin, enda
úrelt orðin, en snúa sér fremur að
þvi að gæta annarra ákvæða laga og
reglna.
„Engin þjóðfélagsvandamál er
hægt að rekja til kynlífs eða klám-
iðnaðar, síst af öllu hér á landi“.
Lögreglumenn mega oft heyra til-
vítnanir líka þessari. Þeir, sem ít-
rekað eru staðnir að umferðarlaga-
brotum, telja að lögreglan eigi t.d.
að hætta afskiptum af „heiðvirðum
ökumönnum" og snúa sér að „öðru
þarflegra". Þeir sem reka veitinga-
staðina vilja að lögreglan láti af eft-
irliti með þeim en snúi sér fremur
af meiri hörku að umferðarlaga-
brotum. O.s.frv.
Lögreglan hefur nýlega minnt á
ákvæði hegningarlaganna um klám
og vændi, að gefnu tilefni. Hvað sem
öðru líður er það nú einu sinni hlut-
verk hennar. í því felst engin ásök-
un, einungis áminning til þeirra er
málið varðar. Lögreglan hefúr und-
ir höndum upplýsingar sem gefa
henni tilefni til að bregðast við með
framangreindum hætti áður en
lengra er haldið. Þá er hún ekki
bara að hugsa um velferð Ágústar
eða Ámunda heldur alls almenn-
ings.
í gildandi lögum segir að „ef klám
birtist á prenti, skal sá sem ber
ábyrgð á birtingu þess eftir prent-
lögum, sæta fangelsi allt að 6 mán-
uðum. Sömu refsingu varðar það aö
búa til eða flytja inn í útbreiðslu-
skyni, selja, útbýta eða dreifa á ann-
an hátt klámritum, klámmyndum
eða öðrum slíkum hlutum, eða hafa
þá opinberlega til sýnis, svo og að
efna til opinbers fyrirlestrar, eða
leiks, sem er ósiðlegur á sama hátt“.
Að sjálfsögðu þarf lögreglan að hafa
þessi ákvæði til hliðsjónar við af-
skipti af málum tengdum hugsan-
legu klámi.
Áhugi hefur farið vaxandi á
greiðara aðgengi að tengdri afþrey-
ingu. Reynsla annarra þjóða af
klámi og vændi er slæm. Fylgifisk-
ar þess eru venjulega skipulögð af-
brotastarfsemi með tilheyrandi af-
leiðingum, auknu smiti HIV og lifr-
arbólgu, ofbeldi, fikniefnaneyslu,
auðgunarbrotum og annarri svartri
undirheimastarfsemi. Full ástæða
er til að huga að öllum ábendingum,
fylgjast með þróun mála hér á landi
og bregðast við í tíma eftir því sem
ástæður gefa tilefhi til og aðstæður
leyfa.
Einkaskóli, hvað er það?
Reykvísk móðir skrifar:
Mig lsmgar til að segja stuttlega
frá góðri reynslu minni af Miðskól-
anum við Skógarhlíð. Ég ákvað að
láta son minn í þennan skóla sl.
haust til reynslu því þarna var um
einstakling að ræða sem hafði verið
lagður í einelti af eldri bekkingum í
stórum skóla og honum stritt vegna
örlítilla fótavandamála. Með árun-
um varð skólagangan alltaf erfiðari
og erfiðari og svo var komið að
drengurinn var farinn að skrökva
til um veikindi eða jafnvel mætti
ekki í skólann án minnar vitneskju.
- Hann varð lélegri námsmaður
með hverju ári og ég fann að eitt-
hvað varð að gera í málunum.
Ekki hafði þýtt að kvarta því illa
var mannað við eftirlit í frímínút-
um og upp undir 30 börn í bekkn-
um. Drengurinn minn þurfti aðeins
meiri hjálp og því ákvað ég að prófa
Miðskólann. Þessi svokallaði einka-
skóli er heils dags skóli. Þar er ekk-
ert heimanám og heitur matur i há-
deginu fyrir þá sem vilja kaupa.
Annars taka börnin bara nesti með
sér að heiman. í bekknum eru að-
eins 16 börn. Nú hefur sonur minn
stundað þarna nám í 2 mánuði og
framfarir eru miklar, einkunnir
hafa hækkað um nær helming í
hans tilfelli.
Hann fer ánægður í skólann á
morgnana og kemur ánægður heim
og getur þá gert það sem hann lang-
ar til því hann er búinn með
heimalærdóminn. Mánaðargjald er
kr. 12.000 og það fmnst mér vel þess
virði þótt ég sé ríkisstarfsmaður.
Mér fmnst að ríkið eða sveitarfélög-
in mættu jafnvel hlaupa undir
bagga hjá þeim sem minnst mega
sín. - Þessi skóli gæti verið lausn
fyrir marga foreldra með böm sem
svipað er ástatt um en líka eflaust
góður kostur fyrir marga aðra.
Til hvers eru göturnar?
Bannskiltin á gatnamótum Hafnarstrætis og Pósthússtrætis áöur en þau
voru fjarlægö.
Björn Karlsson skrifar:
Það hefur lengi verið eins og
árátta hjá yfirmönnum gatnakerfis-
ins í Reykjavík að spara göturnar.
Loka sumum í ákveðinn tíma, setja
á þær takmarkanir eða hindranir.
Til þess að bílar aki þær sem
minnst eða sjaldnast. Þetta hlýtur
líka að hafa verið hugsunin að baki
því að loka Hafnarstrætinu eftir að
framkvæmdum lauk við
Kalkofnsveginn. Ég veit ekki til að
nokkur maður hafi borið fram
kvörtun sem gaf tilefni til að loka
Hafnarstrætinu. - Um það máttu að-
eins aka strætisvagnar, og hverjir
aðrir, haldið þið? Jú, leigubílar!
Það var þá helst. Leigubílar? og
svo svonefndir þjónustubílar með
vörur. Alls ekki einkabílar sem eru
á leið upp Hverflsgötu eða suður
Lækjargötu. Þessi vitleysa varð auð-
vitað til þess að menn ærðust. Fjar-
lægðu skiltin sem bönnuðu
áframakstur efth' Hafnarstræti. Og
það undir lögregluvernd. Þannig
þyrfti nú að bregðast við fleiri
hindrunum sem móta gatnakerfi
höfuðborgarinnar. Ofstjórnin er
orðin óþolandi.
DV
Nýju fötin
keisarans
Iðnnemi skrifar:
Breytt og bætt lög um fram-
haldsskóla, yfirlýsingar mennta-
málaráðherra, samþykktir
flokksþings Sjálfstæðisflokksins,
kosningaloforð Framsóknar-
flokksins og andinn í þjóðfélag-
inu - allt gaf þetta von um að nú
yrði aukin áhersla lögð á iðn-
nám og starfsmenntun, þessari
menntun gefið það vægi sem
henni ber og ungu fólki gefinn
kostur á að nema hagnýta
menntun. En þetta eru bara orð-
in tóm, staðlausir stafir, ósýni-
legir hlutir líkt og nýju fötin
keisarans. Iðnnemar eiga aðeins
kost á námslánum í 3 ár af námi
sínu. Iðnnemar, sem fara í
Tækniskóla íslands til fram-
haldsnáms, eiga kost á námslán-
um en aðeins í 2 ár ef þeir tóku
lán á meðan á iðnnáminu stóð.
Iðnnemar eiga rétt á lánasjóðs-
þjónustu - en ekki til jafhs við
stúdenta eða námsmenn erlend-
is. Sjórn Lánasjóðs íslenskra
námsmanna ákveður að iðn- og
sérskólanemar þurfi ekki sömu
þjónustu og aðrir námsmenn.
Með þessari ákvörðun er enn
aukin mismunun á iðn- og
starfsnámi.
Nýr hámarks-
hraði (110 km)
Páll Helmút Guðjónsson skrif-
ar:
Mér finnst hinn boðaði nýi há-
markshraði (110 km) einum of
mikill. Hingað til hafa orðið
nógu mörg slys á götum og veg-
um landsins. Ég get ekki hugsað
til þess að þau aukist með meiri
hámarkshraða. Mér finnst ótrú-
legt hve mörgum ökumönnum
finnst það vera „töff“ að aka yfir
100 km hraða.
Dýrbók
fyrir aldraða
Ásmundur skrifar:
Verið var að auglýsa nýút-
komna bók sem fjallar um ellina
og afleidd mál. Ekki skortir sér-
fræðingana sem þar leggja hönd
á plóg og ræða um sérsvið sitt.
En mér blöskrar verðið á bók-
inni - rúmar 6.000 kr. Varla hafa
margir aldraðir fé aflögu til að
eignast slíka bók, þótt áhugaverð
kunni að vera. Kannski sveitar-
félögin, hvert fyrir sig, leggi
öldruðum lið og niðurgreiði t.d.
tvo þriðju hluta bókarverðsins.
Samkeppnis-
stofnun VÍS og
Flugleiðir
Gísli Einarsson hringdi:
Margir bíða spenntir eftir
frekari könnun Samkeppnis-
stofnunar á kaupum Vátrygg-
ingafélags íslands á félögum
Skandia hér á landi og kaupum
Flugleiða á þriðjungshlut í
Feröaskrifstofu íslands hf. Fróö-
legt verður að sjá hvort Sam-
keppnisstofnun hefur erindi sem
erfiði í þessari „frekari könnun"
sinni með bréfaskriftum sinum
einum til VÍS og Flugleiða.
Framhaldsins er víða beðið með
eftirvæntingu að fengnum svör-
um frá þessum fyrirtækjum.
Brennimerktur
handleggur?
Halldóra Ólafsdóttir hringdi:
Mér brá að sjá þá óvenjulegu
auglýsingu sem tengist Volks-
wagen á einhvern hátt, að ég tel,
því hún sýnir unga manneskju
allt að því krúnurakaða (veit
ekki hvort er karl- eða kven-
kyns) með brennimerkt
Volkswagenmerki á handlegg.
Þetta minnir of mikið á fanga-
búðamerkingar fyrrum ógnar-
búðanna í framleiðslulandi
Volkswagen til þess að vera snið-
ugt.