Dagblaðið Vísir - DV - 28.05.2002, Blaðsíða 28

Dagblaðið Vísir - DV - 28.05.2002, Blaðsíða 28
28 ÞRIÐJUDAGUR 28. MAÍ 2002 Sport Agli I lll ið til Italíu - æfir undir stjórn NBA-þjálfara í einum frægustu búðum Evrópu Körfuknattleikssamband Is- lands fékk boð um að senda lið á sterkt alþjóðlegt mót sem fram fór í Frakklandi dagana 17.-21. maí. Þetta mót var ætlaö fyrir Frakka, Slóvena og Þjóðverja sem eru að undirbúa sig fyrir úrslitakeppnina í Evrópukeppni unglingalandsliða, drengjum fæddum 1984. íslandi og Hollandi gafst kostur - á að senda lið til leiks en háð þeim skilyrðum að senda nokkra eldri leikmenn i bland við leikmenn fædda 1984. Var þetta skilyrði sett inn svo við yrðum með samkeppn- ishæf lið. Það var tekin sú ákvörðun að senda lið til leiks og var settur saman 12 manna hópur, sex leik- menn fæddir 1984, þrír fæddir 1983, tveir fæddir 1982 og einn 1981. Það var eitthvað um að leik- menn gætu ekki gefið kost á sér. Það gafst enginn tími til æfinga enda fyrirvarinn enginn. Þetta var fyrst og fremst frábært tæki- færi fyrir unga efnilega leikmenn til að öðlast reynslu. Liðið vakti mikla athygli allra sem voru á mótinu og sigurinn gegn Slóvenum kom mönnum hressilega á óvart og var það eitt- hvað sem enginn átti von á. Á mótinu voru hinir ýmsu útsendar- ar liða í Evrópu og eins voru að- ilar frá umboðsskrifstofum. Egill í góöum málum EgHl Jónasson var að taka þátt í sínu fyrsta landsliðsprógrammi og væntanlega ekki því síðasta. Egill er hávaxnasti núverandi leikmað- ur landsins en hann er 212 cm. Faðir hans er Jónas Jóhannesson, fyrrverandi landsliðsmaður úr Njarðvík. Egill vakti afhygli og hefur nú fengið boð um að taka þátt í Big Man Camp í Treviso á Italíu. Það er Benetton Treviso, hið fornfræga lið, sem skipuleggur þessar körfuboltabúðir. Þarna fara ein- göngu leikmenn sem er boðið svo þetta er mikill heiður fyrir Egil og íslenskan körfuknattleik. Það var ítalskur aðili sem var á mótinu sem býður Agli pláss í þessum búðum. Fyrirtækið sem hann vinnur hjá fékk úthlutað tveimur plássum og vildi hann bjóða Agli annað. Margir NBA-þjálfarar I þessum Big Man Camp verða allir þjálfarar Dallas Mavericks, Rick Majerus, þjálfari háskólaliðs Utah og fyrrum NBA-þjálfari, ásamt ítölskum þjálfurum á veg- um Benetton Treviso. Það má þvi með sanni segja að þetta sé stórkostlegt ævintýri fyrir Egil. -Ben Egill Jónasson er hér til hægri ásamt þjálfara sínum, Einari Jóhannssyni. DV-mynd Ben Annar flokkur karla í handknattleik: Stjarnan vann bráðabana Það var enginn smáleikur sem boðið var upp á í 2. flokki karla þegar Stjarnan og KA léku til úr- slita um íslandsmeistaratitilinn. Eftir venjulegan leiktlma var jafnt og þrátt fyrir tvær framlengingar var ekki enn búið að fá niðurstöðu og þvi kom til bráðabana þar sem Stjarnan fékk vítakast og skoraði sigurmarkið og sigraði því 25-24. Bæði lið eiga heiður skilinn fyr- ir frábæra frammistöðu í leiknum og munu menn ekki gleyma þess- um leik í bráð. Þar með varð Stjarnan bæði íslands- og deildar- meistari þetta árið og ekki annað sagt en að uppskeran hafi verið góð petta árið. KA meö frumkvæöiö framan af Jafnræði var með liðunum í fyrri hálfleik og var jafht í hálfleik, 10-10. KA náði síðan frumkvæðinu í upphafi seinni hálfleiks og leiddi með 3-4 mörkum. Stjörnustrákar voru þó ekki á því að gefast upp og með mikilli baráttu komust þeir yf- ir, 20-19, þegar rúm mínúta var eft- ir. Baldvin Þorleifsson jafnaði 21-21 fyrir KA þegar 45 sekúndur voru eftir og Stjarnan fékk síðustu sókn- ina. Vilhjálmur Vilhjáhnsson, helsti sóknarmaður Stjörnunnar, tók síðasta skotið en markvörður KA sá við honum að þessu sinni og varði. Því varð að framlengja og voru KA-menn fyrri til að skora og var markið stórglæsilegt úr aukakasti á síðustu sekúndu fyrri hálfleiks framlengingar. Tvíframlengt og bráðabani Stjarnan var síðan einum leik- manni fleiri í byrjun seinni hálf- leiks þar sem einn leikmaður KA var rekinn út af í tvær mínútur fyr- ir tuð. Þetta náði Stjarnan ekki að nýta sér en vörnin var góð og jafn- aði Stjarnan 22-22 og þar við sat eft- ir fyrri framlenginguna. Bæði lið skoruðu sitthvort mark- ið í seinni framlengingunni og þvl varð að grípa til bráðabana. Kastað var upp peningi hvort liðið byrjaði með boltann og kom það i hlut Stjömunnar. í bráðabana vinnur það lið sem skorar fyrst og því gríðarlega mikilvægt að fá að byrja með boltann. í sókninni fékk Stjarnan vítakast sem virtist vera frekar vafasamt, svo ekki sé meira sagt, og geta menn deilt um þann dóm vel og lengi. Úr vítakastinu kom sigurmarkið og fögnuður Stjörnunnar mikill enda hafði ýmislegt gengið á og sig- urinn einstaklega ljúfur. Vilhjálmur var sterkur hjá Stjörnunni en var orðinn frekar þreyttur eftir venjulegan leiktíma. Árni Þorvarðarson varði gríðarlega vel og reyndist sínum mönnum mikilvægur. -Ben

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.