Ársrit Ræktunarfélags Norðurlands - 01.01.1972, Síða 101

unarinnar til þess að veturgömul kind var felld seinni hluta
vetrar, sem reyndist bera öll skortseinkenni selens. Heil-
brigði ánna á nefndum bæjum þetta árið reyndist þó með
bezta móti. Hins vegar varð þessa kvilla vart á öðrum stöð-
um í verulegum mæli svo sem í Öxnadal og Mývatnssveit.
Ýmsar aðrar athuganir voru gerðar hjá nokkrum öðrum
bændum vegna ýmissa kvilla í búfé þeirra. Má hér nefna að
kýr hafa læknast með inngjöf af selenupplausn og líkur eru
á að kvilli þessi, bæði í sauðfé og nautgripum, sé í uppgangi.
Þá má nefna að zink og/eða kóboltskortur var orsök, eða
meðorsök í einu kvillatilfelli í mjólkurkúm. Ýmsar fleiri at-
huganir voru gerðar án þess að ástæða þyki til þess að skýra
frá hverri einstakri þeirra hér.
FUNDASTÖRF OG FERÐALÖG
Flutt voru tvö erindi á Ráðunautaráðstefnu á vegum Bún-
aðarfélags íslands í Bændahöllinni í Reykjavík í marz 1972.
Báru þau heitin: „Um, prótein og steinefni í íslenzku hey-
fóðri með tilliti til þarfa mjólkurkúa“ og „Hugsanleg kalí-
þörf mjólkurkúa og kalímagn í fóðri þeirra á fslandi“. Þá
mætti ég á tveim fundum búnaðarfélaga í Eyjafirði í maí.
Á Hólum í Hjaltadal mætti ég á fundi s. 1. sumar með ráðu-
nautum og öðrum búvísindamönnum á Norðurlandi til að
ræða framkvæmd sýnatöku o. fl.
Ferðalög á vegum stofnunarinnar voru með mesta móti
síðast liðið sumar við sýnatökur og gagnasöfnun vegna SAB-
rannsóknar.
HEYEFNAGREININGAR
Fjöldi heysýna, sem efnagreindur er árlega, miðast framveg-
is við þau sýni, sem efnagreind eru frá hausti til hausts. Ekki
er unnt að hafa aðra tímasetningu en þá, sem ákvarðast af
þeimi tíma, sem fyrstu sýni undanfarandi sumars eru efna-
greind hverju sinni. Sá tími mun þó oftast vera 1. sept.
103