Ársrit Ræktunarfélags Norðurlands - 01.01.1986, Side 19

álit flestra sem til þekkja að í norðlenskum hrossum sé betri
efniviður en víðast til reiðhestaræktunar. Þetta verður að
nýta rétt á næstu árum.
A Norðurlandi eru fremur fáir bændur sem byggja afkomu
sína á svínakjötsframleiðslu. Nokkur bú eru í Vestur-Húna-
vatnssýslu og í nágrenni Akureyrar, en önnur mjög dreiíð.
Flest bendir til að þetta sé vaxandi búgrein og því skiptir
það verulegu máli hvernig uppbygging í þessari grein þróast
á næstu árum.
Um alifuglarækt gildir að ýmsu leyti hið sama og um
svínaræktina. Sú framleiðsla sem er á Norðurlandi á eggjum
og kjúklingum er að langmestu leyti í örfáum stórum eining-
um. Þar eins og í svínaræktinni ber að vinna að því að sú
aukning sem á næstu árum verður í þessari grein verði í
rekstrareiningum afhæfilegri stærð.
Garðmkt og gróðurhúsamkt er víða á Norðurlandi. Kartöflu-
rækt er stór þáttur í búrekstri bænda í sveitum við innanverð-
an Eyjafjörð, en á öðrum stöðum á Norðurlandi er hún ckki
stunduð sem framleiðslugrein á samfelldum svæðum. Önnur
garðyrkja er víða á svæðinu, en engin samfelld framleiðslu-
svæði. A síðustu árum virðist góðu heilli hafa orðið nokkur
efling á heimilisgarðrækt á svæðinu, m.a. fyrir áhrif frá starfi
heimaöflunarnefndar Ræktunarfélagsins. Gróðurhúsafram-
leiðsla er dreifð um nokkra staði á Norðurlandi þar sem jarð-
hita er að finna. Þar eru aftur á móti engin stór framleiðslu-
svæði eins og í öðrum landshlutum. Vafalítið eru nokkrir
vaxtarmöguleikar í þessum greinum enn fyrir hendi, þó að
þessi framleiðsla á Norðurlandi gjaldi þess að vera í nokkurri
fjarlægð frá meginmarkaðnum.
Margs konar hlunnindi hafa ætíð verið snar þáttur í af-
komu fólks í hinum dreifðu byggðum. Þar er Norðurland
síst eftirbátur annarra landshluta. Núna eru tekjur af leigu
veiðiréttar í hinum mörgu laxveiðiám tvímælalaust lang-
stærstu hlunnindin á þessu svæði. Þessi hlunnindi eru eink-
um mikilvægur þáttur í mörgum sveitum í Húnavatns- og
Þingeyjarsýslum.
Veiði í vötnum eru hlunnindi sem á síðustu áratugum hefur
21