Dagblaðið Vísir - DV - 17.09.2001, Blaðsíða 10

10
Utlönd
MÁNUDAGUR 17. SEPTEMBER 2001
I>V
Rafkaup
Ljós & Lampar
Ármúla 24 Reykjavík
Sími: 585 28 00
Verslun: 585 2810
Mosraf, Háholti 23, Mosfellsbæ,
Fossraf ehf., Eyravegi 3, Selfoss,
R.Ó., Hafnargötu 52, Keflavík,
Geisli, Flötum 29, Vestmannaeyar,
Rafsjá hf, Sæmundargötu 1,
Sauðárkrókur.
Bush varar við löngu stríði gegn hryðjuverkamönnum:
Hræöileg mistök
að ráðast á BNA
Stjómvöld i Washington ráðlögðu
Bandaríkjamönnum í gær að búa
sig undir langt strið við hryðju-
verkamenn.
George W. Bush forseti sneri
heim í Hvita húsið frá sveitasetri
sínu í Camp David til að taka næsta
skrefið í því sem hann kallaði stríð-
ið gegn þeim sem bera ábyrgð á
hryðjuverkunum í New York og
Washington þar sem um flmm þús-
und manns týndu lífi.
Bush sagði að stjórnvöld væru á
varðbergi gagnvart fleiri árásum og
hann sagði að þeir sem réðust til at-
lögu gegn Bandaríkjunum gerðu
hræðileg mistök.
„Þeir hafa vakið voldugan risa og
það megið þið vita að staðfesta okk-
ar er mikil,“ sagði Bush við frétta-
menn eftir komuna til Washington.
Embættismenn stjórnarinnar í
Washington héldu í gær áfram að
benda á sádí-arabiska milljarða-
mæringinn Osama bin Laden sem
líklegan sökudólg. Bin Laden vísaði
því hins vegar á bug í gær að hann
ætti nokkra sök á árásunum síðast-
liðinn þriðjudag. Hann sagðist búa í
Afganistan þar sem hann hefði ekki
leyfi til að stunda slíka iðju. Dick
Cheney, varaforseti Bandaríkjanna,
gaf ekki mikið fyrir afneitun bins
Ladens.
„Ég er ekki í nokkrum vafa um
að hann og samtök hans gegndu
veigamiklu hlutverki í þessu. Við
erum nokkuð vissir í okkar sök um
að hann sé efstur á blaði yfir grun-
aða,“ sagði Cheney.
Stjómvöld í Pakistan ætla að
senda hóp embættismanna til
Afganistans í dag til að telja tali-
banastjómina þar á að framselja
Osama bin Laden og leggja þar með
sitt lóð á vogarskálarnar í að koma
í veg fyrir ógnarástand í þessum
heimshluta. Pakistanar hafa heitið
Bandarikjamönnum fullum stuðn-
ingi i hemaðaraðgerðum þeirra
gegn hryðjuverkamönnum.
Sendinefndin átti að fljúga til
Kandahar i sunnanverðu Afganist-
an þar sem Mohammad Omar, ein-
eygður andlegur leiðtogi talibana,
heldur til. Bin Laden hefur einnig
haft aðsetur þar, að minnsta kosti
þar til nýlega.
Omar hefur á sama tíma boðað
neyðarfund klerka í Afganistan til
að ræða varnir landsins en árás
Bandaríkjamanna er yfirvofandi.
Hann hvatti aðrar íslamskar þjóðir
til að koma Afgönum til hjálpar.
Omar hefur til þessa ekki ljáð máls
á því að framselja bin Laden í hend-
ur Bandaríkjamanna.
Tveir af hverjum þremur Banda-
ríkjamönnum vilja að stjórn lands-
ins lýsi yfir stríði. Þeir eru þó ekki
vissir um gegn hverjum aðgerðirn-
ar eiga að beinast.
Bush og stjórn hans íhuga að fella
úr gildi áratugagamla tilskipun þar
sem blátt bann er lagt við því að
Bandaríkjamenn eigi þátt í laun-
morðum á erlendri grundu, að því
er embættismenn sögðu í gær.

: ‘vi ■ .' ■- * ■ ■
REUTER-MYND
Forsetinn og eiginkonan aftur heim í Hvíta húsið
George W. Bush Bandaríkjaforseti og Laura, eiginkona hans, sneru aftur heim í Hvíta húsið í Washington í gær.
Forsetinn ræddi við fréttamenn skömmu eftir að hann steig úr þyrlunni á grasflötinni við forsetabústaðinn.
Fjölmenn athöfn í stærstu kirkjunni í New York:
Nöfn fórnarlamba árásanna
bergmáluðu í hvelfingunni
Nöfn fólks sem týndi lífi í hryðju-
verkaárásunum á New York eða er
saknað bergmáluðu í stærstu kirkju
New York-borgar í gær þegar þar
var haldin bænasamkoma til minn-
ingar um fómarlömb voðaverk-
anna.
Þegar Robert Jacobs, prestur við
dómkirkju heilags Jóhannesar,
hafði lesið á þriðja tug nafna þeirra
sem ýmist hafa látist eða slasast
þegar tveir turnar World Trade
Center voru jafnaðir við jörðu, tóku
kirkjugestir að kalla upp fleiri nöfn
ættingja eða vina sem ekkert hefur
spurst til frá því árásirnar voru
gerðar á þriðjudaginn var.
Kona nokkur yfirbugaðist af geðs-
hræringu og lét ekki huggast og aft-
ast í kirkjunni grét slökkviliðsmað-
ur í örmum prests. Kirkjugestir
REUTER-MYND
Mæðgur á minningarathöfn
Kelly Reyes og dóttir hennar voru
meðal fjölmargra sem minntust fórn-
arlamba hryðjuverkanna í BNA.
kveiktu á kertum frammi fyrir
minnismerki frá árinu 1966 um
slökkviliðsmenn sem hafa látist við
skyldustörf sín.
„Við biðjum fyrir öllum þeim sem
leita guðs, fyrir öllum þeim sem ef-
ast um guð og fyrir öllum þeim sem
spyrja guð hvers vegna,“ sagði séra
Jacobs við um það bil 1.500 gesti
sem fylltu kirkjuna.
New York-búar sátu álútir og
grófu andlitin í höndum sér og
sungu bænir fyrir þær þúsundir
manna sem talið er að hafi látið líf-
ið í hryðjuverkaárásunum þegar
tveimur farþegavélum var flogið á
tvo turna World Trade Center.
Orgeltónar og ilmur af reykelsi
fylltu gríðarstórar hvelfingar kirkj-
unnar sem lokið var að reisa árið
1892.
Páfi hvetur til stiliingar
Jóhannes Páll
páfi sagði í gær að
hann væri mjög
miður sín yfir
hryðjuverkaárásun-
um á New York og
Washington í síð-
ustu viku. Hann
skoraði hins vegar
á Bandaríkjamenn að standast þá
freistingu að svara fyrir sig með
hatri og meira ofbeldi.
Heilagt stríö gegn íslam
Danski þjóðarflokkurinn er kom-
inn í heilagt stríð við íslamstrú. Á
landsfundi flokksins um helgina var
íslamstrú hvað eftir annað líkt við
hryðjuverkasamtök og múslímar í
Danmörku voru sakaðir um að hafa
komið þangað til að leggja undir sig
nýtt land, að sögn Jótlandspóstsins.
Bretar aðstoða
Bresk stjórnvöld ætla að greiða
farareyri og uppihald fjölskyldna
breskra fórnarlamba hryðjuverka-
árásanna í Bandaríkjunum. Tony
Blair forsætisráðherra sagði í gær
að allt að 300 Bretar hefðu farist.
Lásar á hurðir hjá SAS
Norræna flugfélagið SAS hefur
látið setja lása á allar hurðir milli
flugstjórnarklefa og farþegarýmis í
flugvélum sínum í kjölfar flugrán-
anna og árásanna í Bandaríkjunum,
að sögn norska blaðsins VG.
Masood jarðsettur
Afganski skæru-
liðaforinginn
Ahmad Shah
Masood, sem gekk
undir viðurnefninu
Ljónið frá Pansjír,
var jarðsettur
nærri heimaþorpi
sínu í gær. Mikil
sorg ríkti meðal viðstaddra sem
hvöttu tii þess að dauða hans yrði
hefnt. Masood, sem var helsti and-
stæðingur talibana, sem ráða í
Afganistan, lést af völdum sára sem
hann hlaut i tilræði 9. september.
Ráðherra hittir Albana
Landvarnaráðherra Makedóníu
hitti fulitrúa albanska minnihlut-
ans á skæruliðaslóðum i norður-
hluta landsins í gær til að efla
traust milii þjóðarbrotanna og
renna stoðum undir friðarsam-
komulag vesturveldanna.
Jospin myndi sigra
Lionel Jospin,
forsætisráðherra
Frakklands, myndi
sigra Jacques
Chirac forseta i
kosningum um for-
setaembættið ef
kosið væri nú milli
þeirra tveggja. Sam-
kvæmt nýrri skoðanakönnun fengi
Jospin 51 prósent en Chirac 49 pró-
sent atkvæða.
Illa gengur að bora
Olíufélagiö BP verður að fram-
lengja tilraunaboranir eftir olíu við
Færeyjar um eina viku vegna
tæknilegra vandræða.
Ameríkanar að verki
Taha Yassin Ramadan, varafor-
seti íraks, sagði í gær að bandarísk-
ir andófsmenn en ekki múslímar
hefðu staðið fyrir hryðjuverkaárás-
unum í New York og Washington.