Dagblaðið Vísir - DV - 16.12.2002, Side 19

íslandsmót unglinga í skylmingum meö höggsverði fór fram á
dögunum:
Mikill uppgansy
- i skylmingum þessa dagana og sífellt fleiri ungmenni stunda
íslandsmót unglinga í skylming-
um meö höggsveröi fór fram í Haga-
skóla um síðustu helgi.
Mikið var um falleg tilþrif á mót-
inu og ljóst að krakkarnir eru sifellt
að bæta sig og greinilegt að við ís-
lendingar erum að eignast sterkan
hóp af skylmingamönnum.
Fjöldi iökenda
Hátt í 600 manns æfa skylmingar
á Islandi í dag og flestir þeirra æfa
svokallaða ólympíska skylmingar
með höggsverði.
Fjögur skylmingafélög eru starf-
andi á landinu en þau elstu eru
Skylmingafélag Reykjavíkur og
Skylmingadeild FH. í haust var síð-
an stofnað skylmingafélag í Við-
skiptaháskólanum á Bifröst og
þessa dagana er formlega verið að
stofna skylmingafélag á Seltjamar-
nesi.
Metnaöur
Skylmingafólk á íslandi leggur
mikið á sig í þeirri von að taka
framfórum og fara þau til útlanda
að minnsta kosti 10 sinnum ári til
þess að taka þátt í mótum.
íslendingarnir hafa náð góðum
árangri á mótunum erlendis og þá
sérstaklega á Norðurlandamótunum
en meðlimir í Skylmingafélagi
Reykjavíkur hafa verið Norður-
landameistarar í kvenna- og ung-
lingaflokki síðastliðin 3 ár.
Vantar eigiö húsnæöi
Við tókum landsliðsþjálfarann,
Nikolay Mateev, tali, en hann er
margfaldur meistari í skylmingum
og hefur meðal annars unnið til
verðlauna á heimsmeistaramótum
og var atvinnumaður í íþróttinni í
13 ár, og spurðum hann fyrst að því
hvemig aðstaðan væri hjá skylm-
ingamönnum hér á landi?
„Skylmingafélag Reykjavíkur
hafði aðstöðu í gamla ÍR-húsinu við
Túngötu í yfir 10 ár og þegar það
var flutt hafa æflngar yfir vetrar-
timann verið í íþróttahúsi Mela-
skóla. Draumur félagsins er síðan
að eignast eigið húsnæöi. Skylm-
ingamiðstöð þar sem æft yrði og
annað félagsstarf færi fram. Það
myndi breyta félagsstarfinu mikið
og veita aukna möguleika," sagði
Nikolay en hann er einnig þjálfari
hjá Skylmingafélagi Reykjavíkur.
„Til þess að við getum náð réttum
framförum verðum við að fá eigið
húsnæði til að geta byggt íþróttina
upp. Skylmingafélagið hefur sýnt
það og sannað að það getur vel
byggt upp íþróttina og núna þurfum
við aðstöðu til að byggja upp skylm-
ingamiðstöð þar sem við gætum
verið með æfingabúðir, sumarskóla
auk almenns félagsstarfs og æf-
inga,“ bætti Nikolay við og greini-
legt að honum er mikið í mun að
bætt verði úr þessu aöstöðuleysi hið
fyrsta.
Efnilegir krakkar
Skylmingafélag Reykjavíkur er
rekið með félags- og æfingagjöldum
en einnig fær félagið styrki frá ÍBR,
eins og önnur íþróttafélög sem eru
skráð i sambandið, og svo er að
sjálfsögðu treyst á styrktaraðila.
Miðað við þá grósku sem er í ís-
lenskum skylmingum í dag lék okk-
ur forvitni á aö vita hvemig ís-
lensku krakkarnir stæðu samanbor-
ið við erlenda jafnaldra sína.
„Það er erfitt að meta bömin því
það em ekki mót fyrir þau. Ungling-
amir virðast standa vel þvi Sigríður
María Sigmarsdóttir náði öðru sæti
í sinum aldursflokki á sterku móti
fyrir unglinga sem fram fór í Bret-
landi í fyrra en þess má geta að í
Bretlandi eru reknir yfir 100 skylm-
ingaklúbbar og fjöldi iðkenda hleyp-
ur á þúsundum svo það segir sig
sjálft að árangur hennar var glæsi-
legur,“ sagði Nikolay en á íslandi er
aðeins keppt 5-6 sinnum á ári og því
er nauðsynlegt fyrir unglingana að
fara utan til að öðlast ómetanlega
reynslu.
Stefnan sett hátt
Það er augljóst að gróskan og
metnaðurinn í starfinu er mikill en
hver er framtíðarstefnan hjá skylm-
ingamönnum á íslandi?
„Framtíðarstefnan er að byggja
upp skylmingamiðstöð í skylming-
um með höggsverði sem yrði fremst
í sínum flokki á Norðurlöndunum.
íslenskt skylmingafólk er í fremstu
röð á Norðurlöndunum og framtíðin
er afar björt hjá íslensku skylm-
ingafólki. En til þess að ná frekari
árangri segir sig sjálft aö það verð-
ur að hlúa að efniviðnum," segir
Nikolay, en hverjir eru okkar efni-
legustu krakkar?
„Sigríður María Sigmarsdóttir er
mjög efnileg og fékk hún styrk frá
styrktarsjóði ISÍ og menntamála-
ráðuneytinu fyrir ungt og efnilegt
íþróttafólk á dögunum. Hjá Skylm-
ingafélagi Reykjavíkur æfa mjög
efnilegir krakkar á aldrinum 10-16
ára og ég er þess fullviss að framtíð-
in er mjög björt hjá okkur.“
Afbragðsárangur
Sá góði árangur sem íslenskt
skylmingafólk hefur náð er að
miklu leyti Nikolay að þakka en
hann hefur verið landsliðsþjálfari
og þjálfari hjá Skylmingafélagi
Reykjavíkur síðan 1991 og reynsla
hans og menntun i skylmingum er
svo sannarlega aö koma okkar fólki
til góða.
Ein okkar sterkasta skylminga-
kona, Guðrún Jóhannsdóttir, varð
Norðurlandameistari í fyrra og
komst þar að auki í úrslit í opnum
flokki en það var í fyrsta skipti sem
íslensk kona nær slíkum árangri.
Áður hefur verið minnst á árangur
Sigríðar Maríu sem varð einnig
Norðurlandameistari unglinga en
hún gerði gott betur en það á sama
móti og varð í öðru sæti í kvenna-
flokki sem er stórkostlegur árangur
hjá svo ungri stúlku.
Önnur efnileg skylmingakona,
Þorbjörg Ágústsdóttir, varð Norður-
landameistari 2001 og íslenska liðið
hefur unnið liðakeppnina á Norður-
landamótunum undanfarin 2 ár sem
segir allt sem þarf að segja um
breiddina hjá íslensku skylminga-
fólki.
Helga Eygló Magnúsdóttir og
Ragnar Ingi Sigurðsson hafa einnig
íþróttina
náö afbragðsárangri á erlendri
grundu en þau urðu bæði Norður
Evrópubikarmeistarar árið 1997 og
svo hafa þau bæði orðið Norður-
landameistarar.
Það er síðan Helga sem hefur náð
einna glæsilegasta árangri ís-
lenskra skylmingamanna er hún
náði 6. sæti á heimsmeistaramótinu
1998 í skylmingum með höggsverð-
um.
Það má því ljóst vera að framtíð-
in er björt hér á landi í íþróttinni en
til að enn glæsilegri árangur náist
er algjört forgangsverkefni að hreyf-
ingin eignist sitt eigið húsnæði sem
hún hefur svo sannarlega unnið fyr-
ir.
-HBG
T
MÁNUDAGUR 16. DESEMBER 2002
37 ^
Sport
Krakkarnir börðust af hörku þótt
ungir væru, eins og hér sést, og f-
sveröunum var beitt af mikilli fimi.
DV-mynd Hari
Þaö var mikiö um goð til-
þrif á íslandsmóti ung-
linga i skylmingum meö
höggsveröí f Hagaskóla á
dögunum. DV-mynd Hari

Úrslit á íslandsmóti
unglinga í skylmingum
- meö höggsverði
Drengir B7, 7 ára og yngri
1. Eirik Valgeir Thorp Eyþórsson
2. Andri Páll Alfreðsson
3. -4. Sigurður Guðmundsson
3.-4. Halldór Falur Halldórsson
Drengir B8, 8 ára
1. Aron Austmann Ellertsson
2. Gabriel Sölvi Windels
3. -4. Viktor Grönfeldt Steinþórsson
3.-4. Jón Arnkell Ólafsson
Drengir KIO, 9-10 ára
1. Romuald Máni Bodinaud
2. Bjargmundur Ingi Kjartansson
3. -4. Alexander Lárusson
3.-4. Jónas Ásgeir Ásgeirsson
Drengir K12+, 12-13 ára
1. Baldur Jezorski
2. Olav Thorp Eyþórsson
3. —1. Sævar Baldur Lúðvíksson
3.-4. Bjarki Traustason
Drengir K14, 13-14 ára
1. Torfi Ásgeirsson
2. Haraldur Þórir Hugosson
Drengir K16, 15-16 ára
1. Haukur Jónasson
2. William Fr. Huntingdon-Williams
3. -1. ívar Sveinsson
3.-4. Brynjólfur ívarsson
Stúlkur B7, 7 ára og yngri
1. Ásdis Margrét Ólafsdóttir
2. Iðunn Jónsdóttir
Drengir B9, 9 ára; B12, 11-12 ára
1. Andri Már Guðmundsson
2. Magnús Kristmundur Birgis
3. Karl Sigtryggsson
Stiilkur KIO, 9-10 ára
1. Karen Ýr Sigurjónsdóttir
2. Gunnhildur Garðarsdóttir
Stúlkur K12, 11-12 ára
1. Ásta Guörún Helgadóttir
2. Sigrún Inga Garðarsdóttir
3. Ingibjörg Laufey Guölaugsdóttir