Ársrit Ræktunarfélags Norðurlands - 01.01.1972, Qupperneq 118

mikið áunnist á síðustu hálfri öld, þekking okkar á ýmsum
vandamálum landbúnaðarins hefur aukist, en mér er þó
til efs, hvort óleystumj spurningum hafi fækkað og hið hroll-
vekjandi samkeppnisþjóðfélag, sem við hærumst í á þess-
um dögum, útheimtir meir en fyrr að bændur jafnt sem
aðrir fylgist með og hagnýti sér nýja tækni og þekkingu.
Eitt af boðorðunum fyrir hagrænum atvinnurekstri er
fullnýting þeirra framleiðslutækja, sem notuð eru. í bú-
skapnum eru þetta m. a. landið og búféð. Túnin þurfa að
gefa sem mesta og öruggasta uppskeru og hver kýr og hver
kind verður að skila hámarksafurðum. Til þess að ná þessu
marki verður bóndinn að hafa víðtæka þekkingu á því, með
hvað hann er í höndunum. Eitt af því sem hér er ómetan-
legt til aðstoðar, er efnagreiningarþjónusta, athugun á efna-
magni jarðvegs og fóðurs. í þeim tilgangi að vinna að þess-
um málum stofnsettu norðlenzkir bændur Rannsóknarstofu
Norðurlands og að þessum störfum hefur stofan reynt að
vinna. Elér hefur þá verið rakinn grundvöllurinn fyrir
starfi Rannsóknarstofunnar. Rökin fyrir tilveru hennar.
Eins og fyrr er nefnt hefur Rannsóknarstofan fengið mjög
bætta aðstöðu með hinu nýja húsnæði á Gleráreyrum. Enn
er þetta húsnæði þó ekki fullnýtt. Það sem nú er á döfinni
hjá okkur, er að koma upp meltanleikamælingu á heyi.
Hefur þetta verið í bígerð nú í haust og tæki á leiðinni frá
Engiandi og vonandi kemst þessi ákvörðun í gagnið í vetur.
Með þessu eru sköpuð ný viðhorf í fóðrun búfjár, og ekki
er efamál að bæta má fóðrun verulega ef bændur vita tíman-
lega á vetri hvers konar fóður þeir eru með.
Eins og getið hefur verið um á aðalfundum hér áður og
greint hefur verið frá í Ársritinu, erum við hjá R. N. með í
gangi sérrannsókn (SAB-rannsókn) á steinefnamagni í jarð-
vegi og fóðri á nokkrum bæjum hér á Norðurlandi. Fram
að þessu hefur þetta aðallega verið gagnasöfnun og er að
vísu ákveðið að halda henni áfram næsta ár a. m. k., en nú
er að verða brýnt að vinna úr þessum gögnum og er það ætl-
un okkar að sinna því nokkuð á komandi vetri.
Þá eru ýmsar aðrar sérrannsóknir á óskalista, sem þó eru
120