Dagblaðið Vísir - DV - 29.05.1998, Blaðsíða 4

4
FÖSTUDAGUR 29. MAÍ 1998
Fréttir
Stjórnir Ríkisspítala og Sjúkrahúss Reykjavíkur búa sig undir neyðarástand:
Neyðarástand fyr-
irsjáanlegt 1. júli
- samningaviðræður milli hjúkrunarfræðinga sem sagt hafa upp og stjórna sjúkrahúsanna hafnar
Uppsagnir hjúkrunarfræðinga taka gildi 1. júlí. Neyöarástand blasir við á sjúkra-
húsunurn náist ekki samkomulag fyrir þann tíma.
Stjórnir Rikisspítalanna og
Sjúkrahúss Reykjavíkur hafa fundað
með fulltrúum heilbrigðisráðuneyt-
isins til að kynna neyðaráætlanir
sem grípa þarf til ef hjúkrunarfræð-
ingar hafa ekki dregið uppsagnir sín-
ar til baka fyrir 1. júlí nk. Anna Stef-
ánsdóttir, hjúkrunarforstjóri Ríkis-
spítalanna, segir að stjómin hafi lagt
fram neyðaráætlun sem miðist við
að til verkfalls hjúkrunarfræðinga
komi. Hins vegar sé ljóst að mikið
vanti á að hægt verði að framfylgja
þeirri neyðaráætlun því 62% hjúkr-
unarfræðinga hafi sagt upp störfum.
Sérstakar samninganefndir þeirra
hjúkrunarfræðinga sem sagt hafa
upp hafa verið skipaðar og hafa þær
þegar átt viðræður við stjórnir
sjúkrahúsanna.
Þá virðist ljóst að enginn botn
verður kominn I deilu Félags ís-
lenskra hjúkrunarfræðinga (FÍH)
fyrr en síðustu vikuna í júní því
mál Félags náttúrufræðinga verður
ekki dómtekiö í félagsdómi fyrr en
15. júní og er lausn þeirrar deilu for-
senda lausnar deilu Félags ís-
lenskra hjúkrunarfræðinga.
Ekki lýst yfir hættu-
ástandi - strax
Matthías Halldórsson aðstoðar-
landlæknir segir að Landlæknis-
embættið telji ekki ástæðu til þess í
dag að vara almenning við hættu-
ástandi, það sé árviss atburður að
heilbrigðisstéttir segi upp störfum.
Það sé löglegur liður í kjarabaráttu
og embættið geti litið annað gert að
svo komnu máli en fylgjast með
framvindu mála.
Niöurstaöa félagsdóms
höfö til hliösjónar
FÍH hefur sett stn mál í úrskurð-
arnefnd en bíður nú eftir því hvem-
ig félagsdómur fer með niðurstöðu
úrskurðarnefndar í máli Félags
náttúrufræðinga en þar ákvarðast
hvemig raðast mun í launaflokka.
Þeir hjúkranarfræðingar sem sagt
hafa upp störfum bíða því eftir þeim
úrskurði enda geta þeir þá metið
stöðuna og gengið inn í endanlegan
samning ef þeim lýst þannig á en
úrskurði félagsdóms er ekki hægt
að áfrýja.
Bullandi óánægja meö
launamismun
Það er hins vegar alveg óvíst
hvort niðurstaða félagsdóms muni
breyta nokkru mn afstöðu þeirra
hjúkrunarfræöinga sem sagt hafa
upp störfum. FÍH gerði svonefndan
miðlægan samning í fyrra og átti
síðan að gera vinnustaðasamninga
þar sem starfsstéttum var skipað í
A-, B- og C- flokka. Eftir að samning-
urinn var gerður í fyrra hafa fastar
yfirvinnugreiðslur og aðrar duldar
greiðslur verið færðar inn í föst
grunnlaun hinna mismunandi
starfshópa. Orsök uppsagna hjúkr-
unarfræðinga er að fram hefur kom-
ið, samkvæmt því sem Ásta Möller,
formaður FÍH, sagði í samtali við
DV, að aðrir hópar hafa fengið mun
hærri hækkanir með þessum hætti
en hjúkrunarfræðingar eru líklegir
að fá. Sagði Ásta að til dæmis hefðu
grannlaun tæknifræðinga hækkað
um 70 þúsund krónur á mánuði en
grunnlaun hjúkrunarfræðinga
væntanlega um 4 þúsund krónur.
Það hefði einnig komið fram að
stjórnir sjúkrahúsanna hefðu ekki
hugsað sér að til neinna launa-
hækkana kæmi hjá hjúkrunarfræð-
ingum og því hefði hjúkrunarfræð-
ingum verið nóg boðið og til upp-
sagna hefði verið gripið.
Nýjar samninganefndir
í gang
FÍH fer ekki með samningsmál
þess meirihluta hjúkrunarffæðinga
sem sagt hafa upp enda uppsagnirn-
ar á einstaklingsgrunni. Fjöldi
þeirra sem sagt hafa upp er hins veg-
ar það mikill að stjórnendur sjúkra-
húsanna hafa farið fram á að fulltrú-
ar þeirra komi til samningavið-
ræðna og hafa þegar verið skipaðar
slíkar samninganefndir. Samkvæmt
heimildum DV hafa viðræður þegar
farið fram á milli þessara aðila.
Tafir í félagsdómi
Auður Þorbergsdóttir, dómstjóri
félagsdóms, segir stöðuna varðandi
mál Félags náttúrufræðinga vera
mjög slæma. Upp hefði komið mjög
óvenjuleg staða þar sem Gylfi Knud-
sen dómari hafi talið sig vanhæfan í
málinu og vék sæti og varamaður
hans, Kristjana Erlendsdóttir hér-
aðsdómari, hafi verið erlendis til 6.
júnf. Þá verði lögmaður stefnanda,
Ragnar Hall, farinn af landi brott í
viku svo málið verði ekki flutt fyrr
en 15. júní. „Við þessu var ekkert að
gera,“ segir Auður. Hún sagði erfltt
að meta hversu langan tíma mál Fé-
lags náttúrufræðinga taki en taldi
ekki óeðlilegt að ætla viku í málið.
Þetta þýðir að engin lausn verður
komin í mál hjúkrunarfræðinga
fyrr en seinni hluta júní og líklega
ekki fyrr en í síðustu viku mánaðar-
ins.
Neyðaráætlun: 230.
Starfandi 1. júlí: 89
Verkfallsáætlun Sjúkrahúss
Reykjavíkur gerir ráð fyrir
að rúmlega 200 hjúkrunar-
fræðingar séu í starfí af rúm-
lega 500. Hins vegar eru að-
eins 90 hjúkranarfræðingar
innan sjúkrahússins sem
ekki hafa sagt upp starfi mið-
að við 1. júlí og komi þeir
ekki til starfa skapast grafal-
varlegt ástand. Svo dæmi sé
tekið þá gerir verkfallsáætl-
un Sjúkrahúss Reykjavíkur
ráð fyrir að 41 hjúkranar-
fræðingur sé að störfum á
Slysadeild og bráðavakt, en
að óbreyttu ástandi verða að-
eins 13 hjúkrunarfræðingar
starfandi. Verkfallsáætlun
gerir ráð fyrir 76 hjúkrunar-
fræðingum á skurðlækninga-
sviði en 37 verða að störfum,
á lyflækningasviði gerir
neyðaráætlun, komi til verk-
falls, ráð fyrir 53 hjúkrunar-
fræðingum að störfum en að
óbreyttu verða þeir 13. í heild
gerir Sjúkrahús Reykjavíkur
ráð fyrir 230 hjúkranarfræð-
ingum miðað við neyðaráætlun sem
skapast vegna verkfalls. í reynd
verða 89 hjúkrunarfræðingar við
störf gangi uppsagnir í gildi.
Ástandið er ekki betra hjá Ríkisspít-
ölunum.
Auglýst erlendis eftir
hjúkrunarfræöingum
Anna Stefánsdóttir, hjúkrunarfor-
stjóri Ríkisspitalanna, segist helst
ekki vilja taka sér orðið neyðai'-
ástand í munn en það sé erfitt að
kalla ástandið neitt annað mæti
hjúkrunarfræðingar ekki til starfa.
Hún sagði að auglýst hefði verið eft-
ir hjúkranarfræðingum til starfa,
bæði innanlands og utan. Engin við-
brögð hafa verið við þeim auglýs-
ingum hér en Anna sagði að þó
nokkur viðbrögð hefðu orðið frá
Norðurlöndum. Hún sagðist ekki
vilja tjá sig um hvort lausn væri í
sjónmáli en taldi að erfitt yrði að
finna hana.
Þá hefur borist tilkynning til fjöl-
miðla frá nokkrum hjúkrunarfræð-
ingum sem hafa sagt störfum sínum
lausum frá og með 1. júlí þar sem
vakin er athygli á auglýsingum um
lausar stöður hjúkrunarfræðinga.
Eru hjúkrunarfræðingar hvattir til
að sækja ekki um þessi störf á með-
an „deila okkar um launakjör hefur
ekki verið leyst“. -phh
Fundur starfsmanna Ríkisútvarpsins í gær:
Harmar stuðningsleysi útvarpsstjóra
Fundur starfsmanna Ríkisútvarpsins
harmaði í gær „órökstuddar fullyrðingar
Daviðs Oddssonar forsætisráðherra um hlut-
drægni fréttastofa" fyrir sveitarstjórnar-
kosningamar.
Einnig var sagt í einróma samþykktri
ályktun fundarins að dylgjur Gunnlaugs
Sævars Gunnlaugssonar, formanns útvarps-
ráðs, í fjölmiðlum um pólitísk áhrif ættar-
tengsla starfsmanna Ríkisútvarpsins séu
hreinn og beinn atvinnurógur. Þær lýsi ein-
ungis vanþekkingu formannsins á starfi
fréttamanna.
Jafnframt var harmaö að Markús Örn
Antonsson útvarpsstjóri skuli ekki hafa
brugðist til varnar fréttastofum Ríkisút-
varpsins. „Útvarpsstjóri veit mætavel, með-
al annars vegna starfsreynslu sem frétta-
maður, að fréttamenn starfa samkvæmt
ströngum fyrirmælum um sjálfstæði, óhlut-
drægni og alhliða sanngirni í fréttaflutn-
ingi,“ segir í ályktun fundarins. -Ótt
Starfsmenn Sjónvarps og Útvarps héldu fund í Útvarpshúsinu f gær. Til hægri situr Helgi H. Jónsson, fréttastjóri Sjón-
varps, sem forsætisráðherra og formaöur útvarpsráös hafa beint kastljósinu aö á síðustu dögum. DV-mynd GVA
Stuttar fréttir i>v
Ráöleysi
Opinberar aðgerðir í málefnum
ungra afbrotamanna einkennast
af ráðleysi, segir unglingaráðgjafi
Félagsmálastofnunar. Hann segir
að taka þurfi mun fyrr á málum
ungmenna sem leiðast út í afbrot.
Greinargerð til
Greinargerð Jóns Steinars
Gunnlaugsson-
ar hæstaréttar-
lögmanns um
réttarstöðu
Landsbanka-
stjóranna
þriggja ertilbú-
in. Helgi S.
Guðmundsson, formaður banka-
ráðs Landsbankans, segir að hún
verði birt eftir hálfan mánuð. Rík-
isútvarpið sagði frá.
Eftiriíking
Lögmenn norsk-dansk-sænska
útgáfufyrirtækisins Aller Press,
sem gefur út Se og hör í löndun-
um þremur, hafa óskað eftir því
að Héraðsdómur Reykjavíkur
skipi tvo óvilhalla matsmenn til
að meta hvort tímaritið Séð og
heyrt sé eftirlíking Se og hör í
Noregi og Svíþjóð.
Engar athugasemdir
Sighvatur Björgvinsson segir
að hann hafi ekki fengið neinar
athugasemdir um að það væri
misráðið að sameina Lind
Landsbankanum en hann var
viðskiptaráðherra þegar Lind var
sameinuð Landsbankanum.
Ríkisútvarpið sagði frá.
Umönnunarbætur lagöar til
Margrét Frímannsdóttir, for-
maður Alþýðu-
bandalagsins,
mun á föstudag
leggja fram til
kynningar frum-
varp um að
heimilt verði að
greiða foreldrum barna með al-
varleg fíkniefnavandamál
umönnunarbætur.
Mál Soffíu rædd
Halldór Ásgrimsson utanríkis-
ráðherra ræddi mál Soffiu Hansen
við utanríkisráðherra Tyrklands á
fimmtudag. Halldór minnti tyrk-
neska ráðherrann á að ekki hefur
verið farið eftir dómi hæstaréttar
Tyrklands þar sem Soffiu Hansen
var tryggður umgengnisréttur við
dætur sínar.
Utanríkisráðherra hefur ákveð-
ið að senda Stefán H. Jóhannesson
skrifstofustjóra tii Tyrklands en
hann á að starfa með tyrkneskum
embættismönnum að þessu máli.
Skýrslan um Lind
Finnur Ingólfsson viðskiptaráð-
herra segir að hann hafi ekki get-
að upplýst Alþingi um skýrslu
Ríkisendurskoðunar um Lindar-
málið og gerð var fyrir bankaráð
Landsbanka Islands þar sem við-
komandi skýrsla hafi verið
vinnuplagg. Hann segir að Lind-
armálið hafi verið yfirstaðið þeg-
ar hann settist í ráðherrastól.
Ríkissjónvai-piö sagði frá.
í gegnum ráðherra
Kjartan Gunnarsson, varafor-
maður bankaráðs Landsbankans,
lagði á það áherslu að samskipti
ráðsins við Alþingi hefði ávallt
verið í gegnum bankamálaráðu-
neytið en ráðherra þess er Finnur
Ingólfsson.
Hagfræði testamentisins
Geir H. Haarde íjármálaráð-
herra segir að nú
eigi við að leggja í
sjóði til þess að
eiga fyrir mögra
árunum. Hann
vill gera ríkissjóð
upp með myndar-
legum afgangi. Stöð 2 sagði frá.
Lífeyrisskeröing ólögleg
Hæstiréttur hefur dæmt
skerðingu á lífeyri sjómanna með
reglugerð frá árinu 1994 brot á
stjórnarskrá. Dómurinn hefur dæmt
lífeyrissjóð sjómanna til þess að
greiða félagsmanni sínum óskertan
lífeyri en sýknaði ríkið af kröfum
hans. Ríkisútvarpið sagði frá. -JHÞ