Dagblaðið Vísir - DV - 24.08.2001, Blaðsíða 2

2
FÖSTUDAGUR 24. ÁGÚST 2001
I>V
Fréttir
Hæstiréttur getur ekki breytt niðurstöðu héraðsdóms um framburð vitna:
Áfrýjun óákveðin í
Bláhvammsmálinu
- möguleilci fyrir hendi aö Hæstiréttur ómerki á ný og fyrirskipi aðra dómara
Ríkissaksóknari hefur ekki
ákveðið hvort svokölluðu Blá-
hvammsmáli verði áfrýjað til
Hæstaréttar öðru sinni. í málinu
er ungur maður á bænum, sem er
í Reykjahreppi i S-Þingeyjarsýslu,
ákærður fyrir að bana föður sín-
um. Á höfði hans fundust þrjú
skotsár en ákærði haföi haldið því
fram í fyrstu að faðirinn hefði
framið sjálfsvíg.
Þann 19. júni sýknaði Héraðs-
dómur Norðurlands eystra mann-
inn í annað skiptið af ákæru um
ásetningsdráp en sakfelldi hann
hins vegar fyrir manndráp af gá-
leysi. 4ra mánaða fangelsi skil-
orösbundið varð niðurstaðan. í
vetur hafði Hæstiréttur hins vegar
vísað málinu heim í hérað og í
raun látið að því liggja í ýmsum
atriðum að framburður ákærða
hefði veriö ótrúverðugur - ekki
síst í ljósi þess að þegar lögregla
kom fyrst í Bláhvamm sagði
ákærði að faðir hans hefði framið
sjálfsvíg. Þremur dögum síðar
kom í ljós að hann hafði sagt ósatt
- þrjú skot fundust í höfði hins
látna.
Hæstiréttur taldi skýringar
ákærða ótrúverðugar og lagði fyr-
ir héraðsdóm m.a. að kveða skýrar
á um mat sitt á sönnungargildi og
trúverðugleika ákæröa. Það hefur
héraðsdómur nú gert á ný - niður-
staðan er m.a. að ekki sé hægt að
útiloka að framburður mannsins
standist.
Sú staða er nú komin upp að
verði Bláhvammsmálinu áfrýjað
til Hæstaréttar getur æðsta dóm-
stigið samkvæmt núgildandi lög-
um ekki breytt niðurstöðu héraðs-
dóms sé horft til framburðar
ákærða og vitna hvað varðar sönn-
unargildi. Meö öðrum orðum get-
ur Hæstiréttur ekki sakfellt mann-
inn fyrir manndráp með ásetningi
nema að byggja þann dóm á öðru
en þeim framburðum sem gefnir
voru í héraði, það er rannsóknar-
gögnum. Lögin kveða nefnilega á
um að Hæstiréttur geti ekki breytt
niðurstöðu héraðsdómara um
sönnunargildi framburðar ákærða
þar sem ákært fólk og vitni eru
ekki leidd fyrir Hæstarétt. Dóma-
venja gerir ráð fyrir að dómsyfir-
heyrslur fari einungis fram í hér-
aði og því geti Hæstiréttur ekki
lagt endanlegt mat á framburð
ákærða og vitna. Æðsta dómstigið
getur því aðeins breytt niðurstöðu
héraðsdóms í Bláhvammsmálinu
ef horft verður til annarra gagna
og þátta en þeirra sem snúa að
framburði við dómsyfirheyrslur.
Á hinn bóginn er sá möguleiki
fyrir hendi hjá Hæstarétti að
ómerkja málið að nýju og vísa
heim í hérað öðru sinni og jafnvel
að senda Héraðsdómi Norðurlands
eystra þau skilaboð að aðrir dóm-
arar en farið hafa með málið í
tvígang skuli dæma það.
Átta vikna frestur sem ríkissak-
sóknari hefur til að ákveða hvort
málinu veröi áfrýjað rennur út um
miðjan september. -Ótt
Ólafur Örn:
Vil ekki gagn-
lýna Land-
spítalann
Ólafur Örn Har-
aldsson, formaður
fjárlaganefndar
Alþingis, segir að
halli Landspítal-
ans á fyrri helm-
ingi ársins sé til-
tölulega lítið brot
af rekstrinum og
hann vilji fara
varlega í að gagn-
rýna afkomuna.
Fjárlög munu taka breytingum í
ljósi afkomu ríkisfyrirtækja og
segist Ólafur hafa lauslega hug-
mynd um tölur nokkurra annarra
fyrirtækja. Þessi mál verða rædd
innan skamms á fundi fjárlaga-
nefndar en hins vegar verður
ekki boöað sérstaklega til fundar
vegna afkomu Landspitalans.
Landspítalinn - háskólasjúkra-
hús fór 247 milljónir umfram
heimildir á fyrstu sex mánuðum
ársins en Ólafur segir þá tölu
með minnsta móti miðaö við und-
angengin ár. „Þetta eru risa-
stærðir. Bæöi stóru sjúkrahúsin i
Reykjavík velta um 20 milljörð-
um árlega en eigi að síður er ekki
hægt að sætta sig við hallarekst-
ur til lengdar," segir Ólafur Örn.
- En er það ekki
sagan endalausa
að sjúkrahúsin
fari fram úr heim-
ildum en ávallt sé
sópað upp eftir á?
„Jú, hingaö til
hefur það verið
svo en við vitum
öll hvað um er að
ræða, þ.e.a.s.
stærsta og fjár-
frekasta málaflokk ríkisins og á
því sviði sem borgararnir gera
eölilega mjög miklar kröfur til.
Þarna koma hins vegar bæöi upp
fyrirsjáanlegar og ófyrirsjáanleg-
ar aðstæður sem verða til þess að
það er erfitt að eiga við þetta. Ég
vil því fara varlega i að gagnrýna
þessar tölur þegar hallinn er þó
ekki meiri en þetta,“ segir Ólafur.
Ólafur veit enn ekki hvaða lið-
ir valda umframkeyrslunni en
viðbrögö formanns fjárlaganefnd-
ar og varaformanns fjárlaga-
nefndar eru ólík. Ekki náðist í
Einar Odd Kristjánsson, varafor-
mann fjárlaganefndar, i gær en
hann hefur sagt opinberlega að
hallareksturinn sé mjög alvarleg
tíðindi. -BÞ
Ólafur Öm
Haraldsson.
Storslysalaust dv-mynd brink
,,Slysalausi dagurinn“ í umferðinni í Reykjavík varð ekki alveg siysaiaus en þó stórslysalaus. Tíu ára drengur hljóp fyrir bíl á
Háteigsvegi en meiddist lítið og var það eina slysiö í umferðinni. Þrettán árekstrar voru skráðir sem teist lítiö, en í nótt haföi
lögreglan hins vegar hendur í hári þriggja ökumanna sem eru grunaðir um ölvunarakstur. í Fjölskyldugarðinum í Laugardal
æföu hins vegar ökumenn framtíðarinnar akstur og voru einbeittir eins og vera ber. Þar voru allar umferðarregiur virtar.
Grandi sagður ofmeta eign í öðrum félögum:
Tímabundin verðlækkun
- segir Kristín Guðmundsdóttir fjármálastjóri
„Þetta er skýrt í ársskýrslu okk-
ar. Eignarhlutar eru bókfærðir á
framreiknuðu kaupverði eða sam-
kvæmt hlutdeildaraðferð. Þarna er
um langtímafjárfestingu að ræða en
ekki fjárfestingu tU skamms tíma.
Þar gUda mismunandi reglur,“ segir
Kristín Guðmundsdóttir, fjármála-
stjóri Granda hf., vegna þeirrar
gagnrýni sem fram kemur á fyrir-
tækið í dálkinum Óðni í Viðskipta-
blaðinu. Þar segir að í uppgjöri
Granda sé ekki varúðarsjónarmiða
gætt þegar metinn er eignarhlutur
Grandi hf.
Viðskiptablaðið segir fyrirtækið of-
meta eign sína í öðrum félögum.
Granda í öðrum fyrirtækjum.
Þannig sé um ofinat að ræða bæði á
Hraðfrystihúsi Eskifjarðar og Har-
aldi Böðvarssyni hf. þar sem eignar-
hluturinn ætti að vera um þriðjungi
lægri. AUs fær Viðskiptablaðið út að
ofmat Granda nemi um 1100 miUjón-
um króna.
„Stjórnendur Granda telja að um
tímabundna verðlækkun sé að ræða
og því ekki ástæða til endurskoðun-
ar. En auðvitað þarf að meta stöðuna
á hverjum tímapunkti," segir Kristin
fjármálastjóri um gagnrýnina. -rt
Gengistap kom illa niður á Speli:
Stórfellt tap á Hvalfjarðargöngum
DV, HVALFIRDI:
304,5 mUljóna króna tap varð á
rekstri Spalar ehf., sem á og rekur
Hvalfjarðargöng, á fyrstu niu mán-
uðum rekstrarársins, þ.e. frá 1.
október 2000 tU júnUoka 2001. Þetta
kemur fram á heimasíðu Spalar. Á
sama tíma í fyrra nam hagnaður af
rekstri 16,2 milljónum króna. Af-
koma félagsins versnaði þannig um
320 milljónir króna.
Tekjur Spalar jukust samt veru-
lega, úr 491 miUjón króna fyrstu níu
mánuðina í fyrra í 541 milljón
Hvalfjaröargöngin
Þrátt fyrir tap mun Spölur ekki
breyta gjaldskrá á þessu ári.
króna nú. Ástæður slæmrar afkomu
eru stóraukinn fjármagnskostnað-
ur, sem var 703,8 miUjónir króna
nú, en var 205,3 miUjónir króna á
sama tímabili í fyrra. Gengistap fé-
lagsins í lok júní 2001 var 615 miUj-
ónir króna og verðbætur 186 millj-
ónir króna, aUs 804 miUjónir króna.
Ástandið hefur hins vegar lagast
nokkuð frá því fyrstu níu mánuðir
rekstrarársins voru gerðir upp.
Krónan hefur styrkst og gengistap
félagsins minnkað um rúmlega 130
milljónir króna. Stjórn Spalar ætlar
ekki að breyta gjaldskrá Hvalfjarð-
arganga á árinu 2001. -DVÓ
Björk sæmd heiöursoröu
Franski mennta-
málaráðherrann Jack
Lang sæmdi Björk
Guðmundsdóttur
franskri heiðursorðu
í gær. Lang sagðist af-
henda Björk orðuna
sem tákn um vináttu
og þakklæti vegna
sérstakra tengsla hennar við Frakkland,
en Lang hitti Björk þegar hann kom
sem menningarmálaráðherra í opinbera
heimsókn til íslands árið 1990. Björk er
nú stödd í París á tónleikaferðalagi.
Sveitarfélög kæra
Sveitarstjómarmenn á Austurlandi
íhuga að kæra úrskurð Skipulagsstofn-
unar um mat á umhverfisáhrifum Kára-
hnjúkavirkjunar til umhverfisráðherra.
Tiiiaga þess efnis verður i dag lögð fram
á aðalfundi Sambands sveitarfélaga á
Austurlandi og borin undir atkvæði. -
RÚV greindi frá.
Sýningarpláss uppseld
Öil sýningarpláss á sýningunni
Heimilið í Laugardalshöllinni era nú
uppseld og sýningaraðstaða á Islandica
2001 er einnig langt komin með að fyll-
ast. í fréttatilkynningu frá Unni Steins-
son kynningarstjóra kemur fram að
ákveðið var að þessar tvær sýningar
yrðu haldnar á sama tíma í Laugardaln-
um, þ.e. 6. til 10. september.
Kleifarvatn lekur
Vatnsborð Kleifarvatns hefur ekki
mælst lægra frá aldamótunum 1900 en
miklir þurrkar nægja ekki til að skýra
lækkun vatnsborðsins. Líklegt er að
sprungur hafi opnast í vatnsbotninum í
Suðurlandsskjálftunum síðastliðið sum-
ar og valdi auknum leka úr vatninu. -
RÚV greindi frá.
Visar ummælum á bug
Stefán Thors skipu-
lagsstjóri vísar á bug
ummælum Haildórs
Ásgrímssonar utan-
ríkisráðherra um að
Skipulagsstofnun hafi
safnað saman nei-
kvæðum þáttum sem
nota megi gegn virkj-
unaráformum á Austurlandi.
Við brúökaup í Noregi
Ólafur Ragnar Grímsson, forseti ís-
lands, og heitkona hans, Dorrit
Moussaieff, verða við brúðkaup Hákon-
ar, krónprins Noregs, og Mette-Marit
Tjessem Höiby, á laugardag.
Nýtt útivistarsvæði
Nýtt 1000 hektara útivistarsvæði
verður vígt í Esjuhliðum í dag. Guðni
Ágústsson landbúnaðarráðherra mun
vígja svæðið með formlegum hætti og
gróðursetja tré, að viðstöddum einstak-
lingum frá flestum skógræktarfélögum
landsins.
Munu mótmæla
Siv Friðleifsdóttir umhverfisráðherra
segir að því verði harkalega mótmælt ef
kjamaúrgangur verði fluttur um hafið
milli íslands og Noregs til Rússlands.
Hjálmar hættir þingmennsku
Hjálmar Jónsson
dómkirkjuprestur
ætlar að segja af sér
þingmennsku þegar
vika er liðin af sept-
ember. Hann hefur
setið á þingi frá 1995.
Hann hefúr gegnt
embætti dómkirkju-
prests í sjö mánuði samhliða þing-
mennskunni.
Haldiö til haga
í grein á menningarsíðu blaösins
þann 21. ágúst urðu þau mistök að 12.
september var neftidur 14. september.
Einnig var rangt farið með nafn Helga
Hrafns Jónssonar og hann kallaður Har-
aldur Ámi. -HKr.