Dagblaðið Vísir - DV - 24.08.2001, Blaðsíða 10

10
Útlönd
FÖSTUDAGUR 24. ÁGÚST 2001
I>V
Duncan Smith í vandræöum
Ættingjar eins kosningastjórans
virkir í flokki hægriöfgamanna.
Duncan Smith:
Rak kosninga-
stjóra sinn fyrir
nýnasistatengsl
Iain Duncan Smith, sem sækist
eftir leiðtogaembætti breska íhalds-
flokksins, sá sig tilneyddan til að
reka einn kosningastjóra sinna,
Edgar GrifFm, í gær eftir að upp
komst um tengsl mannsins við
Breska þjóðarflokkinn (BNP), flokk
öfgafulfra hægrisinna.
Sonur Griffms er í forystu BNP,
sem margir segja að sé ekkert ann-
að en nasistaflokkur, og eiginkona
hans var í framboði fyrir flokkinn í
kosningunum í júní síðastliðnum.
Hún bauð sig meira að segja fram í
kjördæmi Duncans Smiths. Breska
blaðið Daily Mirror sagði aö Griffin
hefði verið við síma hjá Breska
þjóðarflokknum þegar það náði
sambandi við hann á miðvikudag.
Máf þetta þykir hið vandræðaleg-
asta fyrir Duncan Smith sem keppir
um leiðtogasætið við Evrópusinn-
ann Kenneth Clarke.
Soltys á lista yfir
tíu hættulegustu
Bandaríska alríkislögreglan FBI
tilkynnti í morgun að úkraínski
innflytjandinn Nikolay Soltys, sem
grunaður er um að hafa myrt sex
fjölskyldumeðlimi sína í borginni
Sacramento, hafi verið settur á lista
yfir tíu hættulegustu glæpamenn í
Bandarikjunum. Yfirvöld tilkynntu
einnig að 70 þúsund dollarar, eða
um sjö milljónir íslenskra króna,
hefðu verið lagðir til höfuðs Soltys
sem talið er að sé enn í felum innan
borgarinnar eða á svæðinu kring-
um Charlotte í Norður-Karolina.
Þar búa nokkrir ættingjar hans sem
taldir eru í hættu, en listi með nöfn-
um nokkurra þeirra fannst á heim-
ili hans í Sacramento, þar á meðal
nöfn foreldra tveggja ungra barna
sem hann myrti.
UPPBOÐ
Uppboð munu byrja á skrifstofu
embættisins, Austurvegi 4,
Hvolsvelli, þriðjudaginn 28.
ágúst 2001, kl. 15.00, á eftir-
________farandi eignum:
Berjanes/Berjaneskot, A-Eyjafjalla-
hreppi. Þingl. eig. Vigfús Andrésson.
Gerðarbeiðandi er Ingvar Grétar Ingv-
arsson.
Gularás, A-Landeyjahreppi. Þingl.
eig. Ólafur Árni Óskarsson. Gerðar-
beiðendur eru Glitnir hf. og íbúða-
lánasjóður.
Njálsgerði 12, Hvolsvelli. Þingl. eig.
Einar Helgason. Gerðarbeiðandi er
Hvolhreppur.
Reynifell, lóð 9b, Rangárvallahreppi.
Þingl. eig. Birgir Tómasson. Gerðar-
beiðandi er sýslumaðurinn í Kópa-
vogi.______
Öldugerði 13, Hvolsvelli. Þingl. eig.
Guðjón Halldór Óskarsson og Lands-
banki íslands hf. Gerðarbeiðendur
eru Hömlur hf. og íbúðalánasjóður.
SÝSLUMAÐUR
RANGÁRVALLASÝSLU
Bandaríski þingmaðurinn Gary Condit rýfur þögnina:
Játaði náið sam-
band við Chöndru
Bandaríski þingmaðurinn Gary
Condit viðurkenndi í gær að hann
hefði átt í „nánu“ sambandi við lær-
linginn Chöndru Levy, sem hefur
verið saknað frá því í vor. Condit
sagðist hins vegar ekki tengjast
hvarfi stúlkunnar á nokkum hátt.
„Viö áttum í nánu sambandi. Mér
þótt mjög vænt um hana,“ sagði
Condit í viðtali við bandarísku sjón-
varpsstööina ABC. Viðtalið var sýnt
á besta áhorfstíma í gærkvöld.
Þrátt fyrir ítrekaðar spurningar
fréttamannsins neitaði Condit að
segja hvort sambandið við Chöndru
hefði verið kynferðilegs eðlis.
„Ég er búinn að vera giftur í 34
ár. Mér hefur nokkrum sinnum orð-
ið á í lifinu, ég er ekki fullkominn
maður,“ sagði þingmaðurinn og
bætti við hann ætlaði ekki að lýsa
sambandinu í smáatriðum, af tillits-
semi við fjölskyldu sína og aö beiðni
fjölskyldu lærlingsins. Með viðtal-
inu í gærkvöld rauf Gary Condit
langa þögn sína um málið.
Gary Condit í sjónvarpsviðtali
Bandaríski þingmaöurinn neitaöi aö
ræöa samband sitt viö lærlinginn
Chöndru Levy i smáatriöum.
Ekkert hefur spurst til Chöndru
Levy frá því í apríl. Hvarf hennar,
svo og samband hennar við þing-
manninn hefur verið á allra vörum
í sumar og fjölmiðlar hafa fjallað
mikið um málið. Margir hafa líkt
málinu við hneykslið sem samband
Bills Clintons forseta og Monicu
Lewinsky, lærlings í Hvita húsinu,
olli á sínum tíma.
Gary Condit berst nú fyrir póli-
tísku lífi sínu. Dagblöð í kjördæmi
hans í Kaliforníu hafa krafist af-
sagnar hans. Ýmsir stjórnmála-
menn hafa tekið undir þær kröfur.
Lögreglan segir hins vegar að
Condit sé ekki grunaður um neitt
misjafnt í tengslum við hvarf
Chöndru Levy.
Aðspurður sagði Condit að
Chandra hefði aldrei lýst því yfir að
hún væri ástfangin af honum og
sjálfur sagðist hann ekki hafa verið
ástfanginn af henni. Hann sagði að
þau hefðu aldrei rætt um að stofna
fjölskyldu saman.
Stuttar fréttir
Burma
Megawati
Sukamoputri, for-
seti Indónesíu,
heimsótti Burma í
morgun þar sem
hún ræddi meðal
annars við leiðtoga
herforingjastjórnar-
innar. Ekki var bú-
ist við að hún myndi hitta Aung
San Suu Kyi, leiðtoga stjórnarand-
stöðunnar í Burma. Megawati hefur
heimsótt nokkur lönd í Suðaustur-
Asíu til að efla viðskiptatengsl.
Réttarhöldunum frestað
Réttarhöldunum yfir George
Speight, leiðtoga valdaræningja á
Fídjíeyjum i fyrra, hefur verið
frestað til næsta árs þar sem dómar-
inn í málinu kann að vera of gam-
all. Speight var ákærður fyrir land-
ráð. Þess var krafist að dómarinn
viki þar sem hann myndi komast á
eftirlaun áður en réttarhöldunum
lyki.
Megawati i
Barist viö skógarelda
Slökkviliösmaðurinn Leif Meadows frá Kentucky stingur hendinni niöur i holu í skóglendi nærri Okanogan i
Washingtonríki til aö kanna hvort einhverjar glæöur kunni aö leynast þar. Slökkviliðsmenn í vestanveröum
Bandaríkjunum hafa barist viö mikla skógarelda aö undanförnu.
Skærur halda áfram fyrir botni Miðjarðarhafs:
Israelsk hersveit réðst
í gær inn í Hebron
ísraelsk hersveit réðst í gær-
kvöldi inn á palentínskt svæði í
borginni Hebron á Vesturbakkan-
um, eftir að skotið hafði verið það-
an á ellefu ára gamlan son ísra-
elskra innflytjenda og hann særður
alvarlega.
Hersveitin notaði skriðdreka,
brynvarðar jarðýtur og þyrlur til
innrásarinnar og féllu tveir Palest-
ínumenn í kjölfar hennar og að
minnsta kosti fimmtán særðust. Eft-
ir að hafa sprengt upp nokkrar
byggingar á svæðinu hörfaði herinn
til baka í morgunsárið, en vegna
mótstöðu Palestínumanna gekk
undanhaldið seint.
Árásin var gerð eftir róstusaman
dag á svæðinu í gær, en þá var 12
ára gamall palestínskur drengur
skotinn til bana og annar særður
Grátandi móöir
Palenstínsk móöirgrætur
hörmungarnar á Gaza-svæöinu.
við flóttamannabúðirnar í Khan
Yunis á Gaza-svæöinu. Að sögn tals-
manna ísraelska hersins hóf eftir-
litssveit skothríð á hóp manna sem
reyndu að rjúfa vegatálma á svæð-
inu og munu drengirnir þá hafa orð-
iö fyrir skotunum, en hópur þeirra
grýtti hersveitina.
Arafat, leiðtogi Palestínumanna,
er nú í Kína, en þangað kom hann
snemma í morgun eftir að hafa áður
hitt ráðamenn á Indlandi og Pakist-
an. Arafat mun hitta kínverska ráða-
menn í dag og þar á meðal Li Ping,
forseta kínverska þjóðþingsins. Ætl-
að er að Arafat muni þar leggja hart
að Kínverjum að beita sér frekar í
friðarferlinu til að binda sem fyrst
enda á ófriðinn heima fyrir, ófrið
sem nú þegar hefur kostað um 700
manns lifið síðan í september.
ESB-menn hitta Castro
Sendinefnd frá Evrópusamband-
inu, undir forystu Louis Michels,
utanríkisráðherra Belgíu, hitti
Fidel Castro Kúbuleiðtoga á heima-
velli í gær til að reyna að bæta sam-
band ESB og Kúbu. Samskiptin hafa
stirðnað upp á síðkastið vegna gagn-
rýni ESB á stööu mannréttindamála
á Kúbu.
Vilja aflétta vopnabanni
Frönsk stjórn-
völd telja að tími sé
kominn til að
aflétta vopnasölu-
banni Sameinuðu
þjóðanna á
Júgóslavíu. Frakk-
ar ætla að reyna að
sannfæra aðra full-
trúa í Öryggisráði SÞ um að aflétta
banninu, að sögn talsmanns franska
utanríkisráðuneytisins. Vopnasölu-
banninu var komið á 1998 til að
refsa stjórnvöldum í Belgrad fyrir
ofsóknir á hendur Albönum í
Kosovo.
Fagna brotthvarfi Helms
Kúbverjar fagna því mjög að
erkióvinur þeirra, bandaríski öld-
ungadeildarþingmaðurinn Jesse
Helms, skyldi hverfa af vettvangi
stjórnmálanna á undan Fidel Castro
Kúbuleiötoga. Helms tilkynnti í vik-
unni að hann sæktist ekki eftir end-
urkjöri.
Eystrasaltslönd í NATO
Poul Nyrup
I Rasmussen, forsæt-
isráðherra Dan-
merkur, hvatti fé-
laga sína í NATO í
gær til þess að taka
—:■ \ - d Eystrsaltslöndin
þrjú inn í varnar-
®ÉPt bandalagið. Nyrup
lét orð í þessa veru falla í heimsókn
til Prag. Búist er við að á leiðtoga-
fundi NATO í borginni í nóvember
á næsta ári verði nýjum ríkjum boð-
ið að sækja um inngöngu.
Ákveðnir í að hætta við
George W. Bush Bandaríkjafor-
seti lýsti því afdráttarlaust yfir í
gær að Bandaríkin ætluðu að segja
sig frá ABM-samningnum frá árinu
1972. Bush segir hann koma í veg
fyrir að Bandarikin geti stuðlað að
friði þar sem hann leggi bann viö
eldflaugavarnakerfl.