Ársrit Ræktunarfélags Norðurlands - 01.01.1986, Page 6

svæðis á Norðurlandi þar sem uppbygging í loðdýrarækt er
komin lengra áleiðis en á öðrum stöðum í landshlutanum.
í IV. flokki eru 117 jarðir og eru ílestar jarðir í þessum
flokki þegar komnar í eyði. Þá er einnig oft erfitt að meta
hvort áfram verði búseta á jörðinni þegar búrekstur er lagður
afog bæri hún þá að teljast til fjórða flokks.
2. TAFLA. Undirflokkar jarða í fyrsta aðalflokki.
Sýsla i Undirflokkur II III IV Samtals
V-Húnavatnssýsla 73 14 10 16 113
A-Húnavatnssýsla 73 19 15 16 123
Skagafjarðarsýsla 128 29 18 15 190
Eyjafjarðarsýsla 136 41 27 21 225
S-Þingeyjarsýsla 122 34 21 33 210
N-Þingeyjarsýsla 50 7 4 9 70
Samtals 582 144 95 110 931
Tafla 2. sýnir á hvern hátt jarðir í I. flokki skiptast í undir-
flokkana fjóra.
Rúm 60% þeirra jarða teljast í I. undirflokki. Þetta sýnir
að á Norðurlandi er mikill fjöldi bújarða með góða og trausta
uppbyggingu þar sem öll skilyrði eru fyrir blómlegan búskap
í hefðbundnum búrekstri á komandi árum.
Ekki verður greindur stórfelldur munur milli héraða í
skiptingu jarða í undirflokka. Hlutfall jarða í II. undirflokki
er öllu hærra í Eyjafirði og Suður- Pingeyjarsýslu en á öðrum
svæðum. Astæður þess er eldri uppbygging á þessum svæð-
um en annars staðar á Norðurlandi. Á allmörgum grónum
býlum í þessum héruðum eru útihúsabyggingar komnar það
til ára sinna að þær krefjast verulegrar endurnýjunar á allra
næstu árum.
Jarðir í IV. undirflokki eru hlutfallslega nokkru fleiri í
Húnavatnssýslum og Þingeyjarsýslum en á miðsvæði Norð-
urlands.