Dagblaðið - 20.04.1976, Blaðsíða 28
NÚ HÆKKA VEXTIRNIR
- ALLT AÐ 24% VEXTIR AF SPARIFÉ
Almenn og veruleg vaxta-
hækkun bankanna er nú fyrir-
huguð og keniur til fram-
kvæmda alveg á næstunni.
Fyrst ntá telja hækkun á vöxt-
um yfirdráttar viðskiptabank-
anna hjá Seðlabanka íslands
frá því, sem verið hefur. Af
þeirri vaxtahækkun leiðir
þegar hækkun viðskiptabank-
anna á öllunt almennum utláns-
vöxtum. þar með talið á víxii-
vöxtum.
Þó mun ákveðið að stilla í
hóf, og jafnvel að halda lítt
breytum vöxtum af tilteknum
lánum til iðnaðar, sem er tengd-
ur sjávarútvegi og landbúnaði
samkvæmt nánari reglum þar
um.
Innlansvextir munu hækka
verulega, og er jafnvel gert ráð
fyrir þvi, að vextir á sparifé,
sem bundið verður til a.m.k.
eins árs, kunni að verða allt að
24% ársvextir. Það skilyrði
kann að verða sett fyrir slíkum
vöxtum af sparifé, að þáð sé
óyggjandi merkt eigendum
þess. Er þetta ekki hvað sízt
liður í þeirri stefnu að verð-
tryggja sparifé og laða þannig
til aukningar innlána, sem
bundin verði um einhvern
ákveðinn tíma, og samtímis að
takmarka þá um leið ásókn í
almenn útlán.
Endanleg ákvörðun um alla
nánari tilhögun þessara fyrir-
ætlana eru að forminu til háðar
samkomulagi Seðlabankans og
viðskiptabankanna. Það liggur
enn ekki fyrir, en víst er talið,
að um það verði fjallað næstu
daga.
Svo sennilegt er talið, að það
takist í meginatriðum, að þegar
gætir tregðu til afgreiðslu á
lánsumleitunum hjá viðskipta-
bönkunum, þótt engan veginn
sé þar um stöðvun að ræða.
—BS
■■■ P
Miðaldra maður brann
inni í Hafnarfirði
— orsakir eldsins ókunnar
Miðaldra maður, Guðmundur
Arni Valgeirsson, lét lífið í
eldsvoða í Hafnarfirði aðfara-
nótt laugardagsins siðasta.
Þaö var um klukkan 5.30,
sem slökkviliðinu i Hafnarfirði
barst tilkynning um að eldur
væri í viðgerðaskúr vió Hval-
eyrarbraut 36. Greiðlega gekk
að slökkva eldinn, en er farið
var að kanna aðstæður kom í
ljós, að maðurinn, sem hafði
umráð yfir skúrnum, hafði
brunnið inni.
Um nokkurt skeið hafa verið
stundaðar bifreiðaviðgerðir í
skúrnum. Aður var þar harð-
fiskþurrkun um árabil. Guð-
mundur Arni hafði það að at-
vinnu að kaupa bíla, sem þörfn-
uðust viðgerðar og gera þá upp.
Að sögn rannsóknarlögregl-
unnar í Hafnarfirði eru elds-
upptök enn ókunn. Rafmagn
hafði verið tekið af skúrnum
fyrir um það bil hálfum mánuði
síðan. Þar voru engin hitunar-'
tæki nema kerti.
Guðmundur Árni Valgeirs-
son var 52 ára gamall. Hann var
fráskilinn fyrir allmörgum ár-
um, en lætur eftir sig átta börn,
— sum þeirra uppkomin.
—AT—
Vœngjadeilon: r
Yfirjýsing FIA
gerbreytir samn-
ingaaðstöðunni
— segir talsmaður Vœngja
„Yfirlýsing Félags íslenzkra at-
vinnuflugmanna þess efnis, að
flugmönnum Vængja sé frjálst að
ganga úr félaginu^og semja beint
við Vængi, gerbreytir samnings-
aðstöðunni og kann hugsanlega
að leiða til lausnar þessarar
deilu,” sagði Hreinn Hauksson,
forsvarsmaður Vængja í morgun.
Eins og blaðið skýrði frá fyrir
hátíðar, viðurkennir stjórn
Vængja ekki FlA sem samnings-
aðila fyrir flugmenn sina og vill
semja við þá beint. Vegna aðildar
flugmannanna aö félaginu stefndi
allt að stöðvun rekstrar Vængja,
en yfirlýsing FÍA hefur sem sagt
breytt stöðunni.
Ekki vildi Hreinn segja hvort
þegar væri farið að semja við
flugmennina, enda væru þeir rétt
um það bil að koma úr páskafríi.
Hluthafafundur verður hjá
Vængjum alveg á næstunni og
samningaviðræður við flugmenn
fram til þess tíma og ákvarðanir
fundarins munu væntanlega end-
anlega skera úr um framtíð
félagsins, en eins og fram hefur
komið er fjárhagsstaða þess góð.
—G.S.
VEITINGAR HÆKKA
Samband veitinga- og
gistihúseigenda sótti fyrir
nokkru um hækkun til verð-
lagsstjóra fyrir meðlimi sina
upp á 20,1%. Blaðiö náði ekki í
verðlagsstjóra i morgun, en
einn veitingamanna sem blaðið
hafði samband við, og hafði í
morgun hækkað útselda vöru
sína um 15% að meðaltali,
skildi svo sem verðlagsstjóri
hefði gefið veitingamönnum
sjálfdænti um hækkun allt að
20.1%. —GS
Geirfinnsmólið: STÖÐUGAR YFIR-
HEYRSLUR - EN EKKERT NÝTT
Yfirheyrslunt í Geirfinnsmál-
inu hefur verið fram haldið
undanfarna daga. Ekki er af
hálfu rannsöknarmanna lalin
ástæða til að láta neitt uppi um
gang mála, en cftir því, sem
næst verður komizt, hefur ekk-
ert nýtt komið fram. sem
varpar Ijösi á málið. Er talið
’Tj^t, að enn sem fyrr stangist
algerlega á framburður þeirra
manna, sem hlut áttu að bana
Guömundar Einarssonar og
þeirra manna. sem samkvæml
honum sitja í gæzluvarðhaldi
vegna rannsóknarinnar á
hvat fi Geirfinns.
Þrátt fyrir brestandi upp-
lýsingar í framburði ofan-
greindra-manna, er því neitað,
að ákvöröun hafi verið tekin
um að sleppa úr gæzluvarðhald-
inu á næstu dögum nokkrum
þeirra, sem í því hafa setiö.
Eiggur þvi i rauninni ekkert
lyrir um afdrif Geirfinns
Einarssonar. sem hægl er að
festa hetulur á. —BS—
Loksins farið að hlýna-
en strekkingur og vœta
trfálst, óháð dagblað
ÞRIÐJUDAGUR 20. APRÍL 1976.
Búast mó
við auknu
smygli
— tóbaks- og
vínhœkkan-
irnar hér
hafa sín áhrif
,,Það er ekki ólíklegt að
menn, sem á annað borð
hafa hug á að smygla, láti
fremur freistast nú eftir
áfengis- og tóbakshækkan-
irnar en ella, enda vex
ábatavonin við hverja
hækkun,” sagði Kristinn
Ölafsson tollgæzlustjóri í
viðtali við DB í gær vegna
smyglvarningsins, sem fyrir
skömmu fannst í ms. Goða-
fossi.
Þar fundust 72.400 vindl-
ingar, 114 flöskur af áfengi
og 12 kassar af bjór.
Matsveinninn um borð átti
megnið af þessum varningi
og faldi sinn hlut milli þilja í
vistargeymslum, en vélstjóri
átti hluta og faldi í vélar-
rúminu.
Þá fundust fyrr í mánuð-
inum 239 flöskur af 75%
vodka í ms. Laxfossi, faldar í
vélarrúminu. Rafvirki,
smyrjari, tveir vélstjórar og
matsveinn reyndust eigend-
ur þar. —G.S.
Eigendaskipti
að ísafoldar-
húsum
Eigendaskipti eru nú
fyrirsjáanleg á húseignunum
Austurstræti 8 og 10, ísa-
foldarhúsunum. Ölafur B.
Thors, stjórnarformaður í
Isafold hf., staðfesti í viðtali
við Dagblaðið, að í þessar
eignir hefði borizt tilboð sem
búið væri að samþykkja.
Jafngildir það að öðru jöfnu
kaupsamningi.
Ekki taldi Ólafur rétt að
skýra frá pví, hverjir
kaupendurnir væru á þessu
stigi, en vitað er, að rætt hefur
verið um verð, sem liggur ekki
langt frá 100 milljónum króna.
Þessar húseignir eru hinar
gömlu bækistöðvar Isafoldar-
prentsmiðju og bókaútgáfu og
bókaverzlunar ísafoldar, sem
liggur á milli Gevafoto og
Gefjunar.
-BS.
Nú virðist loksins vera farið
að vora en samkvæmt upp-
lýsingum Veðurstofunnar í
morgun er nú sunnan-
strekkingur á Vesturlandi en
mun hægari austanlands. A
Norðurlandi og Norðaustur-
landi var þurrt en rigning hér
og þar vestaniands. Þokuloft og
súld var sunnaniands og á
sunnanverðum Austfjörðum. í
morgun var sjö stiga hiti í
Reykjavík og tólf stig á Akur-
eyri.
Útlit er fyrir að veður verði
bjart norðanlands en þokuloft
og skýjað sunnanlands, en
hlýindin haldast áfram.
Nýliðin páskahelgi hófst meo
kulda um allt land en á
páskadag hlýnaði og var hiti
víða 14 stig norðaustanlands.
-A. Bj.