Ársrit Ræktunarfélags Norðurlands - 01.01.1986, Qupperneq 8

fyrir því að framleiðsla falli niður á næstu árum á rúmlega
200 býlum sem höfðu slíka framleiðslu haustið 1985. Aftur
á móti er meðalframleiðsla á þessum búum til jafnaðar að-
eins 1,7 tonn af dilkakjöti. Þess ber að geta að nokkur hluti
þessarar framleiðslu er á jörðum þar sem dilkakjötsfram-
leiðsla er lítill hliðarþáttur í blómlegum búrekstri, en við-
komandi bændur ráðgera að hverfa að einhliða mjólkurfram-
leiðslu á næstu árum. Óskir um framleiðsluaukningu hjá
þeim hluta bænda sem ráðgera að stunda þessa framleiðslu
til frambúðar er því um 20%. Ólíklegt virðist að nokkur
möguleiki verði til að mæta þeim óskum eins og nú horfir
í framleiðslumálum.
Tölur um dilkakjötsframleiðslu sýna glöggt að þessi fram-
leiðslugrein er mjög tvískipt. Meginhluti hennar er í höndum
framleiðenda sem hafa alla lífsafkomu sína af þessari fram-
leiðslu. Allstór hluti framleiðslu er einnig í höndum einstakl-
inga þar sem þessi þáttur er meiri eða minni hliðarþáttur
með annarri framleiðslu.
Lítið er til af aðgengilegum upplýsingum um nautakjöts-
framleiðslu á einstökum jörðum. í könnunni var aflað upp-
lýsinga um ráðagerðir bænda um nautakjötsframleiðslu. Þær
sýna áætlanir um nær 700 tonna framleiðslu. Það er verulega
meira af kjöti en komið hefur til sölumeðferðar í þessum
kjötflokki á svæðinu á síðustu árum. Á Norðurlandi er mjög
lítið um sérhæfða nautakjötsframleiðslu, stöku býli er þó
hægt að finna í Suður-Þingeyjarsýslu. í þessari framleiðslu
er því lítið um byggingar sem reistar hafa verið vegna þessar-
ar framleiðslu. Aætlanir bænda í þessari framleiðslugrein má
því ætla að geti verið miklum breytingum undirorpnar eftir
því á hvern hátt markaðskröfur í þessari grein þróast.
BÚSTÆRÐ
Verðlagsárið 1984/85 voru 629 jarðir með mjólkurfram-
leiðslu á Norðurlandi og var meðalframleiðsla 72 þúsund
10