Dagblaðið - 07.02.1978, Blaðsíða 2
2
DAGBLAÐIÐ. ÞRIÐJUDAGUR 7. FEBRÚAR 1978.
FLEIRIEN VESTFIRÐINGAR
STUNDA SMÁFISKADRÁP
Á VESTFJ ARÐARMIÐU M
svar við grein gamals Vestfirðings
G. Hagalín Guðmundsson
skrifar:
í Dagblaðinu 1. febrúar sl.
eru tvær stuttar svargreinar við
þorskhjónaáhyggjum Magnús-
ar Guðmundssonar sjómanns á
Patreksfirði.
Önnur greinin birtist undir
nafninu fyrrum Vestfirðingur
og ætla ég að gera henni örstutt
skil.
Þú segir gamli Vestfirðingur,
að nú sé svo komið að við Vest-
firðingar verðum að halda þvi
fram að þegar 12 til 15 ára
þorskur fáist í net töpum við
milijónum á hverjum fiski.
Hættan sé nær okkur
sjálfum, þar sem botnsköfur
okkar skafi upp ógrynni af
ókynþroska fiski. Nú ætla ég
ekki að deila um það hversu
mörgum milljónum við töpum á
þorskhjónunum hans Magnús-
ar Guðmundssonar, né heldur
hversu mikið af ókynþroska
fiski botnsköfur okkar Vest-
firðinga veiða.
Heldur ætla ég að spyrja þig
fyrrum Vestfirðingur hvort þú
ætlir að gera þig að fífli með
því að halda því fram að þær 11
botnsköfur (skuttogarar), sem
við Vestfirðingar eigum og þar
af stundar einn þeirra línu-
veiðar aðallega, séu að stofna
ókynþroska fiski í hættu á
Vestfjarðamiðum.
Nei, maður minn, það skaltu
vita að fleiri skip en skip Vest-
firðinga sækja á Vestfjarðamið.
Og þætti mér þjóðráð að þú
kynntir þér betur hverjir sækja
á Vestfjarðamið áður en þú
rýkur með slíkt kjaftæði í
blöðin.
Þér þætti kannski rétt að
ekki mættu fleiri en 11 togarar
stunda þar veiðar árið um
kring? Og þá gengju þau
byggðarlög sem þar ættu land
að sjó væntanlega fyrir með
veiðileyfi.
Nei, ef þú ætlar að halda
Raddir
lesenda
áfram að blaðra tóma vitleysu
skaltu áfram að skrifa nafn-
laust. Ég held að við Vest-
firðingar megum teljast
heppnir að vera lausir við þig
frá Vestfjörðum.
G. Hagalín Guðmundsson
Hrauni, Ingjaldssandi
Önundarfirði.
HVE KALT ER KALT?
— það fer meðal annars eftir vindhraða og rakastigi
Roy Rogers
enn á lífiI
Lesandi DB hringdi og hafði
mikinn áhuga á uþplýsingum
um hvorl hin gamla kúreka-
hetja kvikmyndanna. Rov
Rogers. v'æri enn á lífi.
Samkvæmt frásögnum banda-
rísks dagblaðs þá er kappinn
enn á lífi en var reyndar lagður
inn á sjúkrahús fvrir nokkru.
Atti að skera hann upp vegna
hjartveiki. Hefur DB ekki haft
fregnir af hvernig Rov hefur
reitt af á sjúkrahúsi nú. Sam-
kvæmt handbókum ætti aldur-
inn ekki að há honum. en hann
er 66 ára.
Kona sem sagðist vera mjög
áhugasöm um veðrið hringdi og
ræddi um veðurfregnir Veður-
stofunnar. Landinu er skipt í
átta veðurspásvæði sem heita:
Suðvesturland, Faxaflói,
Breiðafjörður, Vestfirðir,
Norðurland, Norðausturland,
Austfirðir og Suðausturland.
Flesta staði landsins er hægt að
staðsetja nokkurn veginn á ein-
hverju þessara spásvæða svo
óyggjandi sé, nema einn, og það
er höfuðborgin.
„Mér finnst ekki liggja alveg
ljóst fyrir hvort Reykjavík til-
heyrir Suðvesturlandi eða
Faxaflóa," sagði konan sem
hringdi. Hún sagði ennfremur:
„Auðvitað veit ég hvar
Reykjavík er á jarðkringlunni
en ekki hvoru spásvæðinu hún
tilheyrir. Hvers vegna má ekki
segja í veðurfréttunum:
Reykjavik og nágrenni?
Það er reyndar gert í spánni
sem lesin er upp í símsvara
Veðurstofunnar. En þar sem
rúmur helmingur landsmanna
býr á þessu svokallaða Stór-
Reykjavikursvæði finnst mér
ekki úr vegi að þeir fái svona
sérstaka spá fyrir sig í almenn-
um veðurfregnum.
Eins finnst mér alltaf dálítið
kúnstugt þegar verið er að tala
um vindinn. Af hverju þarf það
endilega að heita að von sé á
stinningsgoiu eða kalda, hvass-
viðri, stormi eða roki o.s.frv.?
Hver veit hvaða munur er á
hvassviðri, stormi og roki? Al-
þjóðleg veðurfræðiheiti og
mælitákn eru til fyrir vind og
vindhraða sem er vindstig eða
hraði vindsins mældur í hnút-
um. Á flugmannamáli er t.d.
yfirleitt alltaf talað um hnúta!
Hvergi erlendis heyrast eins
ónákvæmar Iýsingar á veður-
hæð og vindstigum og hér á
landi, fyrir nú utan að hita-
stigið úti gefur ekki til kynna
hvað raunverulega er kalt
nema greint sé frá vindhraðan-
um.
Við þekkjum þetta öll. Það
getur verið að skýrt hafi verið
frá því að úti sé tveggja stiga
frost og fólk telur þá að ekki sé
mjög kalt. En svo bætast kann-
ski við 7 eða 8 vindstig og þá
verður kuldinn úti fyrir marg-
falt meiri en þessi +2 stig gefa
hugmynd um! Eins getur
verið að úti sé 16 stiga frpst en
logn eða ekki nema 2-3 vindstig-
Þá er ekki nærri eins kalt og
búast mætti við í svo miklu
frosti.
Það hefur áður verið skrifað
um þessi atriði á lesendasíðu
DB. Var þá rætt við veðurstofu-
stjóra og hann spurður hvers
vegna Veðurstofan tæki ekki
tillit til vindhraðans í sínum
spám. Svaraði hann því til að
engar algildar reglur væru til
um hvernig reikna ætti slikt út
enda værí engin ástæða til slíks
þar sem landsmenn kynnu að
klæða sig!
Nú er veðurfar að vísu
breytilegra á íslandi en í flest-
um öðrum löndum en varla þó
svo að okkar færu veðurfræð-
ingar geti ekki reiknað út þess-
ar margumræddu kuldagráður!
Að endingu vil ég þakka
veðurfræðingunum fyrir ágæt-
is veðurspár á undanförnum ár-
um."
DB ræddi við Guömund Haf-
steinsson veðurfræðing og
spurði hann um álit veður-
fræðinga á spám um svokallaö-
ar kuldagráður.
Taldi Guðmundur að spá um
kuldagráður mundi hafa frem-
ur lítið raunhæft gildi. Ef gera
ætti það með einhverri ná-
kvæmni vrði að spá fvrir urn
hita á hverjum tíma og væri
það m.jög erfitt hér á landi.
Auk þess væri þessi kulda-
gráðustigi fremur grófur og
ónákvæmur og ekki tekið tillit
til ýmissa atriða sem skiptu
máli, svo sem loftraka.
Guðmundur Hafsteinsson
veðurfræðingur vildi vekja
athygli á að sá vindst.vrkleiki
sem gefinn \>æri upp í veður-
fregnum væri ekki stvrkleik-
inn í verstu hrinunum heldur
meðalvindhraði. Væri hann
fundinn út sem meðalhraði á
tíu minútna tímabili.
Þessi tafla um veðurhæð,
vindstig, heiti á veðurfari og
hvernig það lýsir sér er úr
kennslubók í veðurfræði eftir
Markús Á. Einarsson veður-
fræðing.
Tafla um veðurhæð
og vindhraða
Veðurhæð vindstig Heiti Hraói hnútar Áhrif á landi
0 Logn minna en 1 Logn, reyk leggur beint upp.
1 Andvari 1-3 Vindstefnu má sjá á reyk, en flögg hreyfast ekki.
2 Kul 4-6 Vindblær finnst á andliti. Skrjáfar i laufi. Lítil flögg bærast
3 Gola 7-10 Lauf og smágreinar titra. Breiðir úr léttum flöggum.
4 Stinningsgola (Blástur) 11-16 Laust ryk og pappirssneplar taka að fjúka. Litlar trjágreinar bærast.
5 Kaldi 17-21 Litil lauftré taka að sveigjast Freyðandi bárur á stöðuvötnum.
6 Stinnings- kaldi (Strekkingur) 22-27 Stórar greinar svigna Hvin i síma- línum. Erfitt að nota regnhlífar.
7 Allhvass vindur ‘ (Allhvasst) 28-33 Stór tré sveigjast til. Þreytandi að ganga móti vindi.
8 Hvassviðri 34-40 Trjágreinar brotna. Erfitt að ganga á móti vindinum. (Menn ,,baksa” á móti vindi).
9 Stormur 41-47 Lítilsháttar skemmdir á mannvirkj- um (þakhellur fara aó fjúka). Varla hægt að ráða sér á bersvæði
10 Rok 48-55 Fremur sjaldgæft i innsveitum. Tré rifna upp með rótum, talsverðar skemmdir á mannvirkjum.
11 Ofsaveður 56-63 Sjaldgæft í innsveitum, miklar skemmdir á mannvirkjum.
12 Fárviðri 64 og meira.