Dagblaðið Vísir - DV - 04.04.1998, Page 31
JLj’V LAUGARDAGUR 4. APRÍL 1998
%étta!jós 3>
Málsókn Paulu Jones byggðist á röngum upplýsingum um afleiðingar funda hennar og Clintons:
Fékk ekki blém né launahækkanir
- dómari vísaði málinu frá
Bill Clinton Bandaríkjaforseti
hafði svo sannarlega ástæðu til að
kætast og stíga dans með íbúum
senegalska þorpsins Dal Diam á
næstsíðasta degi heimsóknar sinnar
til Afríku eftir að honum var tjáð að
máli Paulu Jones á hendur honum
hefði verið vísað frá. Þó svo að for-
setinn hefði í fyrstu talið að um lé-
legt aprílgabb hefði verið að ræða,
duldist engum ánægja hans yfir
fregnunum, enda um mikill pólitísk-
ur sigur. Fyrir aðeins nokkrum
mánuðum var rætt um það í fjöl-
miðlum hvort Clinton ætti að segja
af sér eða hvort svipta ætti hann
embætti vegna kynlífsmála hans en
nú hefur forsetinn enn einu sinni
unnið áfangasigur.
Ronald Reagan, forveri hans í
starfi, fékk viðurnefnið Teflon-for-
setinn af andstæðingum sínum því
engar ásakanir virtust loða við
hann. Clinton hefur hins vegar full-
komnað þá listgrein og sýnt og
sannað hvað eftir annað hæfni sína
til að snúa ásökunum sér í hag.
Honum er nú helst líkt við töfra-
manninn Houdini, sem gat losað sig
úr hvaða hlekkjum sem var á meist-
aralegan hátt.
Búnir að fá nóg
Skoðanakönnun sem lesendur
heimasíðu CNN-sjónvarpstöðvar-
innar tóku þátt í sýnir að 70%
Bandaríkjamanna telja að Susan
Webber Wright dómari hafi gert
rétt í því að vísa málinu frá.
sýnir Gallupkönnun
sem gerð var nokkrum
klukkustundum eftir
að Wright dómari hirti
niðurstöðu sína að 67%
kjósenda telji að hætta
eigi öllum frekari
rannsóknum sem bein-
ast að einkalífi forset-
ans.
Clinton hefur þó varað sitt fólk
við því að fagna of snemma því lög-
fræðingar Paulu Jones hafa lýst því
yfir að þeir muni áfrýja dómnum og
forsvarsmenn Rutherford-stofnun-
arinnar, sem hefur fjármagnað
málarekstur hennar, hafa tekið í
sama streng. Þá hefur Kenneth
Starr, settur ríkissaksóknari í mál-
efnum Clintons, sagt að frávísun
málsins hafi engin áhrif á rannsókn
hans.
Starr heldur sínu striki
Starr var upphaflega fenginn til
að rannsaka þátt Clintons í svoköll-
uðu Whitewater-máli, þar sem for-
setahjónin eru sökuð um að hafa
nýtt sér mikilvægar upplýsingar í
fasteignarbraski meðan Clinton var
ríkisstjóri í Arkansas. Starr hefur í
æ ríkara mæli einbeitt sér að kyn-
lífshneykslismálum forsetans og
segja demókratar hann nú hafa
skotið sig í fótinn þar sem hann hafl
nú ekkert í höndunum til að byggja
mál sitt á. Almenningur virðist
sömu skoðunar og þvi sé botninn
dottinn úr rannsókn Starrs því í
raun sé öllum alveg sama hver nið-
urstaðan sé.
Repúblikanar líta málið öðrum
augum og segja það snúast um
hvort forsetinn hafi logið eiðsvar-
inn fyrir rétti og hvort hann hafi
fengið Monicu Lewinsky, lærling
sinn í Hvíta húsinu, til að bera ljúg-
vitni um að þau hafi ekki átt í kyn-
ferðislegu sambandi. Því sé forset-
inn ekki laus úr snörunni og þeir
telja að fall hans verði aðeins þvi
meira þegar rannsókn Starrs lýkur.
Það er langt siðan málaferli
Paulu Jones hættu að snúast um
upprunalega ákæru hennar og
breyttust í raun í nornaveiðar þar
sem lögfræðingar, fjármagnaðir af
pólitískum andstæðingum forset-
ans, leituðu uppi konur sem sögðust
hafa lent í svipuðum hremmingum
og hún. Það er því full ástæða til að
rifja upp um hvað ásaknir hennar
snúast.
Fékk ekki blóm
Jones var lágt settur ríkisstarfs-
maður í Arkansas þegar Clinton var
ríkisstjóri. Samkvæmt framburði
hennar lenti hún ein með Clinton í
hótelherbergi í miðborg Little Rock.
Jones segir hann hafa tekið niður
=ig buxurnar, sýnt henni stinn-
an lim sinn og
beðið hana um
að kyssa hann.
Jones sagðist þá
ekki vera stúlka
af slíku tagi og
Clinton hysjaði
þá upp um sig
buxurnar og
gekk út. Hann
ber því hins vegar við að hann reki
ekki minni til að hafa nokkru sinni
hitt Jones.
Málsókn Jones var byggð á þvi að
vegna kynferðislegrar áreitni ríkis-
stjórans hafi hún ekki fengið launa-
hækkanir, auk þess sem hún var
eini ritarinn í sinni deild sem fékk
ekki blóm á ritaradaginn sem hald-
inn er hátíðlegur í Bandaríkjunum
líkt og mæðradagurinn. Þessar
ásakanir reyndust hins vegar ekki á
rökum reistar því í ljós hefur kom-
ið að Jones fékk lögbundnar launa-
hækkanir á tímabilinu sem um ræð-
ir og að það var í raun embættis-
maður, sem hafði ekki nokkur
tengsl við Clinton ríkisstjóra, sem
fyrirskipaði að hún fengi ekki blóm-
vönd eins og hinir ritararnir.
Jones kom fram með ásakanir
sinar árið 1994 og sagðist þá vilja
hreinsa nafn sitt af áburði sem birst
hafði í fjölmiðlum. Hún hafi í raun
aldrei náð sér eftir þá kynferðistil-
l'i
Erlent
fréttaljós
......
Paula Jones var slegin, vonsvikin og mjög særð yfir ákvörðun Wrights
dómara í Arkansas um að vísa máli hennar gegn Bill Clinton frá dómi.
Símamynd Reuter
þar sem ekkert studdi kynferðislega áreitni forsetans
Bill Clinton Bandaríkjaforseti var kampakátur er hann tók þátt í
hátíðahöldum þorpsbúa í Senegal, íklæddur boubou-skikkju, þjóðbúningi
senegalskra karla. Hann fagnaði áfangasigri sínum á ferðalagi í Afríku.
Símamynd Reuter
burði sem Clinton hafði i frammi.
Síðar sama ár birti karlatímaritið
Penthouse nektarmyndir af Jones
sem þykja sýna að sakleysi hennar
hafi ekki verið alveg jafn mikið og
hún vilji láta i veðri vaka. Þá hefur
hún einnig haft fjárhagslegan
ávinning af málarekstrinum því
mánuði eftir að hún lagði fram
kæru á hendur Clinton undirritaði
hún samning við íþróttavörufyrir-
tækið No Excuses, sem áður hafði
fengið til liðs við sig fyrirsætur á
borð við Donnu Rice sem varð for-
setaframbjóðandanum Gary Hart að
falli vegna framhjáhalds.
Pólitískir andstæðingar Clintons
hafa fjármagnað málareksturinn
undanfarin fjögur ár. Gengið hefur
á ýmsu og í september í fyrra sögðu
lögfræðingar Jones sig frá málinu,
og báru þvi við að hún hefði ekki
farið að ráðum þeirra. I október tók
nýr hópur lögfræðinga við mála-
rekstrinum sem hefur síðan þá ein-
kennst af því að draga fram mál
annarra kvenna fram í dagsljósið.
Nornaveiðar
í nafni Jones
Lærlingurinn Lewinsky var
trompið sem teflt var fram í byrjun
þessa árs og þá virtust Clinton allar
bjargir bannaðar. Lewinsky hafði
stært sig af því við vinkonu sína,
Lindu Trapp, að hafa átt vingott við
forsetann og átt við hann munnmök
í Hvíta húsinu. Linda Trapp hljóð-
ritaði samtölin og lagði fram til
stuðnings máli Paulu Jones.
Kathleen Willey, sem hafði verið
eindreginn stuðningsmaður forset-
ans í kosningabaráttu hans, kom
fram í fjölmiðlum þann 15. mars síð-
astliðinn og sagði Clinton hafa gerst
fjölþreifinn við hana árið 1993. Mál
hennar virtist hrekja þá kenningu
forsetafrúarinnar, Hillary Rodham-
Clinton, sem staðið hefur með
manni sínum gegnum þykkt og
þunnt, um að árásirnar á mann
hennar væru samsæri hægri afla í
landinu. Ásakanirnar hrinu hins
vegar ekki á forsetann eftir að upp-
víst varð að Willey hafði reynt að
selja bókaútgefendum sögu sína.
Lögfræðingar Jones lögðu fram
700 bls. skýrslu um hvernig Clinton
forseti hefði áreitt hana og fleiri
konur kynferðislega nú um miðjan
mars. Lögfræðingar Clintons lögði
nokkrum dögum síðar fram 200
blaðsíður af skjölum þar sem þeir
leituðust við að sýna fram á að
ákæra Jones ætti sér ekki stoð í lög-
um.
Áfangasigur Clintons
Wright dómari lagði upp með
þetta og kvað upp úrskurð sinn 1.
apríl. Málinu var vísað frá á þeim
forsendum að lögfræðingum hefði
ekki tekist að sýna fram á að Clint-
on hefði framið refsivert athæfi.
Hún tekur hins vegar fram að
greini Jones rétt frá hafi forsetinn
að visu gerst sekur um dónalega og
vansæmandi framkomu.
Fram undan er mjög líflegur tími brúðkaupa
og af því tilefni mun DV gefa út veglegt
aukablað um brúðkaup
fimmtudaginn 16. apríl.
Lögð verður áhersla á nýtilegt blað þar
sem fallegar myndir, létt viðtöl og 4
skemmtilegir fróðleiksmolar skipa
veglegan sess.
Öllum þeim sem hafa skemmtilegar ábendingar og tillögur um
efni blaðsins er bent á að hafa samband við Guðrúnu Gyðu,
blaðamann DV, í síma 897 0995 sem fyrst.
Auglýsendum er bent á að hafa samband við
Selmu Rut í síma 550 5720 eða Gústaf í síma
550 5731 hið fyrsta, en þó eigi síðar en 8. apríl.