Dagblaðið Vísir - DV - 23.05.2002, Blaðsíða 4

Dagblaðið Vísir - DV - 23.05.2002, Blaðsíða 4
FIMMTUDAGUR 23. MAÍ 2002 Fréttir jy^ 22 ára Hvergerðingur sem var tekinn inn í bíl og hendur límdar fyrir aftan bak: Hótuðu byssu, hamri og brennheitum hver - kunningi piltsins, sem árásarmennirnir leituðu, er flúinn úr landi „Þeir sögðu að byssa væri í skottinu, hún myndi ekki drepa mig en ég myndi missa fótinn," segir Óskar Páll Daníels- son, 22 ára íbúi í Hveragerði, sem hefur kært tvo menn fyrir að svipta hann frelsinu og hóta honum með byssu og hamri á meðan þeir óku með hann límd- an með hendur fyrir aftan bak til Hafn- arfjarðar á mánudagskvöld. Þriðji mað- urinn tók Mözdubifreið Óskars sem ekki var fundin þegar DV fór í prentun. Þremenningarnir voru að leita að kunningja Óskars en sá maður er nú flúinn úr landi. Málið hefor verið kært. Bæði lögreglan í Hafnarfirði og á Sel- fossi vinna í því auk þess sem öll lög- regluembætti landsins hafa upplýsingar um bílinn sem saknað er. Óskar samþykkti að koma í viðtal enda vill hann að aðrir sem svipað er ástatt fyrir - sæta hótunum eða ofbeldi - kæri og leiti réttar síns, Mti ekki aðra halda áfram að kúga sig. Tóku heimilislyklana Þegar klukkan var tuttugu mínútur í sex á mánudag, annan í hvítasunnu, var Óskar Páll kominn að hraðbankanum í Búnaðarbanka íslands við Breiðumörk, aðalgötunni í Hveragerði, sömu megin og Blómaborg en aðeins innar. „Allt í einu komu þrír menn aftan að mér. „Heitir þú Óskar?" var sagt. Ég sagði já og þá var tekið í handleggina á mér og ég leiddur út í aftursætið á bíl þeirra. Mennirnir tóku svo af mér alla lykla," segir Óskar. Tveir mannanna fóru af stað með Óskar en þriðji maðurinn tók bfllyklana og ók bíl hans á brott. Hvert veit hann ekki. Lyklakippan, sem einnig var með DV-MYND E.ÓL. Mannrán viö hraðbanka í Hverageröi Þrír menn komu aftan að Óskari Páli við hraöbanka Búnaðarbankans við Breiðumörk og neyddu hann inn f bíl. Á leiöinni komu fram hótanir um að skjóta í fætur hans, barsmíðar með hamri og heitur hver kom viö sögu. Mál- ið hefur verið kært. Lögreglan óskar eftir vitnum sem sáu brottnámið oggeta gefíö upplýsingar um bíl Óskars sem var stolið. húslyklum að heimili móður hans í Hveragerði, var öll tekin og hefur ekki verið skilað. Móður hans þykir þetta að vonum óvænt og óþægilegt - finnst ör- yggi sínu ógnað. Hins vegar hefur verið skipt um skrá á heimilinu. Þremenningarnir notuðu hvorki hett- ur né annað til að skýla andlitum sínum þegar þeir sóttu Óskar í Hveragerði. Hraðbankinn stendur gegnt versluninni Hverakaup. Þar voru a.m.k. þrír bílar fyrir utan. Lögreglan óskar eftir að vitni gefl sig fram sem geta gefið upplýsingar um það þegar Óskar Var numinn á brott. Einnig eru þeir sem hafa séð bil hans, hvíta Mözdu 323, árgerð 1986 með númerinu Z 570, beðnir að láta lögregl- una vita. Bentu á hver á leioinni „Mennirnir voru að leita að strák sem ég þekki," segir Óskar. Hann segir að þeir hafi gefið í skyn að þeir eigi eitt- hvað inni hjá kunningja hans sem nú er flúinn úr landi af ótta við að verða lim- lestur. „Þeir sögðust vera með byssu í skott- inu, hún myndi ekki drepa mig en ég myndi missa fótinn ef ég segði ekki hvar kunningi minn væri," segir Óskar. Hann segir að þegar ekið hefði verið fram hjá Þorlákshafnarafleggjaranum áleiðis að Krýsuvík hefðu mennirnir bent á hver. „Þeir spurðu hvort ég kann- aðist ekki við hverinn." Mennirnir hefðu því gefið í skyn að Óskar myndi enda þar ef hann gæfi ekki upp dvalar- stað kunningjans. Einnig hefðu menn- irnir sagt að hann „hefði tíu fingur og tíu tær". Þeir hefðu síðan hægt á bún- um af og tii eins og þeir hefðu ætlað að hefjast handa við að taka fórnarlamb sitt í gegn. Hanskar, hamar og límband „Ég sagði þeim að ég vissi ekkert hvar kunningi minn væri. Að síðustu stöðvuðu þeir bílinn og tóku fram gúmmíhanska og hamar sem var í poka. Þeir bundu hendur mínar aftur fyrir bak með límbandi. Þarna gerði ég mér ljóst að ég yrði að gera eitthvað til að sleppa, ekki síst út af því sem mennirn- ir höfðu sagt um fingurna og tærnar," segir Óskar. Hann kveðst hafa sagt við mennina að hann þekkti einhvern i Hafharfirði sem gæti búið yfir vitneskju um hvar kunninginn væri. Þangað hefði svo ver- ið ekið. Mennirnir hafi spurt Óskar hvort hann yrði með nokkurt vesen á meðan þeir færu inn í hús. Hann kvað svo ekki vera. Þegar mennirnir hafi svo farið að innganginum hefði Óskar slitið af sér límbandið, farið út úr bílnum og tekið til fðtanna. Óskar komst svo í skjól inn í nálægt hús. Þar leyfðu íbúar honum að komast i síma og var hann ekki í vafa um hvert hann ætti að hringja - beint í lögregluna í síma 112. -Ótt Alcoa-hópurinn: Niðurstöður á næstu dögum Valgerður Sverrisdóttir iðnaðarráðherra segir að mjög styttist í ein- hvers konar nið- urstóðu varð- andi áhuga Alcoa-hópsins á álveri við Reyð- arfjörð. „Þeir eru alltaf að Valgeröur Sverrlsdóttlr. vinna og þótt ég geti ekki svarað því upp á dag hvenær tíðinda sé að vænta held ég að þeir séu að átta sig á málinu," sagði Valgerður í samtali við DV i gær. Valgerður staðfestir að hag- kvæmniathugun Alcoa á verkefn- inu sé lokið en aðspurð um líkurn- ar á að samningar náist segist hún ekki geta tjáð sig um þær. „Hver dagur er dýrmætur núna," segir ráðherra. Alcoa hefur sent margar sendi- nefhdir til íslands undanfarið og eru nokkrir fulltrúanna staddir hér á landi. Sumir þeirra hafa far- ið austur á land og kynnt sér stað- hætti en aðrir láta nægja að staldra við í Reykjavík. -BÞ Rökstuddur grunur um aö Hollandsmaöurinn tengist hvarfi Valgeirs Víðissonar: Lögregla með upptökur af símtölum mannsins Héraðsdómari telur hóst að lögreglan í Reykjavík hafi sýnt fram á rökstuddan grun um að 37 ára maður sem framseld- ur var hingað til lands frá Hollandi á þriðjudag sé viðriðinn hvarf Valgeirs Víðissonar. Lögreglan er með upptöku af símtölum undir höndum þar sem maðurinn er að ræða við félaga sinn, sem einnig er grunaður, um atriði sem talin eru tengjast hvarfi Valgeirs. Lögreglan hefur einnig skjalfesta framburði vitna sem tengd voru um- ræddum mönnum. Þar kemur fram að vitnin annaðhvort bera að mennirnir tveir hafi sagt þeim að þeir hefðu banað Valgeiri eða að þeir hafi heyrt mennina tala saman um hvað þeir gerðu. Hinn maðurinn býr á höfuðborgarsvasðinu en hefur neitað sök. Þegar Hollandsmaðurinn var leiddur fyrir héraðsdóm í gær úrskurðaði dóm- ari að hann skuli sitja í gæsluvarðhaldi til 3. júní. Lögreglan hefur því þann tíma til að yfirheyra manninn i einangr- un og aðra sem taldir eru tengjast mál- inu. Leiddur út úr héraðsdómi Hinn grunaði sést hér koma út úr Héraösdómi Reykjavíkur ígærdag með hulu fyrir andliti. Hann situr í gæsluvarðhaldi til 3. júní. Eins og fram hefur komið í DV yfir- gaf Valgeir Víðisson heimili sitt á Laugavegi hinsta sinni að kvöldi 18. júní 1994. Málið var fyrst rannsakað sem mannshvarf. Formleg rannsókn á manndrápi fór ekki fram fyrr en nokkrum árum seinna. Flestir af fram- angreindum framburðum komu ekki fram fyrr en eftir að minningarathöfn fór fram um Valgeir. Lík hans hefur aldrei fundist. -Ótt Skóflustungan Gunnar Birgisson, formaður bæjar- ráðs, tekur fyrstu skóflustunguna að byggingunni yfir Gjána sem hefur verið á dagskrá í rúm 20 ár. Langþráð bygg- ing yfir Gjána Gunnar Birgisson, formaður bæjar- ráðs Kópavogs, tók í gær fyrstu skóflustunguna að tveggja hæða versl- unarhúsnæði sem reisa á yfir Gjána þar í bæ, nánar tiltekið á milli brúnna sem tengja saman vestur- og austur- hluta Kópavogs. Þessi bygging er langþráð því allt frá því miðbær Kópa- vogs var byggður um 1970 var gert ráð fyrir að byggt yrði yfir Gjána án þess að orðið hafi af því. Bygging þessi verður fyrir ofan Hafnarfjarðarveginn og mun tengja saman eldri kjarna Hamraborgar við tónlistarhúsið, náttúrugripasafnið og Gerðarsafn. Það er byggingarfélagið Ris ehf. sem sér um byggingu hússins en bærinn tekur þátt í framkvæmdun- um annars vegar með nauðsynlegum lóðaframkvæmdum og hins vegar því að fella niður byggingarleyfisgjöld vegna hússins. Byggt verður eftir sig- urtillögunni i hönnunarsamkeppni um þetta svæði sem haldin var fyrir tveimur árum. I þessu húsi er gert ráð fyrir að verði m.a. opinber stofnun, verslanir og lyfjaverslun. Gert er ráð fyrir að húsið verði tilbúið til notkunar eftir eitt ár. Heildarkostnaður er áætlaður 300-350 milljónir króna. -H3 Borgarráð: Félagslegar íbúð- ir verði seldar Borgarráð samþykkti á fundi sín- um í vikunni að Reykjavíkurborg sæki um heimild til félagsmálaráð- herra þess efnis að eigendum félags- legra eignaibúða í Reykjavík verði heimilað að selja þær á frjálsum markaði. Þetta er í samræmi við breytingar sem gerðar voru á hús- næðislögum í vetur sem gera ráð fyr- ir að eigendurnir geti selt íbúðirnar á þennan hátt. Reykjavíkurborg mun jafnframt falla frá forkaupsrétti sín- um að þessum íbúðum. -ffl DV-MYND KÖ Eldur í Yrsufelll Engan sakaði þegar eldur kom upp í fjöl- býlishúsi við Yrsufell síðdegis ígær. Mik- ill viðbúnaður var hjá slökkviliði og var allt tiltækt lið höfuðborgarsvæðisins kvatt á staðinn. Eldurinn kom upp íþaki hússins og er talið að upptök hans megi rekja til iðnaðarmanna sem voru að vinna með tæki og tól við húsið. Slökkvi- liði tókst að ráða niðuríögum eldsins á skömmum tíma og koma þannig i veg fyrir stórbruna. orðinn að veruleika ^m Pessifullkomna þvottavélernú ásérstöku afmeelistilboói kr. 80.000 I tilefni af80 ára afmceli Brœðranna Ormsson hafa pýsku AEG verksmiðjurnar hafið framleiðslu á nýrri AEC pvottavél fyrir hinn kröfuharða íslenska markað Umboðsmenn um land allt iRÆðUBNIB mamssm Céffflóla S >~limi 188 !§8ö

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.