Dagblaðið - 25.03.1976, Blaðsíða 6
6
Dagblaðið, Fimmtudagur 25. marz 1976.
Bretar fresta
lögfestingu
metra-
kerfisins
Brezka stjórnin hefur
ákveðið að leggja á hilluna
áætlanir um að flýta því að
taka upp metrakerfið í
Bretlandi. Talsmaður
stjórnarinnar í þessum efnum
i neðri málstofu þingsins
skýrði frá þvi í gær, að frum-_
varp um forgangshraða máls-
ins hefði verið dregið til baka,
svo aukinn tími gæfist til ihug-
unar og ráðagerða.
Nokkrir þingmenn Verka-
mannaflokksins skýrðu frá
þvi fyrr í vikunni að þeir
myndu beita ' sér gegn
samþykkt frumvarpsins.
Bretar hafa verið mjög tregir á
að taka upp metrakerfið, en
sýndu þó lit fyrir fimm árum,
þegar tugakerfi var tekið upp I
smámynt.
Nýja-Guínea:
Töfralœknar
í próf
Töfralæknar i Nýju Guineu
munu i framtíðinni þurfa að
sanna hæfileika sína, áður en
yfirvöld gefa þeim leyfi til
þess að stunda lækningar.
Þing Nýju Guineu
samþykkti í gær ályktun þar
sem þess var krafizt, að
yfirvöld létu skrá alla
töfralækna, rétt eins og
venjulega lækna.
Ráðherrann, sem fer með
málefni héraðanna úti í
frumskóginum, sagði, að reynt
yrði með reglugerð þessari að
greina á milli þeirra töfra-
lækna, sem aðeins hefðu fé af
fólki og gæfu því falskar vonir
og svo hinna, sem oft gætu
orðið að liði.
Nureyev
gengur
illa að fá
mömmu
til sín
Ballettdansarinn Rudolf
Nureyev, er flúði frá Sovét-
ríkjunum fyrir fimmtán árum,
reynir nú að fá leyfi sovézkra
yfirvalda til þess að móðir
hans fái að koma i heimsókn til
hans í London, að því er
brezka blaðið Daily Mail segir í
morgun.
I frétt blaðsins segir að
Nureyev hafi nú fengið bæði
þá Ford Bandaríkjaforseta og
Wilson, forsætisráðherra
Breta, sér til aðstoðar í þessu
máli. Allar fyrri tilraunir hans
hafa verið árangurslausar,
eins og tilraunir Ashkenazys
okkar hér. Móðir dansarans er
sjötug.
Nureyev á stöðugt erfiðara
með að ná sambandi við móður
sína, þar sem hún hefur flutt
til afskekkts svæðis og hefur
ekki síma, að sögn Daily Mail.
Umboðsmaður dansarans,
Sandor Gorlinsky, sagði í
viðtali við blaðið: ,,Nú er þetta
spurning um að fylgja á eftir
með nauðsynlegri pappírs-
vinnu. Þetta viróist ekki stór
bón. Herra Wilson hefur sýnt
málinu áhuga. Hann hefur
gert allt, sem í hans valdi
stendur.”
Fundur fjögurra Afríkuforseta:
LIKLEGT AÐ HERVALDI
VERÐIBEITT í RÓDESÍU
Fjórir þeldökkir forsetar
Afríkuríkja hittust í nótt I vel
vörðu húsi skammt frá Lusaka
höfuðborg Zambíu. Var fundar-
efnið ráðagerðir um möguleika
á því að ná meirihluta blökku-
manna í stjórn Ródesíu.
Fulltrúar afriska þjóðarráðs-
ins voru viðstaddir fundinn þar
sem aðallega mun hafa verið
rætt, hvort reyna ætti
samningaleiðina einu sinni
enn, eða ná völdum með her-
valdi og brjóta þannig á bak
aftur tíu ára gamla ólöglega
stjórn hvíta minnihlutans I
Ródesiu.
Algjör leynd hvíldi yfir
viðræðum þessum, sem fóru
fram í sveitasetri Kenneth
Kaunda, Zambíuforseta. Aðrir,
sem þarna voru mættir til þess
að finna friðsamlega lausn á
vandamálinu í Ródesíu, voru
Julius Nyerere, Tansaniu,
Samora Machel, Mósambik og
Seretse Khama frá Botswana.
Hvaða niðurstöðu, sem þeir
komast að er talið að Afriku
ráðið samþykki, þar eð full-
trúar þar samþykktu i fyrra á
fundi í ráðinu, að ef engin frið-
samleg lausn fengist, væri ekki
í önnur hús að venda en að
beita hervaldi.
Nkomo, leiðtogi afríska
þjóðarráðsins í Ródesiu, sagði
við komuna til Lusaka í gær, að
hvítir ibúar i Ródesíu mættu
búast við auknum skæru-
hernaði og að Ian Smith væri
kynþáttahatari, sem ekki yrði
snúið á rétta leið nema með
valdi.
Að sögn fréttamanna I
Lusaka var búizt við þvi, að
fulltrúar skæruliðasveitanna
ættu eftir að koma til fundarins
með forsetunum, enda þótt
ágreiningur sé um það innan
afríska þjóðarráðsins, hvort
beita eigi vopnum í deilu þess- kirkjunnar, sem leggjast gegn
ari. Eru það aðallega talsmenn því.
Leiðtogi frelsishreyfingar blökkumanna i Ródesíu, Joshua Nkomo,
sést hér ræða við James Cailaghan, utanrikisráðherra Breta. Bretar
hafa lýst áhyggjum sinum yfir þróun mála í Ródesíu, en nú er talið,
að skæruliðar hyggi á auknar aðgerðir þar, þegar vonir um friðsam-
lega lausn virðast brostnar.
Ákœrur gegn Bergman felldar niður
Yfirvöld í Svíþjóó hafa fallið
frá ákærum um skattsvik á
hendur leikstjóranum Ingmar
Bergman að sögn saksóknar-
ans í Stokkhólmi.
Bergman var tekinn til yfir-
heyrslu með lögregluvaldi 30
janúar s.i. og ákærður um að
hafa svikið allt að 20 milijónir
króna undan skatti, en fjárhæð
þessa hafði hann fengið
greidda frá fyrirtæki sínu
Sviss, Persona film.
Leikstjórinn var á miðri
æfingu Strindbergsleikritsins
„Dauðadansinn,” þegar óein-
kennisklæddir lögreglumenn
gengu í salinn, handtóku hann
og lögðu fram ákæruna. Þrem
dögum síðar var Bergman
fluttur á sjúkrahús vegna
taugaáfalls, sem vinir hans
sögðu að hann hefði fengið
vegna meðferðar lögreglunnar.
Nú hefur verið fallið frá
ákærum á hendur honum, eftir
að nákvæm rannsókn hefur
farið fram og segir ákæru-
valdíð, að ekki verði séð, að
Bergman hafi framið neitt
saknæmt.
Hins vegar verður athugað
hverjar skattaskyldur Bergman
hefur yfirleitt.
LIBANON:
Hinir stríðandi aðilar í Líbanon
virðast hafa tileinkað sér bar-
dagaaðferðir frá Vietnam. Hér er
lík falangista, sem féll í átökum
um Holiday Inn hótelið i Beirút,
dregið eftir götunum sem sigur-
Leiðtogi sósíalista nú
kominn í lykilaðstöðu?
Líbanski sósíalistaleiðtoginn
Kamal Junblatt, en áhrif hans
hafa farið vaxandi að undanförnu
vegna hernaðarsigra vinstri-
manna í landinu, virtist i morgun
vera orðinn lykilmaður í tilraun-
um til að binda enda á stjórnmála-
kreppuna er kyndir undii*
borgarastyrjöldina í landinu.
Hörðustu bardagarnir í gær
voru í f jöllunum austur af Beirút
Alls féllu 188 manns í bardög-
um í gær, að sögn lögreglunnar í
borginni.
Snemma í morgun var nokkur
skothrið i Beirút. Haft er eftir
nokkrum borgarbúum, að hörð
átök hægrii- og vinstrimanna
hafi verið I hverfum nærri for-
setahöllinni.
Junblatt hefur krafizt tafar-
lausrar afsagnar Suleimans
Franjiehs forseta. Sýrlendingar
og hægrimenn !■ Líbanon beina
tilraunum sínum aftur á móti að
því að koma í veg fyrir afsögn
forsetans.
Talið er líklegt að áhrif Jun-
blatts eigi eftir að verða enn
meiri á næstu klukkustundum og
dögum vegna velgengni vinstri-
manna í baráttunni við kristna
falangista í gistihúsahverfi
Beirút. Jafnframt hefur verið
aukin sóknin gegn kristnum
mönnum í þorpum í fjallahéruð-
unum.
Fréttir um tilraunir í gær til að
koma á vopnahléi hafa litla sem.
enga athygli vakið, enda Líbanir
orðnir langþreyttir á fölskum
vopnahléum, sem enginn virðir.
Junblatt er sagður gera af-
dráttarlausa kröfu til þess, að
vinstrimenn haldi herteknum
svæðum og borgarhlutum sinum
ef vopnahlé eigi að taka gildi.
WILSON FULLVISSAR GR0MYK0
UM STEFNU EFTIRMANNS SÍNS
Gromyko utanríkisráðherra
Sovétríkjanna heldur heim-
leiðis nú í dag frá Bretlandi
með persónulegt loforð
Harolds Wilsons, fráfarandi
forsætisráðherra, þess efnis að
eftirmaður hans muni verða
stuðningsmaður bættrar
sambúðar austurs og vestur
(detente).
Gromyko hefur átt viðræóur
við brezka ráðamenn um
detente, suðurhluta Afríku,
Miðausturlönd og þróun
viðskipta Sovétríkjanna og
Bretlands. Einkum hefur
Gromyko rætt við James
Callaghan, starfsbróður sinn,
sem talinn er líklegasti
eftirmaður Wilsons.
Sameiginleg yfirlýsing utan-
ríkisráðherranna um við-
ræðurnar verður, gefin út
siðar i dag. t viðræðunum
vöruðu ' Bretar Sovétmenn við
þvi, að bættri sambúð austurs
og vestursí Evrópu gæti ver-
ið hætta búin ef stjórnin
Moskvu gerði eitthvað er gæti
orðið til að auka á spennuna i
suðurhluta Afríku, þar á
meðal Ródesíu.
Wilson forsætisráðhr. sagði
Gromyko í gær, að sambúð
Breta og Sovétmanna væri
betri nú en hún hefði verið
síðan „samstarf okkar var í
síðari heimsstyrjöldinni,
raunar betri en hún hefur
nokkurn tíma verið á okkar
tímum”.
Wilson benti á, að áður en
langt um liði væri ekki hægt að
finna neina afsökun fyrir
slæmum samskiptum og skorti
á gagnkvæmum skilningi á
milli Moskvu og London.
Hann kvað fráleitt, að hann
myndi missa áhuga á sambúð
Sovétríkjanna og Bretlands,
þótt hann léti af embætti fc-
sætisráðherra.