Dagblaðið Vísir - DV - 21.10.1999, Blaðsíða 11

Dagblaðið Vísir - DV - 21.10.1999, Blaðsíða 11
 FIMMTUDAGUR 21. OKTOBER 1999 wnning 11 i Friðrik Þór Friðriksson velur myndir eftir SÚMara á sýningu í Gerðubergi: Þetta vil ég sjá I kvöld verður í ann- að sinn opnuð sýning í Menningarmiðstöðinni Gerðubergi undir titl- inum Þetta vil ég sjá. Þar eru leikmenn fengnir til að velja listaverk til að sýna gestum, og í þetta sinn er það Friðrik Þór Friðriksson, kvik- myndaleikstjórinn og kvikmyndaframleið- andinn kunni, sem vel- ur verk. Friðrik Þór skipti sér töluvert af myndlist um tíma eftir að hann stofnaði Gallerí Suður- götu 7 ásamt Bjarna Þórarinssyni, Stein- grími Eyfjörð og fleiri árið 1977. „Húsnæðið var á lausu," segir hann um tilurð galler- ísins, „og það var í eigu ættingja okkar Bjarna. Þeir leyfðu okkur að vera endur- gjaldslaust í húsinu þangað til það var flutt upp á Árbæjarsafn, og þar sýndum við í nokkur ár bæði kvikmyndir og alls konar myndlist aðra." Sjálfur vann Friðrik það afrek, þegar starfsemi Gallerís Suðurgötu 7 stóð í sem mestum blóma, að selja Listasafni íslands mynd eftir sig. Það er ljósmynd sem heitir „Að festa blund" og sýnir andlitið á Frið- riki Þór njörvað niður með kaðalspottum! Sú mynd er ekki á sýningunni, en hvaða listamenn skyldu eiga verk þar? „Ég valdi verk eftir þá menn sem höfðu haft mest áhrif á mig í gegnum tíðina. Hörður Ágústsson finnst mér alltaf tilheyra SÚMurunum af því hann sýndi í SÚM og var að gera sniðuga hluti eins og myndirn- ar bera með sér sem ég er með hér. Þetta eru teipmyndir sem sýna að hann var að gera tilraunir með efni sem voru ekki við- urkennd í myndlistarheiminum þá, og sum- ar þeirra voru ætlaðar til kvikmyndunar öðrum þræði. Þær hafa optísk áhrif og eru byggðar upp eins og kvikmyndir, enda Friðrik Þór Friðriksson með myndverki eftir Bjarna Þórarinsson: góðri myndlist er læst inni á heimilum sem fáir koma á. heita þær til dæmis Kvik 1 og Kvik 2. Hann sýndi þær á Kjarvalsstöðum 1977 á mjög sterkri og áhrifamikilli sýningu. Hann var kannski elstur af SÚMurum en hann var líka yngstur." Félagar Friðriks Þórs úr Galleríi Suður- götu 7 eru að sjálfsögðu á sýningunni, Steingrímur Eyfjörð og Bjarni Þórarinsson. „Við Steingrímur vorum samlokur til margra ára og það eina sem komst að í hausnum á honum var myndlist þannig að hann dró mig oft með sér á myndlistarsýn- ingar," segir Friðrik. „Ég á kannski honum öðrum fremur að þakka áhuga minn á myndlist." Einnig eru á sýningunni Magnús Pálsson og bræðurnir Sigurður og Kristján Guð- mundssynir. Sýndu þeir hjá ykkur? „Magnús Pálsson tók þátt í samsýningu þar, en ekki man ég til að bræðurnir hafi sýnt hjá okkur," segir Friðrik. „Ég komst að því meðan við vorum að undirbúa þessa sýningu að það er skammarlega lítið til af verkum Sigurðar í landinu. Þó fengum við verk frá foreldrum hans, Ný- listasafninu og eitt frá Kjar- valsstöðum. Listasafn ís- lands á líka verk eftir hann en þurfti að nota þau sjálft." - Svo rekur Tolli lestina. „Já, með myndir sem tengjast Börnum náttúrunn- ar; málverk sem hann skiss- aði uppi á Straumnesfjalli á sama stað og ég filmaði loka- atriði Barna náttúrunnar og áður en Kaninn hreinsaði þar til." - Átt þú þær myndir sjálf- ur? „Nei nei nei nei, ég á ekk- ert sjálfur! Maður á að sjá myndir á söfnum, til þess eru þau, og fá svo lánuð myndverk hjá þeim eins og núna. Það er allt of mikið til af góðri myndlist sem er læst inni á heimilum sem fáir koma á. Sýningar eins og Þetta vil ég sjá gætu lokkað hana þaðan út." Töluvert erfiðlega gekk að safna verkum eftir lista- mennina sem Friðrik Þór valdi sér og sagði hann þá skýringu á því að á SÚM tímabilinu hefðu listamenn farið að efast um markaðsgildi myndlistar og það hafði í fór með sér að fólk hélt að það væru engin verðmæti í verkum þeirra. Var þeim þá hent? „Ja, maður hefur heyrt alls konar hryll- ingssögur," segir Friðrik Þór leyndardóms- fullur. - Segðu mér eina! „Ja, mér er sagt að ákveðinn rammagerð- armaður sem rammaði inn fyrir SÚMara hafi gjarnan fengið greitt í verkum og átt orðið álitlegt safn. Síðan lenti þessi maður í hjónaskilnaði. Verkin voru ekki uppi á vegg heldur í geymslu og þaðan lét makinn aka þeim á haugana! Hún hafði ekkert verðmætaskyn á þetta, konan. En þetta get- ur auðvitað verið kjaftasaga." Það verða sem sagt fáséð myndverk sem gestir Gerðubergs fá að líta á næstu vikum. Sýningin stendur til 14. nóvember. Allt of mikið af DV-mynd E.ÓI. Tveggja heima grín Áhugamannaleikfélag- ið Hugleikur er enn komið á kreik með nýtt verk eftir nýja höfunda. Völin & kvölin & mölin heitir það og er eftir Hildi Þórðardóttur, Sig- ríði Láru Sigurjónsdott- ur og V. Kára Heiðdal. Sagan er einföld: Ungur maður fer suður í Lærða skólann og skilur stúlk- una sína eftir fyrir norð- an þó gefið sé i skyn að hún eigi ekki síður heima í skóla en hann - en við erum stödd á þeim tíma þegar stúlkur fengu ekki inngöngu í skólastofnanir. Syðra kynnist hann ýmsum fordjörfuðum manneskj- um og heimasætan í hús- inu þar sem hann býr flekar hann og neyðir til að trúlofast sér. Þetta fer þó betur en á horfist, en endirinn er óvæntur og býður upp á Völina & kvólina II. Ungi maðurinn fer af einu hehnili á ann- að og það sniðuga við uppsetningu Þorgeirs Tryggvasonar leikstjóra er að láta sama fólkið leika heimilismenn á báðum stöðum. Þannig fæst ákveðin speglun milli þessara tveggja heima sem pilturinn fer á milli. Stúlkan trygglynda fyrir norðan er til dæm- is leikin af sömu leikkonu og leikur tál- kvendið syðra og fór Silja Björk Huldudótt- ir létt með að skipta yfir þó að stundum Móðirin og kærastan fylgjast vandlega með þegar grannkonan les framtíð piltsins úr bollanum. Ylfa Mist Helgadóttir, Hulda B. Hákonardóttir og Silja Björk Huldudóttir í hlutverkum sínum. Leiklist Silja Aðalsteinsdóttir fengi hún aðeins sekúndubrot til þess. Sá galli er þó á að heimilið fyrir norðan fær ansi fljótfærnislega meðferð í textanum. Það sem vantar í þetta verk miðað við bestu Hugleikina fram að þessu er hin menningarsógulega eða bókmenntasögu- lega dýpt. Hér er al- mennt verið að skop- ast að saklausum 19. aldar sveitapilti sem talar í rími og stuðl- um en ekki verið að taka fyrir ákveðið verk eða bókmennta- grein. Með óðrum orðum býr ekki neitt á bak við grínið og einfaldleikann eins og til dæmis í Sálir Jónanna ganga aftur sem sýnt var 1998, og textinn er ósköp þunnur. En leikar- arnir bregðast ekki og gerðu sitt til að gera kvöldið skemmtilegt. Fyrst þarf þá auk Silju að nefna Huldu B. Há- konardóttur sem alltaf er jafndásamleg leik- kona. Rúnar Lund var fínn í hlutverkum feðra stúlknanna, Ylfa Mist Helgadóttir lék frúna á Bleyti og dóttur hennar syðra með tilþrifum, Einar Þór Einarsson og Sigurður AUason bjuggu báðir til tvær fullkomlega ólíkar týpur og spielluðu af hjartans lyst. Og alveg er makalaust hvað Sigurður hefur góða stjórn á andlitsvöðvum sinum; liklega er hann kominn af Agli í beinan karllegg. DV-mynd Pjetur W.J.'""" ™ Kór Snælandsskóla syngur í Salnum Á laugardaginn kL 16:00 heldur Kór Snælands- skóla tónleika í Salnum í Tónlistarhúsi Kópa- vogs. Þetta eru útgáfutónleikar geisladisksins „Fagur er Fossvogsdalur" sem kórinn vann að síðastliðið vor og kemur út um þessar mundir. Þar eru 19 lög, bæði innlend og erlend. Nafn disksins er úr texta sem herra Sigurbjörn Einars- son biskup samdi fyrir skólann og barnabarn hans Mist Þorkelsdóttir gerði lag við. Á tónleikunum verður einnig flutt verk sem Mist samdi við ljóðið Afmælisðsk sem afi hennar samdi í tilefni af 25 ára afmæli skólans. Tónleikarnir sjálfir eru einmitt hluti af afmælishaldi skólans á þessum tímamótum. Kór Snælandsskóla hefur fengið boð um að taka þátt í menningarhátíð í Norfolk í Bandarikj- unum í apríl á næsta ári. Hátíð þessi, sem nefnd er Alparósarhátíð, er haldin á hverju ári og hafa íslendingar verið tilnefnd heiðursþjóð hátíðarinn- ar að þessu sinni, meðal annars vegna 1000 ára af- mælis landafunda Leifs Eiríkssonar. Einu sinni áður hafa íslendingar verið heiðursþjóð hátíðar- innar og var þá Kór Öldutúnsskóla fulltrúi okkar. Stjónandi Kórs Snælandsskóla er Heiðrún Há- konardóttir. Velferð til frambúðar Nýlega kom út hjá Iöunni bókin Þjóðráð eftir Hörð Bergmann. Hún er hugsuð sem innlegg í umræðuna um þróun og framtíð íslensks þjóðfé- lags, vandamál þess og viðfangsefni i upphafi nýrrar aldar. Hörður skilgreinir hvaða vanda er helst við að etja og varpar fram rökstuddum tillögum um lausnir sem felast ekki í auknum fjárframlögum og meiri hagvexti held- ur breytingu á markmiðum, lifsháttum og viðhorfum. Ef þjóðráðum hans verð- ur hlýtt „ættum við að uppskera réttláta tekjuskiptingu, viðráðanlegan húsnæðis- kostnað, atvinnu handa öllum, skilvirk- an og hallalausan opinberan rekstur, réttláta út- hlutun aflaheimilda, ábyrga auðlindanýtingu, sannkallað lýðræði og ríka ábyrgðarkennd; í stuttu máli: velferð til frambúðar," eins og höf- undur segir í inngangsorðum. Bókinni Þjóðráð er ætlað aö kveikja umræðu meðal manna, þar er varpað fram spurningum og bent á lausnir sem verðugar eru umhugsunar. Hörður gaf út fyrir tíu árum bókina Umbúðaþjóð- félagið - Uppgjör og afhjúpun sem hafði að geyma gagnrýna greiningu á þróun lífshátta og þjððfé- lags. Stálfljótið Þaö er skammt högga á milli hjá Normu E. Samúelsdóttur. Fyrir fáeinum vikum kom út eft- ir hana bókin Mömmublús með minningarljóðum um móður hennar, nú er komin önnur ljóðabók, Stálfijótið og fjögurra laufa smárinn. Ekki eru þetta þó stór högg því báðar eru bækurnar smáar í sniðum. í Ijóðum bókarinnar segir frá manneskjunni sem situr við gluggann og horfir út á stálfljót um- ferðarinnar eða gengur um og veltir fyrir sér um- hverfi sínu, náttúrunni mitt í malbikinu, fugla- söngnum mitt í vélardyninum. Ljóðin eru mettuð óþoli gagnvart manngerðu umhverfi, hávaða, stressi, stybbu frá útblástursrörum, sjónmengun frá rusli og skiltum. Við og við rjúfa tílvitnanir í Völuspá eða Snorra-Eddu flaum stálfljótsins svona rétt til að minna á aðra tíma, annan lífstakt Bókin er einn samfelldur bálkur og við grípum niður af handahófi: Bílarfílar menn blautar götur stöðvað stál Löggubíll skýst á hœla gljáfœgöur Hin danska drottning hvílist í nótt Sem œöar í líkama renna slóð snurðulaust að mestu ofhœgt hratt hindrun árekstur áfall og hiö óumflýjanlega Hœttuljós Höfundur gefur bókina út. Umsjón Silja Aðalsteinsdóttir

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.