Dagblaðið Vísir - DV - 12.11.2001, Blaðsíða 24

40
____________________________________________________________MÁNUDAGUR 12. NÓVEMBER 2001
Tilvera I>V
Bíógagnrýní
Blóðsuga í hlut-
verki blóðsugu
Ein frægasta hryllingsmynd allra
tima er Nosferado sem leikstýrt var
af F.W. Murnau fyrir sjötíu árum. í
Shadow of the Vampire er sett á
svið gerð myndarinnar með Mur-
nau í miðju atburðarásar sem hann
skipuleggur en ræður svo ekki við í
lokin. í upphafi er á raunsæjan hátt
verið að sýna hvemig myndin varð
til og er ekki annað að sjá en farið
sé eftir þekktum heimildum. Þegar
til sögunnar kemur Max Schreck,
sem leika á blóðsuguna Orlock
greifa (Mumau vildi kvikmynda
sögu Brams Stokers, Dracula, en
fékk ekki leyfi til þess), fer raunsæ-
ið að víkja fyrir skáldskapnum sem
þó er snilldarlega kryddaður með
atriðum sem eru nánast eftirlíking
af sömu atriðum í Nosferado. Öllum
ætti samt að vera ljóst, þegar í ljós
kemur að Max Schreck kvikmynd-
arinnar er alvörublóðsuga, að verið
er að fara út fyrir raunveruleikann.
Þetta er samt ákaílega snyrtilega
gert og er ekki laust við að maður
fari ósjálfrátt að hugsa hver var
Max Schreck. (Það skal hér með
upplýst að hann var leikari sem
Murnau uppgötvaði fyrir mynd sína
og lék allt fram til ársins 1938 þegar
hann lést úr hjartaslagi.)
Það er mikill stíll yfir Shadow of
the Vampire. Þögla kvikmynda-
skeiðið nánast lifnar við í meðfór-
um leikstjórans E. Elias Merhige
sem hefur sérlega hugmyndaríkt og
vel skrifað handrit Stevens Katz til
að leika sér að. Tekst honum að
skapa dulúðugt andrúmsloft hins
liðna um leið og honum tekst að
halda í gömul gildi og breyta mynd-
inni úr leikinni heimildamynd yfir
í vampírumynd.
Ekki verður horfið frá myndinni
án þess að nefna frammistöðu
Willems Dafoe í hlutverki Max
Schrecks. Dafoe, sem er óþekkjan-
legur, er kominn með útlit Schrecks
og blandar síðan saman leikaranum
og vampírunni af einstakri snilld -
smeðjulegur náttfari sem hefur
fengið Mumau til að fórna öllu fyr-
ir listina.
Hilmar Karlsson
Leikstjóri: E. Elias Merhige. Handrit:
Steven Katz. Kvikmyndataka: Lou
Bogue. Tónlist: Dan Jones. Leikarar:
John Malkovich, Willem Dafoe, Carherine
McCormack og Udo Kier
F.W. Murnau
John Malkovich leikur leikstjórann sem gerir allt fyrir listina.
HÁÞRÝSTI
DÆLUR
- fyrir heimilid
RAFVER
SKEIFUNNI 3E-F ■ SÍMI 581 2333 • FAX 568 0215
rafver@simnet.is
Bíógagnrýni
ms
sa2001:
Laugarásbíö - Monsoon Wedding
Eitt brúðkaup og fjöl-
mörg ástarævintýri
Fjölskyldusaga
Leyndarmálin eru til staðar í stórri indverskri fjölskyldu.
í Dehli á Indlandi er fjöl-
skyldufaðirinn Lalit (Na-
seeruddin Shah) og kona
hans Pimmi (Lillete Dubey)
að undirbúa stórkostlegt
brúðkaup fyrir einkadóttur-
ina Aditi (Vasundhara Das)
sem á að giftast tölvufræð-
ingnum Hemant Rai (Parvin
Dabas). Hemant fundu for-
eldrarnir fyrir dótturina að
fomum indverskum sið en
vandamálið er að Aditi er
langt í frá búin að jafna sig
eftir ástarsamband við giftan
mann. Annað og ljótara
leyndarmál kemur fram í
dagsljósiö og tekst næstum að binda
enda á hátiðahöldin. En ekkert af
þessu stöðvar ástina sem vaknar í
ungum sem gömlum hjörtum víðs
vegar í fjölskyldunni og nágrenni
hennar. Fallegasta ástarsagan verður
á milli brúðkaupsskipuleggjandans,
hins lata blómaétandi P.K. Dube
(Vijay Raaz), og þjónustustúlkunnar
fögru, Alice (TUotama Shome). (Atrið-
ið þegar þau hittast í fyrsta skipti,
taka eftir hvort öðru og verða skotin
er ólík allri kvikmyndarómantík sem
ég hef séð).
Á daginn skín sólin og á nætumar
hellist rigningin yfir á meðan fjöl-
skyldan og vinir hennar skammast,
gráta, dansa, drekka, borða, syngja og
elska - allt af sömu ástríðunni - í
þessari borg sem er algjör óreiða af
gömlu og nýju, eins og tónlistin sem
er svo heillandi að maður á bágt með
að sitja kyrr.
Monsoon Wedding er ekkert sér-
staklega frumleg kvikmynd. En það
sem hana vantar í frumleika bætir
hún upp með einlægni og sjarma
þannig að það er ómögulegt annað en
að falla fullkomlega fyrir
þessu fólki. Fjölskylduleynd-
armálið fannst mér fyrst
minna óþægilega á Festen
Tomasar Winterbergs en í
úrvinnslunni fær það allt
aðra meiningu og i stað þess
að sundra sameinar það.
Því Monsoon Wedding fjall-
ar öðru fremur um fjöl-
skylduna og traustið og ást-
ina sem tjölskyldumeðlimir
hafa hver á öðrum. Ef
traustið bregst hverfur ástin
og fjölskyldan verður innan-
tómt hugtak í staðirin fyrir
það afdrep umhyggju og
skilnings sem hún á að vera. Fyrsta
leikna mynd Miru Nair, Saalam
Bombay, var um útigangsfólk í
Bombay. Hér er viðfangsefnið vel
stætt fólk úr millistétt en umhyggja
hennar fyrir því er sú sama og hún
gerir gæfumuninn.
Sif Gunnarsdóttir
Leikstjóri og framleiöandi: Mira Nair.
Handrit: Sabrina Dhawan. Kvikmynda-
taka: Declan Quinn. Tónlist: Mychael
Danna. Aöalleikarar: Vasundhara Das,
Parvin Dabas, Naseeruddin Shah, Vijay
Raaz o.fl.
Bíógagnrýní
Bíóborgin - Requiem for a Dream
[JJS2001:
kvikmyndahótiZ) í reykjovik
Dóphausar á öllum aldri
Darren Aronofsky, sem gerði
hina eftirminnilegu Pi og kom með
hana hingað á kvikmyndahátíð fyr-
ir tveimur árum hefur með
Requiem for a Dream gert áhrifa-
mikla kvikmynd um dópneyslu og
afleiðingar ofnotkunar um leið og
fjallað er um brostnar vonir - kvik-
mynd sem er áreitin og sterk í lýs-
ingu sinni á því hyldýpi sem mann-
eskja i eiturlyfjum lendir í - kvik-
mynd sem ekki er auðvelt að horfa
á, ekki eingöngu vegna örlaga per-
sóna í myndinni heldur vegna þess
hvernig myndin er klippt. Það er
ekki aðeins að Aronofsky noti
stundum „split-screen“ til að koma
á framfæri boðskap sínum heldur
skellir hann á áhorfendur sama at-
riðinu aftur og aftur þegar verið er
að sprauta og taka pillur og notar
mikið nærmyndir.
Aðpersónurnar eru fjórar: Móðir-
in Sara Goldfarb (Ellen Burstyn)
sem fær tilkynningu um að hún sé
komin í hóp útvalinna sem eiga kost
á að vera þátttakendur í spurninga-
þætti. Til að líta sem best út fer hún
í megunarpillukúr með hroðalegum
afleiðingum. Sonur hennar, Harry
(Jared Leto), ræfill sem kemst í feitt
sem dreiflaðili eiturlyfja, virðist um
tima vera að spjara sig en er sjálfur
of háður eiturlyfjum til að eiga
möguleika og dregur kærustu sína,
Marion (Jennifer Connelly), í svaðið
með sér. Fjórða persónan er svo
Tyron (Marlon Wayans), vinur og
félagi Harrys, sem er ekki eins langt
leiddur og líkast til sá eini í lokin
sem kannski á sér viðreisnar von.
Eitt af því sem gerir myndina
eins áhrifamikla og raunin er eru
leikararnir sem eru hver öðrum
betri. Best er þó Ellen Burstyn
sem á sannfærandi hátt breytir
Söru úr venjulegum ellilífeyris-
þega, sem háður er sjónvarpi, í
forfallinn dópista sem truflast síð-
an á geði. Þá er túlkun Jennifer
Connelly einnig áhrifamikil, sér-
staklega í lokin þegar öll sund eru
lokuð. Hilmar Karlsson
Leikstjóri: Darren Aronofsky. Handrit:
Hubert Selby jr. eftir eigin skáldsögu.
Kvikmyndataka: Matthew Libatique. Tón-
list: Clint Mansell. Aöalleikarar: Ellen
Burstyn, Jared Leto, Jennifer Connelly og
Marlon Wayans.
Bíógagnrýni
Bíóborgin - The Pledge ★ ★ ★
kvikmyndahótið i reykjavík
Erfitt loforð
Sama dag og Jerry Black (Jack
Nicholson), lögregluþjónninn í
Reno, fer á eftirlaun og félagar hans
afhenda honum flugmiða tO Mexíkó
þar sem hann á að slappa af og
veiða er lítil stúlka myrt á viðbjóðs-
legan hátt í hæðunum rétt fyrir
utan borgina. Black fer úr eigin
kveðjupartíi til að kanna málið og
það lendir á honum að tala við for-
eldra stúlkunnar. í því samtali fær
móðirin Black til að lofa sér að
hann komist að þvi hver fór svona
grimmdarlega með dóttur hennar.
Stuttu síðar er maður handtekinn
og eftir játningu fremur hann sjálfs-
morð. Jerry er ekki sannfærður um
sekt mannsins en starfsbræður
hans líta á málið sem upplýst og
minna hann á starfslokin. Jerry
kaupir bensínstöð í smábæ og kynn-
ist þar barþjóninum Lori (Robin
Wright Penn) og dóttur hennar
Chrissy (Pauline Roberts) sem er á
sama aldri og látna stúlkan í upp-
hafi myndar.
Skuldbinding Seans Penn hefst
eins og hver önnur spennandi lög-
reglumynd - með góðu löggunni
sem veit sínu viti og fer eftir innri
sannfæringu og þar með gegn kerf-
inu. En hún breytist fljótt i persónu-
lýsingu á manni sem haldinn er
Rannsóknarlögreglumaðurinn
Jack Nicholson í hlutverki Jerry
Black.
þráhyggju. AUar gerðir hans eru
knúnar áfram af því sem hann telur
vera satt og við áhorfendur trúum
honum en viljum þó ekki að þrá-
hyggjan eyðUeggi lif hans.
Jack Nicholson hefur sjaldan ver-
ið betri. í lokin þegar spennan er
ekki lengur fólgin i glæpasögunni
heldur hugarfylgsnum Blacks reyn-
ir mest á Nicholson og hann bregst
ekki. Öll aukahlutverk eru snUldar-
lega vel leikin af stórleikurum eins
og Vanessu Redgrave, Sam Shepard,
Benicio Del Toro og Helen Mirren,
meira að segja fyrrum kyntáknið
Mickey Rourke leikur vel. Robin
Wright Penn skilar líka finum leik í
hlutverki Lori, ekki síst í lokin.
Sean Penn hefur gert kolsvarta
mynd um mann sem er fangi hug-
myndar. The Piedge er ansi lang-
dregin en kemur manni samt
stöðugt á óvart, hvert nýtt atriði fer
í aðra átt en maður átti von á og það
kemur hvergi niöur á samhengi eða
frásögninni sjálfri. Byggingin að
dapurlegum endinum er góð og þótt
maður fari ef til vill niðurdreginn
út úr bíó þá er engin spurning að
Penn hefur tekist að gera óvenju-
lega og góða kvikmynd.
Sif Gunnarsdóttir
Leikstjóri: Sean Penn. Handrit: Jerzy
Kromolowski & Mary Olson-Kromolowski,
eftir skáldsögu Friedrichs Dúrrenmatts.
Kvikmyndataka: Chris Menges. Leikarar:
Jack Nicholson, Robin Wright Penn, Benicio
Del Toro, Helen Mirren, Vanessa Redgrave,
Pauline Roberts, Sam Shepard o.fl.