Dagblaðið Vísir - DV - 31.01.2003, Side 10

10
FÖSTUDAGUR 31. JANÚAR 2003
DV
Fréttir
Listamaður á lista VG í Norðausturkjördæmi:
Skemmtilega
róttækur
Nafn: Hlynur Hallsson.
Aldur: 34 ára.
Heimili: Akureyri.
Staða: Myndlistarmaður og frambjóðandi.
Efni: Valinn í 3. sæti á framboðslista Vinstrihreyfingarinnar
- græns framboðs í Norðausturkjördæmi.
Það myndi ekki hver sem er voga
sér að efna til myndlistarsýningar í
Texas-riki þar sem skrifað stæði
stórum stöfum á veggina „George
W. Bush is an idiot“. En þetta gerði
Hlynur Hallsson, 34 ára „róttækur"
myndlistarmaður frá Akureyri i
sumar.
Það má því líklega heita ljóst í
megindráttum hver afstaða þessa
nýja frambjóðanda fyrir Vinstri-
hreyfinguna - grænt framboð er í
utanríkismálum!
Sveitungar Hlyns að norðan segja
að Akureyringar hafi gjarnan klór-
að sér í kollinum á sýningum hans
þar. En íbúar Marfa-borgar í Texas
gerðu gott betur; þeir helltu sér yfir
borgarstjórann þangað til Hlynur
samþykkti með semingi að breyta
áletruninni í „George W. Bush is a
good leader“. En meiningin komst
líklega enn betur til skila fyrir vik-
ið.
Studdi Kvennalistann
Þrátt fyrir að Hlynur teljist ungur
frambjóðandi er hálfur annar ára-
tugur liðinn frá því að hann var
fyrst á framboðslista fyrir alþingis-
kosningar. Hann var á lista Alþýðu-
bandalagsins í Norðurlandskjör-
dæmi eystra 1987, þá aðeins 19 ára,
og hefur því alla tíð verið rótttækur
- en jafnframt farið eigin leiðir;
Kristín Sigfúsdóttir (systir Stein-
grims J.), sem kenndi Hlyni í MA,
rifjar upp að hann hafi stutt
Kvennalistann dyggilega á sínum
tíma.
Kristín segir að Hlynur sé
„skemmtilega róttækur, eldíjörug-
ur, áhugasamur, hreinskiptinn og
góðviljaður.“ Öllum samferðamönn-
um Hlyns sem DV ræddi við ber
raunar nokkurn veginn saman um
þessa lýsingu.
Landamæraleysi
Hlynur er sonur Halls Sigur-
björnssonar fyrrverandi skattstjóra
á Akureyri - sem talinn er til fram-
sóknarmanna - og Aðalheiðar
Gunnarsdóttur frá Reyðarfirði.
Hann útskrifaðist af náttúru-
fræðibraut MA og síðan úr Mynd-
listarskóla Akureyrar. Árin 1993 til
2001 var hann í Þýskalandi við nám
og störf. Hlynur hefur verið afkasta-
mikill í list sinni, haldið fjölmargar
sýningar víða um heim og hlotið
bæði viðurkenningar og styrki.
Hann vinnur meðal annars með
ljósmyndir, texta og myndband og
er því ekki „hefðbundinn" myndlist-
armaður.
Tumi Magnússon prófessor, sem
kenndi Hlyni í myndlistarskólan-
um, segir að hann sé orðinn talsvert
þekktur í Þýskalandi og einnig vel
þekktur í listaheiminum hér heima.
„Ég myndi segja að alþjóðahyggja
Nærmynd ______
Ólafur Teitur Guðnason
blaðamaður
eða landamæraleysi sé meðal þess
sem einkenni list hans,“ segir
Tumi. Til marks um þetta er að
verkefnin sem Hlynur vinnur að
hverju sinni, hvort sem það er gall-
eri sem hann rekur, blað sem hann
gefur út eða listaverk á sýningu,
þessi verkefni hafa iðulega heiti á
tveimur eða þremur tungumálum.
Áletrunin í Texas var þannig bæði á
ensku og spænsku.
Draga verður í efa að þetta sé tO
marks um að Hlynur sé hlynntur
aðild íslands að Evrópusamband-
inu!
Drengurgóður
„Hann sinnti störfum sínum vel,
var skemmtilegur vinnufélagi og er
drengur góður,“ segir Arnar Páll
Hauksson fréttamaður sem var yfir-
maður Hlyns þegar hann vann á
sumrum hjá fréttastofu Útvarps á
Akureyri. Hallgrímur Óskarsson,
bekkjarfélagi hans úr MA, segir að
Hlyni hafi alltaf fylgt einstök já-
kvæðni, góðir straumar og vinsam-
legheit. „Hann hefði getað náð langt
á hvaða sviði sem var,“ segir Hall-
grímur, en þeir Hlynur útskrifuðust
af náttúrufræðibraut.
„Hann er einlægur friðar- og jafn-
réttissinni, róttækur en hefur jafn-
framt þá góðu eiginleika að fara
ekki fram með offorsi," segir Krist-
in Sigfúsdóttir.
Átökin fram undan
Miðað við úrslit síðustu kosninga
þurfa Vinstri-grænir að vinna nokk-
uð á til þess að ná þriðja manni inn.
En samkvæmt þeim úrslitum vill
þannig til að bæði Framsóknar-
flokkurinn og Vinstri-grænir njóta
meira fylgis þama en í nokkru öðru
kjördæmi. Óg í ljósi umdeildrar
virkjunar og stóriðju má gera ráð
fyrir að baráttan verði einmitt hörð-
ust á milli þessara tveggja flokka.
Það mætti því kalla skemmtilega til-
viljun að Hlynur skuli tengjast
Framsóknarflokknum í gegnum fóð-
ur sinn og Reyðarfirði í gegnum
móður sína.
Hlynur er sem fyrr segir ekki
þekktur fyrir hörku þrátt fyrir rót-
tæknina, þótt hann geti verið ákveð-
inn í málflutningi og hafi eindregn-
ar skoðanir. Það á því eftir að koma
í ljós hvernig honum reiðir af í
þeim harkalegu átökum sem fyrir
höndum eru. Margir munu eflaust
brýna hann til að temja sér hörkuna
- en telja má liklegra að í barátt-
unni haldi Hlynur uppteknum hætti
og fari sínar eigin leiðir.
Miðvikudagar
eru fasteignadagar hjá DV
Auglýstu fasteignina þína fyrir
kr. með mynd á miðvikudögum