Dagblaðið Vísir - DV - 28.10.2000, Qupperneq 14

14
LAUGARDAGUR 28. OKTÓBER 2000
Fréttir DV
300 tonna stálskip smíðað í Hafnarfirði:
Mikil tímamót fyrir
íslenska skipasmíði
- segir framkvæmdastjóri Óseyjar
Á fimmtudag var undirritaður
smíðasamningur við Ósey hf. í
Hafnarfirði um smíði togveiðiskips
fyrir Tálkna ehf. á Tálknafirði.
Smíði þessa rösklega 300 lesta
skips var boðin út á alþjóðavett-
vangi og bárust tilboð frá fimmtán
skipasmíðastöðvum, m.a. frá Pól-
landi, Spáni, Chile og Kína. ís-
lenska stöðin varð hlutskörpust í
samkeppninni um verkið.
„Skipið mun kosta um hálfan
milljarð. Við vorum ekki með
lægstu töluna i tilboðinu, en við
stílum upp á að geta skilað skipinu
á réttum tíma,“ segir Hallgrímur
Hallgrímsson, framkvæmdastjóri
Óseyjar hf. Fjölmörg skip eru í
smíðum, m.a. í Kína, og uppi eru
efasemdir um að allt gangi þar eins
og gert var ráð fyrir. „Það var um
1980 sem síðasta stóra skipið var
smíðað hér á landi, en það var fyr-
ir okkar tíma. Þetta eru því mikil
tímamót fyrir íslenska skipasmíði,
því íslendingar hafa bara ekki
fengið að vera með svo lengi.“
Verkefnastaða fyrirtækisins er
nú tryggð fram á árið 2002 og býst
Hallgrímur við að fjölga þurfi
starfsmönnum í stöðinni, sem nú
er nýendurbyggð eftir bruna. „Síð-
an við byrjuðum í þessu nýja hús-
næði erum við búnir að klára eitt
skip, Geir ÞH 150, sem fór á Þórs-
höfn um mánaðamótin ágúst -
september. Núna erum við að
smíða lóðsbát fyrir Hafnarfjarðar-
höfn. Þessi samningur nú er ný-
smíði númer tíu.“
Nýja skipiö, sem bera mun nafn-
ið Bjarmi BA 326, er hannað af
Skipatækni. Mesta lengd þess er
41,6 metrar og breiddin er 11 metr-
Það er hannaö af Skipatækni og er þriggja þilfara snurvoðarskip.
DV-MYND INGÓ
Frá undirritun smíðasamninga hjá Osey í Hafnarfiröi
ar. Er þetta þriggja þilfara snur-
voðarskip. Um borð er ráðgert að
vinna kæld flök og heilan hausað-
an fisk beint til útflutnings með
flugi. Vélbúnaður verður á púðum
til að skipið verði sem hljóðlátast.
íbúðir eru fyrir 15 manna áhöfn.
Skipið verður afhent um þarnæstu
áramót.
Undanfarið hefur mikil umræða
spunnist um skip sem verið er að
smíða og hafa tafist, og einnig um
skip sem til stóð að smíða í Kína,
en hætt var við. I vetur var einnig
mikil umræða um smíði á nýja
hafrannsóknaskipinu Áma Frið-
rikssyni í Chile, en talsverður
vandræðagangur og tafir urðu
vegna hönnunarvanda varðandi
skrúfubúnað skipsins. Hafa ýmsir
haft uppi efasemdir um að þessar
þjóðir búi yfir þeirri verk- og
tækniþekkingu sem krafist er við
smiði fullkomnustu fiskiskipa sem
íslenskar útgerðir og sjómenn
sækjast eftir.
Ingólfur Sverrisson, deildarstjóri
hjá samtökum iðnaðarins, var að
vonum ánægður með þennan samn-
ing Óseyjar og Tálkna. Á vefsíðu SI
bendir hann íslenskum útgerðar-
mönnum á að draga lærdóm af því
hvemig málin hafa þróast varðandi
skipasmíðar í Kína og Chile og hvet-
ur menn til að fara varlega í að gera
fleiri slíka samninga. -HKr.
Ný rannsókn á ítrekunartíðni afbrota á íslandi:
Kynferdisbrotamenn
fremja síst brot aftur
- í samanburði við aðra brotamenn
DV-MYND ÞÖK
Alþjóðlegt samstarf
Bandarísku afbrotafræöingarnir Eric Baumer og Richard Wright ásamt Sól-
veigu Pétursdóttur dómsmátaráöherra þegar rannsóknin var kynnt en aö mati
ráðherra er hún lýsandi dæmi um þaö sem hægt er aö framkvæma meö al-
þjóölegu samstarfi.
Þjóðvegur um vettvang
þekktra Kjarvalsmálverka
- listamaður í Hafnarfirði leggst gegn vegaframkvæmdum í Gálgahrauni
Ný rannsókn á ítrekunartíðni af-
brota á íslandi sýnir að þeir sem fang-
elsaðir eru fyrir fjármunabrot er lík-
legastir til að komast aftur í kast við
lögin í samanburði við aðra brota-
menn. Þeir sem sitja í fangelsi fyrir
kynferðisbrot hafa hins vegar al-
mennt lægsta ítrekunartíðni. Einnig
er tilhneiging til að ítrekunartíðni sé
hæst meðal yngri einstaklinga, karla
og og þeirra sem hafa fyrri brotasögu
aö baki. Þá leiðir rannsóknin i ljós að
ítrekunartíðni þeirra sem ljúka
fangavist hér á landi er mjög svipuð
því sem gerist í öðrum löndum, jafn-
vel þó harðari refsingum sé beitt í
sumum þeirra. Hún sýnir einnig að
samfélagsþjónustan hefur ekki leitt
til aukinnar ítrekunartíðni.
Rannsóknin, sem var kynnt í Há-
skóla Islands í vikunni, var unnin af
Helga Gunnlaugssyni, afbrotafræð-
ingi og dósent í félagsfræði við Há-
skóla íslands, Kristrúnu Kristinsdótt-
ur, lögfræðingi í dómsmálaráðuneyt-
inu, og bandarísku afbrotafræðingun-
um Eric Baumer og Richard Wright
sem báðir starfa við Missouriháskól-
ann í St. Louis.
Hún er sú viðamesta sem gerð hef-
ur verið á þessum málaflokki hér á
landi og voru þrír mælikvarðar á ít-
rekunartíðni notaðir af endurteknum
afbrotum á íslandi, ný afskipti lög-
reglu, nýr dómur og ný fangelsun. Úr-
takið í rannsókninni voru 3216 eða
allir þeir sem luku afplánun dóms
með fangelsisvist eða samfélagsþjón-
ustu, eða hlutu skilorðsbundinn dóm
frá 1. janúar 1994 til 30. nóvember
1998.
Fjórðungur allra sem lentu í úrtak-
inu var fangelsaður á ný, þriðjungur
Báðir varavalkostir Vegagerðarinn-
ar vegna fyrirhugaðra vegafram-
kvæmda í Gálgahrauni á Álftanesi
liggja á því svæði þar sem Kjarval
dvaldi gjaman langdvölum við list-
sköpun sína og málaði margar af sín-
um þekktustu myndum. í hættu er
hraundrangur sem sjá má í verkum
meistarans, en hann mun hverfa ef far-
hlaut nýjan dóm og lögreglan hafði af-
skipti af tveimur af hverjum þremur
á ný innan flmm ára frá því að þeir
luku afplánun. Niðurstöður rann-
sóknarinnar sýna líka að tíðni ítrek-
unar og nýrrar fangelsunar hefur
ekki breyst verulega á rannsóknar-
tímabilinu, en prósentuhlutfall
dæmdra brotamanna sem lögreglan
hefur afskipti af á ný hefur aukist
ið verður eftir teikningum sem fyrir
liggja. Álftanesvegurinn verður fluttur
frá núverandi vegarstæði og kemur úr
Engidal og sveigir til norðurs sjávar-
megin. Málið er enn á ákvörðunar-
stigi.
Guðmundur Karl Ásbjömsson,
myndlistarmaður i Hafiiarfirði, hefur
sent frá sér bréf sem lagt hefur verið
fram í bæjarráði Garðabæjar. Guð-
mundur varar við því að þessir val-
kostir verði teknir en bendir jafnframt
á betri leið sem henti betur, enda liggi
hún utan þessa svæðis meistara Kjar-
vals sem að mati Guðmundar einkenn-
ist af fjölbreytni og myndrænni fegurð
umfram aðra hluta hraunsins.
„Vegagerðin hefur í mörgum tilvik-
um gengið mjög langt í að hlífa hvort
heldur sem er náttúruminjum, menn-
ingarminjum eða bara tilfinningaminj-
um heimamanna. Við reynum alltaf að
virða óskir fólks í þessum efnum,“
sagði Sigursteinn Hjartarson, deildar-
stjóri hjá Vegagerðinni, í gær. Hann
sagðist ekki eiga von á öðru en svo
yrði einnig nú. -DVÓ-JBP