Dagblaðið - 06.04.1977, Síða 31

35
DAGBLAÐIÐ. MIÐVIKUDAGUR 6. APRlL 1977.
Utvarp
Sjónvarp"^
Utvarpið kl. 16,25 á skfrdag:
Dagskrárstjóri í eina klukkustund
Að ferðast um landið—og sjá
Ég fer inn á mjög afmarkað
svið, vorið og ferðalög um landið.
Það fléttast inn í þetta viðtal við
Jón Eyþórsson veðurfræðing,
tónlist eftir Beethoven og Vivaldi,
kvæði og ferðalýsingar," sagði
Grétar Eiríksson tæknifræðingur
sem verður dagskrárstjóri í eina
klukkustund.
Hann sagði að allt of margir
ferðuðust um landið, bókstaflega
án þess að sjá nokkuð. Þess vegna
vill hann fyrst og fremst leiða
athygi landsmanna að því að fara
sér hægt og leggja ekki upp úr því
að komast sem lengst dag hvern.
Sjálfur starfar Grétar í Ferða-
félagi íslands og hefur farið með
fólk í gönguferðir og bílferðir á
þess vegum, auk þess sem hann
hefur verið fararstjóri í fugla-
skoðunarferðum. En fuglaskoðun
er eitt af aðaláhugamálum Grét-
ars og hefur hann tekið myndir af
fuglum í 15 ár.
Það þarf heldur ekki að fara
langt til þess að veita sér þá
ánægju að skoða fugla hér í
nágrenni Reykjavíkur. Heiðmörk-
in, Álftanesið, Hafnarbergið,
Garðskaginn og Krisuvíkurbergið
eru tilvaídir til slíkra iðkana.
Við fáum að heyra erindi og
frásögn Pálma Hannessonar
rektors um ferðalag sem farið var
til Þingvalla á hestum árið 1922.
Grétar hefur ekki verið dag-
skrárstjóri fyrr þótt við höfum
heyrt í honum í útvarpi. Ekki
taldi hann að hann vildi taka að
sér að vera dagskrárstjóri til
frambúðar. Það færi eins fyrir sér
og börnunum, sem voru við nám í
Stokkhólmi og var boðið að eyða
500 kr. á hálftíma. fyrir pening-
inn áttu þau að kaupa leikföng.
Enginn gat leyst verkefnið en
leikföngin máttu þau eiga ef þetta
hefði tekizt hjá þeim. Nei, Grétar
taldi að sennilega myndi dag-
skráin ekki síður verða í hefð-
bundnum stíl hjá sér. Ekki myndi
hún batna, sennilega versna.
-EVI.
Það er Grétar Eiriksson
tæknifræðingur sem verður dag-
skrárstjóri í eina klukkustund.
DB-mynd Hörður.
Útvarp á skirdag kl. 20,05: Leikrit vikunnar
Vandi að ná í vodka
þegar enginn
er peningurinn!
Útvarpsleikrit vikunnar er á
dagskránni á skírdag eins og
venjulega á fimmtudögum. Að
þessu sinni verður flutt leikrit-
ið Tuttugu mínútur með engli
eftir Alexander Vampilof, og
er það á dagskránni kl. 20.05.
Þýðinguna gerði Árni Berg-
mann og flytur hann formáls-
orð. Leikstjóri er Gísli
Halldórsson. Með hlutverkin
fara Guðmundur Pálsson, Jón
Hjartarson, Kjartan Ragnars-
son, Steindór Hjörleifsson, Sig'-
urður Karlsson, Ragnheiður
Steindórsdóttir og Sigríður
Hagalrn.
Leikritið er úr syrpu eftir
Rússann Vampilof sem hann
nefnir Skrítlur úr dreifbýlinu.
Það er gamansamt og ekki laust
við ádeilu á það sem miður fer í
þjóðfélaginu.
Segir frá tveimur náungum,
bílstjóra og sölustjóra, sem eru
á ferð úti á landi og gista þeir á
litlu hóteli. Sitja þeir að
drykkju og þegar drykkjar-
föngin þrýtur finnst þeim þeir
endilega ekki get a verið án þess
að fá að minnsta kosti eina
flösku af vodka.
En kapparnir eru blankir og
velta fyrir sér hvernig þeir eiga
að ná sér í peninga og dettur
þeim ýmislegt í hug. Allt
kemur fyrir ekki þangað til
grunsamlegur náungi birtist á
sjónarsviðinu og hann býðst til
þess að lána þeim peninga.
Höfundurinn Vampilof er
einn af þeim, sem enginn veitir
athygli fyrr en hann hefur
skrifað heilmikið sem fólki
þykir gaman að.
Ferill hans varð þó styttri en
vænta mátti. Hann drukknaði i
stöðuvatni í Síberíu fyrir um
það bil tveimur árum.
-A.Bj.
„Gráta, harma,
glúpna,
kvíða”
— í minningu dóttur Liszt
Utvarp
föstudaginnlanga
kl. 20,10:
„Liszt samdi þetta verk i
sorgarvímu eftir að hafa misst
dóttur sína unga," sagðLLrsúla
Ingólfsson píanóleikari um dag-
skrá er nefnist Gráta, harma,
glúpna, kvíða. Úrsúla leikur
sjálf þctta tilbrigðaverk Liszts
og flytur einnig hugleiðingar
sínar um það.
„iVier linnst vei viðeigandi að
flytja þessa dagskrá á föstudag-
<c
Úrsúla Ingólfsson pianólyikari.
inn langa, þvi hér er um mjög
miklar sámlíkingar að ræða
með því sem gerðist á sjálfan
föstudaginn langa. Þetta verk
túlkar allt það sem Liszt missti
er dóttir hans dó.“
Úrsúla Ingólfsson hefur
búið á íslandi í rúm 4 ár en hún
er ættuð frá Sviss. Þar byrjaði
hún að koma fram opínberlega
6 ára og að afloknu einleikara-
prófi hélt hún til Banda-
ríkjanna til frekara náms, m.a.
í tónsmíðum.
Úrsúla er gift Katli Ingólfs-
syni. píanóleikara og háskóla-
kennara.
-J.F.M.
Utvarp kl. 14,00 á föstudaginn langa:
Fyrri hluti hátíða-
hljómleika
Pólýfónkórsins
Fyrri hluti hátíðahljómleika
verður á dagskrá útvarpsins á
föstudaginn langa kl. 14.00.en
tónleikarnir eru haldnir í
Háskólabíói. Eru þetta mjög
veglegir tónleikar sem haldnir
eru í tilefni af tuttugu ára
starfsafmæli kórsins og er dag-
skráin bæði fjölbreytt og ein-
hver glæsilegasta efnisskrá
kórsins til þessa. Á föstudaginn
verður útvarpað flutningi á
Gloría í D-dúr eftir Vivaldi og
Magnificat í D-dúr eftir J.S.
Bach.
Flytjendur eru nærri
hundrað og fimmtíu söngvarar
Pólýfónkórsins, Kammersveit
og Sinfóníuhljómsveit Islands
með fimmtíu hljóðfæra-
leikurum. Konsertmeistari er
Rut Ingólfsdóttir. Einsöngvarar
eru Ann-Marie Connors, sem er
ein fremsta sópransöngkona
Bretlands í dag, Elísabet,
Erlingsdóttir sópran, Sigríður
Ella Magnúsdóttir alto, en þær
voru báðar meðal stofnenda
kórsins fyrir tuttugu árum.
Keith Lewis tenór frá Nýja
Sjálandi og bassinn Hjálmar
Kjartansson.
Stjórnandi alls þessa hóps er
Ingólfur Guðbrandsson, en
hann er stofnandi kórsins og
hefur verið stjórnandi hans öll
árin. Ingólfur hyggst nú láta af
söngstjórn.
Kynnir á hljómleikunum er
Jón Múli Árnason.
A.Bj.
Tveir síðustu þættir
framhaldsleikritsins
um ævi Jesú fluttir á
föstudaginn langa og
páskadag
Framhaldsleikritið Mað-
urinn sem borinn var til
konungs verður á dagskránni á
föstudaginn langa kl. 19.20 og
páskadag á sama tíma. Leikritið
á föstudag nefnist Konungur
þjáninganna og er um kross-
festinguna og þá atburði sem
henni voru samfara.
Síðasti þátturinn sem fluttur
verður á páskadaginn nefnist
Konungurinn kemur til sinna.
Höfundur leikritsins er
Dorothy L. Sayers. Torfey
Steinsdóttir er þýðandi síðari
hluta verksins en Vigdis Finn-
bogadóttir leikhússtjóri þýddi
fyrri hlutann.
Þetta framhaldsleikrit er
eitthvert viðamesta verk sem
útvarpið hefur tekið til
flutnings. I því eru um hundrað
hlutverk. Leikstjóri er Bene-
dikt Árnason og tæknimenn
þeir F'riðrik Stefánsson og
Hreinn Valdimarsson.
Með aðalhlutverkin fara Þor-
steinn Gunnarsson, Gísli
Halldórsson, Kristin Anna
Þórarinsdóttir, Pétur
Einarsson og Jón Sigurbjörns-
son. -A.Bj.