Dagblaðið - 26.01.1979, Blaðsíða 1

A
daghlað
5. ÁRG. — FÖSTUDAGUR 26. JANÍIAR 1979 — 22. TBL. RITSTJÓRN SÍÐUMÚLA 12. AUGLÝSINGAR OG AFGREIÐSLA ÞVERHOLTI1 l.-AÐALSÍMI 27022.

Reyndi að nema brott dóttur
sína f rá Danmörku — stöðvaður á Kastrupf lugvelli
t gær gerði íslenzkur maður tilraun
til þess i Danmörku að nema dóttur
sina þaðan og hafa með sér til tslands.
Þessi tilraun mannsins misheppnaðist
og var hann stöðvaður á Kastrupflug-
velli.
Forsaga málsins er deila milli is-
lenzkra hjóna sem áttu eina dóttur.
Voru þau búsett í Danmörku en slitu
siðan samvistum. Flutti þá maðurinn
til íslands en konan bjó áfram úti og
við skilnað fékk hún forræði dóttur-
innar.
t fyrrasumar varð samkomulag
hjónanna um að dóttir þeirra færi
heim til föður sins og var hún í skóla
hér fram að siðustu jólum.
Um jólin kom móðirin til tslands að
sækja dóttur sína. Hófust þá deilur
hjónanna um barnið. Var deilt um
umgengnisrétt við það og í öðru lagi
fór maðurinn fram á að fá forræði
stúikunnar, því henni líkaði betur hér
en úti og hér ætti hún fjölskyldu t.d.
afa og ömmur.
Á vegum Barnaverndarnefndar
Reykjavíkur var reynt að koma á sátt-
um og voru lögfræðingar hjónanna
hvors um sig viðstaddir þann fund.
Þar var ákveðið að konan yrði hér
fram yfir nýár og á meðan yrði reynt
að finna framtiðarlausn varðandi
barnið. Skyndilega og óforvarindis er
konan sögð hafa farið af landi brott
með barnið.
Á vegum Barnaverndarnefndar var
reynt, fyrir milligöngu sendiráðs ís-
lands i Höfn, að fá konuna til að koma
heim og standa við samkomulag lög-
fræðinganna og nefndarinnar um að
reynt yrði að finna framtiðarlausn
málsins. Þeirri beiðni kvaðst konan
ekki anza og hvergi koma. Stóð svo
þar til maðurinn fór utan i þvi skyni
að reyna að ná dóttur sinni. Sú tilraun
misheppnaðist í gær.
-ASt.
Sólin heldur sinu striki og hækkar á himni á degi hverjum um sitt vfsindalega hænufet.
Áreiðanlega er stutt i það að vetrardrunginn fari af fólki, og vorhugur fylli sáUr þess i
staðinn. Þvi miður er æði erfitt að iðka gönguferðir i góðviðrinu þessa dagana. ís-
hrannir fylia gönguslóðir og gera fólki erfitt um vik, gamla fólkið heldur sig jafnvel
innan dyra þar til isa leysir. — Hér er þó fólk að nota sér veðurbUðuna.
DB-mynd R.Th.Sig.
Elkem fékk neitunarvald með viðbótarsamningi:
„UMMÆLIRÁÐHERRA
ERU ÚT í HðTT’
—segir Gunnar Thoroddsen
„Það er auðvitað Ijóst, að rafmagns-
samningurinn er lykilatriði i sambandi
við alla uppbyggingu verksmiðjunnar
og rafmagnsverð,” sagði Hjörleifur
Guttormsson iðnaðarráðherra í viðtali
við Dagblaðið i morgun, en í ljós hefur
komið við athuganir ráðuneytisins, að
með sérstökum viðbótarsamningi við
aðalsamning um byggingu Járnblendi-
verksmiðjunnar á Grundartanga,
hefur Elkem-Spigerverket tryggt sér
jafnan rétt til ákvörðunartöku og jafn-
vel neitunarvald um mál félagsins,
þrátt fyrir það að íslendingar eigi
meirihluta hlutafjárins.
Iðnaðarráðherra fór fram á það við
stjórn verksmiðjunnar að dregið yrði
úr framkvæmdahraða á árinu 1979
sem svaraði tæpum fjórum milljörð-
um króna. í svari stjórnar Járnblendi-
félagsins kemur fram, að hún treystir
sér ekki til að draga úr framkvæmdum
nema sem nemur tæplega helmingi
þeirrar upphæðar. með ýmsum ráð-
stöfunum. Hefði annað greinilega haft
mikil fjárútlát í för með sér og kom í
Ijós við athugun ráðuneytisins á samn-
ingum frá því í des. 1976 að grundvall-
aratriði i aðalsamningi hefur verið
breytt, islenzka rikið misst meirihluta-
aðstöðu sína og Elkem-Spigerverket
fengið neitunarvald á öllum breyting-
um rafmagnssamningsins.”
„Ummæli iðnaðarráðherra, þess
efnis að við höfum misst meirihlutaað-
stöðu okkar, eru algjörlega út i hött,”
sagði Gunnar Thoroddsen, sem gegndi
embætti iðnaðarráðherra er samning-
urinn var gerður. „Aðalatriði þessa
máls er, að frestun á framkvæmdum
nú hefði valdið miklu tjóni og allir
stjórnarmenn, fjórir frá okkur og þrir
frá Norðmönnum, voru sammála um
að ekki væri hægt að verða við til-
mælum ráðherra.”
-HP.
Hæpið að
ríkisstjórn-
in mæli
með út-
svars-
hækkun
„Ein HÆNUFET A DAG...”
Sjöfn andvíg hækkun
þess í 12%
„Ríkísstjórnin mun „varla” beita
sér með frumvarpi um hækkun út-
svarsheimildar i 12 prósent,” sagði
Benedikt Gröndal utanríkisráðherra á
fundi alþýðuflokksmanna í Reykjavík
i gærkvöld.
Eigi sveitarfélög, til dæmis Reykja-
víkurborg, að geta hækkað útsvarið,
þarf til að koma heimild á samþykkt á
Alþingi. Ummæli Benedikts eru talin
þýða, að ekki sé meirihluti í ríkisstjórn
fyrir slikri heimild.
Á fundinum kom einnig fram, að
Sjöfn Sigurbjömsdóttir, annar borgar-
fulltrúi Alþýðuflokksins, er andvíg
hækkun útsvars í 12%. Gert er ráð
fyrir, að sjálfstæðismenn verði á móti
slikri hækkun, og Kristján Benedikts-
son, borgarfulltrúi Framsóknar, hefur
lýst ýmsum efasemdum. Virðist því
ekki vera meirihluti í borgarstjórn
fyrir kröfu um hækkun útsvarsins.
-HH.
Sjöfn I ræðustóli I 'gærkvöldi —
hón er á móti auknum skattbyrö-
um á Reykvikinga.
DB-mynd GTK