Dagblaðið - 26.01.1979, Blaðsíða 7

DAGBLAÐIÐ. FÖSTUDAGUR 26. JANÚAR 1979.
7
Bretland:
Stjómin gefur
sig ekki fyrir
launakröfunum
Dennis Healey fjármálaráðherra Bret-
lands sagði í gærkvöldi að rikisstjórnin
mundi halda fast við þá launamála-
stefnu sina að halda kauphækkunum
innan við 5% á ári. Kom þetta fram í
ræðu í neðri málstofu brezka þingsins og
auk þess taldi ráðherrann að ef þær 15%
launahækkanir sem samið hefði verið
um við ýmsar stéttir yrðu almennar,
mundi verðbólgan fara upp í 13% við
lok þessa árs.
Healey varaði verkalýðsleiðtoga mjög
við að halda kröfum sínum til streitu
heldur skyldu þeir hinkra við og endur-
skoða afstöðu sina.
Stjórnendur alþjóðaflugvallarins við
Manchester tilkynntu í gærkvöldi að
flugvellinum yrði lokað í morgun vegna
verkfalla starfsfólks.
Nærri eitt þúsund starfsmenn við
Vauxhall bifreiðaverksmiðjurnar voru
látnir hætta störfum í gær vegna þess að
varahlutir hafa ekki fengizt afgreiddir.
Ef ekki rætist úr munu fjögur þúsund
verkamenn við verksmiðjurnar verða að
hætta störfum i dag.
Spár um hve margir mundu missa at-
vinnu sína í þessari viku vegna verkfalls
flutningabifreiðastjóra hafa þó engan
veginn rætzt. 1 byrjun fyrri viku var
talið að í það minnsta ein milljón manna
yrði orðin atvinnulaus en ekki er talið að
sá fjöldi sé kominn upp i nema tvö
hundruð þúsund.
Smá vonarneisti um lausn kviknaði í
gærkvöldi, þegar fréttist af leiðtogum
flutningabifreiðastjóranna á viðræðu-
fundum með leiðtogum Sambands flutn-
ingaverkamanna. Ray Buckton, foringi
flutningabílstjóranna, sagðist þó vera
vongóður um jákvæða niðurstöðu.
Starfsfólk sjúkrahúsa hefur hótað að
stöðva nær alla afgreiðslu lyfja og ann-
arra sjúkragagna.
Dennis Healey, sem er nokkurs konar
höfundur launamálastefnu stjórnar
Verkamannaflokksins, sagði i gær að ef
verðbólgan færi upp í 13% mundu i það
minnsta 100.000 opinberir starfsmenn
verða atvinnulausir.
Dennis Healey fjármálaráðherra vill
ekki að leyfðar verði meiri launahækk-
anir en 5%.
ALLTAF í GEIM-
BÚNINGNUM
Jared Reisman sem er sex ára gamall verður alltaf að vera I nokkurs konar geimfara-
búningi vegna þess að hann þolir ekki þá sýkla sem i andrúmsloftinu eru. Sá stutti
virðist þó hinn ánægðasti þar sem hann skýtur með vatnsbyssunni sinni á fréttamenn,
sem ræddu við hann og möður hans nýlega vestur I Bandarikjunum.
Spreng-
ingá
markaö-
inum
Þeir dunda við að sprengja hverir
aðra I loft upp, ísraelsmenn og
skæruliðar Palestinuaraba. Að
venju lenda afleiðingarnar alltaf á
saklausum borgurum, en það mun
vera venjan I striði. Reyndar munu
nú vera nokkru meiri horfur um
samkomulag ísraels og Egypta en
hefur verið um nokkra hrið. Ekki
er þö enn Ijóst hvort skæruliðar
Palestinuaraba samþykkja þá
kosti sem þar verður samið um.
Myndin er frá markaðstorgi i
Jerúsalem rétt eftir að sprengja
sprakk þar, öllum að óvörum.
Aligefur
mynd
fríðaríns
Muhammad Ali, heimsmeistari í
hnefaleikum, mun afhenda Kurt Wald-
heim, aðalritara Sameinuðu þjóðanna,
myndverk sem hann málaði. Fer athöfn-
in fram á mánudaginn kemur að þvi er
tilkynnt var í aðalstöðvum samtakanna í
New Yorkígær.
Verkið á að sýna byggingu Samein-
uðu þjóðanna og heiminn þar sem allar
þjóðir heims eiga að sjást á einhvern
táknrænan hátt. I bréfi til aðalritarans
sagði Ali að myndin væri gjöf friðarins
á þessu ári barnsins en Sameinuðu þjóð-
irnar eru upphafsaðili þess máls.
m-------------►
Muhammad Ali er hress að vanda og
hvergi banginn þó hann hafi snúið sér
að málaralistinni.
Ubýa á móti
flugræningium
Innanríkisráðherra Líbýu sagði í gær í
viðtali við vestur-þýzka tímaritið Bild
Zeitung að ríkisstjórn landsins fordæmdi
flugræningja og mundi hér eftir fram-
selja þá samstundis sem og aðra hryðju-
verkamenn. Ráðherrann er staddur í
Vestur-Þýzkalandi þar sem hann er að
kynna sér hvernig lögregla þar í landi
berst á móti glæpum og glæpamönnum.
Sagði hann í viðtalinu að hryðjuverka-
menn væru stórhættulegir og brytu gegn
öllum mannréttindum.
Líbýa hefur hingað til verið álitið eitt
helzta stuðningsríki flugræningja og
borgarskæruliða, þar sem þeir gætu
fengið öruggt hæli ef i nauöirnar ræki.
Innanrikisráðherrann sagði einnig að
Líbýustjórn væri reiðubúin til að selja
Vestur-Þjóðverjum meiri olíu ef svo færi
að skortur yrði á henni vegna stöðvunar
frá tran. Hingað til hefur 40% þeirrar
oliu sem notuö er t Vestur-Þýzkalandi
komið frá Libýu. Hefur Iran verið eina
landið sem flutt hefur þangað meiri olíu.
Erlendar
fréttir