Dagblaðið - 07.02.1976, Blaðsíða 24
Verðlagsstjóri reynir að
hindro kauphœkkun lög-
frœðinga
hœkkuðu grunntölur taxta
sinna um 50 prósent
Verðlagsstjóri reynir að hindra að
50 prósenta hækkun á töxtum lög-
fræðinga nái fram að ganga. Lög-
fræðingar hafa til þessa haft sjálf-
dæmi um kjör sín og sjálfir ákveðið
taxtana. Nú segir verðlagsstjóri að
þar sem sérstaklega ströng verð-
stöðvun sé í gildi megi lögfræðingar
ekki hækka taxtana.
Guðjón Steingrímsson, gjaldkeri
Lögmannafélagsins, sagði í viðtali
við Dagblaðið að lögfræðingar hefðu
frá upphafi sett taxta sína og aldrei,
fyrr en nú, verið við því amazt.
Taxtarnir hefðu ekki hækkað síðan í
apríl 1974, en á aukafundi Lög-
mannafélagsins í janúarlok hefði
verið ákveðið að hækka þá. Lög-
fræðingar hefðu orðið fyrir því að
ríkið hefði tífaldað dómsmálagjöld
nú um áramótin. Þá hefðu orðið
gífurlegar hækkanir á kostnaði lög-
fræðingaskrifstofa síðan í apríl 1974.
Hækkunin sem lögfrasðingar hafi
ákveðið, sé eingöngu á lágmarks-
grunntölum, það er að segja sá hluti
tekna þeirra sem ákveðinn er sem
prósenta af fjárhæðum, sem um
ræðir, hækkar ekki enda er hann
verðtryggður, hækkar þegar fjár-
hæðirnar hækka.
Hækkunin á grunntölunum er 50
prósent en Guðjón sagðist telja að
um 20 prósenta hækkun væri að
ræða þegar allt sé tekið með vegna
þess að prósentutölurnar hækka ekki.
Stjórn Lögmarinafélagsins hefur
enn ekki tekið formlega afstöðu til
afstöðu verðlagsstjóra.. -HH
Varðskip
í höfn og
Bretarnir
Góð veiði hefur verið hjá brezku
togurunum á miðunum fyrir
Austurlandi undanfarna daga. Tvö
herskip eru sem kunnugt er komin á
miðin til þess að halda skut-
togaranum Baldri í hæfilegri fjarlægð
svo að togararnir fái athafnað sig í
friði.
Þegar þessi mynd var tekin í gær-
morgun lágu þrjú varðskip Þór,
Ægir, og Albert við festar í Reykja-
víkurhöfn og Óðinn var nýlagður af
stað.
Ekki vissu menn gjörla hvert
ferðum varðskipsins var heitið en
sumir hafa haldið því fram að það
hafi átt að fara á miðin austur af
landinu. DB-mynd BB.
frjálst, úháð dagblað
Laugardagur 7, febrúar 1976.
Ríkissak-
sóknari
fyrirskipar
sókn
i móli
Sigfinns
Ríkissaksóknari hefur fyrirskipað
dómsrannsókn í bæjarstjóramálinu í
Vestmannaeyjum. Eins og fram
hefur komið í fréttum sendu fjórir
bæjarfulltrúar í Vestmannaeyjum
ríkissaksóknara bréf 14. desembersl.
þar sem farið var fram á opinbera
rannsókn á meðferð Sigfinns
Sigurðssonar, þáverandi bæjar-
stjóra, á fjármunum kaupstaðarins. ;
Þórður Björnsson ríkissaksóknari
sagði í samtali við DB í gær að hann
hefði afgreitt málið frá sér sl. föstu-
dag og þá sent bæjarfógetanum í
Vestmannaeyjum, Kristjáni Torfa-
syni, bréf þar um.
Fógeti mun sjálfur víkja úr
dómarasætinu vegna fyrri afskipta
sinna af málinu. Setudómari verður
skipaður í málið á næstu dögum.
—ÓV.
Norglobal
leggst
inn ó
Reyðar-
fjörð
í nótt
,,Okkur er að bætast stór verksmiðja
þar sem bræðsluskipið Nor.global
leggst inn á Reyðarfjörð í nótt,” sagði
Jafet Ólafsson hjá loðnunefnd í viðtali
við Dagblaðið. „Allt er nú orðið fullt á
löndunarhöfnum á Austfjörðum en við
búumst við að það losni pláss á Vopna-
firði, Raufarhöfn, Seyðisfirði, Reyðar-
firði, HornaFirði og Breiðdalsvík, alls
fyrir um 6000 tonn, í dag og á morg-
Sagði Jafet að heildaraflinn væri nú
um 90 þúsund tonn og sigling hjá
mörgum bátanna væri orðin æði löng.
Þannig eru menn farnir að sigla með
aflann vestur með Norður- og Suður-
landi, t.d. lil Vestmannaeyja. „Með
komu Norglobals breytist aðstaðan
eitthvað, þar eð afkastageta skipsins er
um 1500 tonn á sólarhring,” sagði Jafet
ennfremur. „En það verður reynt að
deila löndunum niður á hafnirnar með
flutningsstyrkjum.”
Samningar við útgerðarfélag Nor-
globals hafa staðið í nokkrar vikur en
ekki tókst að ná sambandi við bræðurna
Jón og Vilhjálm Ingvarssyni sem cru
erlendis.
SNARRÆÐI FLUGSTJÓRANS
K0M í VEG FYRIR ÁREKSTUR
Nimrodþota flaug
beint að
leiguf lugvél
Gœzlunnar
„Þetta var bannsettur glannaskap-
ur hjá Bretunum,” sagði Bjarni,
Helgason skipherra í Fokker-flugvél
Landhelgisgæzlunnar. „Aðeins sjö
sekúndur skildu á milli okkar.”
„Nimrodþotan var nýbúin að
tilkynna sig í 1000 feta hæð en sjálfir
vorum við í 400 fetum,” sagði Bjarni.
Nimrodþotan kom skyndilega út úr
skýjaþykkni og stefndi beint á ís-
lenzku vélina. „Svo vissum við ekki
fyrr til en þotan kom á móti okkur.
Ég tel að það hafi aðeins verið snar-
ræði flugstjórans, Guðjóns Ólafs-
sonar, að þakka að ekki fór verr,”,
sagði Bjarni.
Þetta gerðist um eitt leytið í gær
út af Gerpi. Samband var milli
flugvélanna tveggja og er atferli
Bretanna hið furðulegasta.
Landhelgisgæzlan kveðst telja þetta
mjög alvarlegan atburð, sem sýni að
hættan sé ekki aðeins á hafinu heldur
einnig í loftinu. Verður ekkert til
sparað að láta þetta fréttast erlendis.
Á ríkisstjórnarfundinum í gær var
ekki vitað um þennan atburð.
íslenzka flugvélin er Fokkerflugvél
Flugfélagsins, sem Landhelgisgæzlan
hefur nú tekið á leigu.
-ÁT/HH
Hinn snjalli ungi flugmaður, Guðjón Ólafsson, hjá Flugfélagi fslands og
skipherrann í förinni, Bjarni Helgason,á flugvellinum eftir atburðinn.
Loftleiðir eiga meirihluta í Flugleiðum
— óvíst með stjórnarmeirihluta, segir Alfreð Elíasson
Gengið hefur verið frá eignarhlut-
föllum Flugfélags íslands og Loft-
leiða í Flugleiðum hf. -Loftleiðamenn
eiga meirihluta í félaginu, 53.5298%
á móti 46.4702%.
Á fyrsta aðalfundi félagsins, sem
haldinn verður innan skamms,
verður kosin stjórn fyrir félagið en frá
aðalfundum félaganna 1973 hefur
sextán manna stjórn, skipuð jafn-
mörgum frá hvoru félagi, farið með
stjórn Flugleiða hf.
„Það er ómögulegt að segja
hvernig stjórri þessa nýja félags
kemur til með að verða skipuð’/sagði
Alfreð Elíasson, einn þriggja forstjóra
Flugleiða, í samtali við fréttamann
blaðsins í gær. „Hún verður kannski
skipuð níu mönnum, kannski sjö... já,
líklega sjö. Svo er aldrei að vita hver
kýs hvern. Flugfélagsmenn gætu
kosið Loftleiðamenn í stjórn og öfugt
þannig að ekkert liggur ljóst fyrir um
hver meirihlutinn verður.”
í matsnefndinni, sem ákvarðaði
eignarhlutföll félaganna, voru þeir
Ragnar Ólafsson hæstaréttarlög-
maður sem var formaður nefndarinn-
ar, Guðlaugur Þorvaldsson háskóla-
rektor og Guðmundur Björnsson
verkfræðingur.
—ÓV.
—HP