Dagblaðið - 17.02.1978, Blaðsíða 4

DAGBLAÐIÐ. FÖSTUDAGUR 17. FEBRUAR 1978.
Formaður
Framsóknar-
félags
Reyðarfjarðar:
Einar Baldursson skrifar:
Tilefni þess, að ég sting niður
penna er það fjaðrafok, sem
orðið hefur út af ráðningu
rekstrarstjóra að Vegagerð
rikisins á Reyðarfirði. Nokkrar
greinar hafa verið skrifaðar í
blöð um þetta, og bera þær
allar keim hver af annarri,
enda mjög fámennur hópur,
sem að þessum ólátum stendur.
Þessar greinar hafa ýmist verið
1 slúður- eða kjaftasögustíl og
því tæpast svaraverðar.
En svo kom bomban,
kaupmaðurinn okkar, Gunnar
Hjaltason, geystist fram á rit-
völlinn með ritsmíð í Dag-
blaðinu fimmtud. 9. febr.
siðastliðinn. Að bestu manna
yfirsýn fannst mönnum, að nú
væri mælirinn fullur og við svo
búið mætti eigi sitja,
Þar veður kaupmaðurinn
elginn, eins og hans er vani og
eys úr skálum reiði sinnar yfir
þingmenn Framsóknarfl. 1
Austurlandskjördæmi og fram-
sóknarmenn almennt. Ég átti
nú tæpast von á því að Gunnar
Hjaltason færi að lýsa sálar-
Forieikurinn að vegageröar-
deilunni gamall klofningur
i Framsóknarfélaginu
ástandi sínu fyrir alþjóð. Ég
hélt að G.H. væri fær um að
ræða málin á hærra plani en
ritsmíð hans ber vitni.
Ég ætla ekki að ræða títt
nefnda stöðuveitingu. Ég er
henni sammála, og treysti
ráðherra fullkomlega til að
ráða hæfasta umsækjandann í
starfið. Ég ætla aðeins að
leiðrétta þær rangtúlkanir og
þann misskilning, sem kemur
fram i grein G.H. Tala ég þar
fyrir munn þeirra mörgu
Reyðfirðinga, bæði fram-
sóknarmanna og annarra, sem
hafa hvatt mig til þess að svara
þessum áróðri og skítkasti.
Forleikurinn að þessum ólát-
um er gamall klofningur í
Framsóknarfélaginu, þar sem
tekist var á um menn en ekki
málefni. Síðan sameinast fram-
sóknarmenn aftur í einu félagi.
En þá er þar ákveðinn hópur
manna sem ekki unir sínu hlut-
skipti. Þessi hópur hefur átt
drjúgan þátt í stefnumótum
hreppsmála. Þessi stefna hefur,
svo aftur leitt til stöðnunar.
Hér hefur íbúum ekki fjölgað
svo nokkru nemi í mörg ár.
Héðan hverfa heilu árgangarn-
ir vegna þess að engin ný at-
vinnutækifæri skapast.
Því til staðfestingar vil ég
benda á að þeir árgangar sem
eru að koma inn i skólann núna
eru helmingi færri en þeir, sem
eru að útskrifast. Þessu ástandi
vilja Reyðfirðingar breyta og
munu því í komandi kosningum
óska eftir nýju blóði í hrepps-
nefnd. Þetta gera þeir menn
sér ljóst, sem ganga hvað
harðast fram i því að sundra
fraipsóknarmönnum nú.
En eins og menn hafa eflaust
veitt athygli, þá hefur það verið
rauði þráðurinn í gegnum þess
skrif, að hér væri allt í
uppnámi meðal framsóknar-
manna. Þetta á ekki við nokkur
rök að styðjast. Ég vil í því
sambandi minna á vel sóttan
aðalfund Framsóknarfélagsins
tveim dögum eftir að þessi
stöðuveiting átti sér stað. Þar
var m.a. samþykkt án mótat-
kvæða að félagið byði fram lista
við sveitarstjórnar-
kosningarnar í vor.
Það hefur ekki skeð í 20 ár.
Þessi stöðuveiting er því aðeins
notuð sem átylla að sundra
félaginu aftur, en það er nú
þegar dæmt til að mistakast.
Kaupmaðurinn byrjar á því
að segja að hann tali fyrir
munn flestra Reyðfirðinga. Þar
skjátlast honum algjörlega, því
hann er aðeins talsmaður mjög
fámenns hóps. Reyðfirðingar
almennt hafa megnustu andúð
á þeim vinnubrögðum, sem
þessi hópur hefur beitt, enda
hæfa þau ekki siðmenntuðu
fólki.
Þá veltir kaupmaðurinn því
fyrir sér hvaða reglum ætti að
fara eftir í slikum tilvikum,
sem þessu. Hann kemst að
þeirri niðurstöðu að sá sem
vinnur hjá fyrirtækinu eigi
skilyrðislausan rétt á öllum
þeim stöðum, sm hærra eru I
stiganum, burtséð frá hæfni
viðkomandi eða eðli starfsins.
Hví skyldi umdæmisfræðingur
þá byrja á því að brjóta þessa
reglu, með því að mæla með
þeim sem . svo til enga
verkstjórareynslu hafði? Eru
þetta ekki sterk rök?
G.H. heldur áfram.
„Ætli þér hitnaði ekki í
hamsi, ef kippt væri inn af
götunni einhverjum, sem aldrei
hefði fyrirtækið augum litið.
Þetta skeði hér“
Ekki eru nú öfgarnar litlar.
Þess skal getið til leiðréttingar
að umræddur rekstrarstjóri
vann í fjögur sumur við vega-
gerð hjá V.R. Þá hefur hann
einnig starfað í 15 ár sem
undirverktaki hjá V.R. Ætli
hann hafi aldrei fyirtækið
augum litið?
„Það hvarflar að manni,
segir Gunnar, hvort við búum í
lýðræðisþjóðfélagi eða ei, þegar
svona er að málum staðið."
Ég ætla þá ekki að hafa þessi
orð öllu fleiri. Það var aldrei
ætlunin að fara út í blaðaskrif,
en þar sem ekkert lát virtist
vera á áróðrinum, þótti rétt að
koma vissum upplýsingum á
framfæri.
Einar Baldursson,
formaður Framsóknarfélags
Reyðarfj.
(Bréfið er lítið eitt stytt. DB).
Snjókeðjur
*
Raddir
lesenda
Hringiðísíma
27022 eðaskrilið
Fleiri konur á þing en karlmenn séu
ekki niðri í pottum kvenna sinna
Jóhann Þórólfsson skrifar:
Eins- ,og allir vita liður nú
óðum að kosningum og vil ég
skora á allt kvenfólk í landinu
að gefa sig meira að stjórn-
málum heldur en hingað til hef-
ur átt sér stað. Til þess að það
beri góðan árangur 'tel ég að
kvenfélögin í landinu ættu að
ríða á vaðið og taka höndum
saman og krefjast þess af full-
trúum flokkanna að minnst ein
kona úr hverjum lands-
fjórðungi yrði í öruggu sæti við
næstu kosningar. A ég þá við að
þær bættust við þær konur sem
nú eru á þingi. Þótt ég sé karl-
maður get ég ekki betur séð en
þetta sé sanngirniskrafa þar
sem helmingur þjóðarinnar er
kvenfólk og stendur sig sízt
verr en við karlmennirnir. á
ýmsum sviðum í þjóðfélaginu.
Svo mikið er víst að konur gætu
aldrei sofið fastar gagnvart
þjóðmálum en núverandi ríkis-
stjórn.
Gaman væri að sjá ráðherra
leysa heimilisstörfin eins vel af
hendi og konur og alveg eins
mætti trúa þeim fyrir að leysa
þann vanda sem nú steðjar að
þjóðfélaginu, fengju þær
umboð til þess. Með þetta í
huga skora ég á allar konur f
landinu að taka nú höndum
saman og taka meiri þátt i opin-
berum störfum þjóðfélagsins
heldur en hingað til. Að mínu
viti eru þær konur, sem nú sitja
á þingi, góðir fulltrúar þjóðar
fleiri. Sýnið hvað í ykkur býr.
Látið til skarar skríða í næstu
kosningum og þá sjáum við
-hverju þið fáið áorkað í því sem
hér er minnst á.
Ég vil aðeins bæta því við að
við karlmenn tökum ekki nærri
nógu mikið tillit til kven-
þjóðarinnar, hvorki á einu eða
öðru sviði. Finnst mér því tími
til kominn að þær rumski við
karlmönnunum og þá ekki hvað
sizt á stjórnmálasviðinu. Lág-
markið er 4 konur á þing til
viðbótar þeim sem fyrir eru.
Um leið og ég sendi beztu
kveðju til allra kvenna á
landinu, hvar i flokki sem þær
standa, hvet ég þær til þess að
halda fund um þessi mál nú
þegar. Einnig vil ég benda á að
karlmenn eiga alls ekki að vera
með nefið niðri í pottunum hjá
konum í sambandi við matar-
gerð eins og ég þekki mörg
dæmi um. Við þá sem það gera
eiga konur að segja: takið þá
bara við eldhússtörfunum.
Ég er hræddur um að við
værum lítil peð á taflborði
lífsins ef við hefðum ekki kon-
ur okkur við hlið. Einnig veit
ég mörg dæmi þess að karl-
menn berji konur sfnar. Ég segi
og skrifa að þeir menn, sem það
gera, eiga hreint og beint að
vera undir lás og slá.
Lesendur góðir, ég skal svo
ekki þreyta ykkur á lengri hug-
vekju.
Jóhann Þórólfsson.
Vetrarvörur
Shell!
Sterkt vopn í baráttunni við Vótur konung
Startgas ísvari fyrir blöndunga Sætaáklaeði í flesta bíla
Rakaþerrir / / Ljóskastarar í bíla/ Tjöruhreinsiefni
(seyðir fyrir rúðusprautur
Margar gerðir / // ;
af luktum / / /Lásaolía, hindrar isingu í bílaskrám
' og vasaljósum / /// Silikon á þéttilistana
Gluggahreinsiefn
Frostlogsmælir
Rafgeymar,
flestar gerðír
(sbræðir fyrir bílrúður
nióskoflur, 2 gerðir
Hleöslutæki,
4 og 7 amper
Geymasambönd
Startkaplar
Dráttartóg
Fjölmargar gerðir
af gúmmímottum
(ssköfur, margar gerðir Dekkbroddar, skyndikeðjur, 3 gerðir
Fást á bensinstöðvum Shell
Olíufélagið Skeljungur hf
Shell
Smávörudeild
Sími 81722