Dagblaðið Vísir - DV - 30.08.2001, Blaðsíða 2
FIMMTUDAGUR 30. ÁGÚST 2001
Fréttir
ÐV
Einar Már Siguröarson þingmaður skoðar stöðu sína í þingflokki Samfylkingar:
Ætla mér ekki að
elta VG út í feniö
- verðum að vera trúir sannfæringunni og geta lifað með ágreiningi, segir Össur Skarphéðinsson
„Ef menn ætla sér í einhverja
samkeppni við Vinstri-græna og
elta þá út í fenið þá verð ég ekki
með í þeirri ferö. Það er gífurleg óá-
nægja með forustuna í þessu máli
bæði hjá mér og öðrum,“ segir Ein-
ar Már Sigurðarson, þingmaður
Samfylkingarinnar á Austfjörðum,
um afstöðu forustu Samfylkingar-
innar í Kárahnjúkamálinu. Einar
segir raunar að hann finni að and-
staðan sé ekki bundin viö Austflrði
heldur sé hún mikil víða um land.
„Ég held ég megi segja að þetta sé
einhver almesta óánægja með þessa
forustu sem ég hef orðið var við til
þessa. Enda er það kannski ekki
skrýtið, ef menn skoða könnun DV
þá kemur í ljós að forustan er að
ganga gegn meirihluta stuðnings-
manna flokksins og því er það í
sjálfu sér ekki
óeðlilegt að menn
láti eitthvað í sér
heyra,“ segir Einar
Már.
Einar Már, sem
nú er í 10 daga fríi
erlendis, segist ekki
enn hafa gert upp
við sig hvernig
hann bregðist viö
þessu, en DV
greindi frá því í gær að þrýst væri á
hann að segja sig úr þingflokknum.
„Ég hafði nú hugsað mér að nota
þetta frí hér úti til að íhuga málið
og nota friðinn til að taka kalda og
yfirvegaða ákvörðun," sagði Einar f
gær. Friðurinn hefur hins vegar
ekki verið mikill og segir hann að
þrýstingurinn á hann sé af öllu tagi;
Einar Már Sig-
uröarson.
„allt frá því að ég
geri uppreisn í
flokknum, taki
hann yfir fyrir aust-
an, fari úr flokkn-
um og fleira og
fleira. En það þarf
bara að skoða allar
hliðar þessa máls,“
Össur Skarp- segir Einar Már.
héöinsson. Hins vegar segir
Einar að ef þær
fréttir sem hann heyri um að forust-
an sé heldur að bæta í andstöðu
sína við virkjanir en hitt þá „virðist
það stefnumið einhverra í forstunni
aö hreinsa til í flokknum". Einar
segist ekki telja sig einangraðan í
þingflokki Samfylkingarinnar, en
svarar spumingum um hvort ekki
hafi veri haft samráð við hann um
stefnuna í þessu máli þannig að
framkvæmdastjórn og þingflokkur
viti af hans afstöðu.
Össur Skarphéðinsson, formaður
Samfylkingarinnar, kveðst ekki
vilja segja mikið um ummæli Ein-
ars og þann þrýsting sem hann hef-
ur oröið fyrir. „Ég held að menn
eigi að anda rólega og draga andann
djúpt, þessu máli er hvergi lokið.
Það sem mestu skiptir fyrir alla er
að menn séu trúir sannfæringu
sinni, bæði ég minni sannfæringu
og Einar Már sinni. Við höfum átt
hið besta samstarf í þingflokknum
og ég er ekki í nokkrum einasta
vafa um að það verður gott áfram. í
alvöruflokki verða menn að geta lif-
að með ágreiningi sem upp kemur,
jafnvel í djúpstæðum málum," segir
Össur. -BG
Loftbyssuárás í Engjaskóla:
Sjö börn
með
áverka
- skelfileg þróun,
segir skólastjóri
Fimmtán ára piltur ásamt
tveimur öðrum gerði sér leik að
skjóta úr loftbyssu á skólafélaga
sína í Engjaskóla í gær. Atvikið
átti sér stað á leikvelli skólans
skömmu fyrir hádegi. Sjö börn
hlutu áverka eftir skothríðina en
að sögn lögreglu voru þau ekki al-
varlega slösuð.
Hildur Hafstað, skólastjóri
Engjaskóla, sagði í samtali við DV
að hún væri slegin yfir þessum at-
burði og liti þetta mál alvarlegum
augum. Hún sagði að börnum á
leikvellinum hefði eðlilega verið
mjög brugðið. „Það er slæmt til
þess að hugsa að foreldrar kaupi
og leyfi börnum sínum að hand-
leika slíkar byssur, eins og um
leikföng væri að ræða,“ sagði Hild-
ur. Hún segir loftbyssur auðfáan-
legar f suðrænum löndum og þar
sé jafnvel litið á þær sem barna-
leikföng.
„Við höfum ekki lent í þessu
áður og vonum að þetta endurtaki
sig ekki. Þetta er í raun skelfileg
þróun enda kemst þetta næst
raunverulegum vopnaburði. Ég
vona að þetta veki foreldra til um-
hugsunar og þau taki þessi vopn af
bömum sínum,“ sagði Hildur.
Hún sagði að skólayfirvöld í
Engjaskóla hefðu tekið á málinu
strax í gær og þegar hefur verið
haft samband við foreldra piltanna
sem hlut áttu að máli.
Lögregla tók einnig skýrslu af
piltunum og tók byssuna í sína
vörslu. Loftbyssur eru með öllu
bannaöar hér á landi og varðar við
vopnalög að beita þeim. -aþ
Aöstæöur skoðaöar í Reyöarfiröi
Á myndinni eru taliö frá vinstri: Smári Geirsson, forseti bæjarstjórnar Fjaröabyggöar, Bjarne Reinhold, framkvæmda-
stjóri Reyöaráls, Truls Gautesen, stjórnarformaöur Norsk Hydro, Andrés Svanbergsson og Þorvaldur Jóhannsson,
framkvæmdastjóri SSA. Á innfelldu myndinni bera þeir saman bækur sínar Þorvaldur Jóhannsson, Andrés Svanbergs-
son yfirverkfræðingur, Björn Hafþór Guömundsson, bæjarstjóri á Egilsstööum, Truls Gautesen og Garöar Ingvarsson,
forstjóri Fjárfestingarstofnunar.
Álver í Reyðarfirði enn í myndinni:
Enginn bilbugur á Norðmönnum
- skoðuðu aðstæður í Reyðarfirði í gær og Kárahnjúka í dag
Klukkan sjö í morgun lögðu full-
trúar Norsk Hydro ásamt sveitar-
stjórnarmönnum og fulltrúum
Landsvirkjunar og fleiri aðila í
skoðunarferð um fyrirhugað virkj-
unarsvæði við Kárahnjúka. Síðdeg-
is eru sfðan ráðgerðar viðræður í
Reykjavík við íslenska fjárfesta og
samstarfsaðila fyrirtækisins í Reyð-
arálsverkefninu. Engan bilbug er að
finna á Norðmönnum vegna fyrir-
hugaðra álversframkvæmda í Reyð-
arfirði.
í gær skoðuðu nokkrir af yfir-
mönnum Norsk Hydro aðstæður í
Reyðarfirði vegna áforma um að
reisa þar álver. í hópnum var m.a.
Truls Gautesen, forstjóri Hydro
Aluminium, álvinnslusviðs Norsk
Hydro, og Leiv L. Nergaard, aðstoð-
arforstjóri og aðalíjármálastjóri
Norsk Hydro. Áttu Norðmennirnir
viöræður við sveitarstjórnarmenn á
Austurlandi og sátu fund síðdegis i
gær um stöðu undirbúnings vegna
álversframkvæmdanna. Þar voru
einnig fulltrúar frá Landsvirkjun,
Þjóðhagsstofnun og fleiri aðOum.
-HKr.
Hópur manna skoðar stofnun fjölmiðils:
Undirbúa nýtt blað
- Hólmsteinsútgáfan þegar skráð
Engjaskóli
>/ö börn hlutu áverka eftir aö skóla-
IméHMfá skaut á þau úr.loft- .:
byssu í gær.
Hópur manna, með Sigurð G.
Guðjónsson hrl. í broddi fylkingar,
skoðar nú möguleikann á því að
stofna nýtt blað, vikublað í dag-
blaðsbroti. Stofnað hefor verið sér-
stakt útgáfufélag til að halda utan
um þetta mál og hefur útgáfan feng-
ið nafnið „Hólmsteinsútgáfan". Að-
spurður hvort hugmyndin væri að
stofna blað í anda Helgarpóstsins
sáluga sagöi Sigurður það að sumu
leyti rétt, nema hvað hugmyndin
væri að þetta yrði mun ábyrgara
: blaö,, „Við; þrútú iöÚÞáí áö. :kanna
rekstrargrundvöllinn fyrir þessu,
hve mikið hlutafé
við þurfum og
hvað við viljum
mikið hlutafé í
upphafi og hvort
við fáum það,“
sagði Sigurður í
samtali við DV.
Hann segir
ákveðna hug-
myndafræði í
gangi varðandi
Siguröur G. Guö-
Jónsson lögmaöur
ritstjórn á blaðinu en vill ekki upp-
lýsa það á Mssu.3tigi, andú sé;húúi í
að hluta til í mótun og verði það
samhliða því að fleiri koma að mál-
inu. Aðspurður telur hann hins veg-
ar alls ekki fullreynt um blaðaút-
gáfu af þessu tagi og telur að þörf sé
fyrir svona blað en það verði að
koma í ljós. Sigurður segir að menn
hafi gefið sér tima til áramóta til
komast að niðurstöðu um hvort af
þessu verður eða ekki. Aðspurður
um nafn útgáfunnar sagði Sigurður
að nafnið mætti skoða sem vísbend-
ingu um að undirbúningsfélagið
vildi vera trúverðugt og vísindalegt
eins og það ^emjkæpji fíd :
Hólmsteini prófessor. -BG
Stuttar fréttir
Skora á félagsmálaráðherra
Félag fasteigha-
sala hefur skorað á
félagsmálaráðherra
að endurskoða
strax nýja reglu-
gerð um húsbréf og
húsbréfaviðskipti.
Félagið segir í
áskoruninni að ef
haldið verður áfram að miða veit-
ingu lána við brunabótamat skekki
það eðlilega verðmyndun á fasteign-
um og þvingi kaupendur til að leita
dýrari og óhagstæðari leiða til lán-
töku. - RÚV greindi frá.
Viljayfirlýsing
í gær var undirrituð viljayfirlýs-
ing þar sem Bæjarveitur Vest-
mannaeyja, Hitaveita Suðumesja
hf. og Selfossveitur lýsa yfir ein-
dregnum vilja sínum til þess að
vinna að sameiningu fyrirtækjanna.
Stefnt er að endanlegri undirrit-
un fyrir 31. desember og sameining
taki þá gildi frá og með 1. janúar
2002.
Kært í Skerjafirðí
Enn ein krafan um stöðvun fram-
kvæmda við ný íbúðarhús í Skerja-
firði er nú til afgreiðslu hjá úr-
skurðamefnd skipulags- og bygging-
armála. Að þessu sinni er um að
ræða framkvæmdir við 257 fer-
metra, tveggja íbúða hús að Skild-
inganesi 43. Áður hafa framkvæmd-
ir sama verktaka við tvö hús verið
stöðvaðar tímabundið. - Fréttablað-
ið greindi frá.
LÍÚ mótmælir
Landssámband
íslenskra útvegs-
manna mótmælir
harðlega þeirri
ákvörðun sjávarút-
vegsráðherra að
heimila skipum,
sem hafa leyfí
grænlenskra stjórn-
valda til veiða á karfa og grálúðu
við A-Grænland, að landa afla sín-
um í íslenskum höfnum.
Minni þorskafli
Á síðasta áratug jókst útflutning-
ur frá íslandi að magni um 24% á
meðan meðalaukning í OECD-ríkj-
unum var um 90%. Það er mat Þjóð-
hagsstofnunar að meginástæða lítils
vaxtar sé 100.000 tonna minnkun á
þorskafla frá 1990.
Fleiri nota e-pilluna
Mikil aukning
hefor orðið á notk-
un e-pillunnar á
fyrri helmingi árs-
ins, að því er fram
kemur á heimasíðu
SÁÁ. Að sögn Þór-
arins Tyrfingsson-
_ ar, yfirlæknis á
sjúkrahúsinu Vogi, er aukningin
umtalsverð og íjöldi þeirra sem not-
að hafa e-pillu reglulega á fyrri
hluta ársins var 88 og 284 höfðu
prófað efnið.
Yfir 200 heimilislausir
Samkvæmt skráningu Byrgisins
voru heimilislausir 226 að tölu 1.
ágúst síðastliðinn en 95% þeirra eru
fólk af höfuðborgarsvæðinu. For-
stöðumenn Byrgisins segja ljóst að
vandi heimilislausra fari hrað-
versnandi.
Björk í efsta sæti
Vespertine, ný plata Bjarkar Guð-
mundsdóttur, selst vel í Evrópu.
Platan, sem kom út mánudaginn 27.
ágúst sl., fór strax í efsta sæti plötu-
listans í Frakklandi, en Björk á
dyggan aðdáendahóp í Frakklandi.
tliíiili’iJiliíiíiiitiUí rWtt4