Dagblaðið Vísir - DV - 29.10.2003, Blaðsíða 8

8 FRÉTTIR MIÐVIKUDAGUR 29. OKTÓBER 2003
Notaðir bílar hjá
Suzuki bílum hf.
Suzuki Grand XL-7, bsk., 7
sæta,
skr. 12/02, ek. 22 þús.
Suzuki Grand Vitara 2,0,
bsk.,
skr. 6/01, ek. 75 þús.
Verð kr. 1790 þús.
Suzuki Baleno Wagon 4x4,
árg. 1997, ek. 118 þús.
Verð kr. 670 þús.
Suzuki Grand Vitara 2,0, bsk.,
skr. 8/00, ek. 62 þús.
Verð kr. 1650 þús.
Suzuki Jimny JLX, bsk.,
skr. 6/00, ek. 65 þús.
Verð kr. 990 þús.
Daihatsu Feroza SE,
skr. 7/96, ek. 113 þús.
Verð kr. 540 þús.
Sjáðu fleiri á suzukibilar.is
$ SUZUKI
---////---------------
SUZUKI BÍLAR HF.
Skeifunni 17, simi 568-5100
Renault Clio RT, sjsk.,
skr. 10/02, ek. 4 þús.
Verð kr. 1370 þús.
Nissan Aimera Comf., bsk.,
skr. 8/02, ek. 1 þús.
Verð kr. 1390 þús.
Samfylkingin ræðir Evrópusamruna
Flataskóli fær viðbyggingu
MÁLSTOFUR: Landsfundur
Samfylkingarinnar verður
haldinn um næstu helgi á Ás-
völlum í Hafnarfirði og eftir
setningu mun formaður Sam-
fylkingarinnar, Össur Skarp-
héðinsson, flytja hátíðarræðu.
Síðan verða málstofur í gangi
sem ræða átökin um Evrópu-
samrunann, einkarekstur og
opinberan rekstur, fátækt og
auðlegð - arfleið barnanna og
unga fólkið og framtíðina.
Kjöri formanns og varafor-
manns verður lýst á laugar-
deginum en Össur verður
áfram formaður en nýr vara-
formaður Ingibjörg Sólrún
Gísladóttir. Önnur framboð
bárust ekki. Á sunnudeginum
verður málstofa þar sem um-
ræðuefnið verður: „Er hægt að
kaupa ísland?" Framsögu-
menn eru Björgólfur Guð-
mundsson og Styrmir Gunn-
arsson. Að því loknu verða
hvatningarverðlaun Samfýlk-
ingarinnar afhent, kosning í
flokksstjórn og verkalýðs-
málaráð, kynning á starfi og
verkáætlun framtíðarhóps og
stjórnmálaályktanir afgreidd-
ar.
VIÐBYGGING: Nýviðbygging
Flataskóla í Garðabæ var vígð
á 45 ára afmæli skólans fyrir
skömmu. Nýja viðbyggingin
er um 2000 fermetrar að
stærð og með henni stækkar
húsnæði skólans úr 3000 í
5000 fermetra. Með nýju við-
byggingunni er skólastarfi
Flataskóla búin glæsileg um-
gjörð. ( henni er m.a. nýtt
bókasafn sem er gjörbylting í
starfi skólans. Nýja safnið er
bæði miklu stærra en það
sem fyrir var og eins er þar
mun betri aðstaða til kennslu.
(viðbyggingunni fæst líka
gjörbreytt aðstaða til tónlist-
arkennslu en hún hefuralltaf
verið í hávegum höfð í Flata-
skóla. Arkitekt byggingarinnar
er Einar Ingimarsson.
Ríflega fertugur karlmaður dæmdur í 51/2 drs fangelsi fyrir kynferðisbrot:
Kynferðisleg misnotkun
stóð yfir í tæp tólf ár
HÉRAÐSDÓMUR: Fjölskipaður dómur komst að þeirri niðurstöðu að brot ákærða gegn
stjúpdóttur sinni væru alvarleg og hæfileg refsins væri 5 1/2 ár. Einn þriggja dómara vildi
sýkna manninn.
Héraðsdómur Reykjavíkur
dæmdi í gær ríflega fertugan
karlmann til að sæta fimm og
hálfs árs fangelsi fyrir ítrekuð
kynferðisbrot gegn stjúpdóttur
sinni. Dómurinn er jafnþungur
þyngsta refsidómi Hæstaréttar
í kynferðisbrotamáli.
Brot mannsins gegn stjúpdóttur-
inni voru ítrekuð; þau hófust á ára-
bilinu 1988 til 1989, þegar stúlkan
var 5 til 6 ára, og lauk í desember
2000 en þá var stúlkan 18 ára. í
ákæru yfir manninum kemur fram
að brotin voru framin nær daglega
á rúmlega ellefu ára tímabili.
Maðurinn var jafnframt ákærður
íyrir kynferðisbrot gegn stúlku
fæddri 1984 þegar hún var tólf ára.
Þrátt fyrir að stúlkan þætti að mati
Framburður stúlkunnar
þykir staðfastur og tek-
ið er fram að hún hafi
verið samkvæm sjálfri
sér, bæði hjá lögreglu
og fyrir dómi.
dómsins trúverðug var maðurinn
sýknaður af ákæru gegn henni.
Brotin framin víða
Brotin gegn stúlkunni hófust
sem fyrr segir þegar hún var fimm
eða sex ára; þau héldu síðan áfram
nær daglega í nærfellt tólf ár. Stúlk-
an tengir upphafstíma misnotkun-
arinnar því að hún hafi ekki verið
byrjuð í skóla. Þá hafi ákærði nudd-
að kynfæri hennar, með fingri og
limi, auk þess sem hann hafi fróað
sér. Fullkomnar samfarir hófust
síðar en stúlkan man ekki nákvæm-
lega hvenær.
Maðurinn misnotaði stúlkuna
oftast á heimili þeirra en einnig á
öðrum stöðum eftir því sem árin
liðu; svo sem á heimili föður síns,
hótelum hérlendis og erlendis, bíl
sínum og gröfu sem hann hafði til
umráða. Þá fór hann stundum í
gönguferðir með stjúpdóttur sinni
og misnotaði hana þá á afviknum
stöðum.
Virti engin mörk
Stúlkan bar fyrir dómi að stjúp-
faðir sinn hefði snemma gefið sér
kynlífshjálpartæki. Þá bar barn-
fóstra, sem hafði gætt stúlkunnar,
að hún hefði komið að henni og
vinkonu hennar, þegar telpurnar
voru á 6. eða 7. ári, þar sem þær
voru að horfa á klámmynd. Stúlkan
mun hafa borið að stjúpfaðir sinn
leyfði þetta. Maðurinn viðurkenndi
fyrir dómi að hafa keypt kynlífs-
hjálpartæki íyrir stúlkuna þegar
hún var sautján ára og farið með
hana á nektardansstað þar sem
stúlkan mun hafa dansað.
Víða kemur fram í skýrslum vitna
að maðurinn virti engin mörk um
einkalíf stúlkunnar eftir að hún
varð eldri og fór að mati dómsins
langt út fyrir það sem talist getur
eðlilegt samband föður og dóttur.
Hafði maðurinn til að mynda ítrek-
uð afskipti af stúlkunni eftir að hún
flutti að heiman, átján ára gömul,
auk þess að senda henni blóm og
sms-skilaboð.
Þetta er ekki fyrsta sinn sem
maðurinn kemst í kast við lögin.
Hann hefur ítrekað gengist undir
sátt og hlotið dóma vegna umferð-
arlagabrota. Þá hefur hann hlotið
dóm fyrir þjófnað, fjársvik og nytja-
stuld. Síðast var maðurinn dæmd-
ur síðastliðið sumar en þá hlaut
hann 60 daga fangelsi, skilorðs-
bundið í tvö ár.
Staðföst og samkvæm
sjálfri sér
Framburður stúlkunnar þykir
staðfastur og tekið er fram að hún
hafi verið samkvæm sjálfri sér,
bæði hjá lögreglu og fyrir dómi.
Teknar voru margar skýrslur af
henni og er að mati dómsins ekki
að finna neinar „sérstakar veilur í
framburði hennar". Hins vegar sé
margt sem styrki framburð hennar;
svo sem nákvæmar lýsingar hennar
á umhverfi, þar sem atburðir gerð-
ust, klæðnaði beggja aðila og orða-
skipti.
Stúlkan bar fyrir dómi
að stjúpfaðir sinn hefði
snemma gefið sér kyn-
lífshjálpartæki.
Framburður mannsins er hins
vegar að mati dómara í heild ótrú-
verðugur um ákæruatriði málsins.
Maðurinn er talinn hafa gerst sekur
um sérlega grófa misnotkun gagn-
vart stjúpdóttur sinni, misnotkun
sem stóð yfir í langan tíma, eða um
12 ár allt frá unga aidri hennar. Við
ákvörðun refsingar ber að líta til
þess að ákærði misnotaði freklega
vald sitt yfir stúlkunni sem stjúp-
faðir hennar og „brást þannig
trausti hennar og trúnaðarskyld-
um“. Þá hafi brot mannsins gegn
stúlkunni haft djúpstæð áhrif á líf
hennar og sálarheill og ákærða
megi hafa verið það ljóst.
Auk fangelsisdómsins er mann-
inum gert að greiða stúlkunni
1.500.000 krónur í miskabætur auk
þess að greiða allan sakarkostnað.
Eins og fyrr segir var einn þriggja
dómara héraðsdóms á þeirri skoð-
un að sýkna bæri ákærða. Sá dóm-
ari skilaði séráliti þar sem hann
segir að í málinu njóti ekki beinna
sannana um sekt ákærða, hvorki
með vitnum eða skjölum. Því sé
það mat sitt að gegn eindreginni
neitun ákærða hafi ekki verið færð
fram sönnun um sekt hans, sem
ekki verði véfengd með skynsam-
legum rökum og því beri að sýkna
ákærða. amdis@dv.is
Hitaveita Ólafsfjarðar innheimtir
samkvæmt óstaðfestri gjaldskrá
Húshitunarkostnaður er reikn-
aður út fyrir staðlaðan viðskiptavin
miðað við gildandi gjaldskrár hita-
veitna. Miðað er við 430 m2 stórt
húsnæði og stuðst við forsendur
Orkuspárnefndar til að finna orku-
þörf við hitun hússins. Sem fram-
rásarhiti vatns eru notaðar tölur frá
hitaveitunum. Miðað ervið að bak-
rásarhiti veitunnar með hæsta
framrásarhitann sé 40°C og veit-
unnar með lægsta framrásarhitann
sé 30°C. Bakrásarhiti annarra
veitna er línulegur á milli 30°C og
40°C, eftir því hver framrásarhitinn
er. Orkuþörf til hitunar er reiknuð
út fyrir hverja veitu fyrir sig. Miðað
er við að við 5°C meðalútihitastig
sé orkuþörfin 75 kWh/m2/ári og
þetta gildi síðan leiðrétt eftir með-
alhita á viðkomandi stað. Gert er
ráð fyrir að nýting þess afls sem
keypt er hjá hemlaveitum sé 55%.
Ekki er tekið tillit til taps sem verð-
ur vegna notkunar á varmaskiptum
í húsum eða rekstrarkostnaðar
vegna varmaskiptanna. Þetta á
fyrst og fremst við um Hitaveitu
Seltjarnarness en þar eru varma-
skiptar í hvetju húsi.
Óstaðfest gjaldskrá
Gjaldskrár opinberra hitaveitna
eru háðar staðfestingu iðnaðar-
ráðuneytisins. Gjaldskrá fyrir Hita-
veitu Ólafsfjarðar, sem innheimt er
eftir, hefur ekki hlotið staðfestingu
iðnaðarráðuneytisins en sam-
kvæmt staðfestri gjaldskrá væri ár-
legur hitunarkostnaður á Ólafsfirði
tæplega 47 þúsund krónur í stað
rúmlega 65 þúsund króna. Sömu
sögu er að segja um Hitaveitu
Reykjahlíðar, nema hvað þar er
gjaldskráin sem innheimt er eftir
lægri en sú gjaldskrá sem iðnaðar-
ráðuneytið hefur staðfest. Sam-
kvæmt staðfestri gjaldskrá væri ár-
legur hitunarkostnaður hjá Hita-
veitu Reykjahlíðar um 79 þúsund
krónur í stað tæpleg 60 þúsund
króna. gg@dv.is