Dagblaðið Vísir - DV - 24.07.1998, Blaðsíða 11

FÖSTUDAGUR 24. JÚLÍ1998
11
PV__________________________________________Fréttir
Afkoman af landsmóti hestamanna á Melgeröismelum:
Ofan við núllið
DV, Aknreyri:
„Endanlegt uppgjör liggur ekki
fyrir þannig að það er of snemmt að
fullyrða um niðurstöðuna. Mér sýn-
ist þó að við ætlum að verða réttum
megin við núllið,“ segir Jón Ólafur
Sigfússon sem var framkvæmda-
stjóri Landsmóts hestamanna sem
fram fór á Melgerðismelum í Eyja-
firði á dögunum.
Sögusagnir hafa verið uppi um
mikinn hagnað af mótshaldinu en
Jón Ólafur ber slíkar sögur til baka
og segir að þetta mót verði ekki að
verulegu leyti frábrugðið öðrum
mótum hestamanna sem hafa yfir-
leitt verið í jámum fjárhagslega
þegar upp hafi verið staðið. Jón
Ólafur segir að veltan vegna móts-
ins hafi numið um 35 milljónum
króna. „Samkvæmt þeim upplýsing-
um sem við höfum núna voru seldir
aðgöngumiðar á bilinu 6.500 til 7.000
en alls er reiknað með að tæplega 8
þúsund manns hafi verið á móts-
svæðinu þegar flestir voru þar.
Þessi aðsókn er betri en við
reiknuðum með á tímabili þegar
hrossasóttarumræðan var hvað há-
værust. Þá er það vitað mál að við
töpuðum einhverjum. hundruðum
gesta vegna mjög óhagstæðrar veð-
urspár í upphafi mótsins, það hef ég
sannreynt," segir Jón Ólafur.
Hann segir að verði hagnaður af
mótshaldinu muni hann skiptast
jafnt niður á þau 8 hestamannafélög
á Norðurlandi sem stóðu að mótinu
og Landssambands hestamannafé-
laga. Hestamannafélögin sem um
ræðir eru Léttir á Akureyri, Funi í
Eyjafjarðarsveit, Hringur á Dalvík,
Þráinn á Grenivík, Grani og Þjálfi í
S-Þingeyjarsýslu og Feykir og Snæ-
faxi í N-Þingeyjarsýslu.
„Til að menn átti sig á þvi hvaða
tölur við getum verið að ræða um
þá voru á landsmótinu á Hellu fyrir
fjórum árum 12-15 þúsund manns
og hagnaður af því móti var rúmar
2 milljónir króna þegar upp var
staðið. Við erum ekki að ræða um
neinar stórupphæðir en verðum
ánægðir ef við getum greitt allar
okkar skuldir og þau laun sem þarf
að borga,“ segir Jón Ólafur.
-gk.
Hamar SH 224 siglir inn að viðlegukanti hjá skipasmíðastöðinni.
DV-mynd Daníel
Skipasmíöastöö Þ&E Akranesi:
Þúsundasta
skipið tekið upp
DV, Akranesi:
Mikil tímamót voru 20. júlí hjá
Skipasmíðastöð Þorgeirs og Ellerts
hf. á Akranesi en þá renndi sér inn
í skipalyftu fyrirtækisins 1000. skip-
ið. Var það Hamar SH 224 frá Rifi í
Snæfellsbæ. Skipalyftan var byggð á
árunum 1966-67 en fyrsta skipið fór
í lyftuna 20. mars 1968. Á þeim 30
árum sem skipalyftan hefur verið í
notkun hafa því að meðaltali komið
í hana 33 skip árlega. Hamar SH 224
er að koma í viðgerð auk þess sem
skipið verður málað og munu starfs-
menn Trésmiðjunnar Kjalar hf. sjá
um það verk. Af þessu tilefni af-
henti Þorgeir Jósefsson, fram-
kvæmdastjóri Þorgeirs og Ellerts
hf., skipstjóra skipsins, Guðmundi
Matthíassyni og áhöfn hans, forláta
tertu. Ekki dugði minna en terta frá
Herði Pálssyni bakara.
Frá landsmóti hestamanna á Melgerðismelum. Svo virðist sem mótshaldið hafi staðið undir sér fjárhagsiega og skili
e.t.v. einhverjum hagnaði.
Kuldinn á Norðurlandi:
Spretta afar hæg
DV, Fljótum:
Norðanáttin kalda sem verið hef-
ur ríkjandi og staðið nánast sam-
fellt allan júlimánuð hér nyrðra er
nú farin að hafa veruleg áhrif.
Þannig hefur spretta á túnum ver-
ið afar hæg og uppskera af þeim
túnum sem þegar hafa verið slegin
er verulega minni en í fyrra.
Er ijóst að ef ekki bregður til
hlýrri veðráttu í þessum mánuði
verður heyfengur miklu minni en í
meðalári.
Þá virðist veðráttan hafa veruleg
áhrif á þá sem stunda ferðalög. Það
er nokkuð samdóma álit þeirra
sem starfa við ferðaþjónustu að
minna sé um ferðamenn í ár en
undanfarin sumur. Þetta á sérstak-
lega við um íslendinga á eigin veg-
um. Útlendingar í skipulögðum
hópferðum koma eins og áður en
staldra stutt við og kvarta undan
kuldanum.
-ÖÞ
Gígjubrúin í gagnið
DV.Vik:
„Nýja brúin yfir Gígju á Skeiðar-
ársandi var opnuð fyrir umferð 22.
júli. Fyrstu bílarnir óku yfir brúna
í hádeginu þremur vikum á undan
áætluðum opnunardegi," sagði Ólaf-
m* St. Hauksson, verkefnisstjóri hjá
Ármannsfelli, við DV.
Búið er að klæða veginn beggja
vegna brúarinnar fyrra slitlaginu
og verður það látið troðast í nokkr-
ar vikur áður en það seinna verður
lagt.
Nýja brúin yflr Gígju er 336
metra löng og kemur í stað brúar-
innar sem Grímsvatnahlaupið 5.
nóvember 1996 hreif með sér. Frá
því nokkrum dögum eftir það hlaup
og þangað til í gær urðu þeir sem
áttu leið yfir Skeiðarársand að fara
eftir bráðabirgðavegi og yfir bráða-
birgðabrú sem var um einn kíló-
metra ofan við nýju brúna yfir
Gigju. Starfsmenn Ármannsfells
hófu smíði brúarinnar 24. nóvember
sl. og vinnuflokkur frá Hjarðarnes-
bræðrum á Hornafirði hefur verið
við vega- og vamargarðagerð á
sandinum á sama tíma.
Nýja brúin er mikið mannvirki.
Hún er eftirspennt brú og eru und-
irstöður, bitar og gólf úr stein-
steypu, í brúna fóru 4500 rúmmetr-
ar af steypu. Brúin stendur á staur-
um sem voru reknir 30 metra niður
i sandinn og við hönnun hennar var
það haft að markmiði að hún stæð-
ist hlaup af þeirri stærð sem kom
haustið 1996. „Það var ánægjulegt
að þetta skyldi ganga svona vel og
sérstaklega gaman að geta opnað
hana fyrir verslunarmannahelg-
ina,“ sagði Ólafur St. Hauksson.
-NH
• ,11 - -•fy' :

i
jf - - 'K' iUf ‘ 1. J
I
£fc*""lwlöílÉ llfl 1 1 fffæiÉ 1 ij
|yif I |

Framkvæmdir viö Gígjubrúna gengu mjög vel.
DV-mynd Njöröur
-DVÓ