Dagblaðið Vísir - DV - 26.04.2000, Blaðsíða 2

2
MIÐVIKUDAGUR 26. APRÍL 2000
Fréttir I>V
Litla-Hraunsmenn fengu tæpar 1,7 milljónir millifærðar af reikningi Búnaðarbankans:
Fangar í fjársvikum
- beiðnir um millifærslur áttu sér stað með símtölum þar sem leynikóði var gefinn upp
Tveir fangar sem sátu í afplánun
á Litla-Hrauni í september hafa í
tveimur dómsmálum veriö ákærðir
fyrir að hafa svikið út hátt í 1,7
milljónir króna af bankareikningi
manns í Búnaðarbankanum í Mos-
fellsbæ. 1 máli annars mannanna,
sem flutt var fyrir dómi í gær, kom
fram hjá bæði sækjanda og verjanda
að starfsmenn Búnaðarbankans
gerðu mistök með því að heimila
millifærslur inn á reikninga fang-
anna. Ljóst er á hinn bóginn að ein-
hver komst yfir leynikóða reikn-
ingseigandans sem geflnn var upp
þegar hringt var í Búnaðarbankann
frá Litla-Hrauni og óskað eftir að
fjárhæðir yrðu millifærðar á reikn-
inga í öðrum bönkum.
Mennirnir hafa verið ákærðir
hvor í sínu lagi en fyrir brot sem
áttu sér stað sama morguninn -
þann 1. september síðastliðinn.
Annar fanganna er ákærður fyrir
að hafa svikið út 920 þúsund krónur
af reikningi ákveðins reikningseig-
anda í Búnaðarbankanum í Mos-
fellsbæ. Sambýliskona hans er
einnig ákærð í því máli sem hlut-
deildaraðili. Hinn fanginn, sem kom
fyrir dóm í gær, er ákærður fyrir að
hafa millifært heimildarlaust 760
þúsund krónur af reikningi sama
manns. Nokkrum klukkustundum
eftir að peningarnir voru millifærð-
ir tók umboðsmaður fangans út 620
þúsund krónur af reikningi hans.
Fyrir dóminum í gær kom fram
að að morgni 1. september hringdi
karlmaður í Búnaðarbankann, gaf
upp leyninúmer reikningseigand-
ans, sem er þaö sama og fjórir síð-
ustu tölustafirnir í kennitölu eig-
andans, og lét millifæra framan-
greindar tvær upphæðir inn á
reikninga fanganna í öðrum bönk-
um.
Fanginn sem kom fyrir dóm í gær
var í læknismeðferð á Landspítalan-
um að morgni 1. september þegar
hringingin kom frá Litla-Hrauni til
Búnaðarbankans í Mosfellsbæ. Veij-
andi hans lagði því áherslu á að
ekkert lægi fyrir í málinu um sekt
skjólstæðings hans hvað það varð-
aði hver það er sem hringdi inn.
Töluðu málflytjendur í því sam-
bandi um „huldumann" sem ekki
hefur komið fram.
Hvorugur sakborninganna í saka-
málimum tveimur viðurkennir að
hafa svikið umræddar fjárhæðir út
úr bankanum í Mosfellsbæ. Sá sem
er ákærður fyrir hærri upphæðina
viðurkenndi hins vegar hjá lögreglu
en neitaði á síöari stigum málsins,
t.a.m. við þingfestingu.
-Ótt
Hrópandi ranglæti
í nýlegri skýrslu
Ráðagjafarstofú heim-
ilanna kemur fram að
það skiptir verulegu
máli hvort fólk þiggur
vaxtabætur eða húsa-
leigubætur. Dæmi er
tekið þessu til stuðn-
ings og hefur Jó-
hanna Sigurðardóttir vakið athygli á
þessu á heimasíðu sinni. „Hve lengi er
hægt að líða svona hrópandi ranglæti?"
spyr Jóhanna í pistli sínum.
Ólögleg sameining?
Samkeppnisyflrvöld eru nú að kanna
hvort sameining íslandsbanka og FBA
stangist á við samkeppnislög. Guð-
mundur Sigurðsson hjá Samkeppnis-
stofnun sagði í samtali við RÚV að
könnun sem þessi væri eðlileg þegar svo
stórar stofnanir sameinist og bætti við
að niðurstaða í málinu muni einnig
koma sameiningu ríkisbankanna,
Landsbanka og Búnaðarbanka við.
íslenskum skóm dreift um Bandaríkin þver og endilöng:
Vigdís amma:
Dásamlegt
„Þetta er það fallegasta sem hefur
komið fyrir mig,“ sagði Vigdis Finn-
bogadóttir fyrrum forseti íslands sem
varð amma 21. mars síðastliðinn þegar
Ástríður dóttir hennar ól stúlkubarn í
Kaupmannahöfn. „Bamið er falleg
stúlka sem verður skírð í sumar þegar
við komum öll heim,“ sagði Vigdis er
DV ræddi við hana á heimili dóttur
sinnar í Kaupmannahöfn í morgun.
Ástríður var þá nýfarin út að ganga
með bamið í danskt vorloftið.
Faðir bamsins er Eggert Elmar Þór-
arinsson, unnusti Ástríðar, sem starf-
að hefur við smíðar ytra að undan-
förnu en hyggur á nám: „Hann er mik-
ill öðlingur,“ segir Vigdís um væntan-
legan tengdason sinn. Sjálf hefur
Ástríður starfað í snyrtivömverslun-
inni Face á Strikinu í Kaupmannahöfn
en er nú í bameignarfríi.
„Bamið er dásamleg aldamótagjöf,"
sagði Vigdís Finnbogadóttir í morgun.
-EIR
Glannaakstur
DV AKUREYRl
Sautján ára ökumaður bifreiðar
sem ekið var glannaakstri niður
Oddeyrargötu á Akureyri í gær-
kvöld missti stjórn á henni þegar
hann kom að Hólabraut.
Bifreið unga ökumannsins fór þar
upp á gangstétt og inn á bifreiða-
stæði við verslun ÁTVR. Þar hafn-
aði bifreiöin á tveimur kyrrstæðum
bifreiðum og skemmdi þær talsvert.
Bifreið unga mannsins var hins veg-
ar mun meira skemmd og flutt á
brott með kranabifreið. Lögreglan
segir ástæðu þessa áreksturs hrein-
an og kláran glannaskap -gk
Amma og barniö
Vigdís Finnbogadóttir meö dótturdóttur sína i fanginu i Kaupmanahöfn í gær.
Gæti orðið gullkista
- segir framkvæmdastjórinn sem enn er ekki orðinn milljónamæringur
„Þetta gæti orðið gullkista," sagði
Óskar Axel Óskarsson, fram-
kvæmdastjóri skógerðarinnar X18,
sem í gær kynnti nýjan samning við
bandaríska aðila sem tryggja fyrir-
tæki Óskars dreiflngu og sölu á
rúmlega milljón pörum af skóm
vestanhafs. „Þessi samningur þýðir
að innkaupsverð til okkar frá fram-
leiðendum úti í heimi lækkar um
12-22 prósent," sagði Óskar. X18
skómir eru framleiddir í Taívan,
Vietnam og Kína - en era samt ís-
lenskir.
Langalangalangafl
X18 er tveggja ára gamalt fyrir-
tæki í eigu Óskars Axels og Adolfs
bróður hans en langalangalangafi
þeirra var Lárus G. Lúðvíksson,
skókaupmaöur í Bankastræti, sem
var eini skókaupmaðurinn i Reykja-
vík á sinni tíð auk Hvannbergs-
bræðra. Aörir eigendur að X18 eru
Pétur Björnsson, eigandi fiskupp-
boðsfyrirtækisins Iceberg Limited í
Hull, og Magnús Guðmundsson sem
er framkvæmdastjóri fyrirtækis
Péturs í Hull. Að auki á Nýsköpun-
arsjóður 30 prósent í X18.
Ekkl skósmiður
„Ég er ekki skósmiður en hann-
aði mína fyrstu skó tvítugur að
aldri fyrir skóverksmiðjuna Iðunni
á Akureyri. Þar hannaði ég svokall-
aða Puffins-skó sem urði feikivin-
sælir en framleiðslan lagðist af þeg-
ar Iðunn hætti starfsemi fyrir norð-
an. Nú er það X18 sem skiptir máli,“
sagði Óskar Axel sem ásamt félög-
um sínum hefur náð því að koma
skóm sínum í 1100 verslanir í Bret-
landi og 69 verslanir í Hong Kong,
Gullskórinn
Óskar Axel Óskarsson ætlar aö
leggja undir sig heiminn - meö
islenskum skóm.
svo dæmi séu tekin. „Ég sé X18 fyr-
ir mér sem sterkt vörumerki í fram-
tíðinni, hvort sem það verður í
skóm, fatnaöi, ilmvötnum eða ein-
hverju öðru. Núna erum við í skón-
um en stefnum jafnframt á aðra
vöruflokka undir heitinu X18. Ég
held að ekkert annað íslenskt vöru-
merki hafi náð þangað sem við
erum komnir í dag með X18,“ sagöi
Óskar Axel sem er sonur Axels Ó.
Lárussonar sem rekið hefur skóbúð
í Vestmannaeyjum um áratugaskeið
og gerir enn.
Fordinn dugar
Óskar Axel er 39 ára, kvæntur,
þriggja barna faöir og búsettur í
Mosfellsbæ: „Nei, ég er ekki orðinn
milljónamæringur á þessu, hvað
svo sem verður. Ég ek um á Ford
Mondeo og held því líklega áfram
um ókomna framtíð," sagði Óskar
Axel sem ætlar aö staðfesta samn-
inginn um milljónaskósöluna í Los
Angeles seinna í vor - að viðstödd-
um forseta íslands. -EIR
Cesaria vinsælust
Miðasala hófst á Listahátíð í Reykja-
vík í gær og gekk hún geysilega vel.
Fyrir hádegi var uppselt á tónleika
Cesariu Evora, berfættu ömmunnar
frá Grænhöfðaeyjum með seiðandi
röddina, og einnig seldist vel inn á tón-
leika Azizu Mustafa Zadeh frá
Aserbaídsjan.
Bijóta lög
Að mati félagsmálaráðuneytisins
hafa borgaryfirvöld í Reykjavík brotið
sveitarstjómarlög í 2 ár með því að
birta ekki efnahagsreikninga sína eins
og skylt er samkvæmt lögum frá árinu
1998. Sjálfstæðismenn segja að með
þessu séu borgaryfirvöld að hylma yfir
slæma skuldastöðu sína. Bylgjan
greindi frá.
Umhverfisviðurkenning
Umhverfisráðuneytið veitti kvik-
myndagerðamönnun-
um Magnúsi Magn-
ússyni og Valdimar
Leifssyni viðurkenn-
ingu á Degi umhverf-
isins við hátíðlega at-
höfh í húsnæði
Vatnsveitunnar í
gær. Viðurkenning-
una hlutu þeir fyrir vandaða umfjöllun
um umhverfismál. Þá hlaut fýrirtækið
Borgarplast viðurkenningu fyrir um-
hverfisstefhu sína.
Stúdentaráö kærir
Stúdentaráð HÍ hefur kært úrskurð
háskólaráðs frá því í byrjun apríl til
áfrýjunamefndar í kærumálum há-
skólanema. Málið snýst um nemanda
sem tók þátt í samkeppnisprófum í
hjúkrunarfræði. Innra vægi eins prófs-
ins var breytt eftir að það var lagt fyr-
ir. Fyrir breytingamar var nemandinn
meðal þeirra sem komist hefðu áfram
en eftir breytingarnar komst hann
ekki áfram. Þetta er í fyrsta sinn sem
Stúdentaráð kærir til áfrýjunamefnd-
ar í kærumálum háskólanema.
Kvínni lokað
Háhymingurinn Keikó hefur tekið
svo miklum íramfor-
um að undanfómu i
Klettsvíkinni að
kvínni, sem hann
dvaldi í fyrstu mánuð-
ina, hefur nú verið
lokað, enda var hann
hættur að leita þangað
af sjálfsdáðum. Dagur greindi frá.

Sættir um hugbúnað
Við skoðun á hugbúnaðarmálum
Neytendasamtakanna kom í ljós að
ekki vom til staðar tilskilin leyfi fyrir
hugbúnaði sem notaður var á skrif-
stofu samtakanna. Sættir náðust um
hugbúnaðarmálin milli Neytendasam-
takanna og Business Soflware Alliance
(BSA) og gerðu þau með sér samning
um málið. -hdm