Ársrit Ræktunarfélags Norðurlands - 01.01.1986, Qupperneq 20

víða lítið verið sinnt. Á síðasta ári varð nokkur hreyfing til
að endurvekja þessi gæði og virðist sem þar séu víða til
möguleikar. Á Norðurlandi er langsamlega stærsta málið í
þessu samhengi að veiði í Mývatni verði aftur það sem hún
var á fyrrihluta þessarar aldar. Pá ætti veiði að geta verið
tekjugrunnur fyrir 15-20 ársverk.
Reki er víða á Norðurlandi. í Norður-Þingeyjarsýslu mun
þýðing hans fyrir afkomu og búsetu samt vera mest. Svo
virðist sem tekjur af þessum hlunnindum hafi fremur dregist
saman á síðustu árum. Með breyttum markaði er full þörf
á að leitað sé nýrra leiða við nýtingu þessara hlunninda,
en slíka möguleika ætti að mega finna sé skipulega að því
unnið.
Æðarvarp er víða dreift um Norðurland. Par er að finna
nokkur af frægustu varplöndum á íslandi (Sauðanes, Laxa-
mýri). Margt bendir til að víða séu möguleikar til að auka
þessi hlunnindi frá því sem nú er og koma upp nýjum varp-
löndum.
Á síðustu áratugum hefur útrœði víðast lagst af. Grásleppu-
veiði er þó drjúg tekjulind á nokkrum jörðum. Vafalítið má
víða sækja aukinn auð í hafið á næstu árum a.m.k. ef sjór
fer hlýnandi fyrir Norðurlandi og fiskgengd vaxandi. Um
hlunnindi af selveiðum er ástæðulaust að fjölyrða meðan
markaður er að mestu lokaður fyrir þær afurðir.
Þær nýbúgreinar sem augu beinast mest að eru loðdýra-
rækt, fiskeldi og ferðamannaþjónusta.
Uppbygging í loðdýrarœkt er þegar veruleg á Norðurlandi.
Samkvæmt nýútkominni skýrslu Byggðastofnunar um loð-
dýrarækt voru 84 loðdýrabú rekin á Norðurlandi árið 1986.
Þar hafa þegar verið byggðar nokkrar fóðurstöðvar og sumar
þeirra eru háðar því að áfram verði tiltölulega ör uppbygging
í þessari grein. Að sjálfsögðu er mjög örðugt að dæma um
framtíðarþróun þessarar greinar. Fjölmargir ytri þættir stýra
þróun hennar en einnig það á hvern hátt staðið er að upp-
byggingu í greininni. Ljóst er að samkeppnismöguleikar ís-
lendinga í þessari grein eiga fyrst og fremst að vera fólgnir
í ódýrara og janfvel betra fóðri en í samkeppnislöndunum.
22