Ársrit Ræktunarfélags Norðurlands - 01.01.1986, Qupperneq 7

FRAMLEIÐSLA í HEFÐBUNDUM GREINUM
Eins og áður er að vikið var einn megin tilgangur könnunar-
innar að draga upp mynd af þróun framleiðslu mjólkur og
dilkakjöts. Hér verður aðeins vikið að örfáum meginþáttum
sem lesa má úr niðurstöðum könnunarinnar.
Af mjólkurframleiðslu á Norðurlandi voru 94% framleiðsl-
unnar verðlagsárið 1984/85 á búum sem er í I. flokki í
könnuninni. Heildarmjólkurframleiðsla var þá rúmar 45
milljónir lítra á Norðurlandi og má ætla að það magn sem
fellur í hlut Norðlendinga á næstu árum verði nokkru minna
en þetta. Gert er ráð fyrir að á allra næstu árum falli niður
mjókurframleiðsla á búum sem lögðu til 5% heildarfram-
leiðslunnar þetta umrædda verðlagsár. Verulegur hluti þessa
framleiðsluréttar hefur raunar þegar verið seldur eða leigður
Framleiðnisjóði. Þessi samdráttur dreifist nokkuð jafnt á allt
svæðið.
Óskir bænda um mjólkurframleiðslu eru verulega meiri
en nokkrar líkur eru á að mögulegt reynist að koma til móts
við á næstu árum. Þannig er það framleiðslumagn sem óskað
er eftir 50,7 milljón lítrar. Þetta er um 20% meira mjólkur-
magn en núverandi framleiðsluréttur leyfir. Óskir um aukna
framleiðslu er öllu meiri á Norðurlandi eystra en á vestur-
hlutanum.
Könnunin sýnir að á jörðum sem eru í I. og II. undirflokki
fyrsta flokksins er fyrir hendi góð framleiðsluaðstaða fyrir
allmiklu meira magn mjólkur en líklegt er að markaðs-
aðstæður leyfi að framleitt verði í landshlutum á allra næstu
árum.
Framleiðsla á dilkakjöti á jörðum sem voru með í könnun-
inni reyndust 3651 tonn haustið 1985. Af þessari framleiðslu
eru um 80% á búum sem teljast í I. flokki.
Óskir um aukna framleiðslu eru öllu minni á dilkakjöti
en mjólk. Væntanleg dilkakjötsframleiðsla er metin um 3900
tonn. Aukning er nokkuð breytileg eftir svæðum, mest í
Skagafirði og Norður-Þingeyjarsýslu, en í Eyjafirði er um
minnkandi framleiðslu að ræða. Könnunnin gerir samt ráð
9